سنون عشقونده حسین سوز وگداز ایلمیشم تازه عشقین. یولونی عشقیله باز ایلمیشم دیسه لر. هرگلنی جنته یول ویرمزلر دییرم. فاطمه دن. اخذ. جواز. ایلمیشم احسان بدرخانی

🍁زبانحال خواهرانه به راس مطهر🍁 نیزه باشینده منه ناز ائلَمه زینبووم صبریمی آهیله دَمسازائلمه زینبووم کوله آغشته نَدن اولدی بو مژگانون اَخا سنه قربان گوزووی باز ائلمه زینبووم تازه قانی گورورم یاره لی باشوندن آخور دردون آیدیندی اونی راز ائلمه، زینبووم یاخشی قرآن اوخیانلار باشینا گُل توکولر نسگیلی نیزه ده آواز ائلمه ، زینبووم داش آتانلار منه ایکاش آتالار داشلارینی دوز بولونسون پایمیز ، آز ائلمه زینبووم ای سوسوز اَلده ئولوب نیزده معراج ائلین بو باتیق ناله می گَل ساز ائلمه زینبووم سنون عشقونله حسینیم دوزَرَم هر محنه صبریده آدیمی ممتاز ائلمه زینبووم بو آغیر محنتووی صبریله قارداش بَزَرم کوفه وشامی حسینجان سنه خاطرگزرَم نیزه معراجی سنه اولدی برازنده حسین هاراگئتسون آنام اوغلی گلرم منده حسین پیکرون قالدی بیابانیده چیخدیم سفره دشمن ائتدی باجووی گورنجه شرمنده حسین بوهلالی قاشووا قان نجه وئردی یاراشیق قاشلارون اولدی آچیق گوزلره زیبنده حسین چاتمور اَل نیزیه قارداش گوزووی باغلاماقا دَرداولوب زینبه درمانی فقط سنده حسین سنی زهرا نَنَمون جانی حسین یوم گوزووی گوزوون یاشی اولور قانیله آکنده حسین خسته دور قافله میز کوفیه یورقون یتیشوب سنده یورقونسان اَخا، منده بودشمنده حسین (نادرون)شعرینه خلعت وئرئوزون میرهُدا سن شفاعت ائله تا باغلانا پرونده حسین 🩸🩸🩸🩸🩸🩸🩸

در فراق حضرت امام زمان عج الله به قلم کربلایی صابر ثمودی سبک همه جا بروم به بهانه  تو 🌿🌿🌿 اورگیم داریخور ای نازلی نگاریم گل هایاندا قالدون ای باغ و بهاریم گوزلریم یولدا..ای گل زهرا گل سنه قربان...سرو دل آرا یا اباصالح یا اباصالح 🌿🌿🌿 غم دوتان کونلومی کیمسه یوخ شاد ائده بو دل ِ زاریمی غمدن آزاد ائده هیجرونده یاندی.بو دل زاریم گل سنه قربان. صبر و قراریم یا اباصالح یا اباصالح  🌿🌿 باخورام یولارا هر  آخشام هر سحر شاید گلدی آقا  سیزدن بیر خوش خبر صبریمی آلدی، گل غم هجران عالمین جانی گل سنه قربان یا  اباصالح یا اباصالح 🌿🌿🌿 جمعه لر اولاندا اورگیم چوخ اَسور وصلووه آقاجان گویلوم چوخ تَلَسور قویما بو حسرت..سینمده قالسین آیریلیق دردی..صبریمی آلسین یا اباصالح یا اباصالح 🌿🌿 التماس دعا امام_زمان_عج_الله جمعه_های_دلتنگی

