ذاکر اهل بیت ع کربلایی پرهیزکار🌺در فراق امام زمان ع 🍀🍀 در دشت و صحرا میروم پای بِرِهنِه میروم این نغمه را سر میدهم یا بن الحسن یابن الحسن 🌿🌿🌿 آقا به جان مادرت آن مادر غم پرورت مارا مرانی از درت یابن الحسن یابن الحسن 🌿🌿🌿 هجرون بیزی نالان ایدوب بیر عمردور گریان ایدوب آواره میدان ایدوب یابن الحسن یابن الحسن 🌿🌿🌿🌿 ای درد لرون درمانی گل بیزدن قوتار هجرانی گل گل گوزلرون قربانی گل یابن الحسن یابن الحسن 🌿🌿🌿 دشت و دمنده سسلروخ باغ و چمنده سسلروخ جمعه گلنده سسلروخ یابن الحسن یابن الحسن 🌿🌿🌿 اللهم عجل لولیک الفرج

بسم الله الرحمن الرحیم (تشریفات) بسدور‌گوزلیم‌دوش‌یره‌تشریفات‌آتیندان دنیا داغیلور بو بشرین تشریفاتیندان آی قربانعلی قنبرعلی آی حاجی فاطی واردور خبرون کی الییوبسن هله قاتی اگلش یره چوخ سیر المه آلتی جهاتی اسرافه دوشرسن قیریلار اوندا بو چاتی آزدیرما یولون بش نفرین تبلیغاتیندان دنیا داغیلور بو بشرین تشریفاتیندان تریشفات اولاندا جوانین سخت اولی کاری ایولنمگه دای ایتملیدی لحظه شماری وقت گشمه ده دی دای پوزولور باغ وبهاری سنی چوخلاندا آدامین باشی آغاری شرمنده اولار اوندا آدام خانلا خاتیندان دنیا داغیلور بو بشرین تشریفاتیندان اوغلان کی تاپیبدور دای حیات یولداشین ایستیر ازبس بگنوب اندامینی گوز قاشین ایستیر قیز بیریول اونون هرزادین حتی باشین ایستیر باشلیخ قیزیلی دامداشین‌هم‌ده ماشین ایستیر هردم ده سوال ایلور حقوق عایداتیندان دنیا داغیلوربو بشرین تشریفاتیندان ایندی بولوسن هیش قیزیلین قیمتی هاردا اوغلان ایوی ده قیزایوی ده قالدیلا داردا گورمورسن الی بوش دولانولارنه بازاردا؟ قالدی گوزی چوخ لای دووارین لاله عذاردا قورخولار آخی ازدواجین مشکلاتیندان دنیا داغیلور بو بشرین تشریفاتیندان ششمک لریمیز دوز دگوری چوخلی یالاندیر آرامش وآسایشی ده الدن آلان دیر قارداش بو جهاز امری بویوک بورجا سالان دیر مستاجره ویر سویله قیزیم مبل دولاندیر باش آینیماسین مبل لارین تعمیراتیندان دنیا داغیلور بو بشرین تشریفاتیندان قیزلار دیه جک وار بابا نه عیبی وریللر آرواد لار اونا باخمالی نه غیبی وریللر اطمینانینان یوخسا نه کی ریبی وریللر سیسمونی ده هرزاد هله مای بی بی وریللر یاش چخمیا تا کورپه لرین تشکیلاتیندان دنیا داغیلور بو بشرین تشریفاتیندان دنیانی ویا ترک السه بیر نفر انسان دفنین گونی آخشام دوتولور شام غریبان وابسته لرین جمعی هله زار وپریشان مجبوردی ویره مین نفر انسانه ده احسان دای تاپمور اوزون بو عملین تاثیراتیندان دنیا داغیلور بو بشرین تشریفاتیندان بیردن آچیلیلان بو دوزه قارداش توان ایستیر یاغ ات دوگی نوشابه نمکله سوغان ایستیر آج سوز یتیرن مهمانا