شرط عشق چیست ؟ و عاشق کیست ؟ بیانی از سیر سالک راه عشق از کعبه تا کربلا .. .. مرحوم عابد تبریزی .. .. تا بزمگه وصله اولا رهسپر عاشق اوّل قدم عشقده باشدان گچر عاشق اعلان وفا ایلماقا خلق آراسندا معنالره ایستر ویره رنگ صور عاشق .. درک ایتماقا مطلوب دلین أوز وطنیندن حق رحمتی تک کعبیه ایلر گذر عاشق تلقین محبّتله مقامی هوسینده آئینۀ آفاقه سالار بیر نظر عاشق .. حول حرم حقّده آختاردیقی نوری بیر قانلی بیاباندا گورر جلوه گر عاشق ترک ایلر امانگاهینی شوق خطریله تاپسون حرم قرب ده عالی خطر عاشق .. أیضاح مناهج سر و سوداسی باشندا أکمال مناسکدن ارادت کسر عاشق طوف حرم عشق هواسیله حرمدن تکمیل حدود ایلمه میش کوچ ایدر عاشق .. فعلیله وفا قولینه آرترماقا تحقیق سرگشته دوشر چوللره شوریدہ سر عاشق موسی کیمی ربّی ارنی نغمه سی دلده میقات ملاقاته اولا رهسپر عاشق .. نفسى بولر اوفی ایلمز خواهش عشقی بیر عدّه ده ایلر اوزونه همسفر عاشق چون مرکز منظومۀ شمسی یر اؤزونده اطرافنه رخشنده کواکب دوزر عاشق .. سیّالۀ نامرئی امواج وفادن انصارینی عزمندن ایدر باخبر عاشق بیر طیّ نگاه دل آگاهله یولدا همرهلری معیار وفادن سچر عاشق .. میعاد محبّتده سالار رحل اقامت شوقیله بلا مقدمینه منتظر عاشق توپراقه گورر اوّل سوداده توکولموش بیر عدّه غم هجرده خونین جگر عاشق .. عهد ازل احکامینی ایتماقلیقا اجرا هر محنت و اندوه و بلایه دؤزر عاشق آرتدیقجا بلا و غمی آرتار جذباتی شوقیندن اولار گل کیمی بشکفته تر عاشق ادامه ⬇️⬇️

قان لجّه سنه غرقه سُور فُلک حیاتین بحر غمه دنیانی ایدر غوطه ور عاشق نه پایه ده دور گُستره خصمنده دنائت بیر کهنه لباس اگنینه آخر گییر عاشق .. تفصیلله تحصیل اولونان درس وفانی بیر ترک سر ایتماقدا ایدر مختصر عاشق قانیندن ائدر سیل روان، سوز خیامی قویماز ایده دنیا یوزونی پر شرر عاشق .. انجم یرینه نقش هلالیله وجودین گردون کیمی پر مشعل ایدر سر به سر عاشق طور آتشنی بارقة شمع رُخیله بیر نخل سنان اوسته ایدر شعله ور عاشق .. ماهیت مقصودینی آندیرماقا خلقه تکبیر جدالرده مکرّر دبیر عاشق مذبوح اولونان بیر باشیله نوک جداده اؤز اهلینه یولّاردا اولار راهبر عاشق .. گون تک گورونر نقش هلالیله جداده تا اهلینه شام غمی ایلر سحر عاشق کهف آیه سی باشلار بو امیدیله که تاپسین اوز سجده گهی اؤسته نشان حجر عاشق .. کول اوسته یاتار دیره گیدر باشیله أیتسین تا انفس و آفاقده سیر سیر عاشق تعقیب مرامینده یتندن صورا قتله قالی باشیله نیزه ده شامه گیدر عاشق .. وارث أولا یحیی مثلین ایلیه تجدید آرامگه ایستر باشنا طشت زر عاشق بیر هر ایکی دنیایه بها گوهر غلطان مخزون اولا ویرانه ده دلدن سُوَر عاشق .. هر بوالهوسه عاشق صادق دیماق اولماز واقعده شه کرب و بلا دور اگر عاشق بو بیرنفره عشقه همپایه تاپیلماز هر گون گله دنیایه اگر مین نفر عاشق .. عشق اوندا گرامیدی که معدودیدی اهلی عاشقده نه قیمت اولا گر هر بشر عاشق «عابد» یتور اتمامه سوزون گرچه یتیشمر پایانه بو مطلب یازیلا هر قدر عاشق .. عاشقده اگر درج اولونوب عین غم ایتمه معشوق یولوندا چون ایدر ترک سر عاشق خوش طرزیله نظم اولدی بو أشعار ولیکن بیر اوزگه بیانیله یازیب أوزگه لر عاشق

