🇮🇷 آغاز نصرالله 🇮🇷 آغاز نصرالّه عجب آغازی پرشور ایلدی ظلمات صهیونی گجه مستغرق نور ایلدی گویدن یره اوددور یاغور یاکه شهاب و صاعقه اود یخدی ظلّامین ائوین دنیانی مسرور ایلدی آغاز نصراللّهیلَن بیر گلدی صَهیون بایرامی بایرام دوتان بیچاره نین چَرشنبه سین سور ایلدی سیدعلی صادر ائدوب فرمان آتش حَبَّذا بیرده سلیمان قدرتی شیطانلاری دور ایلدی هاردا قالوبدور مَرحب خیبر بومیدانی گوره گورسون که انصارعلی مظلومی منصور ایلدی شک ائتمه اسرائیلیدن قالماز اثر بوتئزلیگه چونکه حمایتلر اونی جهلینده مغرور ایلدی فَوّاره قالخار (نادرا) امّا اولار تئز سرنگون گوردون ائکیمجی صادقی افعیلری مور ایلدی 🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷

#زبانحال_حضرت_اباعبدالله_الحسین_علیه_السلام سَنون دوتوب گُلِ رُخساروی غُبار قیزیم مَنیم یُوزیمدَه تاپوب، کُولدَن اِستتار قیزیم اوُزوم بُیلوردوم عَزیزیم مَنی گُوزتلیردون که قُویمادیم گُوزوی یُولدا اِنتظار قیزیم سَنه خَرابه دَه یاتماق بالا دَگُل ذِلّت خَرابه لَردَه اوُلار دُرَِّ شاهوار قیزیم اِیدوب سَنون یُوزوی لاله رَنگِ، سیلی شِمر منیمدَه صُورتیمی، تیغ، زَخمدار قیزیم سَنون اَگر باشوا تازیانه چوخ ووُرولوب دَگُوب منیم باشیما زَخمِ بی شمار قیزیم اَیاقلارون قابارین چوخ مَنه نِشان وِیرمَه یارالی قَلبیمی آز اِیله داغدار قیزیم چوخ اِینجیدوب سَنی یُولّاردا ساربانلار اَگر چوخ اِینجیدوب مَنیدَه یُولدا نیزه دار قیزیم سَنون دوداقلاریُوی قورخی چاک چاک اِیلیوب مَنیم دوداقلاریمی ضَربَتِ فَنار قیزیم جُدا باشیندا گُوروردوم وُوراندا قَمچی سَنه کُومَک لیقا یُوخودی نیلیوم اِقتدار قیزیم سُوسُوز شَهادته یِتماق مَنه مُقدّریدی سَنون اِسارتُون اِیستُوردی کِردگار قیزیم رضای حقّیدی اِحیای دِینیدی دُوزدوم نَقدر ظُلم اِیلدی قُومِ کین شُعار قیزیم یِتوبدی باشه مُقدّر اُولان بَلیّاتُون یُوزوندَه گُورسنُوری حالِ اِحتضار قیزیم اَبُوتراب عَزیزی یاتار تُراب اوُسته بو دور همیشه بَلی وَضعِ روزگار قیزیم خدا عَزیزینَه ذِلّت دَگُل اَسیر اُولماق بیز اهلِ بِیتَه اِسارتدی اِفتخار قیزیم دایان مَصائبه تا صَبرون اوُلماسُون ناقص یِتر تَمامه بُو اَیّامِ ناگُوار قیزیم یُوزیمدَه کی کُولی گُوز یاشویلَه سیل، صُورا اُوپ کُول اِیتمَسُون لَبِ لَعلون جَریحَه دار قیزیم تَحمّل اِیلَه گِیدندَه سَنی آپارّام اوُزوم چوخ اِیتمَه نالَه بِیله اوُلما اَشگبار قیزیم یَزید مَحو اوُلاجاق، کاخِ ظُلمی قالمیاجاق جَلالینی اِیدَه جاق چَرخ تار مار قیزیم سَنون وَلی قالاجاق شامِ شُومدَه قَبرون نَقدر عالَمِ اِمکاندا وار مَدار قیزیم اگر #حسینی سَنون چَنگ وُورسا دامنیوه قالار بُو دَهردَه اَشعاری یادگار قیزیم #شادروان_سید_رضا_حسینی_سعدی_زمان

