زبانحال امام حسین (علیه السلام) به خواهرشان در شهادت حضرت علی اصغر (علیه السلام)   آنام باجیم ظلم اودینا ، قلبیم اود دوتوب یاندی الیمده تشنه اصغریم ، ظلم اوخیله اوخلاندی   گل یاراسینی باغلا اوخشا اصغری آغلا   بالام یاتوب راحت اولوب دینجلوبدی دیندیرمه قماطین آچ رختینی سوی تازه دن گییندیرمه آناسینا باغلامامیش یاره سین نشان ویرمه مگر آنایه بالانون بیله حالی آساندور   دگنده اوخ آغلامادی باخدی بیر منه گولدی نه علته گولدی اونی خالقیم اوزی بیلدی الیمده ال ایاق چالیب تشنه جان ویروب ئولدی الیم قولیم سینم اودور رنگ رنگ الواندی   بیر عهد ایتمیشیدیم ازل حی کردگاریله ویرم او عهده خاتمه من بو شیر خواریله سو ویردی حرمله بونا تیر زهرداریله اوخیله سیراب ایلدی غم یمه که عطشاندی   سوسوزدان اولموشدی بالام غنچه لیقدا پژمرده او حالی حالیمی منیم ایلمیشدی افسرده و لیک قویمادی اولام حرمله دل آزرده دئدی سو ساخلیان بونا بوسه شعبه پیکاندی   همان باجیسی که بونا متصل دیوب لایلای چتیندی دوزماقی باجی حالنه اونون وای وای یقین گورنده سسلنور تشنه قارداشیم ایوای باجون فدا یوزگوزیوه یوزگوزونده نه قاندی   قانه باتان آنوگین آچ سیل بوغازینین قانین آناسینا ویرمه نشان زخم نوک پیکانین بو قانیله من بویادیم عرش و فرش دامانین سماده قانی اصغرون حشره دین نمایاندی   ویروبدی آغلاما قلقین اجرینی غریب طوس حسینه آغلیان اودور اولماز حشرده مایوس دوباره خامه دفتره شاننی ایدن مانوس حسن رحیمی زاده دور شاه طوسه مهماندی   مرحوم شانی سبک:بوقدری دل نار غمه داغلاما سنه قربان داغلاما سته قربان