ماه عزا گریز به کوچ از کربلا .. .. مرحوم دلریش .. .. مگر نولوبدی بو اهل جهانه آغلاللار بهار ابری کیمی بی بهانه آغلاللار قوروبلا حلقۀ ماتم تمام پیر و جوان مگر بو پیر و جوان بیر جوانه آغلاللار .. یاخوبدی قان اله طوی گورمین جوان قاسم گتورموش عالمی بو غم فغانه آغلاللار علم که واردی علامتدى یاس عبّاسه علم گورنده اودور اول جوانه آغلاللار .. دیه لَّه ویردون ایکی قوللارون فرات اوسته حسین قامتی دوندی کمانه آغلاللار گورنده سرویله شمشادی گلستان ده خلق علی اکبر سرو روانه آغلاللار .. سالوبلا یاده اونون پاره پاره پیکرینی توکَلَّه اشک او طاها نشانه آغلاللار اوشاقلار امموری پستان خیال ایدوب پیکان اولاردا اصغر شیرین زبانه آغلاللار .. دیللَّه سو یرینه قان ایچوب بو طفل صغیر بوغازی اوخلارا اولموش نشانه آغلاللار سالوبلا خیمه لرون یانماقین مگر یاده ویروبله سس سسه چوخ یانه یانه آغلاللار .. ایدوبدی شمر حرم قوشلارین پراکنده چکلله ناله یانوب آشیانه آغلاللار چکوبله قتلگهه یوخسا کاروان غمی بیر اوزگه غم یتیشوب کاروانه آغلاللار .. گوروبله یرده مگر پاره پاره نعشلری چکوب صدا اُسرا تشنگانه آغلاللار تاپوبدی اوغلون آنا قارداشین باجی سسلر قوری یر اوسته او باشسیز قالانه آغلاللار .. حسین جنازه سینه یوز دوتوب دیدی زینب گلوب حرم لرون آه و فغانه آغلاللار باخاندا پیکریوه گون ایوینده عُریاندور باشون ووروبدولا نوک سنانه آغلاللار .. گوروبله اللریوی دوتمور هیچ بیری آرام آچوبلا باش ستم ساربانه آغلاللار یزیده شمر آپارور ارمغان بلالی باشون توکللر اشک بله ارمغانه آغلاللار .. جفای کرب و بلا یتدی باشه باشونلا گیده لَّه شامه غم خیزرانه آغلاللار ویرولَّه عترتیوه گوشۀ خرابه مکان گول اوزلیلر او خرابه مکانه آغلاللار .. میسّر اولمادی دلریش بو ایل اولا زوار چکر مصیبتون هر آن بیانه آغلاللار. خوشا اوکسلره کرب و بلاده هر شب و روز قویوبلا یوزلرین اول آستانه آغلاللار

