﷽ عیدی که کرامتش عظیم آمده است از باغ بهشت چون شمیم آمده است یاران چو بهم رسند با شادی و شور گویند که #سیدالکریم آمده است #سیدمحمدرستگار ┈••✾•🌿🌺🌿•✾••┈ #حضرت_عبدالعظیم_علیه_السلام

شاهکاری از تاج الشعرا یحیوی اردبیلـے ره سواره تیغ برق افشان الینده فکری دعوا دور مرصع دور لجامی، مرکبون زینی مطلا دور قزل جوشن وار اگنینده جلال و شأنی اعلا دور حسین ابن علی روح نبی دلبند زهرا دور بو وصفیلن گلوب میدان جنگه حیف تنها دور سلاح جنگینون هر قطعه سی میراث سلطانی رسول اکرمون دراعه و دستار شایانی جناب حمزه نون گوهر نشان نه قبه قلخانی علی المرتضی نون ذوالفقار تیز و برانی طلابفت و جواهر کوب یک قبضه دو پهنا دور هوایه ذوالجناحون نعل آلتدان کیمیا قالخار کانه دنده ی سوهانیدن مغز طلا قالخار نئجه لاهوته گور ناسوتیدن نور خدا قالخار سوسوز لبلردن اما کلمه‌ی انی فدا قالخار کنایه بو مبارک کلمه دن ذبحاً عظیما دور حسینه خارجی آدی قویوبدور زاده ی هنده شریحون خط و امضاسیله تکمیل اولدی پرونده او حکمون رو نوشتین یازدی اوراقه نویسنده سراسر مملکتده ائتدیلر پخش و پراکنده حسینون قتلی گویا مسلمینه فرض ایفا دور یزیدون حیطه‌ی حکمینده اسلامی اولان یرلر نقاط آسیاده چینه پیوسته نئچه کشور حدود غربده اقیانوس اطلس، موج آور شمالا انتهای سیبریه مرزیدی سرتاسر جنوباً استوائی خطه تاریخ حکمفرما دور حبش نزدیک خط استواده خاک آفریقا اروپاده فرنگستانیدن بیر حد مستثنی شمالیده وین اطریشده پاتختدور حالا هنودستاندا پاکستان فعلی خطه‌ی زیبا قدیمی نقشه لرده بو ممالک نصف دنیا دور بو وسعتده ممالک ده دهستان واردی شهرستان گله هرتک تکیندن اون نفر تشکیل تاپار ملیان فریضه بیلدیلر حکم شریحی مردم نادان بلا صحراسینه لشکر شتابان اولدی هر یاندان گوروندی روز عاشورا قشون چوخ موج دریا دور شیوخ نهروان قرآن حمایل آلنی برجسته سنین نیزه‌لر بنذر زبان افعی مسته سه شعبه تیر و پیکان جعبه دانلاردا نئچه دسته قلجلار سوولانوب قول چمرانوب دامن بئله بسته امام ئولدورمگه الله اکبر گور نه غوغا دور نقاب اعرفونی آتدی وجه الله جمالیندن او نابینالر آلسون فائده شمع وصالیندن یاغاردی در ابیض لعل و یاقوت اتصالیندن اولون آگه جماعت سیز حسینون شرح حالیندن بابام احمد آتام حیدر آنام زهرای کبرا دور ندای اعرفونی دفعتا ناقص قویوب لشکر آیاقلار بیر بیرینه دگدی سسلندی اوزنگی‌لر نئجه آهن دوگنده سسلنور دکان آهنگر پیاده صف لریندن ظاهر اولدی مختلف سسلر امامون حجتینه بو هیاهو عذر بی جا دور بو وضع نامناسب شهریاری ائله دی وادار او قومه بیر نمونه قدرتیندن ائله سین اظهار بویوردی ایها الجند الشاطین اسکتوا زنهار واریمدور اقتداریم روحوزی الآن ائدیم احضار منیم حکمیم تمام انفاس و ارواح ایچره مجرا دور نشست ائتدی او دم رعب امامت نحس دللرده تصرفله قوروتدی قوه‌ی روحی بدنلرده پیاده یا سواره دوردی ساکت دوردوقی یئرده یونولمیش داش تک هیکللر صف اندر صف برابرده فنا آیینه سینده هر بیری بیر صورت لا دور