حضرت امام زمان (عج) من او بلبل کیمی گلزار و بهار آختارورام گل و گلزار آرا بیر نازلی نگار آختارورام گه دوشوب چولری حیران گزیرم هجرینده چکیرم دشت و بیابانیده جار آختارورام سالموشام یکسر ایاقدان هامی دشت و دمنی باغ و راغ ایچره نه چون سرو کنار آختارورام صبریمی الدن آلوب دلده قراریم یوخدی چرپنان قلبیمه من صبر و قرار آختارورام تک نه من عاشقیم مینلر اونون عاشقیدی من ولی یاریمی هر لیل و نهار آختارورام بیلمیرم هاردا قوروب خیمه سینی، کیم بولسه منه ده فاش ایلسین لحظه شمار آختارورام بیله فکر ایلمیون اولمیا دیوانه دی بو گنج عشقی گزیرم دار و ندار آختارورام کوچه کوچه دولانوب هر یره من باش چکورم اولمیا بوردادی من گوشه کنار آختارورام؟ سیزی تاری خبروز اولسا نهان ایلمیون دویمشام جانه داخی راه فرار آختارورام کیم گتیررسه خبرین مژده سی جانیمدی منیم نقد جان الده اونی با دل زار آختارورام گوزلریم نوری گیدوبدور بو غم عظماده گوزومون نورینی با دیده تار آختارورام وار یوخوم غارت اولوب بیرجه اونون عشقینده گینه بو حالیله من دهریده یار آختارورام دوشوب اولسم منی کوینده اونون دفن ایلیون مقدمیندن گورلر گرد و غبار آختارورام ((سادیم)) صادقم عشقونده منه بیر باش چک بیرعمردور سنی من قلبی فکار آختارورام طهمورثی (عتیق)

حسین نهایت رنج و فشاره باخ منه باخ بو کوفده ستم بی شماره باخ منه باخ کجاوه ده بابامین پایتختینی گزورم نه گوندی بو فلک کجمداره باخ منه باخ گوروم همیشه منه پیشوازه سن گلسن امیرغافله پوزقون قطاره باخ منه باخ باشیواحامل اولان فاصله توتور مندن جدایه چاتمورالیم نیزه داره باخ منه باخ گورونمیوبدی بیری داش ووراقوناخ باشنا بو شهریده رسم و قراره باخ منه باخ علی بالالارینا خارجی دیوللر اخا شعوریوخدی بولارداشعاره باخ منه باخ کچیک بیوک اوشاغ عورت چخیب تماشایه ئوزون بو منظره ناگواره باخ منه باخ ایکی باجی یانیروخ یدی قارداشین غمینه بلا شریکیمه کلثوم زاره باخ منه باخ همیشه اکبر و عباسیدی جلو داریم اوگونلریم هانی پایان کاره باخ منه باخ عنان ناقه دوشوب قان توکنلرین الینه سنان وخولی بی ننگ وعاره باخ منه باخ سنق کجاوه هارا اهلبیت عصمت هارا قیزین سکینه ناقه سواره باخ منه باخ عزالیم شب هفتم هله توتانمامیشام بولار گولولله بیزه اعتباره باخ منه باخ اسور ئیل اکبریمون زلفونه ویرورحرکت دالیجا لیلیه بی اختیاره باخ منه باخ دیولله قاسمه اوچ گوندی بوجوان طوی ایدیب عروس غمزده و دلفکاره باخ منه باخ قونوبدی گرد مزلت بو ملتین باشینا سکوت پرخطرومرگباره باخ منه باخ اقلی شمره دیین یوخ یتیمی وورمازلار الینده قمچیسی اول نابکاره باخ منه باخ ویروبلا نیزیه حتی او صود امر باشینی رباب آناسی دیور شیرخواره باخ منه باخ بو کوفده چیخانا کاش ئولمیه سجاد طبیبیم ایله مریضه نظاره باخ منه باخ یارالیدوربالامون بوینون اینجیدورزنجیر ملال حجت پروردگاره باخ منه باخ توکولدی بوردا عم اوغلی مسلمون قانی مسیر راهیده آثار ثاره باخ منه باخ گولنلرین صفی قورتاردی دینمدیم گچدیم بودفعه مرحله سنگساره باخ منه باخ بوداشلارین بیری دیسه رقیمین باشینا منیم ائویم یخیلار انکساره باخ منه باخ بو شهرین اهلی بابامین باشینی قلیجلادیلار نه انتظار بولاردان دیاره باخ منه باخ یازیلا اون ایکی مین نامه یوخ اون ایکی نفر گلایه کیمنن ائدیم انتظاره باخ منه باخ هارا گیدنده بولورسن گجه گیدردیم من یولومون اوسته گونوز رهگذاره باخ منه باخ گلوبدی ام حبیبه بیزه ویره صدقه کنیزه باخ ایشه باخ روزگاره باخ منه باخ عجوزه آنیوا داش ویرمامیش باخیردین سن گوزون قانین سیلن اولسادوباره باخ منه باخ منی دانیشدیر حسین تازه یارمیشام باشیمی ثبات عشقه سر زخمداره باخ منه باخ یاراوی باغلاسا زهرا منیمده فکریمه قال یارالی باشیمه باشینده یاره باخ منه باخ باجین ئولیدی کیمیم وار دواقویا باشیما قولومدا باغلیدی حال نزاره باخ منه باخ یئرینی بولسم ابولفضله دردیمی دیرم باشی ایکی بولونن پاسداره باخ منه باخ نقاب سیزئوزومه قانلی زلف اولوب روبند حجابه باخ قانا باخ استتاره باخ منه باخ بوحالیله نجه خلقه تانیدیریم ئوزومی آنامین اوغلی دل بی قراره باخ منه باخ جداده سن اوخی قران منیم یارام ساغالار صفا اوصوتیده دورسنده واره باخ منه باخ دونن هیچ یوزیوه بیر دویونجاباخمامیشام جمالون آئینه سینده غباره باخ منه باخ کیم اولسا خولیه مهمان ایله بوحاله قالار یورون کوله بلشوب گلعذاره باخ منه باخ (کلامی زنجانی)

۞﷽۞ (سخنان حکمت آموز ) ای بشر سعی ایلـه عـالمده خباثت ایلمه شـرّ عَمَلـده فـایده اولـمـاز شـرارت ایلمه حق سنی زیبایارالدیب خلقتون پاکیزه دی گوزله چوخ ناپاک اولان اعماله عادت ایلمه هرقدم آتدوقجاسن سندن اجل همسایه دی غافل اولماسن ئولومندن لحظه غفلت ایلمه روزمحشر وار ئولوم واردور سوال قبر وار تـا الینده فرصتون وار فـوت فـرصت ایلمه غسل وار غساله وار سنگ لحد وار آگه اول وحشته سالما بیرین قبرینده وحشت ایلمه الله ئوز حقیندن گچر گچمزله حق الناسیدن اولما عقرب تک چالان غصب طبیعت ایلمه سن کی منکرسن ئوزون چک نهی منکردن سن ال عـالـمـی کـافـر بـولـوب تفسیـر قـرآن ایلمه اولسا دریاجن گناهین قوخما الله عفو ایلـر شـرطـی وارسمـت گناهه بیرده رجعت ایلمه شـکـر نعمت ایلـه سـن الله دا نعمت آرتیرار هـرنـه وار الـدن گـیـدر کـفـر نـعـمـت ایلمه چوخ دئمه مـن پولیّام عالم کرگ اَیسین منه غـاصـب اولـمـا بـینـوا حقینده غـارت ایلمه شوکت اصحاب فیل اولسا الینده ایسته سه محو ائدر بیر دسته بـال و پـر مباهات ایلمه احترام ایلـه آتـاندان یا آنـاندان چـکـمـه ال گونده مین دفعه اَلین ئوپ ترک خدمت ایلمه روزین آز اولـسـا اگـر چکـمـه نمازیندن الین حـق چـوخـالـدار روزیـوی تـرک عبادت ایلمه نفسیوه تولانّـمـا ؛ تولان سان چـکـر بیراهـیـه خوار و پست ایلر سنی نفسه عبادت ایلمه ایستوسـن پشت سَرینده ایتمـه سونلـر گفتگو ئُـوزگَـنـون پشت سَرینده سنده غیبت ایلمـه ئوزگنون یخما ائوین یخسان یخالاّر بول گونن یا چورک کسمـاخلیقـا گـوزلـه شراکـت ایلمه هر نئی یرتساندا یرت یئتما حیانین پرده سین اهـل عیالـون بـن حیا اولماقـه