نوحه ترکی امام حسین علیه السلام زبانحال حضرت زینب سلام الله علیها درقتلگاه بنداول ال ایاق قتلگهده چالما قارداش باجوی دور بلایه سالما قارداش سسیمه سس وئرن یوخدی حسینیم ایستی قوملارین اوسته قالما قارداش یارالی آی یارالی جان یارالی جانیم اولسون سنه قربان یارالی بنددوم مهربان قارداشیم دورایله چاره اولدی قلبیم غموندن پاره پاره یوزون اوسته سورونمه آی یارالی سینوین یاره سی گلمور شماره یارالی آی یارالی جان یارالی جانیم اولسون سنه قربان یارالی بندسوم قوری یرده قالوب جسمون حسینجان قوریوب لبلرون قارداش سوسوزدان اوقدرقاچمیشام دوشدوم نفسدن قتلگاهونده قارداش اولدی طوفان یارالی آی یارالی جان یارالی جانیم اولسون سنه قربان یارالی بندچهارم سینمی غملروندن داغلارام من نَقَدرواردی عمروم آغلارام من جان ویرن لحظووه ئولّم عزیزیم قره معجرباشیماباغلارام من یارالی آی یارالی جان یارالی جانیم اولسون سنه قربان یارالی بندپنجم امان الله امان شمرین الیندن خنجری یوخ دوتان شمرین الیندن باشوی پیکروندن آیری سالدی ائله رم من فغان شمرین الیندن یارالی آی یارالی جان یارالی جانیم اولسون سنه قربان یارالی التماس دعا کربلایی هادی کاظمی (عطش)

نا امید ائیلمز اولسوز اگر عباسه دخیل الی الدن ئوزولننر گلر عباسه دخیل قالدی مشکلده حسین اولدی پناهنده اونا آلتی آیلقدا اولوب سود امر ،عباسه دخیل مرتضا اوغلی ، کرم صاحبیدی ، اهل نظر دوتار ، الدن دوتان اوغلی، الوزی، وقت خطر یولا سالماز اَ لی بوش، هئچ کیمی ، السیزدی اگر اَ لی قوینوندا گلون ، دیده تر ، عباسه دخیل گوردوز هر یئرده اگر چاره سیزی چاره گزور یا چتین درده دوشوب بختی گونی قاره گزور دکتری ، بیرده جواب ائیلیوب ، آواره گزور دئیون ال باشدا گل ای دربدر عباسه دخیل سرّ ی لر واقفیدی کانِ علایجدی آقام شیعه نین فخریدی ،چون درده معالجدی آقام عبد صالحدی اودی ، باب الحوائجدی آقام آلاجاق مطلبین هر کیم ،گلر ، عباسه دخیل

نوحه ورود کاروان امام حسین به کربلا به سبک شبانگاهان حسین گلدی کربلایه قوناق----گوزلریندن ایراق یا رسول الله2 ئولوب عطشان فاطمه بالاسی -----دوشدی ائلدن اوزاق یارسول الله محرمده قان گلر جوشه----دوشر یاده قبر شش گوشه یارسول الله2 حسینون قربان اولوم ادینا بیزلره بو آدی مادر ئورگتدی ولادتده جبرئیل امین گاهواره سینی گلدی ترپتدی ولی بیلمم کربلاده نیه سینه سین بوغازین---شمره گورستدی معاذالله اللهین قانینی توکدی اهل عراق یارسول الله 2 سلام اولسون قانلی لبلره کی ایستیدن قورودی سو کنارینده دیه لر سو مهر فاطمه دی قالدی اجنبیلر اختیاریند حسینون بیر صود امر بالاسین تشنه اوخلادیلار---قان دیارینده یارالی قوش تک بلکده بالا چالدی هی ال ایاق یارسول الله2 محرمده قاره پرچم اسر سینه ده قیزیشار---شیعه لر قانی دولان گوزلر کربلایه باخار قطره قطره آخار هی جگر قانی همین آیدا قاره یل اسیلوب گویلره سپیلوب---صود امر قانی حسین آغلوردی او حاله ولی گولدی دیلسیز اوشاق یا رسول الله2 محرمده سینه لر آچیلار غملی سینه زنان دلکباب آغلار سپهر عشقین ستاره سینه آی گیر قاره آفتاب آغلار او گوندن مین دورت یوز ایلدی گئچوب ایندیده بئله بیلم رباب آغلار دیردی اوغلوم گئدنده سووا ترپنوردی دوداق ---یا رسول الله 2 غرض عاشورا گونی قوتاروب غارت اولدی حرم---خیمه لر یاندی قرا گییدی دشت کرب وبلا اولدی شام عزا---نوحه باشلاندی یانان دیللر بیر یانان چادرا جمع اولوبدی هامی ---سینه سوزاندی بالا قیزلار قورخا قورخا یاتوب قالدی زینب اویاق---یارسول الله2 نگهبانیدی همان چادرا مرتضی قیزی تا---گلمیه دشمن گلدی سسلدی ای---آغلیان کیمسن اودلخسته یانه یانه دئدی چوخدی دردیم اوغولسوز ربابم من قرانلوخدا آختاریر دی گولون دلده داغ فراق یا رسول الله2 دیه بیلم اصغرین آناسی صبحه تک او گئجه---ماتمه باتدی دیه بیلم هی دئدی بالاوای قان ایچینده اباالفضلی آغلاتدی سو ایچمیشدی صود فراهمیدی سسلنوردی بالام قان ایچوب یاتدی چتیندی املیک قوزی وئره جان لیک آنا قالا ساق---یا رسول الله2 👇