#حضرت_عباس_ابن_علی_علیهما_سلام                                                     سُو سَرِین اِیستِی هَوا قَلبِینُون آرتُوق عَطشی نَفسِ عَبّاسِیلَه عِشقُون اوُجالُوب کَشمَکَشِی آبِ سَردِیلَه مُبارَکَ اَلِینِی اِئیتدِی پُر آب قُورِیان لَبلَرَه نَزدِیکَ اِیلِیُوب دُور او جَناب عِشقِیدَن نَفسِینَه گُویا یِتِیشُوب دُور بُو خِطاب عاشِقَه نَقصدِی گر نَفسُون اَلِی قازسا قُویی نَفس مَغلُوب اِیلَه یاندِیر یِرَه تُوکَ اِیچمَه سُویی ایچمدی آتدی یره مجری تصمیم اولدی نفس سلمی واریدی عشقینه تسلیم اولدی نفسله عشق آراسی رابطه تحکیم اولدی پیشتاز ائیتدی ئوزون قافله عرفاندا عبدصالح دیولور علت اودور هر یاندا گوئیا گلدی بیانه دئدی ای آب روان موج وور ایله نفدری ایلیورسن جریان عشقیمی نفسله مغلوب ائده سن ائیتمه گمان تشنه لردن نه روا نفسنی عباس سچه آقا لب تشنه قالا خیمه ده نوکر سو ایچه ایچمرم قطرون اگر اولسا سنون آب حیات باخمارام گر اتگیمدن یاپوشا نهر فرات من علی اصغریمه آختارورام راه نجات سوسوزام یوخدی علاقم ولی بیر ذره سنه قوریان لبلرین ایسلاتسام اونون بسدی منه هر بشر دهریده بیر خوش عمله طالب اولار مشکلاته اوعمل عشقینه تز غالب اولار سعی ایدر بسکه نتیجه ئوزونه جالب اولار دورمشام منکه او گوندن بو جهاندا ایاقا وار علاقم سوسوز انسانلارا سو پایلاماقا گیدورم خیمه لره ساری امان وئرسه قضا مشکی سالم یتورم سسلنم ای آل عبا بالا قزلار سو ایچه مندن اولا بلکه رضا ایلکه خیمه ده سو ایچدی هامی اهل حرم تشنه لر دویسا سودان قالسا ئوزومده ایچرم رسمدور دوشسه اگر مشکله هر اهل ولا دردین عباسه دیوب اخذ ایلیور فوری دوا بنده سین صاحب اعجاز ایلیوب ذات خدا بزم عز و شرفون عزتی عباس آدیدور #انورون دفترینون زینتی عباس آدیدور #شادروان_انور_اردبیلی_رحمة_الله_علیه

#آرزوی_کربلا باشِیمَه دُوشدی گِینه شُوقِ هَوای کَربَلا آتَشین دِلدَن گلُور نِی تَک نَوای کَربَلا کَربَلا شُوقی اَگر چه واریدی دِلدَه کَرار آتَش حَسرَت سالُوردِی قَلبِیمَه دائم شَرار اوُلمامِیشدیم هِیچ زَمان اَمّا بُو قَدرِی بیقَرار آلمامِیشدی صَبریمی اَلدَن هَوای کَربَلا دَستَه دَستَه هِی دُوشُور هَر گُوندَه زوّارِی یُولا نارِ حَسرَت شُعلَه سی آرتار گُوگُلدَه بَر مَلا سَسلَرَم آهِستَه دِلدَن کَربَلا یا کَربَلا کَشتیّ صَبریم سِینُوب اِی ناخدای کَربَلا کَربَلا آدِی گلَن وَقتَه گِیدَر دِلدَن تَوان چِشمِهء چِشمِیم اوُلور خَطّ عُذارِیمدَن رَوان جِلوَه اِیلَر گُنَبد و صَحنِ اَبُوالفَضلِ جَوان نَصب اِیدُوب اوُردا لَوا صاحِب لَوای کَربَلا اِی اوُلان هَر دَردمَندِین دَردِینَه آدِی دَوا تُربَتِ قَبرِ شَرِیفی عالَمَه خاکَ شَفا بُو مَرَضدَن جانَه گلدِیم قَبرِیوَه جانیم فَدا دَردمَندَم آختارُور دَردِیم دَوای کَربَلا آرِزُوی کَربَلا اَلدَن آلُوب آرامِیمی اَمر اِیلَه عَبّاسِیوَه لُطفِیلَه وِیرسُون کامِیمی دَفتَرِ زَوّار دَربارُونَده یازسُون نامِیمی نَه گُوزَل یِر دور او یِر اِی مَن فَدای کَربَلا بیر نُولُور بُو جَمعِیلَه پائین پایُوندا دُوراخ نُوجَوان اوُغلون علیّ اَکبرَه ماتَم قُوراخ سَس چَکاخ اِیوای حُسین وای سَسلِیاخ سِینَه وِوراخ عالی بیر لَذّت وِیرُور رُوحَه عَزای کَربَلا یاد اِیداخ شاها او وَقتی قَلبِ بی آرامِیلَه یُوز یُوزَه