‍ ‍ شهادت حضرت زهرا سلام الله علیها #به سبک یا فاطمه من عقده دل وا نکردم ای قلبیمین آرامش و صبر و قراری آغلار گچر سن سیز علینون روزگاری سینونده یاره گیتدون مزاره بو درده ایلوم ایندی نه چاره سنسیز منه دنیا بویوک زندان اولوبدی قلب شکسته فرقتونده قان اولوبدی همواره پیشم ناله و افغان اولوبدی سینونده یاره گیتدون مزاره بو درده ایلوم ایندی نه چاره طوفان ظلم اسدی شکست اولدی سفینه قورتار میان ضربه دگیب ار کان دینه محسن شهید اولدی سنوب پهلو وسینه سینونده یاره گیتدون مزاره بو درده ایلوم ایندی نه چاره سن سیز حسینیله حسن گل تک سارالدی کلثوم وزینب الری قوینوندا قالدی سن سیز منیم قلبیمی طوفان غم آلدی سینونده یاره گیتدون مزاره بو درده ایلوم ایندی نه چاره دنیای روشن گوزلریمده تار اولوبدی قاتل سنه سیننده کی مسمار اولوبدی یوخ یوخ سنه قاتل در و دیوار اوولوبدی سینونده یاره گیتدون مزاره بو درده ایلوم ایندی نه چاره ای عزت عالم ندن سن خوار اولوبسان گه مبتلای ثانی خونخوار اولوبسان گاهی گرفتار در ودیوار اولوبسان سینونده یاره گیتدون مزاره بو درده ایلوم ایندی نه چاره قلبیمده زهرا جان بویوک داغلار قالوبدی کلثوم لن ذینب گوزی آغلار قالوبدی گوررم جفائیلن قاپون باغلی قالوبدی سینونده یاره گیتدون مزاره بو درده ایلوم ایندی نه چاره قنفذ سنه وردی نقدری تازیانه فریاد ایدیب گلدین جفائیلن فغانه تاثیر ایدوب قلبیم دونوب بیر پارچا قانه سینونده یاره گیتدون مزاره بو درده ایلوم ایندی نه چاره محنت لباسین پیکریندن سویمادون سن بیر بالش آسایشه باش قویمادون سن سینونده یاره گیتدون مزاره بو درده ایلوم ایندی نه چاره ﷽ ✨اَللّهُمَّ عَجِّل لِوَلیِّکَ الفَرَج✨

شهادت حضرت زهرا سلام الله علیها 🖤🖤🖤 ای قلبیمین آرامش و صبر و قراری با نوای زنده یاد استاد سلیم موذن زاده👌

#_روضه_حضرت_زهرا_س خزان ویروب چمنی باغبان باخِی آغلیر خدا بیلیر کفنین بندین نئجه باغلیر علی...کفن ائلیور زهرانی   اوچ مینجی بنده یتیشنده....چاغیردی..بالالارینی..بالالاروم گلون .گلون ننه یزی گورون...ننه یزدن آیرولون ایله کی امیرالمومنین آقااذن وئر دی اَوّلده گئتدیلر دولاندیلار امامین باشینا بابا...باشون ساق اولسون بابا... بابا..سنی ننمون جانی آغلاما بابا دئدی مولا دئمورم سینویزی داغلامیون بالاریم ننه یزئولوب حقیز وار اوجادان آغلیاز اما بیلوسیز مشکیلیمیز واااار اوجا دان آغلامیون بابا نیه؟؟؟ دئدی بالالاروم،،،مدینه اهلی اِشیدَرآغلاماقیزی...دورالار ننه یزون وصیتی یرده قالار...گرک گئجه زمانی دفن اولا اما آی زهرایه آغلیانلار.بیریاندا بالاجا اوشاقی دی لار...سن حساب ائله بالاجا اوشاقین گوزی برابرینده ننه نین جنازه سی قالا ائوین وسطینده بیر یاندان باخیلار ننه نین اُیورقون بدنینه جان زینب زینبین گوزی دوشیر زهرانین اُسینان قولونا اُیارالی سینه..سینه... ایستیور اوجادان آغلیا بیردن یادینا دوشدی باباسی دئیوب اوجادان آغلامیون بیلمیرم گوروب سیز یانه بیر دودمانیده ننه اولماسا اُائوین صفاسی اولماز آقا یابن الحسن،،،حل ائله ئورک نیسگیلینی قوی دئیوم دورت اوشاقین مُشکلینی آغلیاندا بالالار آغزینا قویدی الینی زینب الین قویوب آغزینا...دئدی جوان ئولن ننم لایلای لایلای ننه۲ جوان لیقی یالان ننه....حسن وحسینینه طوی دوتمیان ننه اوخشاما⏬⏬⏬ ای یوزی گولمین ننه    غم لباسین گین ننه...سینه ده کی یاراسینون قانی کسیلمین ننه سسلن دردیوه یا زهرا..... ارسالی ذاکره اهل بیت سرکار خانم کریمی از تهران