یاغلی یاوان ایستیر کف بیرداهله نم نقدر عشر خوان ایستیر یوخدور خبری هیش اولارین امکاناتیندان دنیا داغیلور بو بشرین تشریفاتیندان واللهی اولوبدور لاب اویون تعزیه لرده اسلام بگنن رسم قویون تعزیه لرده کیم ویرمیش اجازه کی دویون تعزیه لرده اول ده کسردیله قویون تعزیه لرده ایندی گوروسوز ایش نه چخیب تنظیماتیندان دنیا داغیلور بو بشرین تشریفاتیندان انسان یری وای آغلیا بو ایش لره های های میلیاردا یاخین بورجا سالیر بو ننه لای لای دنیانی وریر بیر بیره واللهی بو بیر پای هم اوه اوهی لر اولدی مصیبت همی نای نای دور اولما لیوخ رسم لرین اشکالاتیندان دنیا داغیلور بو بشرین تشریفاتیندان آی (غالبی)سنده آتیسان هاردا نه داش وار بوشلا سنه نه گوزلرینون اوسته نه قاش وار اون میلیونا جن یا کی بوطویلاردا شاباش وار مهمانی ده بش نوع غذا اوش جوره آش وار دونمز بیری بو سوزلریلن اوز صفاتیندان دنیا داغیلور بو بشرین تشریفاتیندان سن تشریفاتین قبرینی ایللردی یازیرسان ذهنون دورودی هرزابیر شعر یازیرسان غائب دگوسن شعر کلاسینده حاضیرسان بورتبه ده کل ادبالردن آخیرسان قات سوزلرووه سن ظرفات آب نباتیندان دنیا داغیلور بو بشرین تشریفاتیندان

▪️زبانحال حضرت زینب(س) در فراق مادرش حضرت زهرا(س) 🎼سبک : یخیلدی سقا یره... زینبون قربان سنه باغریم اولدی قان ننه صبحه کیمی سسلرم جان یارالی جان ننه گون باتار آی چیخار دیزلریم قوجاخلارام شمع تک اود دوتوب یانه یانه آغلارام گورسم سینوب ساقه دن گُل چمنده آغلارام سینمیش گُلون حالینه یِل اَسنده آغلارام مسماریده قانووی هر گورنده آغلارام ساللام سنی یادیمه جان وئرنده آغلارام اولمادی قارداشون دردیوه شریک اولا قیزلارون نیمه شب سالدیلار سنی یولا زینب دئمه تک قالوب ماتموندی یولداشیم قویماز سولا گُل لرون چشمه چشمه گوز یاشیم گَل هارداسان آی ننه شانه سیز قالوب باشیم گرچه چکر نازیمی نازدانه قارداشیم بسترون بوش قالوب آی جوان ئولن ننه کوینگین سائله طوی گونی وئرن ننه وئردی بابام غسلووی باخدی باخدی آغلادی سیلی یرین گورجگین گوزلرینی باغلادی غیرتیندن تیترَدی عالمینی داغلادی سسلندی آی یاسمن! کیم سنی ایاخلادی قلبیمی یاندیران قبرووه گوزوم فدا کاسه سی داشلانان صبرووه ئوزوم فدا

حضرت زهرا «س» بعد از شهادت گوش دل علینی نوازش ائدوب صدا گویا مزار فاطمه دن گَلدی بو ندا خوش گَلمیسن مزار پریشانه یا علی گَلمه بو قدری ناله و افغانه یا علی گوز شبنمون عذاریوه گَل جاری ایلمه صبر ائت گیلَن بو محنت هجرانه یاعلی آخر نَدَن دوتولموسان ای میر مقتدا باغرین دولوب نَدن بیله آلقانه یاعلی یاددان چیخاد منیله بوتون خاطراتیوی قان آغلاما بو زاره هیچ عنوانه یاعلی اصلا بیله خیال