قُویدُون اوُز اوُغلون اَکبَرِ ناکامِیلَه اِیلَه زِیبا قامَتیلَه اِیلَه خُوش اَندامِیلَه تاپدی زِینَت روزِ عاشُورا مِنای کَربَلا بیردَه گُورسیِدِیم او شَمعِ وَصلِیوَه پَروانِیَم قَبرُون اَطرافِین دُولانّام عاشقِ دِیوانِیَم دُوزدی مَن اَصلِ حَقیقَتدَن اوُزُوم بِیگانِیَم لِیک لُطفُون اوُلسا اوُلّام آشنای کَربَلا باراِلها قِسمَت اِیلَه آرِزُومَندانِیلَه قُول سالاخ قَبرِ حُسینَه دِیدهء گِریانِیلَه باشلِیاخ بیر شِعر و نُوحَه نالَه و اَفغانِیلَه باشلاسُون شُورِیلَه #شانی ماجَرای کَربَلا #زنده_یاد_استاد_حسین_شانی_رحمة_الله_علیه

مداحی دلنشین از اسطوره ی بی بدیل مرثیه خوانی؛ استاد سلیم موذن زاده اردبیلی دوست دارم تشنه باشم سال ۶۵

السلام علیک یا علی اصغر یاباب الحوائج دوست دارم تشنه باشم شیر مادر راننوشم تاکه آب زندگی از زاده ی زهرا بگیرم دوست دارم تابه یک لبخند هنگام شهادت راه معراج فسبحان الذی رااسرا بگیرم دوست دارم تازخون رنگین شود قنداقه من سرخ پوشم جای در گهواره ی صحرا بگیرم دوست دارم شهدرویم روی خون رنگین نماید تازداور بهر مظلومیتم امضا بگیرم دوست دارم وقت جان دادن زشوق حق بخندم تاپی احیای خونم معجز عیسی بگیرم دوست دارم قبر من آغوش ثارالله باشد جای تاروز جزادر سینه بابا بگیرم دوست دارم از زمین کربلا خونم بجوشد تازقاتل انتقام خویش چون یحیی بگیرم دوست دارم بر گنهکاران امت روز محشر حکم عفو از ذات پاک خالق یکتا بگیرم

عشق امام حسین (ع) زعفر آزاد مهر شیخ در آبادی ذکر ایله حسین آدینی هر درده دوادی زیبا آدی تک تپراقیدا خاک شفادی بیلمم بو حسینین آدینین حکمت و سرّین هر دل بو آدی ذکر ائدوری غرق بکادی آدم بو آدا آغلادی ، خاتمده ، ملکده وار رازی بو حزنین اودی که سرّ خفادی گر حبّ حسین اولماسا هر دلده ، او گیلدی گیلدنده او دل رتبه ده بی قدر و بهادی نوح ائتدیگی اندازه بیری عمر ائده حتی بی عشق حسین اولسا اونین عمری فنادی هر دلده حسینه اولا گر مهر و ارادت شک ائتمه طواف ایلگیلن کعبه اورادی عشقیله وضو ایله دولان عالم عشقی عشاقه فقط رمز بقا عشق ولادی ورد ایله حسین آدینی آچ چشم بصیرت باخ کرب و بلا دشتینه بزم عرفادی ویزا و گذرنامه سیز اول قلبیده زائر مین توسن عشق اوستینه تأخیر خطادی اندوهیله ترسیم ائله دلده او دیاری گوز یاشیله یاز دشت بلا رشگ سمادی الله قانیدی چون وئرن اول دشته شرافت افضلدی او یر کعبه دن ارزشده طلادی بین الحرمین وصل ائدوری کعبه نی عرشه تشبیهیمه باخ گور نه گوزلدور نه بجادی عباس حرمی کعبه دی دورت گوشه سی واردی شش گوشه مزاری آقامین عرش خدادی وار حکمتی عباس مزاری دوشوب آیری بو فاصله دلداده لره سعی و صفا دی آند اولسون او گوداله آخان قرمزی قانه دل کعبه سی عشق حاجیسینه کرب بلادی مین کعبه دن افضلدی بو گودال طوافی قربان اولوم اول قبره که حج فقرادی گوز یاشیمی جاری ائلدی واژه ی گودال تار اولدی گوزیمده گونوزیم لیل دجادی گودالی ائدن وقتیده ذهنیمده تجسم گوز یاشیم اگر قان اولا واللّهی سزادی گودال نه گودالیدی ظاهرده چوخور یر باطنده