‍ ‍ 🏴حضرت زهرا سلام الله علیها 🌷🌷 با مداحی حاج جواد حسن زاده 🌷🌷 ۱۴۰۳/۸/۲۹ 🖤🖤🖤 مدینه سنده بیر گوهر یاتوبدی رسول الله گلی پرپر یاتوبدی ملک لر باشینه افسر یاتوبدی سرور قلب پیغمبر یاتوبدی حسینه سویگلی مادر یاتوبدی مدینه ای حسینون زادگاهی قیامتده اقلاً ویر گواهی علینون نیمه شب قوزاندی آهی قرانلیق قبریده گیزلتدی ماهی او تپراقدا مه انور یاتوبدی مدینه بیت الحزانون نجولدی گُلون سولدی گلستانون نجولدی بتول دیده گریانون نجولدی یارالی خسته مهمانون نجولدی یوموبدی گوزلرین مضطر یاتولدی مدینه یاددا ساخلا قال و قیلی پوزوب نمرودیان آل خلیلی قراتدی شعله باب جبرئیلی شل اولسون کیم وروب زهرایه سیلی سولان گلشنده نیلوفر یاتوبدی مدینه سن عجب دل درده ویردون یامان گون فرصتی نامرده ویردون گُل طاهانی دست گرده ویردون فشار قبری پشت درده ویردون همای آرزو بی پر یاتوبدی مدینه نه بلالر وار باشوندا نیه غرق اولدی زهرا گوز یاشندا یازیدون قبرینون باری داشوندا بو مظلوم ئولدی اون سگّیز یاشندا جواندی قد کمان مضطر یاتوبدی مدینه شیعیه بار سفر ویر بنی هاشم محلّیندن خبر ویر گئچه کیم کوچه دن راه گذر ویر قنادسیز قوش گورنده بال و پر ویر اونا خاطر که بی شهپر یاتوبدی علی گوردی چراغلار اولدی خاموش یاتوب همسایه لر ایولرده بیهوش دیدی جانانیمی قیلّام کفن پوش کفن پوش اولسادا اولماز فراموش توک اشکین ای گوزوم گوزلر یاتوبدی الهی مرتضی بی بال و پردی بو تشییعدن مدینه بی خبردی شب دفن گل خیر البشردی سسیمه سس ویرن یدّی نفردی وفاسیز قونشولار یکسر یاتوبدی الهی من کیمم زهرا سنوندی یومولموش ✍ استاد حاج کلامي زنجانی

۞﷽۞ زبانحال حضرت زینب(س)درفراق مادرش 🎵درسبک : سنه من آغلاماسام سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا آناجان سنسیز اوزوم/ گولمیه جاخ دردیـمی کیمسـه ولـی/ بولمیه جاخ کیمسه بوگوزیاشیمی/ سیلمیه جاخ واگیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا محنـتـونـده سینـمـی/ داغـلیارام یوزه گوزیاشیمی من / بـاغلیارام بـاخــارام درگـهـیـوه / آغـلیارام سـنــه مـن آغلاماسام ئوللم آنا سیـنـمـی داغلاماسام ئوللم آنا یـاسیوی ساخلاماسام ئوللم آنا بـار غم یوردی سنی/چوخ آنا جان قامتون غمندن اولوب/بیرده کمان گـلـشـن عـمــرون آنـا/ایتدی خزان سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قلبیمی غم شرری/گورنـه سیخیر صبرائوین پایه سینی/غصه یخیر زینبون سنسیز آنـا/چوخ داریخیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یـادیـمـه غـصـه لـرون / سالّام آنـا دردیـوی جـانـیـمـه مــن / آلّام آنـا ائـوده سنسیزنجه مـن / قالّام آنـا سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قـانـیـن الله قـانیدی / بـاتمیاجاخ دشـمـنون مقصدینه / چاتمیاجاخ مرامون بـاتمیوب هیچ/باتمیاجاخ سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یازدی(عاجز)سنه چون/دیل سوزونی مـنـتـظـر قـویـمــا قـالا /سـن گوزونی دعوت ائت قبریوه قوی/سون یوزونی سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا این شعربرحسب الامربرادر عزیزم جناب آقای کربلایی رحیم صمدی نوشته شده است ❇️التماس دعا 📝علی جعفری(عاجز تبریزی) #فاطمیه (۱۸) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