ایله دلبند مصطفی هیچ گلمیوبدی عالم امکانه یاعلی ترک ائت منی بالالاریمی درک ایله بو دم باشسیز قالوب بالالاریمز یا نه  یاعلی قورخوم بودور که زینب آلا ساچلارین اَله لرزه سالا بو عالم امکانه یا علی گُلثوم گورسه زینبی زار و نزار اگر غمدن ئولر او دختر فرزانه یاعلی ای کاش حسینه آچمیا سیلی سوزون حَسن قلبی ملاله اولمیا کاشانه یاعلی فاش اولسا گر او محنت عظما حسینیمه باغری دونَر او غصه دن آلقانه یاعلی دنیا بویی مصائبه صبر ایلیه گرک دشت بلاده قلبی یانا یانه یاعلی زینب هرایه سسلسه دشت بلاده گر یول سال او دمده قانلی بیابانه یاعلی گئدسَن هرایه، اَلده اقلاََ کفن آپار توپراقلار اوسته پیکر عریانه یاعلی منده گرکدی حاضر اولام قتلگاهیده قان آغلیام حسینیمه جانانه یاعلی آغلار گوزیله نظمه چکوب غم سوزون عتیق صبری گیدوب بو چامه ده تالانه یاعلی کرب و بلا هواسی دوشوب باشینه گینه لطف ائت برات او قمری نالانه یا علی

#حضرت_زهرا_س یومدی آغلار گوزلرین دنیایه تا خیرالنساء دفنینه فوراً، تدارک قیلدی شاه ماسوا چون وصیّت اِیلمیشدی ئولسه گیزلین دفن اولا لیلهء ظلمتده تاپشیردی مزاره مرتضی وار خبر خاک بقییعده شاه مظلومان علی بیر نچه قبرین گیجیله طرحین اِیتمیشدی بنا آز زمان ایچره بو فعلی بولمه آسان حیدره قویدی جاندان مایه بو تشییعده شیر خدا یِتدی اتمامه گیجیله تا بو فعل جانگداز مرتضی گَلدی یانان درگاهینه چَکدی قرا جمع ایدوب اِیوده بالالارین او سرور باشینه بیر سینخ نی تک تمامی ایتدیلر آه و نوا گاه حَسن سَسلوردی ای گوشواره سی قانه باتان گاه حسین سَسلوردی ایتگین قبریوه جانیم فدا سس ویروردی مرتضی پی دَر یانخلی سَسلَره گورسنیردی مجلس ماتمده بیر آیری صفا ناگهان یوز دوتدی مولا زینب نالانینه بیر اشاریله آلوبدور مطلبی مام بلا... نوحه خوان اولدی او بزم ماتمه زهرا قیزی یاندی یاندیردی او جمعی عرشه قوزاندی نوا سسلیوردی ای گیدن قبره اورکده غملری من دیدیم دردون منه فاش ائت خفاده ساخلاما آیری کیفیتده بیر ماتم بتوله دوتدلار نه ایله ماتم اولار بیرده، نَده ماتمسرا سَس سَسه ویرمیشدیلر زهرا بالالاری تمام نالهء جانکاهیله تسخیر اولموشدی فضا عرشه گوزانمشدی دیللردن زن بس ناله سَسی قونشلار بولدی ئولوب زهرا، دوتوب حیدر عزا عاقبت یثربده دوشدی بو خبر دیلدن دیله مطلع اولدی خبردن ثانی اول اهل جفا باخ غرور و کِبره ثانی ده اَیا صاحب زمان جمع ایدوب تشکیل شورایه، نچه شوم و دغا دوتدولار تصمیم آچسونلا بتولین قبرینی تا نماز مِیتی بوبکر ئوزی اِیدسین اَدا ثانی بی دینین آردیجا بوتون مردان پست اولدولار راهی بقییع نین سمتینه واویلنا ویردی بیر کیمسه او دم مولایه گیزلینده خبر آشنای اهل دل اولماز