بو قدرتلن سیزی ائتدیم مخیر اوچ سوزه لشکر گورون ذی نفع سوز هانسیندا اجرا ائیله یین سیزلر قیتسون یثربه منع ائتمیون تا آل پیغمبر وئرون یا بیر ایچیم سو تشنه دور تشنه یانور لبلر و یا جنگیمه گلسون بیر به بیر کیم مرد هیجا دور قبوله یتمدی افسوس شرط اول و ثانی اوچومجی شرط قانون عرب جلب ائتدی اعدانی شجاعان مبرز گلدی دوتدی راه نیرانی او روباهان کم جرات تانیدی شیر میدانی غراب بی هنر هاردان حریف رزم عنقا دور گوروب سعداوغلی تاپماز قصدی بو ترتیبلن انجام وئروب فرمان یئریندن اوینادی نیروی خون آشام قشون واحدلری جنگ وجود واحده اعزام او غیر عادلانه حمله که اونلار ائدوب اقدام نه قانون عرب طرز رسم ترسا دور نئجه پوره وئرور یای فصلی پشه شهد ناب اوسته اونون مثلینده لشکر حمله گتدی اول جناب اوسته نئجه بیر خشمگین شهباز اوچار فوج غراب اوسته اونون مثلینده حضرت زیندن قالخوب رکاب اوسته ملخ دن موردن زنبوردن شیره نه پروا دور دوه‌لر صیحه سی آت شیهه سی آواز واویلا عربلر سسلنور طبل و دهل گرهاگر اعدا طنین اندازی دی آفاقه صوت غرش و عرا او ساعتدور اهم ساعت ساعات عاشورا هامی قدّوسیان حیرتده مشغول تماشا دور

اُو دَم که بانگ شَباهَنگ کارزار یاتوب اُفق دا دیدۀ خورشید، اَشگبار یاتوب غروب، غَم گَتوروب؛ تیرۀ شَفَق غصّه هَزاره، شاخۀ حَسرتده، انتظار یاتوب " غریبه مَنظَره لیدی، غروب عاشورا " که مَغربینده، گونون گُوزلری خُمار یاتوب بِله گَلور نظره دویمویوب تماشادن اُوزون اِیدوب شَفَق آلتیندا اِستِتار یاتوب تَلَسدیرور ولی قُرصِ قَمَر، غروبه اُونی که تِز غروب ایله، چوخ گُوزلر انتظار یاتوب چَکیل کناره، چیخوم منده بیر تماشایه گُوروم که هانسی گُلون بَسترینده خار یاتوب چَکیلدی گون، آی ایشیق سالدی گُل جنازه َلَره گُوروندی هَر گُل، اُو گُلشَنده، تارُ مار یاتوب پاریلدار اسلحه لر پاره سی اَیاق آلتدا بَسا که اِئو یخلوب خیمه بی شمار یاتوب یارالی باش لاری تقسیم ایدوب قُشون اهلی نه وقتدی خولی گیدوب، شمر نابِکار یاتوب فقط فرات کنارینده بیر قَرالتی گَلور سیزیلتسی کَسیلوب، اوستونه غُبار یاتوب کَبوتران حَرَم، آهوانِ آلِ رَسول یانان چادر دا، قوری یرده خاکسار یاتوب سوسوزلارون سَسی چخمور، سویون سَسی اوجالوب دِیموللَه بیر یَواش اُول، طفل شیرخوار یاتوب زمانه ده سولار ایچره، گُوروم آدون باتسون رباب دوشلرینه چوخ گلوب فشار یاتوب فلک! نه خیمه دی قوردون بَناتِ فاطمیه؟ اول گِئجه هاموسی قلبی داغدار یاتوب بلالی زینب، ابوالفضل تَک نگهبان دی بقیه اهل حرم، خسته ُ بی قرار یاتوب قَراوُل اِیتدی قَرا گون بتول نایبه َسین اُوزی اُویاق دی ولی بختی آشکار یاتوب گُوروب بیر عُورتی ناگَه باشیندا خُونچه طَعام دِیدی بو کیم دی مگر چشم روزگار یاتوب حسین بالالارینون فکرینه قالان کیم اولار؟ خصوص بیر بیله گون، یار و پاس دار یاتوب یِتشدی زینبه اَوّل اِیدوب اَدای سلام طَعامی قُویدی، گُوروب خُردیلَن کُبار یاتوب خانم سوروشدی نه دور بو طعام، سن کیمسن؟ نه بولدون آجدی یاتانلار تمام، سن کیمسن؟ جواب ویردی خانم لطف حَیّ یکتادن مُشرف ایتدی منی حَق بو فیض عظمادن او حالیلن کی گوزوم دوشدی گورمسین گوزلر قوریدی دیل دوداقی قان آخوردی اعضادن باشیمدا معجریمی فوری من ایکی بوکدوم دئدیم آقا یاراوی باغلا گتمه یارادن بویوردی معجرون اچما ساغالمییاندی یارام کناره گچ داخی یاره م گچوب مداوادن دئدیم آقا منه بیر خدمت ایله اوندا رجوع بویوردی ائله پذیرالیق آل طاهادن کنار نهریده آخشام قورالا بیر خیمه چخار سپهره حسین وای سسی او مَاوادن طعام آپار بالا قیزلاره قصد قربتیلن جزا گونی عوض ایسته بتول عذرادن گئدوب قبیله ده گوردوم سیزه تدارک شام هریره ئیله نچه گرده نان و حلوادن اوشاقلاری اویادوب ایئله سن اوزون قسمت گلنده حشره خجل اولمیییم او مولادن اوشاقلاری اویادوب ایئله سن اوزون قسمت گلنده حشره خجل اولمیییم او مولادن بلا خزینه سی اول اویاتدی کلثومی دئدی باحی گوزون آچ آغلا بو قضایادن اویات گِلن هره بیر لقمه میل ائدوب یاتسون اوشاقلارون چوخی آجدور دوننکی غوغادن الله اکبر گچن گونیکه امان نامه گلدی عباسه قارشدی بیر بیره اهل حرم مهابادن گوزتلدی هامی گوزلر او دم ابوالفضلی طعام فکری ائدن اولمادی صبایادن دینده بو سوزی زینب تکان یدی کلثوم دوروب ایاقه آخوب اشک چشم بینادن دئدی باجی بوسوزون ایتدی قلبیمی نگران اماندی تز منی آگاه ایله بو معنادن بویور گوروم کیم آپاردی حسینون افطارین خلاص ایله منی بو مشکل و معمادن گوروبکه دینمدی زینب باشین سالوب اشاقا آلشدی قلبی حواب اولمادی او علیادن اویاتدی فضه نی آلدی خبر اولوب مایوس سوروشدی مطلبی بیرده رباب و لیلادن اویاتدی فضه نی آلدی خبر اولوب مایوس سوروشدی مطلبی بیرده رباب و لیلادن بلوبکه هچ کیم حسینه آپارمیوب افطار دیدی که وای خجل اولدوم آناسی زهرادن وای وای وای ئولن جفائیله افطارسیز حسینیم وای قالان عیالی پرستارسیز حسینیم وای سفارش ائیلرم الان بو دود آهیمدن آنام بتول ئوزی عذر ایستر اشتباهیمدن یقین بولور که نه اندازه شرمسارم من گرک حسینه گوره عفو ائده گناهیمدن غرض چوخ آغلادیلار شاهون آج سوسوز لیقنا اشیتسه مدعی قانع اولار گواهیمدن عبارتی بله دور (جایعا و عطشانا) اشیتمه بو سوزی تنها منیم شفاهیمدن اوجالدی خیمه دالندان او حینیده بیر سس که اولمییون نگران ماه عرش جاهیمدن منه قوناقدی حسینیم بهشتیده بو گجه فقط مواظب اولون سیز بو غم سپاهیمدن چکین رقیه مون اوستون حسینه آغلامییون گوتورمیون گوز او دلبند بی پناهیمدن جمالینی او قیزون قویمییون قوری یرده گوزل نشانه دی فرزند دادخواهیمدن تالانمسوز سیز اگر بیر زادا یوخوزدی گان ویرون منه او گله رخت ایدوم گیاهیمدن باشینون آلتدا توکوم تار مویی پر قو تک چکیم لحاف اوزینه پرده پرده آهیمدن از مرحوم استاد حاج رحیم #منزوی_