وفا مسلخیدور کوه منادی یوخ ، کوه منادنده بو یر رتبه ده باشدی اعظمدی ذبیحی بورانین فخر کسادی توصیفینه الکندی دیلیم شرحینه عاجز طوفانلیدی میقات بلا غملی فضادی حلقومی کسه نیزه ائدوب خنجره سبقت ذبح ائتگمه قربانلیقی ابزار جدادی حنجردن اوپور نیزه اورک باشینی پیکان سینه سوکولوبدی کورگ اوچ سمته یارادی بیر اوخ که اورکدن دگوب هم چیخسا کورکدن فواره لنوب قان سپیله عرشه روادی مقتلده نمایان اولور آثار جنایت گوداله باخان ضجّه چکور غرق نوادی بیر یاندا یاتوب بیر یارالی قانین ایچینده بیر سمتده قاتل دولانور فکری جفادی طاهاده گلوب مقتله زهراده گلوبدی حیدر ده حسن ده دیه سن حشر به پادی بیر کیمسه دئمور شمره او ماواده کنار اول بو جمع فقط انجمن آل عبادی بسدور داخی ختم ایلگیلن مطلبی (( زعفر )) بیر جمله ده یاز کرب و بلا کرب و بلادی

شهرت و عزت حسینی مرحوم حیدر خسروشاهی (حزین) کیم حسینین درگهینده شهرت خدمت تاپار هم بو دنیا هم او دنیاده گوزل عزّت تاپار بو مقدّس آستاندا صدقیله خدمت ایدن آند اولا بو آستانه گون به گون قیمت تاپار آستانیندا حسینون سیندیران شخصیّتین سانما شانی آزالار سیندیقجا شخصیّت تاپار خادم اولماق هر کسه ممکن دگل بو درگهه سالنما بو توفیقی هر کس ایتمسه همّت تاپار شرطی وار بو منصب پر افتخاره یتماقین بیله بولمه بو مقامی هر بشر صورت تاپار اولین شرطی بو عالی منصبین اخلاصیدور منزلت تاپماز ریائیله گلن نکبت تاپار اولمیوب بیر کس صفائیله گله نومید اولا هاردا بیله بیر قاپی عالمده بیر ملّت تاپار هیچ درگاهه قیاس اولماز حسینون درگهی خوش اونون احوالینه بو حضرته نسبت تاپار بیرده لازیمدور حسینون خادمی یکرنگ اولا کیم بیر اوزلی گلمسه بو درگهه خفّت تاپار منصب دنیایه توولانماز حسینون خادمی خیر گورمز کیم بو شهدن چکسه ال خسرت تاپار بیر ائله شان و جلالت حق بو درگاهه ویروب کیم اوزون بو درگهه ییخسا بویوک رفعت تاپار قونمیوب ذلّت توزی قونماز بو عالی درگهه بیله فکر ائتمه حسینون خادمی ذلّت تاپار چون حسینیلندی هر آزادی و آزادگی عبد اولان آزاد مرد انسان (حریّت) تاپار بیر نئچه یرده حسین اوز خادمین یاده سالار بیر بو دنیاده او دم که چوخ غم و محنت تاپار بیرده لطفیله گلر جان تاپشوران ساعاتیده چون بولر انسان ائله ساعتده چوخ زحمت تاپار قابض روحه دیر رحم ائت بیزه خادمدی بو گوندن آیدین دور که عزرائیل او دم رقّت تاپار بیرده اوندا که اونی ائل لر قویار قبره گیدر تک قالارکن قبر اویی ظلمت گورر وحشت تاپار وار عقیدم بیر ائله وحشتلی ساعتده حسین خادمین غمدن قوتارسون حقّدن رخصت تاپار اوندا کی گوردی ایشیقلاندیردی قبرین نور حق قلبده وحشت گیدر اوز قبرینه الفت تاپار بیرده محشرده شفاعت ایتماقا اوز خادمین لطف اوزیله آختارار بی شبهه اول حضرت تاپار اوندا کی هر کس قالار اوز قیدینه فریاد ایدر او حقیقی خادمین اول شافع امّت تاپار هر آدین خادم قویان خادم اولانماز بو سوزون حکمتین دنیاده اهل منطق و حکمت تاپار عمده شرطی بیرده تقوادور بئله بیر منصبین اولماسا تقوی چتین بیر کس بئله رتبت تاپار بوردا خوشدور ((شانی)) مرحومدن خوش یاد اولا چونکه دوز خادمدی دوز خدمت ائدوب رحمت تاپار مطلبین حقّین گوزل بیر طرزیله ایلوب ادا حالینه طوبی ، گوزل خدمت گوزل اجرت تاپار

