💥💥پست ویژه شب یلدا(چلسرو) ترانه ها و فالهای چلسرو برای شب چله: ۱- خدات و بين د دو گل ژوهار اول اسب و زين دوم ژن و مال ۲- خدا خدام بی وارون باووارو سوزه کور و کول آوو ز روبارو ۳- خدا بسينی حقم ز دايه خوم رنجم کيشاکی نيست و سايه ۴- خدا برسان روزی قليانم تماکو فروش بکه مهمانم ۵- وسا چترکت ساته بکم خاوو شا جنم جام بو نويی نوای آوو ۶- تلی ژ زلفت پاونی پامه گری نوينمت آخر دنيامه ۷- کراسکت چيته گلی دش وازه بمارکت بو ئی دوس تازه ۸- بری تيله دت دان و نوم شومم مر علی رحم کی و بنه تومم ۹- دمه کت بار بن و نوم دمم بلکم ساکت بو دل پر غمم ۱۰- ز بلننی کوور وژم کردمه گل ارا تو دت گلونی اه مل ۱۱- هر مای هر مچی بو تا کلت کم و باووان مچی دس وه ملت کم ۱۲- بومه کونيلک و سر شانت تک تک بچکيام و نرمی رانت ۱۳- گنم گرمسير هر تلی جاييی بوشه دوسکم شو نوسی بايی ۱۴- سوزه سيلم که لويی بکه زرد حکيمم تو بين کی من داشتم درد ۱۵- سوزه ،سوزم بی، سوزه هزاره سوزه يکی بی داته مغاره ۱۶- کور گن بايی بوينه هماری و لا دوس مچم و سر سواری ۱۷- خوشا و کوری منيشيا ولات دسته مه ماليا خاليل پنجه پات ۱۸- هر صو و سحر بانگ خروسان شوره تلميت بار تازه عروسان ۱۹- دمه کت قوطی ،آوو حووری مونه دسه کت بالشت زير سری مونه ۲۰- دم قن دنو قن ،لوشکر نيم افرين ز دوس صد آفرينم ۲۱- زير سريت نی بو زير پاييت له بو ز مال ز دنيا هر ژنت خاص بو ۲۲- و در ماله کت ساتی بنيشم هرکس بپرسی بوشم دوريشم ۲۳- ايواره گونی گاو و گاوبنونی ار تو دلت بو کسی چه زونی ۲۴- هر مای هر مچی له براوورم آخر دووارون مارينه سرم ۲۵- صد دوس بگرم هر تو يارمی هر تو دوسه کی نوو شکارمی ۲۶- دسمال دسکت بيلا دوتا بو يکيش اوريشم يکی کتان بو ۲۷- دوس اول خاص اسکه ميل سردم ژم دلگير بوينه و حرف مردم ۲۸- و کاردم نکوش زخمم دياره مردمه مو شن يه گنه کاره ۲۹- امروز چن روزه دوير ز يارانم چوين زمين شور تشنه وارانم ۳۰- ار دوس بزانه مه حالم چوينه نه زلفه ميلی نه خال و سينه ۳۱- نزانم دتی يا دسگيرونی قرپ قرپ کوشه کت مالم رمونی ۳۲- يه چه جنسی بی تو کردت له ور هواکت برزه نميکم و سر ۳۳- خوشا و کری گرمسير جاسی منزل ار منزل دم کل همساسی ۳۴- يه شو ديمه خواوو ،خواوو دورونيه دسم وه مل دوسکم بيه ۳۵- مرمن چه واتم تو چه شنفتی و حرف ناکس تو له من کفتی ۳۶- يه شو تا و صو شم سوزانم بی طول شايم را دوس مهمانم بی ۳۷- بيلا هر شو بوله روز بيزارم ترسم ناکسی شو بيه و کارم ۳۸- و يادته مای کارد بری دسم دسمال آووردت بستی له دسم ۳۹- دسکم بگر بور و مالکت بکم و مهمان تنيا خالکت ۴۰- اگر مبلکت فراموشم بو سفيدی کفن بالا پوشم بو ۴۱- خدا خدام بی ز مال بوينه در چارشو عروسی بکيشی و سر ۴۲- ا بالا برزه ز دوير دياره يا دار حنا يا ميخک باره ۴۳- ميخک بارمه و کس نميمه اری يارمه اری يارمه #چلسرو #یلدا #چله https://eitaa.com/dadkhahan_selsele