یاحسین(ع) #سبک_عشقینده_دیوانه_منم مصیبی تبریزی ای ساحل عشقه اولان آدینون لنگری لطف و عطا کرب وبلاده کسیلن باشی نون کعبه سی نوک جدا قائمۀ – عرش خدا – یاحسین پاک آدی هر- درده دوا – یاحسین سن شمع جان سوز شرف ایکی عالم سنه پروانه دی عشقونده زهرا گوزلی! جانی بذل ائتماقا پروا ، نه دی؟ بیر پارچا رحمت سن آقا ئورگیم عشقیوه پیمانه دی قائمۀ – عرش خدا – یاحسین پاک آدی هر- درده دوا – یاحسین ای کوکب صبح ظفر یوزون آیینۀ لطف ازل باشینده دور تاج ولا شرف و منزلتون بی بدل سن یوسف فاطمه سن یارادیبدوریارادان چوخ گوزل قائمۀ – عرش خدا – یاحسین پاک آدی هر- درده دوا – یاحسین طور ایله دون نیزه باشین سنه معراجیدی نوک جدا کهف آیه سین ذکرائله دون گوزل الحانه آقاعشق اولا قرآن تلاوت ائلیَن دوداقا روح و روانیم فدا قائمۀ – عرش خدا – یاحسین پاک آدی هر- درده دوا – یاحسین والّلهی زینت دی سنون گوزل آدون هامی محفیللره مین دوت یوزایلدورکی دوشوب آدیوین طنطنه سی دیللره شیعه فدا اولسون حسین قوری یرده کسیلن اللره قائمۀ – عرش خدا – یاحسین پاک آدی هر- درده دوا – یاحسین سوز ِعطشدن یانیرام منه وئر بادۀ حق ساقیا سوز یازمیرام ئوز باشیما یازوری کلکِ حقیقت نما حسرت گوزیم یولدا قالوب یازیلا تذکرۀ کربلا قائمۀ – عرش خدا – یاحسین پاک آدی هر- درده دوا – یاحسین #سبک_عشقینده_دیوانه_منم

سینه زنی مناسب مراسم سوم هفته چهلم وسالگرد پدر پدر جان پدر جان بیا که بی تو دلگیرم پدر جان پدر جان اگر نیایی میمیرم دانه دانه چکد اشک من در این غربت خانه بنگر که صبح و شب بی صبرانه منتظر نشسته ام در ویرانه ای ذکر احیای من برگرد ای رویای من بابای من بابای من پدر جان پدر جان بیا که بی تو دلگیرم مصیبت به یاست رسید و اورا پر پر کرد نبودی،کبودی گل تو را نیلوفر کرد نی سواری،خبری ز دخترت آیا داری منم و یتیمی و آه و زاری همه ی تنم شده لاله کاری تاول زده پای من برگرد ای رویای من بابای من بابای من پدر جان پدر جان بیا که بی تو دلگیرم مداح اهلبیت اقای طاهریان

حضرت زهرا سلام الله علیها ‍ زبانحال حضرت زهرا سلام الله علیها (سبک : گل اوتور خیمده اکبر باشیوا من دولانیم) فضّه جان گئت وئر خبر گلسین عم اوغلوم یانیمه ثانی ئولدوردی قاپوم یاندی بویاندوم قانیمه اوز ائویمده قویمادی ثانی دویونجا آغلییام جدیمه ماتم دوتام من باشه قاره باغلییام بولدوکی جدیم ئولوب اوچ گوندی سینه داغلییام بیعتی عنوان ائدوب یوز قویدی دودمانیمه احتجاج ائتدیم نقدری باخمادی اُول نابکار نه پیمبردن اوتاندی نه خدادن ائتدی عار وُردی اود درگاهیمه اولدوم اوزومده زخمدار جور و ظلم ثانیدن صدمه یتوب بو جانیمه سینمی مجروح ائدوب مسمار اولور قانیم روان هم قولوم سیندی اوزومده قالمادی تاب و توان سن عم اوغلوم مرتضایه گئت خبر وئر فضّه جان ائیلسین چاره منیم بو درد بی درمانیمه بی حیا ثانی منیم عرشه اوجاتدی آهیمی اود ووروب یاندیردی ظلمیله منیم درگاهیمی اولمادی ممکن هرایه سسلییم دلخواهیمی سن دایانما تئز خبر وئر اُول عزیز جانانیمه ثانی بیر ظلم ایلیوب صولدی صفالی گلشنیم قویدولار دیوار آراسیندا اوجالدی شیونیم مُحسنیم سقط اولدی آخر کامه یئتدی دشمنیم اولمادی رحم ائیلیین بو ناله و افغانیمه وئر خبر شیر