اولا بی آشنا تا ائشیتدی اِیستیور ثانی اِیده نَبش قبور یتدی قبرستانه صیحه ویردی میر مقتدا باغلامیشدی بیر ساری دسمال او دمده باشینه ال آپاردی ذولفقاره ناگهان شیر خدا سَسلدی هر کیم بتولین قبرینه قصد اِیلسه ذوالفقاریله باشی تَندن گرک اولسون جدا اولدوربسوز ظلمیله پیغمبرین ریحانه سین قویمسوز قبرینده ده دخت نبی راحت یاتا کیمده وار جرأت بو دم آچسون بتولین قبرینی ایلیوم تا بو مکاندا عمرونی رو به فنا چوخ خطالر ایتمیسوز عالمده ای مردان پست ایتمیون بو پست فعلیله دوباره بیر خطا یا گلون ترک ایلیون فورا بقییع توپراقینی یا چیخون میدانه ختم اولسون بو غملی ماجرا باخمیون ناموسیمی دوگدوز قاپیمدا دینمدیم دعوت اِیتمیشدی نه چون که صبره ختم الانبیا آچمیسوز اوندان علاوه کوچه ده اَل عورته یاندروبسوز قلب طاهانی سیز ای اهل جفا هر کیم آچمیشدی اَلین زهرایه، گر وار جراتی عرصه میدانه گلسون ایندی بی چون و چرا مرد، مرد اولسا، اَل آچماز کوچه ده بیر عورته جنگینه یا مرد گَلسه، جنگیدن ایتمز اِبا الغرض ثانی ده جرات اولمادی ویرسین جواب فاطمه حقین اقلا مرتضی ایتسون اَدا غیضیدن النوندا دوشمشدی گره شریانیلر گوردیلر که اولماق اولماز حالینه بی اعتنا قورخدان اشرار گِتمیشدی سکوت مُبهمه اعتداره آچدی دل ثانی شوم و بی حیا عرض ایدوبدور منده دستور آلمیشام بوبکریدن عفو قیل بولدوم دگور جایز، بو فعلیم مطلقا نوحه یاز صبح و مسا، آغلا بو ماتمده عتیق قویما اولسون عمروی بیجا بو عالمده فنا التماس_دعا🙏

شعرترکی بی وفایی دنیا دقیقه لر قوتارار ماه وساله آلانما گئجه گونوز دولانار صبحده مساده گئدر آتا آنان نه قدر ئولمیوبله زنده دیلر آماندی قدرینی بیل آتا آناده گئدر اولار که عمریده سنلن همیشه باهمدی وفا چراغی گئچر یار وآشناده گئدر طبیعتین ایشیدی یاری یاریدن آییرار وصال هجر دونر عشق ماوراده گئدر جوانلیقیندا ولی اولما زور وه مغرور قولین گوجی آزالار جسمدن قواده گئدر زمان یلی چمن عمری تارومار ایلر گله تبسم ائدن چهره دن صفاده گئدر گوزل دیوبله گوزلیک گوزللره قالماز دونر قیافه آیا بنزین لقاده گئدر علامت قوجالیقدی باشین توکی آغارار ئوزون اتی قریشار حسن دلرباده گئدر اولار که زمزمه ایلله لحن دلکشیله طنین سس آزالار صوت دلگشاده گئدر دوشر ایاقدان اگر قهرمان عالم اولا دوراندا دیزلر اسر الده کی عصاده گئدر ئولوم توزی گوزه پرده چکر قولاق توتولار نفس شماره دوشر دل دورار صداده گئدر صاقا صولا نگران هی باخار بیرین تانیماز ایکی گوزی دورانه دوشر ضیاده گئدر اجل کمینده گزیر بیرخبر اوتورماگیلان یاخاوی دوتسا ئولوم گاه التجاده گئدر حلال چورک قازانیب یه حرامه آلانما آغیزدا طعم دونر لذت غذاده گئدر آزا