نوحه اول محرم وگریز به قتلگاه به سبک ای شمع حرمخانه زینب گلوب افغانه باشلاندی مه ماتم باشلاندی مه ماتم آغلور نه غریبانه باشلاندی مه ماتم باشلاندی مه ماتم قلبیلر غصه دن قان اولدی زهرا حسینه جنتده آغلادی طاها 2بار بو آیدا قرا یللر اسدی سارالوب گللر اسدی سارالوب گللر جان ویردیله مردانه یتمیش ایکی نام آور یتمیش ایکی نام آور شهزاده علی اکبر عباس هنرپرور عباس هنرپرور اوچ شعبه لی پیکانلان اوخلاندی علی اصغر اوخلاندی علی اصغر قلبیلر غصه دن قان اولدی زهرا حسینه جنتده آغلادی طاها 2بار آی باتدی چخوبدی گون عرشه چکلوب قاره عرشه چکلوب قاره آماده ی جنگ اولدی اکبر کیمی مه پاره اکبر کیمی مه پاره احيا ائده تا دینی عزم ایلدی پیکاره عزم ایلدی پیکاره زنده قالا تا قرآن قربان کسیله یاره قربان کسیله یاره قلبیلر غصه دن قان اولدی زهرا حسینه جنتده آغلادی طاها 2بار بو آیدا دوشوب طوفان صحرای غم افزاده صحرای غم افزاده انصاری شه دینین یکسر گلوب امداده یکسر گلوب امداده لب تشنه شهید اولدی یاران لب دریاده یاران لب دریاده باشسیز یارالی پیکر پخش اولدی او صحراده پخش اولدی او صحراده قلبیلر غصه دن قان اولدی زهرا حسینه جنتده آغلادی طاها 2بار قاسم کیمی دلدارین دین اوسته چخوب جانی دین اوسته چخوب جانی قانیله اولوب الوان ترک ائتمدی میدانی ترک ائتمدی میدانی اوخلار ائلیوب شان شان میداندا او اعضانی میداندا او اعضانی شه آلدی قوجاقینه اول پیکر شان شانی اول پیکر شان شانی قلبیلر غصه دن قان اولدی زهرا حسینه جنتده آغلادی طاها 2بار شمع شهدا عباس اول معرفتین کانی اول معرفتین کانی بیر حمله ده قورخوتدی دورت مین نفر اعدانی دورت مین نفر اعدانی پوزدی قوشونون نظمین شاد ایلدی طفلانی شاد ایلدی طفلانی آرام دل حیدر فتح ایلدی دریانی فتح ایلدی دریانی قلبیلر غصه دن قان اولدی زهرا حسینه جنتده آغلادی طاها 2بار سو ایچمدی دریادن لب تشنه چخوب سقا لب تشنه چخوب سقا نیزاره یولون سالدی رزمنده ی بی همتا رزمنده ی بی همتا بیر مشک سوا خاطر سالدی قولونی اعدا سالدی قولونی اعدا قان آغلادی سقانین احوالینه اول دریا احوالینه اول دریا قلبیلر غصه دن قان اولدی زهرا حسینه جنتده آغلادی طاها 2بار نهر اوسته شهید اولدی سر لشگری مولانین سر لشگری مولانین قان گوزلرینه دولدی سقای لب عطشانین سقای لب عطشانین گلدی باشینین اوسته فرماندهی سقانین فرماندهی سقانین آلدی دیزینین اوسته سیلدی گوزونون قانین سیلدی گوزونون قانین قلبیلر غصه دن قان اولدی زهرا حسینه جنتده آغلادی طاها 2بار گول مثلی علی اصغر بو آیدا اولوب پرپر بو آیدا اولوب پرپر اوچ شعبه لی پیکانلان قانه بویانوب اصغر قانه بویانوب اصغر قول باقلی شهید اولدی میداندا گل احمر میداندا گل احمر یاندیردی حسین قلبین گوردی داغیلوب حنجر گوردی داغیلوب حنجر قلبیلر غصه دن قان اولدی زهرا حسینه جنتده آغلادی طاها 2بار میداندا قالوب یالقوز شاهنشه دو عالم شاهنشه دو عالم سرداری دوشوب آتدان قانه بویانوب پرچم قانه بویانوب پرچم بیر حمله ده اعدانین ائتدی صفینی برهم ائتدی صفینی برهم باشدی یارالی پیکر تپراقه دوشور هر دم تپراقه دوشور هر دم قلبیلر غصه دن قان اولدی زهرا حسینه جنتده آغلادی طاها 2بار جان دین و نماز اوسته ویردی او گل زهرا ویردی او گل زهرا بیر سید مظلومی ظلمیله ورور اعدا ظلمیله ورور اعدا جسمی یارالی یورقون گوداله دوشوب مولا گوداله دوشوب مولا ئوز قانینه غلطاندی میداندا قالوب تنها میداندا قالوب تنها قلبیلر غصه دن قان اولدی زهرا حسینه جنتده آغلادی طاها 2بار اول لشگر بی دینین گویا اورگی داشدی گویا اورگی داشدی تا حرمله ی معلون شه قلبینه اوخ ساشدی شه قلبینه اوخ ساشدی ال باشدا خانم زینب گوداله طرف قاشدی گوداله طرف قاشدی قارداش باجی سین گوردی قانلی گوزونی آچدی قانلی گوزونی آچدی قلبیلر غصه دن قان اولدی زهرا حسینه جنتده آغلادی طاها 2بار جان ویردی غریبانه عالملری یاندیردی عالملری یاندیردی اول امت نادانی طاهادن اوتاندیردی طاهادن اوتاندیردی ناحقلری سیندیردی حقی اوجالاندیردی حقی اوجالاندیردی آزاد یاشاسین شیعه ظالملره آندیردی ظالملره آندیردی قلبیلر غصه دن قان اولدی زهرا حسینه جنتده آغلادی طاها 2بار تاوار نقدر دنیا زنده قالاجاق نهضت زنده قالاجاق نهضت دین اوسته حسین چکدی الحق نقدر زحمت الحق نقدر زحمت اخیامینه اود وردی ظلمیله ولی امت ظلمیله ولی امت زینب خانم عالمده چوخ چکدی یقین محنت چوخ چکدی یقین محنت قلبیلر غصه دن قان اولدی زهرا حسینه جنتده آغلادی طاها 2بار