🏴زبانحال حضرت علی(ع) بعدازدفن حضرت زهرا(س) ✍بقلم کربلایی علی عبدی زنجانی #زمزمه_هیئتی_و_مسجدی 🔹️قابل توجه دوستان عزیز👇👇 🔹️برای اجرای(سبک پیشنهادی)با اجازه شاعر بزرگوار گوشواره را اضافه کردم... 🎼 سبک: چه میشدگر نرا مادر از آن کوچه نمیبردی. 🎼سبک:اوزوم گوردوم که تپراقا فباله پاره دوشموشدی... گوزوم یاشی اولوب زمزم آخور رخساره من نیلوم اولوب سلب اختیار اَلدن یوخوم بیرچاره من نیلوم وفالی همسریم لایلای یارالی دلبریم لایلای قوتارسا گوزده گوزیاشیم سنه قان آغلارام زهرا سرشکیم آخماسون سن تک وفالی یاره من نیلوم وفالی همسریم لایلای یارالی دلبریم لایلای اگر امکانی اولسیدی ائوومده آغلامازدیم من گوزوم زهرا دوشن وقته در و مسماره من نیلوم وفالی همسریم لایلای یارالی دلبریم لایلای غبار غم سالوب سایه قرانلیق بیت الاَحزانه در و دیواریمه آتش چکوبدور قاره من نیلوم وفالی همسریم لایلای یارالی دلبریم لایلای قیزین خُلق وخویون ئووده آنا یاخچی بیلر زهرا قویاندا زینب نالان یوزون دیواره من نیلوم وفالی همسریم لایلای یارالی دلبریم لایلای قرانلیق منزلین زینب ائدیبدور مجلس روضه گلنده دورت گلون نی تک ئوونده زاره من نیلوم وفالی همسریم لایلای یارالی دلبریم لایلای اِئلیکی اوخشویار زینب اولار محنتلریم تازه اَلو تک غملریم دلده اِئدر فواره من نیلوم وفالی همسریم لایلای یارالی دلبریم لایلای سارالموش گللرین هرگون ویرار بو قلبیمه یاره نظاره ایتمیوم زهرا صولان گلزاره من نیلوم وفالی همسریم لایلای یارالی دلبریم لایلای وئرنده غسلوی گوردوم گوَرمیش بازوانین من او گوندن واردی قلبیمده بیوک بیر یاره من نیلوم وفالی همسریم لایلای یارالی دلبریم لایلای منیم خوش گونلریم سنلن یتوشدی عمری پایانه فراق یاریدن اولموم عجب آواره من نیلوم وفالی همسریم لایلای یارالی دلبریم لایلای گرک سندن صورا منده ئولیدیم ئولمدیم اما بو درده حیف اولا یوخ بیر اَلیمده چاره من نیلوم وفالی همسریم لایلای یارالی دلبریم لایلای مزارین هر گئجه یاری زیارت اِیلرم گیزلین عیان تا اولماسون قبرین سنون اشراره من نیلوم وفالی همسریم لایلای یارالی دلبریم لایلای یواشجا آغلارام آللام دویونجاق قبرین آغوشه دولاننام قبریوین اوسته گئجه آواره من نیلوم وفالی همسریم لایلای یارالی دلبریم لایلای رضای حق اولوب باعث کوسم من ذوالفقاریمدن واِلّا شهری سرتا سر چکردیم ناره من نیلوم وفالی همسریم لایلای یارالی دلبریم لایلای بیلورسن قدرتیم واردی آلام قانین عدولردن ولی وا قویدوم اوللاری حق داداره من نیلوم وفالی همسریم لایلای یارالی دلبریم لایلای بوگوندن چوللرین چاهی منه یولداش اولارچونکه وئرر تسکین و آرامش غم بسیاره من نیلوم وفالی همسریم لایلای یارالی دلبریم لایلای گوزوم یاشیله دولدورّام مداوم چوللرین چاهین دوباره تازه جان وئررم قورو چاهلاره من نیلوم وفالی همسریم لایلای یارالی دلبریم لایلای چکردیم بیرگونی دولچا اَلیمده چاهیلردن سو گوزومله سو وئرم تا بو زمان اوللاره من نیلوم وفالی همسریم لایلای یارالی دلبریم لایلای ﷽🍁 ✨اَللّهُمَّ عَجِّل لِوَلیِّکَ الفَرَج✨