قناعت ائله چوخ باشا بلا گتیرر میانه رو یاشا مفلسده اغنیاده گئدر تومنی بش قرانا وئرمه ارزشی یوخدی نه تک الینده کی پول یغدیغین رباده گئدر بیر آغ کفندی سنه قسمت اولسا مالیندن که یعنی ثروت بی حد وانتهاده گئدر چالیشما وارثه حد شریعتی گوزله بوله له وار یوخی نقره وطلاده گئدر عیالین آغلاسا بیر گون اورکدن آغلیاجاق ایکیمجی گون کسیلوب ناله ونواده گئدر دونر اوچومجی گونه آغلاماق سسی کسیلر بساط غم یغیشوب مجلس عزاده گئدر ائلیکه هفته ده گئچدی ایاق چکر قونشی یواش یواش داغیلیب خویش واقرباده گئدر زمانه دفتریوی ،،سوته دل،،ائدرپاره سینار یازان قلمین شعریدن جلاده گئدر

‍ زبانحال خیلی سوزناک خانم زینب س مادرش خانیم فاطمه زهرا (سلام الله) با نوای کربلایی منوچهر حسن زاده دور ای بهارین گل یاسمنی دور ای بلشن قانا پیرهنی کفن یاراشمور ننه قامتیوه فدا اولوم یاره لی صورتیوه گوزلرون آچ ننه جان ایلمه قلبیمی قان قوی ایاقوندان اوپوم بو گیجه یاتما اویان اسور وجودیم هریانی بو دردیمون یوخ درمانی گوزوندن آتما دنیانی بو نالانی دور ای پیمبر ریحانی ای جانانی گل پیمبر آی ننه عزیز حیدر آی ننه -- بابام ییغوب باشینه گللرینی ائله چالور بیربیره اللرینی منی قوجاقینده نوازش ایدور دیور ننون ملک بهشته گیدور آغلاما چوخ آناوین روحی نویه گلر بیرگون اولار منیلن کرب وبلایه گلر دینده سن ایوای ننه آنان دیر ایوای سنه یانار مثال پروانه بو ریحانه گلر غمونده افغانه بو ریحانه گل پیمبرآی ننه عزیز حیدر آی ننه #پیشنهاد_دانلود #شادی_روح_سلیم_صلوات #کربلایی_منوچهر_حسن_زاده #لعن_الله_قاتلیک_یا_فاطمة_الزهرا

زبانحال امیرالمومنین حضرت علی (علیه السلام) بر مزار حضرت زهرا (سلام الله)   آی عمری آز ملالی چوخ باشی بلالی فاطمه پیمبرون خانم قزی  ئورک یارالی فاطمه   عم اوغلووام فراقدن یوخیا گئتمیوب گوزوم بالالارون یاتوب گئجه بقیعه گلموشم ئوزوم بیرین تاپوب دینمدوم ز بس یانقلیدور سوزوم رضای حقدی اول منیم سوزومه حالی فاطمه   حبیب حیّ داورون اگر چه من حبیبیم اسیر جَوّ محنتم مدینه نون غریبیم او منبریکه من اونون سخنور و خطبیم علینون اوردا قطع اولوب گوزل مقالی فاطمه   صحابه لر اسیر اولوب وطنده هیچ کاریه یانولّا خشکه عود تک ئورکده که شراریه نه وقت اولار اوزاق دوشوب چخانمیور مناریه پیمبرون موذِّنی حبَش بلالی فاطمه   اولوبدی باغلی قوللاریم  مشیّتون طنابینه مواظبم پیمبرون شریعت و کتابینه ائویمده گوشه گیر اولوب اوتورموشام صوابینه نه ایستورم خلافتی نه قیل و قالی فاطمه   شباهتیم وار اول کسه چو غنچه باغریقان اولا امرو مسلمیندن همیشه ناگران قالا گوزونده زهرلی تیکان گلوده استخوان قالا کیم عُمر ائدور