اوخشامالار: تیر غم گلنده قلبیوی دلنده مشکله دوشنده سسله یاابوالفضل ای مریض وبیمار ایله دردون اظهار سس ویرر علمدار سسله یاابوالفضل صاحب لوادی دردیوه دوادی هامیدان آقادی سسله یاابوالفضل گورمه غم فلکدن اول قاباخ ملکدن بیردفعه اورکدن سسله یاابوالفضل ئولدوم ئولدوم ایتمه دردیدن غم ایتمه هیچ طبیبه گیتمه سسله یاابوالفضل کیـم دوشَر بلایه     سسلییَر هـرایه سنده گَل عزایه     سسله یا ابوالفضل   ای اولان گـرفتار    آز طبیبه یالـوار مشکلون  اگر وار   سسله یا ابوالفضل   صاحـبِ عـزادی   دردیـوه  دوادی هامّیـدان آقادی  سسله یا ابوالفضل   شاید اولدی قسمت  کربلانی هیئت  اِیلیـه زیـارت      سسله یا ابوالفضل   عرشه گئتسه آهون   چوخدی گر گناهون تک  بودور  پناهون      سسله یا ابوالفضل

🏴#شهادت_امام_محمد_باقر_علیه_السلام 🏴#نوحه_فارسی_ترکی ✍شاع:رمحمدی ناعم

✔️ امام محمّد باقر علیه السّلام ✅ احوالات شهادت امام باقر (ع) گریز به دفن شهدا ائمّه گلشن عالمده تک به تک گُلدور امام باقره فکریم ولی توسّلدور قلمده بیر جَرَیان رموز محنته باخ مَجازیدن گوتور اَل ای گوزوم حقیقته باخ حقیقت اهلی حقیقت امام باقردور حقیقت اوسته اونا یوز ویرن مصیبته باخ گوروبدی محنت زندان، مصیبت غربت او قلب عالم امکاندا صبر و طاقته باخ آپاردی شامیده هشّام ایلدی محبوس نجه گیئوب دیمورم، ماجرای رجعته باخ یتیشدی هر یره گوردی اذیّت و آزار غریبه باخ، غم و اندوه و درد غربته باخ گَلوب مدینه ده بیر مدّت اولدی خانه نشین نه بیر گَلوب نه گیدن ابتلای وحدته باخ مدینه حاکمینه شامیدن یازوب هشّام امامی اُلدوره، ماموره باخ، کتابته باخ ولی اولانمادی نائل بو مقصده او دنی اوزی جحیمه روان اولدی، عکس نیّته باخ اگرچه اول شهی مقتول ایدنمدی هشّام اونون یرینده اولان جانشین نَخوَته باخ امام باقره عبدُالملک معاصر اولوب او بی حیاده اولان بغضه باخ، عداوته باخ امامی قویمادی دور زمانه آسوده اونا عم اوغلیسی زید ایلین اذیّته باخ نه قدر جور و جفا زید ایدوب او مظلومه دینمورم، او دنی طبعیده رذالته باخ امامت اوسته امامیله باغلادی کینه زهی عجب آرالیقدا اولان قرابته باخ امام قتلینه ایتدی خلیفه نی مجبور او بی مروّت ایدن فعله باخ، سِعایته باخ ایدوبدی آیه ی اجر رساتی انکار جفا و جوریده عبدُ الملکده سرعته باخ خیال ایدوب ایده زهرا چراغینی خاموش او کور دلده گوگل خانه سینده ظلمته باخ درست ایلدی برزین اسب او بی ایمان سواریدی زهریله، اول شوم کینه فطرته باخ مدینه حاکمینه یولّادی همان اَیَری غرور سلطنت و نَخوَت ریاسته باخ قویوب همان اَیَری بیر آت اوستینه والی امامه یولّادی، تدبیره باخ، سیاسته باخ امامی مکریله ایتدی همان آت اوسته سوار اوتانمادی او زنازاده بیر جسارته باخ بُلوردی زهریلیدی او ل اَیَر امام علیم ولی مینِیدی گرک، مقتضای حکمته باخ او زهر ایلدی تاثیر حجّتُ اللهه پوزولدی حالتی بیر انکسار حالته باخ وجود اقدس سلطان دین ایدوب آماس تصوّر ایله، او زهر جفاده شدّته باخ همان او حالیله پیغمبر اوغلی جان ویردی شهید ایدن اوز امامین وفاسیز امّته باخ امام جعفر صادق ویروب آتاسینا غسل کفن ایدوبدی، مزاره قویوب، جلالته باخ بودور شریعت پیغمبر اُلسه هر مسلم ایده لّه غسل و کفن، بو گوزل شریعته باخ جوان اوغول نه گوزلدور آتانی قبره قویا نقیض مطلبه باخ، کربلاده محنته باخ حسینون اکبری ئولموشدی، کیم ایدِیدی کفن قوری یر اوسته قالوب جسم پاکی، حسرته باخ بدن یارالی، قوری یر، جنازه سی عریان او پاک جسمیده باشدان باشا جراحته باخ ووروبلا گون کیمی باشین جدایه اهل جفا بلالی زینبه محشردی، بیر قیامته باخ دیمه اولونمادی مظلوم امامه غسل و کفن کُتُب ده معتبر اخباره باخ، روایته باخ ویروبله قانیله غسلین عزیز زهرانون حُنوط جسم شریفینده قانلی تربته باخ اَلنلر ایچره حسینون بیر امتیازیده وار سوالون اولسا جوابینده طرز صحبته باخ بو رسمیدور اُلنه اوچ کفن اولور امّا حسینه بِش کفن اولدی، جلال و عزّته باخ یارالاریندان آخان لخته قاندی بیر کفنی ایکیمجیسی خس و خاشاک اولوبدی، خلعته باخ امان اوچومجی کفندن که ایتدی سُمّ خُیول اوزی دیوب سَحَقونی، همان عبارته باخ مُخدّراتین اولوب زلفی دوردومونجی کفن جنازه اوسته عیال شه ولایته باخ مُحجّبات پریشان ایدوبله زلفلرین ایدولّه جسم حسینه کفن، محبّته باخ ندور بِشیمجی کفن، شرحینه حیا ایدورم گَلوب آتانی اوغول دفن ایده، او ساعته باخ آتا جنازه سینه بیر حصیر چولقالادی وجوده باخ، کفنه باخ، او کانِ رافته باخ ایدوب آتا اَیاقی آتدا دفن قارداشینی یاتوب آتا بالا بیر یرده، خوش فراغته باخ طواف مرقد شش گوشه بیرده اولسا نصیب «حسینی» ایله دعا، صدقیله اجابته باخ ✅ کلام استاد حسینی (سعدی زمان)