خدایه هارداسان امداده گل درک ائله زهرانی ای میر هدا فریاده گل قالمادی تاب و توانی دختر طاهاده گل چوخ چتیندور گرچه اول سرور دوزه هجرانیمه وار یئری عالم لری آغلار قویا بو مِحنتیم قورخورام باشسیز قالا گول یوزلی نازلی عترتیم دوشموشم دیلدن ایاقه دورماقا یوخ طاقتیم باخسا هر کیمسه یانار بو دیده ی گریانیمه حال مظلومیّتیم مُنجر اولوبدور بیر یئره آز قالور آخر منی ثانی جفاسی ئولدوره بیر نفر یوخ بو غمی شیر خدایه بولدوره سو سپه اشک تریله بو دل سوزانیمه عاقبت ئوللم بو دردیله علاج اولماز منه نیسگیلیم چوخدی بیرین ذکر ائیلرم امّا سنه قویما اطفالیم گله مندن صورا چوخ شیونه آغلیاندا وئر تصلّی زینب نالانیمه نوحه یاز آغلا (( فریدی )) بو بتول اطهره حاجتین وار عرض ائله ریحانه ی پیغمبره بو سوزی آغلار گوزیله یاز دوباره دفتره فضّه جان گئت وئر خبر گلسین عم اوغلوم یانیمه ** حاج علی اصغر فریدی

‍ حالات حضرت زهرا (س) آغلا قلبی آتا هجرینده اَسن فاطمیه ئولومه هر نه دن آرتوق تلسن فاطمیه رشته ی عزتینه دست جفا وردی دوگون هورمدی ختم نبیدن صورا زلفون هوروگون یاشادی دایره ی غصه ده یتمیش بش گون هر گونه ائتدی مین ایل درد و محن فاطمیه غملری لشکره بنذوردی خانم یالقوزیدی غم مدارینده کأنّه یورولان اولدوزیدی باجی قارداشی یوخیدی آتاسیز بیر قیزیدی غصه لر نیلدی گور غصه چکن فاطمیه زندگی شربتی آلوده اولا زهریله یا گولون ریشه سینه تیشه دگه قهریله سارالار رنگی سو گر وئرسله مین نهریله رمز و ایمادی سوزوم الده ئولن فاطمیه قورودی خوش گونونون چشمه لری نهرلری چاره سی اولمادی نوش ائتدی آجی زهرلری دادینه گلمدی همسایه و همشهریلری وطنی تنگ ائلدی اهل وطن فاطمیه نه گلوبدور نه گلر فاطمه نون دردی سانا آتانون رحلتی آسایشینی قیلدی فنا بیت الاحزان ائلدی شهر کنارینده بنا آغلاماق اولدی ائوینده قدغن فاطمیه گون به گون برگ شقایق مثلی صولدی یوزی آغلادار دردینه نرگسلری بیمار گوزی گل نیلوفرین اولسا دیلی سویلر بو سوزی رنگدن اوخشیورام سیلی دگن فاطمیه کاش او بلوا گونی گئتمیدی خانم پشت دره ائوده قالسیدی دچار اولمازیدی اهل شره عشق مولایه گوره سالدی ئوزین هر خطره عشق خیّاطینه باخ بیچدی کفن فاطمیه ارزیابی ائله تاریخ بتولین سخنین حامله بیر خانمون ایله مجسم بدنین در و دیوار آراسیندا ائلدی سقط جنین محسنی گئتدی قالوب زخم بدن فاطمیه وردی صیاد ستمکار وران قوش کیمی پر گورمدی بیر کسی گلدی دیله اول پاک سیر جبرئیل هاردا قالوبسان باباما ایله خبر قتلگاه ائتدی ائوین اهل فتن فاطمیه امّتون صفحه ی تاریخی سوله قاره لدی قلبوین یاره سینی وردی عدو یاره لدی ئوپدوقون سینه نی مسمار دلوب پاره لدی گل علاج ایله علاجی کسیلن فاطمیه ** مرحوم انور اردبیلی