عطری گلور  محرّمین   هر  یره   قاره چکدیلر فاطمه  نوحه   باشلادی گویلره   قاره چکدیلر یااباعبدالله حسین – یا اباعبدالله حسین گییدی  گنه حسینچی لر   پیرهن    عزالرین ابر   بهاری  تک   دولوب  گوزلری   آشنالرین شهرلری دولان  ائشیت  وای آنا وای نوالرین معرفت  اهلی  مسجد و  منبره    قاره  چکدیلر اهل ولایتین بو  آی  گولمیه  جاق  دوداقلاری دسته لرین سالوب  یولا  کوچه لرین اوشاقلاری کوی   شهادته   گلور  کرب و  بلا    قوناقلاری جنّت اولوبدی غم سرا،  سر دره  قاره چکدیلر اصغره خاطر  ایندیدن  ایلمیون   سو  صحبتی خالی  قدحلر   الده دی   ساقیه   وار   خجالتی فاطمه  مهریدور  فرات   اوغلونا  وئرمور  امّتی خیمه ده    گاهوارة     اصغره     قاره   چکدیلر سسلوری  صاحب الزمان   سینه  زنانِ  عالمی قاره   لباسوزی  گییون گلدی حسین  محرّمی وئردی نشان  ملکلره  فاطمه   قانلی  کوینگی آهیله   عرش   اعظم   و  اکبره    قاره  چکدیلر قانه  حسینی آز   قالور  اهل   ستم    بویاندیرا کوفه    رعیّتی   گلور   خیمة     شاهی   یاندیرا باشلاری   نیزیه  ویرا  سینه ده   آت  دولاندیرا گور  هامی کوی و برزنه یکسره  قاره چکدیلر آه او زماندان  ایستدی شمرکسه حسین  باشین تلّیده  زینب  آغلادی سسلدی داده قارداشین آچدی سکینه  باشینی توکدی  رقیّه  گوز  یاشین خیمه   سرای  عترتِ   حیدره    قاره   چکدیلر قاره یلاَسدی باتدی گون قدسیان الامان دئدی یرده حسین جنازه سی نیزده  باش اذان دئدی کوینگینی  آپاردیلار فاطمه  باخدی جان دئدی اهلِ    مدینه    مرقدِ    مادره     قاره   چکدیلر

👆👆

گوز تیکوبدور سنه قارداش دم خنجرده باشیم تز یتیش دادیمه قویما قالا اللرده باشیم دیمورم قارداشووام عرصه‌ده سرلشکروم یا الیمده عَلمیم واردی علم پروروم منده‌گر سلطنت عالَم اولا نوکروم خاکبوس اولمیوب اولماز در دیگرده باشیم سن بیلورسن سنه قارداش دئمدیم ئوز باشیما امر زهرادی که زحمت ویرورم قارداشما گل ایاقوندان ئوپوم قوی الون السیز باشما اولا تا آخر عمرینده نظر کرده باشیم گرچه ذبح اولماقا باشیم قاباقوندا تَلَسر خنجر قاتل اسنده اودا شوقنیدن اسر وار نه جلّادیده جرأت نَه‌دَه خنجرده کسر باخما السیزدی چتین ال وئره نامرده باشیم ای ابالفضل لباسین دئیشوب آل یزید جمع ایدوب‌سفرهٔ احسانیله‌باشینه مرید (منزوی)حق‌دانیشاندا ائلیور حمله شدید گوی چوگان تعدّی اولوب اللرده باشیم     مرحوم  منزوی اردبیلی