یا فاطمه🖤 یا فاطمه 🖤 تویی مادرم تویی همه ی بی کسی هام یا فاطمه الزهرا سلام بانو بزار بیام برات نوحه بخوانم من گدای قبرستان بقیع ام مثل اون کبوتری که بال و پر برات میزنه یا فاطمه مدد منو دریاب بانو دست منو بگیر مگیر از سرم سایه چادرت پناهی ندارم به‌غیر‌از شما ای مادرم زهرا سلام علیک🤚

‍ ‍ روضه حضرت زهرا(س) تابوته وردیلر حرکت زینب آغلادی                                 گویا ائدیب آناسینا بونوعی کشف راز ظلمت گئجه آنا گئدیسن هانسی منزیله                            ترک ائیلی سن(حسینوی)بو منزیلی ای بانوی حجاز قال بو گئجه بیزیله، گونوز (سحر) باری دوش یولا              شب زنده دارلر گئجه دن ائتمز احتراز صبحه کیمین آنا دی یه رم یاتمارام آنا                               چیخسین گوزوم اگر گوزومه گله خواب ناز سندن صورا مصیبت عالم منیم کیدی                                 ماتم منیم دی ، آه منیم ، غم منیم کی دی تابوتیلن او یدّی نفر غملی آشنا                                         مشغول اولوبلا گئتماغا آرام و بی صدا آهسته یول گئدردیله بیر کس اویانماسین                             ایجاد زحمت ائیلمه سین قوم اشقیاء زهرا نی تا یئتیردیله قبرین کنارینه                                   ایستکلی یاری قبر آچیب ایستکلی یارینه سلمان ایدی اباذر و مقداد بولموره م                                  تشییع ائدن او بانوی والا تباریدن زهرانی تا یئتیر دیله قبرون کنارینه                                  زهرانی بیر محبتیله باسدی باغرینا اسگیلمه دی شرار محبت او قلب پر شراریدن                      سسلندی فاطمه دیدار قالدی محشره بو آیریلیق علی نی سالار اعتباردن                                   ای کاش اجل گلیب منی ده راحت ائیلی یه قویدی زهرانین یوزون توپراقه میر مقتدا                            باخدی بیر سمت بقیعه سسله دی وا ابتا سسله دی ای خاک تیره بو علینین روحودی                        ساخلا راحت ائیله حرمت سینه سی مجروح دی

مداحی و ترحیم خوانی نوحه های ناب قیامت بی حسین غوغا ندارد”شفاعت بی حسین معنا ندارد”حسینی باش که در محشر نگویند”چرا پرونده ات امضاء ندارد… @mohammadd1352 https://eitaa.com/khtmkhani

‍ 💢درفراق مادر 💢«درسبک » منم باید برم آخه برم سرم بره زبانحال دختر یا زبانحال حضرت زینب (ع) آنا آنا آنا سنه اولا جانیم فدا بیزی قویوب یالقوز سن ایدوسن سفر هارا وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ همیشه گویلومی محبتیله آلموسان قولیوی بوینوما من آغلیاندا سالموسان بیزی قویوب تنها ننه هایاندا قالموسان(۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ سنون مصیبتون قرار و صبریمی آلوب سیزیلتی سسلرون بدنیمه لرزه سالوب گه گور اوزون نجه غریب آتام تنها قالوب (۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ یامان گونومده گل قیدیمه بیرده قال ننه قلبی سینیق قیزام منی قوجاقه آل ننه اوشاقلغیم کیمی لایلایی بیرده چال ننه(۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ سکسته گویلومی همیشه آی آلان آنا مریض اولاندا من یانیمدا آی قالان آنا اویاق قالوب گجه منه لای لای چالان آنا(۲بار) وفالی آی نه نه -حیالی آی ننه ننه پهلولری سینان - یارالی - آی ننه ننه(۲بار)