‍ السلام علیک یا ابوالفضل (ع) --------------------------------- صـولـدی زینـب گل یـاسـیـم آغلا یـوخ داخی اشجـع الناسیم آغلا قارداش ئولسه باجی سینه داغلار ئـولـدی غیرتلـی عـبـاسـیـم آغلا ئولدی آرخام ائلیم کربلاده سندی زینب بلیم کربلاده ------------------------------------ هیچ دئمیردی یارالی باشیم وای یاگوزومنن آخان قان یاشیم وای دل تـوتـارتـوتـمـاز هـردم دئیردی وای کمگسیزقالان قارداشیم وای ------------------------------------- دوشمشیدی باجی درده گوردیم قارداشیم ئولدی اللرده گوردیم بـاشـیـمـا اونـدادنـیـا دولانـدی قط اولان قولارین یرده گوردیم -------- ------------------------------------- جسمینه یاره چوخ چوخ ووروبلار یاره لر حددن آرتوخ ووروبلار جرعه سو اوسته اهل عداوت صاق گوزوندن اونون اوخ ووروبلار ------------------------------------ حالیمی حالی چوخ پوزدی زینب قارداشون ایندی یالقوزدی زینب کـاش کـه ام البـنیـن بـولـمـییدی اوغلـی میدانداقـولسوزدی زینب ------------------------------------- آیـرلان وقـتـه روحـی بـدنـدن مختصـرصحبت ایلـوبدی مـنـدن گیت دئدی اصغرین ئوپ بوغازین دی عمـون اولـدی شرمنده سندن ------------------------------------ بـزر محنت اکـیـلـدی دلـیـمـده اللـریـم قـالـدی زینب بـلـیـمـده قـدّی خـم گلمـوشـم گـل هـرایـه اوخـلـی مشگیلـه پـرچـم الیمده ------------------------------------- ای ولایی سنون یوخ بیانـون شـاعـراولـمـاخلـقـایـوخ تـوانـون صدقیلـه دردون عباسـه سـویلـه سعی ائلـه خوش اولاامتحـانـون ------------------------------------- الاحقر عبداللهی تخلص به ولایی

. #مادر #ختم_مادر #ترحیم_خوانی #سبک_نمیشه_باورم ________________________ نمی شه باورم که رفتی از برم شکسته بال و پر گشتم ز داغ مادرم کجایی مادرم عزیزِ قلب مضطرم من این غم و کجا برم ببین تو دیده ی ترم ############ چه کردی با دلم شدی تو قاتلم با رفتنت گرفت آتیش تموم حاصلم یتیم و در بدر شدم ز غصه خونجگر زدی به قلب من شرر مادر بیا منوببر ....... .👇

بنام خدا زبانحال فرزندان در فراق مادر "" "" "" "" " اولدی گوندوز گئجه مثلی بیزلره تار آناجان تاپماروخ دای سنه تای مونس و غمخوار آناجان گونوموز بیرایل اولوب شام و سحر آغلایوروق بیز سنون نارفراقوندا اورک داغلایوروق فانی دنیا بیزه سندن سورا زنداندی آنا عالمین گوللری دای خار مغیلاندی آنا دئیورم کاش ابدیت یوخوسوندان دوراسان غمگین اولادلاروا بیر دفعه سن باش ووراسان سن گزن کوچه لری ایمدی پریشان گزیروخ توکیروخ گوز یاشی بیز آه مکرر چکیروخ حایف اولسون دیرلیکده آنا غفلت ائله دوخ غافل اولدوخ اسفا آز سنه خدمت ائله دوخ سن گئدندن سورا دوشدوخ یم بحرانه آنا اولموشوخ شدت غمدن دلی دیوانه آنا بیزه سندن سورا باغلاندی سعادت قاپوسی دفن اولوندی سنیلن مهر و محبت هاموسی دئیورم کاش آنا احسان ائده ارباب کرم آچیلا عالم رویاده بیزه باب کرم بیر گئجه بیز یوخودا چهره وی رویت ائلیاخ آناجان بیز سنی بیر لحظه زیارت ائلیاخ بوسه باران ائلیاخ عالم رویاده سیزی سن دعا ائیلیه سن عالم عقباده بیزی فاخر عالمده اوله آیرلیقین کاش آناسی تا گوره یوخدی بودردین بوجهاندا چاراسی "" "" "" "" "" شاعر؛مسلم فرتوت گلهین #فاخر