💫احوالات حضرت ابوالفضل(ع)💫 نهریدن چیخدی اورکده غمی یوخ مشگی دولی علمی الده قلج الده سلامتدی قولی باخدی اطرافه برانداز ائلدی صاق و صولی انتخاب ایلدی مقصودینه نزدیک یولی دل تمنای حرمخانه دلدار ایلیور حمله ور اولدی او سایسیز نفره فرد رشید دفتر رزم و شهادتده آچوب فصل جدید ما و من اهلینی شمشیری ائدوبدور تهدید کوفیه ساری فرار ایلدی افراد پلید الحذر الحذر اول فرقه کفار ایلیور تیز حملیدی ئوزی مرکب رهواری برو گه وئروبدور آتا مهمیز گهی وئردی جلو ایلدیریم تک قشونون خرمنینه توکدی الو باشلاری داس اجل تک قلجی ائتدی درو روبرو هر کیم اولور فوری نگونسار ایلیور بشرون الدی خطر وقتی نگهبان گوزونه اللری اولسا مواظب اولار انسان گوزونه السیزه چاره ندور اوخ کچه پران گوزونه یاریلا باش یاراسیندان توکوله قان گوزونه سیلمه سه گوزلرینی باخماقی دشوار ایلیور لخته قانیله دولان گوز گورر آیا هارانی گوز دوتولموشدی قبول ایلدی هر بیر یارانی نه گلن نیزه اوخی گوردی نه یاره وورانی نه یانیندان گچنی گوردی نه یولدا دورانی دونور هر سمته هدف سینه سین اوخلار ایلیور باغلیوب ام بنینون یرینه قان گوزونی ایتیروبدور یولی میداندا ایتورمور ئوزونی گلدی بیر ظالم اونون تار ایلدی گوندوزونی دئمرم آهن عمودیله آچیق باش سوزونی صبر و طاقت او غمه هانسی عزادار ایلیور بیلمورم اولدی نه رفتار او قوی پیکریله اوجا قامت اوجا یردن یخیلوب لنگریله باشینون اوسته گلوبدور آناسی حیدریله فاطمه سیلدی گهی گوزلرینی معجریله گه سو تکلیفی اونا حیدر کرار ایلیور سسلنوب معرکه دن گل منی درک ائت شاهیم شاهسن سن منه شاهد بیر اولان اللهیم قورتاروب الده کی سرمایم اوجالمیش آهیم سر خونین تن خونین دی قالان تنخواهیم اونودا مقدموه نوکرون ایثار ایلیور 🌹مرحوم استاد حاج انور اردبیلی ره" ⚜☘⚜☘⚜☘⚜☘⚜ حضرت_ابالفضل (ع) متن_شجاعت_رجز روضه  سینه زن زنجیر زن   

‍ گلدی گینه ماه ماتم حسین جان یاندی غموندن بو سینم حسین جان عشقونده باشه قرا باغلارام من نازلی رقیه غمونده آغلارام من عشقونده باشه قرا باغلارام من سینه وروب قلبیمی داغلارام من مظلوم حسین وای دیوب آغلارام من ایوای یارالی آقام وای آقام وای باشی بلالی آقام وای آقام وای اولدون عزالی آقام وای آقام وای لطف ایت نظر قیل بو اهل عزایه یولا بیزی اربعین کربلایه اول قانلی تربت سرشتیمدی والله تل اوستی دیر و کنشتیمدی والله شش گوشه قبرون بهشتیمدی والله ایوای یارالی آقام وای آقام وای باشی بلالی آقام وای آقام وای ائلدن آرالی آقام وای آقام وای زهرامارالی آقام وای آقام وای سلام اولا او چوخور یرده خسته جان آقاما سلام اولا بدنی اوخلارا نشان آقاما سلام قتلگهه خیمدن اوروج گیدنه سلام اولا اوروجون آخشام آچمیان آقاما سلام شمرین الینده قالان یارالی باشا اوحالدا خیمه لره ناگران باخان آقاما سلام اولا آقامون قورخوشان بالالارینا سلام صبح آچیلینجا ربابی آغلادانا بالخ کیمین سوسوزوندان چالخلیان آقاما سلام اولا اوجا بویلی گوزل علمداره سلام اولا او عمود آتدا دوز دوران آقاما ایوای یارالی آقام وای آقام وای باشی بلالی آقام وای آقام وای زهرا مارالی آقام وای آقام وای

حضرت ابوالفضل العباس علیه السلام (سبک : الهی ننمدن اوزولدی الیم) دور ای قان  ایچینده  یاتان قارداشیم فرات  اوسته  فیضه  چاتان  قارداشیم منیم  قهرمانیم قوی  پهلوانیم جوان  قارداشیم یارالی  باشوندان  آخور قان  یره یوز اوسته دوشوبسن آتوندان  یره مسلمانی   یخماز مسلمان  یره سنه  وئرمور  اعدا امان قارداشیم منه ناز ائدورسن الیمدن گئدورسن جوان  قارداشیم یارالی آتانماز قدم  بیر یانا دوشوب پیکرون غرق غم بیر یانا ایکی  قولدان آیری علم بیر یانا بهارون  اولوبدی خزان  قارداشیم دونوب قانه اشگون اولوب پاره مشگون جوان  قارداشیم رقیَّم  تیکوبدی  یولا  گوزلرین نئدیم بیلسه مشگ و علم سؤزلرین بالا قیزلاریم ئولدورر ئوزلرین حرملر قالوب ناگران قارداشیم غمه  دالدالانما سویون یوخ، اوتانما جوان قارداشیم گلاب اولدون ای بوترابین گولی صولان باغدا اسلام نابین گولی سوسوزدان  وئرور  جان  ربابین گولی اُوزوب  گولدن ال ، باغبان ، قارداشیم نئدور درده  چاره م یانور شیر خواره م جوان    قارداشیم