جهاندا گور علی مثالی فاطمه   چکنده مسجده منی او قوم پست و بد روان حسین دینده آی ننه حسن دینده الامان دوباره قنفذ دنی سنی ووروب یخان زمان عم اوغلووندا بوینونا دولاندی شالی فاطمه   وئرنده غسلوی گئجه آلولانوب آلیشدی دل باخاردی اشکلی گوزوم جنازووه خجل خجل او ساعتی که پیکرون مزاره تاپدی منتقل صفادن اولدی مرتضی اطاقی خالی فاطمه   خلافتون عواملی علیده گوردی نرمشی قاپیمدا قتل محسنه یتیشدی ثانینون ایشی گرک عیالین حفظ ائده خطر زمانی هر کیشی فلک بو یرده وئرمدی منه مجالی فاطمه   دئمم چتیندی مرد ایچون غم زمانه یوز وئره دیمم چتندی دشمنی ووروب عزیزین ئولدوره چتین بو غمدی هر کیشی چخوب اطاقدن گوره یارالی صحن خانیه دوشوب عیالی فاطمه   عبامی چکدیم اوستووه گورنده حالیوی بهم گوز آچ دئدیم که عم قزی باشوون اوسته که منم دور آشیانه شهپر آچ سن ای کبوتر حرم دئدون نجه اوچا قوشون سناندا بالی فاطمه   نه نوعی هجر دفترین آچوب وَرَقلَه سون علی نجه ائوینده اگلشوب  دیزین قوجاقلاسون علی اوزوندن ایلورم سوال ننوعی ساخلاسون علی او دوُرت کیچیک گوزل باخیش مَلَر غزالی فاطمه   نجه بو قبری تک قویوم دوام ائدوم فراقیوه نجه گئدوم انیس اولوم او بش قالان اطاقیوه دانش گوروم سوزون ندور او دوُرت یتیم اوشاقیوه دئمورسن هئچ نه حالدادور حسینون حالی فاطمه   گونوز چوخ آغلادی حسین گئجه دیل اولمادی دینه بنفشه مثلی بوینونی اوتوردی قوید چیگنینه دئدیم که هر گجون کیمی اوغول منه دانش گینه دانیشدیرانمادیم ولی او خوش مقالی فاطمه   سوزی خلاصه ایلیوم عم اوغلوون سنوب بِئلی بهار زندگانیمی  خزان ائدوب ستم یِئلی پوزولدی غملی صورته توکولدی زینبون تِئلی ئولونجه زلفی تک اولار اونون خیالی فاطمه   مرحوم انور اردبیلی

بسم الله الرحمن الرحیم روضه حضرت زهرا س دیمه او کوچیه آیری گلوب گئدن واریدی خانما سیلی دینده فقط حسن واریدی آقا دی بیر آز قوزاندیم او سیلی منه دیسین ننم سیخیلدی دیواره ... ددی اوغول حسن ... قسمت بویوموش کوچه ده سیلی منه دیسین قوردوم ننون اولسون او آغیر ال سنه دیسین 😭😭 خانم یخلدی حسن قلبینی بو غم بولدی اودم چاغیردی جماعت گلون ننم ئولدی خانم توشدی بستر بیماره گون بگون خانمین بدنی اریر.. 😭😭 گون او گون اولدی بویون کی گونون مثلینده خانم شهادته نائل اولدی مولا علی ع چاغیردی بالالاریم گلون ننوزونن وداع الیون . بالالار هر بیدیلینن ننه نی اوخشیوب آغلیلار حسن حسین ایکی قارداش زبانحالیله غریب آنالارینی اوخشاردیلار بو حالیله .. حسن دیردی الهی آنام هارا گئدی.. حسین دیردی آنام سینه ده یارا گئتدی حسن دیردی آنام قامتی کمان گئتدی... حسین دیردی آنام سینه ده یارا گئتدی... اما خانم زینب باشین قویوب او یانان قاپیا... دئدی ... منیم گون گورمین الده ئولن ننم لایلای... گئدن قبره گئجه یلن قبری نامعلوم ننم لایلای ...