حاجیلر قربان کسور هر تک تکی اضحیٰ گونی  نذر معشوق ایلوری صدقاً اگر اولیٰ گونی  شه وئروب یتمیش ایکی قربانلار عاشورا گونی  گر خلیله اولمادی قسمت،اوگون ذبحِ عظیم  اکبر و اصغر کیمی قربان کسوب،شاه کریم  .#قربان

سلام به یه نفر ادمین نیاز هست

مرحوم حاج رضا صراف تبریزی . هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما #شاه حسین گویا #کانال مداح کربلایی سبحانی

🔹نوحه امام باقرگریز به روزعاشورا🔹 ✍شاعر:علی عبدی گل آنا یافاطمه داده چخور جانیم منیم زهریلی اولموش جگرلردن آخورقانیم منیم من علومِ عالمینه بیربه بیر آگاهدیم کلِ موجوداته دنیاده چراغ راهدیم ایتدیگوم بو اِدعایه مردم اولموش شاهدیم علمیده طاها باباندان واردی عنوانیم منیم 🔹🔹🔹🔹🔹 زهرین آثاری وجودیمده اولوب بیربیر عیان قدرتیم اَلدن گئدوبدی پیکریمده یوخ توان اِیلورم دردین وجودیمدن آنا آه و فغان قوزانوبدی گنبد مینایه اَفغانیم منیم 🔹🔹🔹🔹🔹 پیکریم اوخشارمنیم دنیاده بیرسولموش گُله آز قالور سمِّ جفا بو قلبیمی ایکی بوله نظم و قانونِ بدن بیربیر دوشوبدی مشکله یوخدی بو اعضالریمده ذره سامانیم منیم 🔹🔹🔹🔹🔹 ذکر یارب یاربیمدن آغلاشار عرض و سما نامساعد حالیمی گورسه غریب و آشنا قلبیده غم گوزده نم دلده منه اِیلر دعا دوره ورده شکراولا وارچوخلی خواهانیم منیم 🔹🔹🔹🔹🔹 من بو آخر لحظه لر اوغلون حسینه آغلارام یاده ساللام محنتِ عُظمانی سینه داغلارام موج اِئدن گوزیاشمی حسرت عُذاره باغلارام چیخمیوب چیخمازیادیمدان غملی دورانیم منیم 🔹🔹🔹🔹🔹 من عدو اَخیامین اطرافین آلاندا واریدیم مرکب اوستن قولسوزعباسی سالاندا واریدیم قاسم آتلارین ایاقینده قالاندا واریدیم بو مصیباتی گوروردی چشم گریانیم منیم 🔹🔹🔹🔹🔹 من علی اصغر بوغازی اوخلاناندا واریدیم اَکبرین اَعضاسی بیربیر دوقراناندا واریدیم خیمه لر شعله چکوب اوتدا یاناندا واریدیم قورخولی چولده خطرده قالدین بوجانیم منیم

👆👆👆