‍ ،#حضرت_ابوالفضل دور گیداخ خیامه قارداش دیمه بوردا راحتم من بالالار یولون گوزتلور دیمه چوخ خجالتم من علمین گوتور دولاندور بالا قیزلارا هوس ویر اورگیم گلوبدی تنگه یورولان قلبه نفس ویر گوزون آچماساندا آچما منه بیر دفعه ده سس ویر دیمورم بو تلین اوستون منیلن دوروب آشیدوخ دیمورم قولون اولیدی منله بیر قوجاخلاشیدوخ دیمورم علم الینده خیمیه یاخنلاشیدوخ دیرم اولیدی بیر یر زینبه بیر آغلاشیدوخ اسمه ای قانلی علم سالما فشاره سن منی ساخلارام دیرسکلریملن سینمون اوسته سنی اسمه چوخ صاق و صولا عباسه رحم ایت خسته دی اهل بیتین اورگی پرچم سنه وابسته دی سن یخلسان وای منه وای زینبه کیم ویرر مندن صورا های زینبه وای منه وای زینبه

گوز تیکوبدور سنه قارداش دم خنجرده باشیم تز یتیش دادیمه قویما قالا اللرده باشیم دیمورم قارداشووام عرصه‌ده سرلشکروم یا الیمده عَلمیم واردی علم پروروم منده‌گر سلطنت عالَم اولا نوکروم خاکبوس اولمیوب اولماز در دیگرده باشیم سن بیلورسن سنه قارداش دئمدیم ئوز باشیما امر زهرادی که زحمت ویرورم قارداشما گل ایاقوندان ئوپوم قوی الون السیز باشما اولا تا آخر عمرینده نظر کرده باشیم گرچه ذبح اولماقا باشیم قاباقوندا تَلَسر خنجر قاتل اسنده اودا شوقنیدن اسر وار نه جلّادیده جرأت نَه‌دَه خنجرده کسر باخما السیزدی چتین ال وئره نامرده باشیم ای ابالفضل لباسین دئیشوب آل یزید جمع ایدوب‌سفرهٔ احسانیله‌باشینه مرید (منزوی)حق‌دانیشاندا ائلیور حمله شدید گوی چوگان تعدّی اولوب اللرده باشیم     مرحوم  منزوی اردبیلی

قسمتی از متن این مداحی : ای باشی دالدان کسیلن شاه سلام علیک خیمه وی یاندیردیلار شاه سلام علیک اکبریوی دوغرادیلار شاه سلام علیک اصغریوی اخولادیلار شاه سلام علیک ابوالفضلی دوغرادیلار شاه سلام علیک خیمه وی یاندیردیلار شاه سلام علیک خیمه وی ویردیلار شاه سلام علیک توهلرینی یولدولار

گلور بوی محرم یا ابوالفضل یتشدی ماه ماتم یا ابوالفضل گنه عاشقلرون جولان وئروللر سنه خاطر آقا احسان وئروللر آچیب سفره سنه احسان وئروللر قالیب حیرتده حاتم یا ابوالفضل گئیب قاره هامی ایرانین اهلی سنه عاشقدی بو دنیانین اهلی دوشرپیچ وخمه شیطانین اهلی اسنده قاره پرچم  یا ابوالفضل اولوب بازار عشقون گورنه رایج آلور دردی اولان سندن نتایج تانور دنیا سنی باب الحوائج سنی سسلر بو عالم یا ابوالفضل آدون عاشقلره عزتدی والله مدال عزت و شوکتدی والله بو سرمایه بیزه نعمتدی والله اولوب عشقون مکرم یا ابوالفضل سنی بزم عزاده هامی سسلر سنه خاطر قره کوینک گئیه لر بو آدی بیز لره اورگتدی مادر دئدی سسله دمادم یا ابوالفضل سنون وار حرمتون زهرا یانندا عزیز ائتدون اوزون مولا یانندا سودان میل ائتمدون دریا یانندا اولوب شرمنده علقم یا ابوالفضل #ورود_محرم