نوحه ترکی زبانحال حضرت اباالفضل العباس علیه السلام بنداول سیدی داده گــــــل آتدان یخـــــــلدیم یـــــــوزی اوسته شه عطشان یخلدیم درک ائله قارداشــــــــون اعداایچینده گــــــــوزومه تاراولوب میدان یخلدیم جان حسینیم حسینیم جان حسینیم سنه سقـــــــــا اولا قـــــــــــــربان حسینیم بنددوم سنه قـــــــربان اولوم شـــــاه خــجسته یاغــــــیراوخ پیکـــــــریمه دسته دسته واریم الان سنه چــــــــــــوخ احتیاجیم ائدوب عــــــــــــدوان علمداروی خسته جان حسینیم حسینیم جان حسینیم سنه سقـــــــــا اولا قـــــــــــــربان حسینیم بندسوم سوقـــــولی ویرمـــــیشم قزلاره قارداش باخـــــــــــورام سن گلن یوللاره قارداش خبـــــــــــــــرائتـــــمه ربابه مـــــــــــــــــاجرانی اولوب افسوس سومشکیم پاره قارداش جان حسینیم حسینیم جان حسینیم سنه سقـــــــــا اولا قـــــــــــــربان حسینیم بندچهارم سورونور تپــــــــــراق اوستونده وزیرون بدنیندن دوشـــــــــــوب قوللاری شیرون لطف ائله تئـــز یتیش داده یـــــــــوبانما اولـــــــــموشام قانلی صحراده اسیرون جان حسینیم حسینیم جان حسینیم سنه سقـــــــــا اولا قـــــــــــــربان حسینیم بندپنجم گــــــــوزومه اوخ دگوب حالیم یاماندی آلوب اطـــــــــرافیمی نیـــــــزه ووراندی گـــوزلروندن ایراق اولسون حسین جان بیرعمـــــــودیله باشیم پارچــــــــالاندی جان حسینیم حسینیم جان حسینیم سنه سقـــــــــا اولا قـــــــــــــربان حسینیم التماس دعا کربلایی هادی کاظمی(عطش) #،کانال ختم خوانی و نوحه

🌹فراق مادر🌹 در سبک یخیلدی سقا یئره ✍شاعر : علی عبدی گوزوم دولی  یاشیله  من باخیب  اتاقیوه اورک    یانوب  آغلارام   محنت  فراقیوه جان ننه جان ننه دلده  آرزیم  اولدی  قان کاش   ئولیدیم   آنا سن  آنا   ئولن   زمان 🏴🏴🏴🏴🏴 درد فراقین  منه  چوخ  چتیندی   آی ننه قبریوین اوسته گلوب  سسلنرم  وای ننه قالدی اودنیایه چون بیرده گوروش دای ننه گوزدن یوزه باغلارام باغلارام  سرشکیمی پیدر  سنه آغلارام آغلارام   یاغیش کیمی 🏴🏴🏴🏴🏴 تیر غمین  قلبیمه بیر بیوک  ویروبدی اوخ درد فراقین منیم حالیمی  پوزوبدی  چوخ سنسیزبو غملی ائوین عزت وصفاسی یوخ عکسیوی  عکسیوی   یادگاری  ساخلارام یاده  ساللام  گئچن   گونلریمی   آغلارام 🏴🏴🏴🏴🏴 عالم  اِئشیتسین  گُرک  سوزیله  گدازمی بیرعمری سن چکمیشن دهریده بو نازمی دنیاده  چوخ ایتمیشن  بر طرف  نیازمی باشیوه   باشیوه  من   دولاننام   آی ننه آچ او یومّوش گوزون بیردوباره باخ منه