ام گلثوم دی ننه بیزی قویوب هارا گئدیسن آی ننه..فضه بالالاری ننه دن آیردی ...😭😭 آقا گئجه وقتی خانمی غسل ائیلدی کفن ائیلدی... آپاردی قبرستان بقیعه تپراقا تاپشیرا... آی قبرستان بقیعی گورنلر ... ایستوردی بتولین بدنین تاپشورا قبره... ناگه ایکی ال چیخدی صدا گلدی عم اوغلی ... گتدون بالامی وئر منه دینجلدی بالام...😭 ورمیشدیم عم اوغلی سنه زهرانی سلامت ... آخر بدنینده یوخدی اوزگه علامت ... دی گوروم آیا بئله ساخلالار امانت؟... امت بالامی بس نیه بو حاله سالوبدی...😭 بدن اریوب عارضی گل تگ سارالوبدی... السلام علیک یا فاطمه الزهرا س التماس دعا... ایام فاطمیه 1403/9/14

در فراق پدر شعر جدید قلم: احمدتقوی مهجور تبریزی سبک : باجی جان وئرنده باخار قارداشا آتا جان وئرنده دولار گوزلری یانار حالینا ائوده دلسوزلری بالالارون اولموش اورک سوزلری بابا بئله یاتما بیزی گوزدن آتما وفالی آتام بوغمده یانور جان اولار قلبیمیز قان وفالی آتام (یارالی آتام) بیزی ترک ایلیوب گئدورسن هارا غمونده اولور داغلی دیللـر یارا داخی سنسیز اولار گونوموز قرا گوزل مهربانیم منیم قهرمانیم وفالی آتام اولان تکیه گاهیم امید و پناهیم وفالی آتام (یارالی آتام) همیشه لیق ایتدون آتا سن سفر غمونده اولوب ائللرون دیده تر آناما بو داغون ائدر چوخ اثر غمونده قان آغلار یانار سینه داغلار وفالی آتام قورار برم ماتم توکر اشکین هر دم وفالی آتام (یارالی آتام) بو عالمده سنسیز نجه قالارام ئولنجه باشیما قرا سالارام گلوب قبروه عطروی آلارام منیم مهربانیم وی آرام جانیم وفالی آتام پوزولوبدی حالیم چوخ اولدی ملالیم وفالی آتام (یارالی) این شعر بر حسب الامرمداح باصفای اهلبیت علیهم السلام برادربزرگوارم و دوست بسیار عزیزم جناب آقای حاج احد رضایی اردبیلی سروده شد ۱۴۰۴٫۰۷٫۱۵

شعر مقدمه خوانی جوان ناکام قلم: احمد تقوی مهجور تبریزی آنان گولمز  یوزی  دنیادا  ئولسه   بالاسی یاندورار عالم امکانی یانوب اوخشاماسی اوخشیار اوز بالاسین دائم اوزه اشکین اللر آهی آه اوسته چکوب قلبیلری آهی دللر اوخشاما جوان ناکام سبک اوخشاما دل شب ایلیوب سفر هارا گئدون ای نه نه ئولسون آنان گوروم بالا نقشه  چکردیم طویوا طوی گونی دئیردیم اوغول گل سالارام من بویوا حیف اولا قلبیمده قالوب آرزولاروم گیدون اوغول باری نولی گل یوخوما رحم ائت اوغولسوز آنیوا ئولسون آنان سوراقیوی بوندان بئله کیمدن آلوم کیمه دئیورم دردیمی من آخر نجه سنسیز قالوم قلبی سینق آنان گلوب قبرون اوسته ای بالا ایاقه دورگوزل بالام قول بوینوا بیرده سالوم