نوحه جدید ویژه ورود ماه محرم سبک( یافاطمه من عقده ی دل وانکردم) عاشقلرین پیرایه سی گلدی محرم عشق اهلنین سرمایه سی گلدی محرم مظلوم حسینین. باشلاندی یاسی درده دوادی بزم عزاسی مظلوم حسین جان مظلوم حسین جان جانم حسین جان جانم حسین جان بیلمم نه عالمدی هامی عالملر اغلار قاره گیبب کل جهان حاتملر اغلار پیغمبران از ادم و خاتملر اغلار عرشه چخیر غم ناله سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان یر گوی بو آی سسلر دییر ایوای حسینیم زهرا سنه اغلار چالار لای لای حسینیم عاشقلره الله وریبدی پای حسینیم چوخلار اولوب دیوانه سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان درداهلینین چشم امیدی کربلاده الانداقان آغلیرملکلرنینواده باتدی حسین قانه سوسوزدشت بلاده زهرا سالیب باش قاره سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان ماه بنی هاشم باتوب قانه بو ایدا قوللار دوشوب نهراوسته یان یانه بو ایدا سقا گلیر بو غصه دن جانه بو ایدا چوخدور اورکده یاره سی گلدی محرم مظلوم حسین  باشلاندی یاسی درده دوادی بزم عزاسی ای سو یانیندا جان ورن عطشان حسین جان گل جسمی اوچ گون اوچ گجه عریان حسین جان عالم یارالی قلبیوه قربان حسین جان عرشه گیدن گهواره سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان

▪️اول محرم شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور ✍ بقلم سیف الشعراء استاد سیفی اردبیلی

#شهادت_عباسیه ▪️توسل به حضرت ابوالفضل علیه السلام 🎼سبک: ای ویرن ویرانه یرده... بقلم سیف الشعراء استاد سیفی اردبیلی ➖➖➖➖➖➖➖ ای سوسوز طفلان عشقه منصبی سقا اباالفضل قبروه حسرتدی شیعه قیل توجه یا اباالفضل اولموشوق هجرونده نالان باغلانان یولاره قربان سن امیر و سر سپاه لشگر میر امم سن سن سپاه آل طاها ملجاء اهل حرم سن منصبون باب الحوائج صاحب جود و کرم سن بیز دخیل آستانون سسلروک جان یا اباالفضل سن اطاعتده نمونه سن شجاعده یگانه سن فتووده علی تک شهره سن خلق جهانه سن اوعاشق سن بلشدی پیکرون نهر اوسته قانه ایچمدون سو دینی ایتدی همتون احیاء اباالفضل سن علی تک قهرمانون نخل عمریندن ثمرسن صحنۀ عشقون هماسی برج توحیده قمر سن درد منده چاره سن سن بیکسه آیدین سحرسن شیعه لر مشکلده سسلر دمبدم مولا اباالفضل ای شهادت عرصه سینده جان بکف تابنده کوکب سن اومولاسن واروندور حقیدن اون یدی منصب کربلاده دالدالاندی سیوه بیچاره زینب ساخلادون ناموس حقی یکه و تنها اباالفضل خرمن عمرون دریغا دست ظلمیلن تالاندی اوخلانوب مشک کانه جام امیدون جالاندی قولارون دوشدی بدندن سجده گاهون پارچالاندی پرچم اسلامی الدن ویرمدون اما اباالفضل حرمت جانانه خاطر شوقیله چکدون اوزوندن زحمت پیمانه دوزدون چخمادون اما سوزوندن حقی گوزدن قویمادون سن وردیلار اوخ ساخ گوزوندن ساخلادون خنجر دیشونده ایلدون دعوا اباالفضل مرحبا ام البنیندن امدیگون پستان عشقه قولارون آرتردی قیمت لوحۀ پیمان عشقه نوحی سن حیرتده قویدون ایتدیگون طوفان عشقه دوغرانوب قرآن یولیندا ایتمدون پروا اباالفضل جان قویوب دوردون سوزونده اگمدون باش بت پرسته عشقه خنده وردون اما اولمادون بیر ذره خسته یاره لی قولسوز دوشنده مرکبونده توپراق اوسته باشون اوستونده آچدی قوللارین زهرا اباالفضل