دعوت ایلمه ئوزده مومن دالدا شیطاندان طرفه ائتمه عمل مین دونـا گیرمـه ئوزون مشمول لعنت ایلمه یولداش آختارسان اویولداش تاپ که اهل دین اولا هـرکـس و نـاکـس رفـیقـیلـه رفـاقـت ایلمه دینی قارداشین یخیلدی سن یخیلدین فرقی یوخ توت الین قویما یخیلسین دورسا منت ایلمه روحیَ اَمـراضـه شفا قـرآندی قـرآن نوریدور هـمـدم اول قـرآنی لـه فـکـر طـبـابـت ایلمه بـزم هیئت لـرده قـرآن مجلـسـین تـرک ایلمه هـاردا پـیـغـمـبـر دیـوب قـرآن تـلاوت ایلمه درس انـسـانـیتـی گـیـت مکـتـب زینبدن آل دوز یـاشـا هـر نـه بـلا گـلسـه شـکایـت ایلمه کـربلاده روز عاشورا دیدی قارداش حسین گیت بویان قـانـه ولـی کُـفـاره خـدمـت ایلمه ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

عشق اباعبدالله الحسین علیه السلام https://eitaa.com/khtmkhani چکدیم اورکده عشقیمی معیاره یا حسین قاره گییوب قوشولدوم عزاداره یا حسین گوزلر گوزوم بیر ایل بویی ماه محرمی هر گون گوزومده جلوه لنیر کربلا غمی عشقون اورکده آختاریرام بزم ماتمی کعبم دی هر یئره چکه لر قاره یا حسین گوردوم چیخیب‌دی کوچه و بازاره دسته‌لر عاشقلرون گییوبدی قرا جامه دیده تر اسدوقجا پرچمین ائله دی روحیمه اثر رونق وئریلدی یازدیقیم اشعاره یا حسین باشدان هوای وصلیوی بیر لحظه آتمارام عشقونله دلخوشام بو قرا نی چیخاتمارام سندنصورا بیر آیری کسه ال اوزاتمارام ال دوت‌گیلان اوزون بو دل افکاره یا حسین سن دین یولوندا عزتیله ائیلدون قیام ظلمیله کسدیلر باشیوی فرقه‌ی ظلام وئردین کسیک بوغازیله حق اهلینه پیام قربان اولوم بو نهضت و ایثاره یا حسین سن آللاهین حبیبی‌سن ای شاه بی بدیل ائیله نظر ، گناه منی ائیلییب ذلیل گوزیاشلی آستانیوه من اولموشام دخیل وار دور امیدیم ائیلمه آواره یا حسین ای کائناته شأن و شرف عز و آبرو هر بیر نفسده ائلمیشم وصلین آرزو بیرده هاچان نصیبیم اولار قبر مشکبو ایله نظر بو دیده‌ی خونباره یا حسین https://eitaa.com/khtmkhani فصل عزادی گرمیدی بازار کربلا ائیلور سفر تدارکی زوار کربلا دعوت یازیر یقین کی علمدار کربلا تاپشیر بو بینوانی علمداره یا حسین عباس آدی گلنده سالیر شور عالمه سو صحبتی دوشنده اورکلر دولور غمه گوگلوم قوشی قاناد چالیری نهر علقمه قان آغلاسام سزادی او سرداره یا حسین وئره‌م آقا سنی علیِ اصغره قسم جدون شبیهی اوغلون علی‌اکبره قسم اللردن ال دوتوب کسلین اللره قسم محشر گونونده لطف ائیله حضاره یا حسین https://eitaa.com/khtmkhani لطف و سخاده شأنوه شاملدی هل اتی منده امیدیله سن ایچون اولموشام گدا آدون گلنده روحیمی مدهوش ائدیر آقا چوخ شایقم بو گلشن و گلزاره یا حسین 📝 مدهوش #عشق_حسین_ع ✅ متنوع‌ترین متنها و سبکهای ترکی https://eitaa.com/khtmkhani ─‌┅═‎•✧❁࿇❁✧•═‎┅─‌ https://eitaa.com/khtmkhani ─‌┅═‎‌‌‌‌‌‌•✧❁࿇❁✧•═‎‌‌‌‌‌‌┅─‌