عرض ادب به محضر حضرت اباعبدالله الحسین (ع) موسی آقایی اردبیلی" یا حسین   غم گینه   تسخیر  ایلدی  جانیمیزی کربلا   محنتی    جوشه     گتیریب      قانیمیزی گیموشوک جامه ی  ماتم  سنه یاس ساخلاماقا گوزده    قانیاش   ایدروک   چاک   گریبانیمیزی گونوموز  لیله ی تار   اولدی  اوگوندن که  بیزیم دوغرادی   تیغ  ستم     شمس   درخشانیمیزی گوشه ی   چشمیله   قاره   گیین  عاشقلره  باخ دردیمیز    چوخدی   عنایت    ایله   درمانیمیزی ساحت    اقدسووه   عرض       ادب     ایلمگه غصه    ویران   ایلیوب     قلب    پریشانیمیزی ای   باشی  تشنه    قفادن کسیلن  واردی یری گونده  مین یول سنه  قربان ایلسوک جانیمیزی مجلس    یاسووه   زهرا    الی  پهلوده    گلوب غم  پوزوب  هم   بیزی هم غمزده مهمانیمیزی امر    یزدانیله    مفتوحدی       ابواب       فلک تا    ملایک    ایشیده     ناله    و    افغانیمیزی باخماروخ    حیله   و     تبلیغینه     بیگانه لرین شور عشقون   بوریوب    محفل     عرفانیمیزی تیغ   تیزیله   ایاقدان   باشا  دوغرانسوق   اگر قویماروخ   عرصه ده   تک حجت  رحمانیمیزی آند   اولا   جانووه   بیز کوفه نین اهلی  دگولوک ساتماروخ     سلطنت     عالمه     سلطانیمیزی سنی   ویروک   قسم   اجلالووه   ای رب کریم حشریده    بیزدن   آییرما    شه   عطشانیمیزی

اشعار مناجات با امام حسین(ع) - حسن لطفی   دریا به چشم گریه کنانت چو شبنم است یعنی که هر چه گریه برایت کنم کم است   شکر خدا که با همه ناقابلی مان اشکی برای عرض ارادت فراهم است دیوار کعبه گشت سیه پوش داغ تو یعنی تمام سال خدا هم محرم است   زهرا به دست سینه زنت آب می دهد هرکس که هست با تو در این خیمه محرم است بگذار تا نفس بزنم در عزای تو این آرزوی هر شب عیسی بن مریم است   یک گوشه از تمامی شش گوشه ات حسین دارالشفای درد غریبان عالم است بانی روضه هات خدا بود خود نوشت هرکس که شد به عشق تو دیوانه آدم است

‍ عیادت زنان مدینه از حضرت زهرا (س) ‍ عیادت زنان مدینه از حضرت زهرا (س) سس دوشدی یثرب ایچره که زهرا مریض دور اول غملی دیلده غملری چاتمیش نهایته یثرب خانملاری ییغیشوبدور که بیر گونی گیتسونله دودمان عشق و صفا و محبته لازم بولوبدولر ایده لر درک محضرین چوخ شوقیله گلوبلر او باب ولایته آهسته دویدولر یاری یانمیش او درگهی بولمم قالوبدی زینب او دمده نه حالته دیل آچدی عرض قیلدی الهی ترحم ایت کاش اولمیه او کس که گلوبدور اذیته سالدی خیاله زینب دلخون او لحظه نی عاجزدی دل که شرح ویره اول حکایته بیر وضع حالیلن او جوهره یه عفت و حیا آماج اولوبدی قلبی تیر بلا و مصیبته آچدی ولایتین قاپوسین چوخ شکسته دل بیر عدّه عورتی گوروبدی گلوبلر عیادته زینب دوتوبدی یوز بویوروب چوخ یوبانمسوز آیا خبر واروزدی اولدی نلر آل عصمته اول وقته گلمسوز که آنام دلشکسته دی امت جفاسی سالدی اونی چوخ ریاضته بیجا بهانه ایلدیلر الده بیعتی جرأت تاپوبدی ثانی گلوبدور اهانته بیر عده نی یغوبدی او ملعون کینه جو وار ایندیده هله یانورام من او ساعته ظلمیله باب وحیی او ظالم چکوب اودا یاندیردیلار بو درگهی نار عداوته پیغمبرین عزیز قیزین ائتدی زخمدار هم یاره وئردی هم دیل آچوبدور شماتته طول اولدی مطلبیم هله قالسون بو یرده سوز مخلص گلوبدولر ائوه عرض ارادته بولمم نه سوز دانشدیلا یا گوردولر نلر غرق اولدولار و لیک هاموسی بحر محنته زهرانی گوردولر سارالوب گول کیمین صولوب چوخ غم یتوبدی دختر ختم رسالته بولمم نه حالیدیدی پیمبر نشانه سی دیل اولمیوبدی کیمسده گلسونله صحبته دیدار ایدوبله فاطمه نی دوردولار اولار گتسونله تا که خاتمه ویرسونله زحمته زینبده دوردی تا اولاری رهسپار ایده بیر تازه غم دوباره یوز ویروب اول ماه طلعته صحنه چیخاندا گوردی خانملار یواش یواش بیر سوز دئیوله سالدی اونی حال رقته گوردی دیوله فاطمه قالماز یقین گیدر بو سوز سالوبدی زینبی بیر آیری محنته القصه گیتدولر ولی زینب دوشوب غمه دیلدن یاناردی زینب نالان بو صحبته رجعت ایدوب ائوه اگلشدی دل غمین آغلاردی چوخ یانقلی ئورکدن بو حسرته بیر قدری آغلادی او بالا ایتدی آه و زار گوز کاسه سیندن اشگی آخوب غملی صورته گلدی ائوه بو حالیده مولای بیکسان مشمول ایدوبدی زینبی چوخ مهر و رأفته علت ندور بالا چوخ غملی سن بوگون ترجیح ویرموسن غمی سن صبر و طاقته بسدور بو قدر آغلاما یاندیرما قلبیمی تاپشور قیزیم ئورکده کی دردون مشیته دیندیردی هر نه قدر او بالا گوردی آغلوری غم لشگری هجوم ایلیوب قلب حضرته او حالیده گلوبدی حسن گوردی زینبی آغلوردی حسرتیله گلوب دردی شدته آلدی کناره اوز باجیسین سویلیوب باجی بیر بیله آغلوسان دی گوروم هانسی علته بیر بیله آغلاما منه اظهار قیل سوزون صبر ایت که صبریلن یتر انسان فضیلته گوردی جواب اولمادی هر قدر دیندیروب بیر آیری حال یوز ویرور اول بحر عفته تشریف گتدی او دم شاه کربلا یعنی حسین که فخردی قرآن و عترته زینب حسینی گورماق همین آچدی قوللارین قارداشی پیشواز ایلیوب باخ مودّته قارداشیلا اولوبدی او دم قول بویون باجی دیل اود دوتوبدی یاندی بو نسگل عبارته سویلوب حسین ، زینبه ای مهربان باجی دیلده بو آغلاماق سبب اولموش جراحته عرض ایتدی قارداشا آنامیز چوخ مریضدور گولدن لطیف جسمی دوشوبدور صعوبته قالمور او قدری عمری فنا روزگاریده آز قالدی یتسون عمری جفادن نهایته یعنی فنا جهاندان آنام ایستیور گیده اوللوخ یتیم سنله حسین باخ مذلته علت او دور که گوزدن آخور اشگ حسرتیم کیم تاب ایدر که منده دوزم درد فرقته بسدور بو غملر عالمی یاندیردی ای ((نوین)) مشمول ایدوبدی طبعیوی زهرا عنایته بو سوزلره اولوبدی (صدیقینده) شرکتی لطف ایتسه گر خانیم یتشاق بیزده عزته یعنی که بیر برات ویره لطفلن بیزه زوار اولاق بقیعه چاتاق بو سعادته آغلار گوزیله سسلیاق ای بضعه النبی جانلار فدا الونده اولان لطف و رحمته یاز دفترونده بیزلری که نوکریمدولر بو منصبیله بیزده یتاق شأن و شوکته ** علی نوروزی نوین