نوحه حضرت زهرا س قلم :احمد تقوی مهجور تبریزی آه او ساعتدن که دوشدی آستانه فاطمه گلدی آه و الامانه یانه یانه فاطمه ظلمیله اوت توتدی یاندی درگهی شعله چکیب ظلم قوم اشقیادن گلدی جانه فاطمه   گل کیمی سولدی وجودی قانه دوندی گوزیاشی سینه سی اولدی یانان میخه نشانه فاطمه سینه سین بیرحالته سالدی اونون میسمار در اولدی گوزدن عارضه اشگی روانه فاطمه جور و ظلم اشقیادن سقط اولوبدورمحسنی اوج ائدوب ناله صداسی آسمانه فاطمه قالمادی صبرو قراری ضعف ائدیب بیهوش اولوب یوزی اوستونده دوشوب اول آستانه فاطمه سسلدی فضه آماندی گل یتیش امدادیمه گلشن عمروم سولوب دوندی خزانه فاطمه تا ایشیتدی بوصدانی فضه گلدی صحنیه عصمت اللهی گوروب گلدی فغانه فاطمه مجتبایه عرض ادیب ایله خبرمولا گله باتوبدی قانه دئنن  ماه یگانه فاطمه یتوروب فوراً اوزون هولیله حیدر قاپیا گوردی دلداری باتیب ظلمیله قانه فاطمه گوردی بو احوالی گلدی نالیه شیرخدا وای منه صدمه یتیب بوخسته جانه فاطمه کیم سنی بوحاله سالدی شل اولاای کاش الی باغریمی دوندری بومحنتده قانه فاطمه گولمیوب بودهریده صدحیف بیرلحظه یوزون گلشن عمرون دونوبدی چون خزانه فاطمه بولمدی امت سنون قدرون پیغمبردن صورا گلمیوب گلمز تایون بیرده جهانه فاطمه حالیوی گورجک دوتوب اوت یاندی قلبیم مثل عود لعنت اولسون سنی بو درده سالانه فاطمه یوخوموش عاطفه بو قوم جفا گسترده ؟     اودتوب یاندی قاپون چکدی زبانه فاطمه اغلور ائوده زینبون آز قالی غصه مرگ اولا ائو اولوب بو زینبه بیر غملی خانه فاطمه توت الیمندن سن منیم ای بانوی اهل حجاز واردی دردی(مهجورون)گلمیش فغانه فاطمه

بانوای عبداللهی ====👆 🏴شعر جدید در فراق پدر ✍بقلم استاد کربلایی رحیم شایان(ارومیه) 🎼در آهنگ گلپونه ها... ای منیم پشت و پناهیم مهربانیم گیتدون الدن وای آتام وای خلق ایجینده عز و جاهیم. همزبانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من گر غبار غم قونایدی چهره مه تز رد ائدردین قلبیم اودلانسیدی غملن بیر باخیشلا سو سپردین اللریندن من ئوپردیم گوزلریمدن سن ئوپردین قالدی اول گوزده نگاهیم باغریقانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من بو قرانلیق روزگاره سانکی بیر روشن چراغ سان بلمدیم که زندگیده سن نئجه محکم دایاق سان بیلمدیم قدر وجودین بیلمدیم که سن قوناق سان حیف ای امیدگاهیم قهرمانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای وای آتام وای وای آتام وای وای آتام وای وای آتام وای تا یتیم اولدوم پوزولدی دودمانیم روزگاریم یوخدی بیر سنگ صبوریم غیر اشک و آه و زاریم بوش یرین گورسندیقیجا آرتیرار رنج و فشاریم ای منیم لطف الهیم زندگانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای ........کانال نوای حیدرکرّار

در فراق جوان ناکام به سبک کاروان رفته منزل به منزل ای گوزل صورتی ماه تابان وی منه دهریده فخر دوران سن نیه تئز بیزی باشدان آتدون اولمادی دردیوه آلده درمان اف اولا بیر بیله روزگاره قلبیمیز اولدی بو غمده یاره ۲بار **** آی کیمی سن نه تئز باتدون اوغلوم دهریده کامه سن چاتدون اوغلوم بو نجه رسمیدی بو جهاندا باشدان ایندی بیزی آتدون اوغلوم اف اولا بیر بیله روزگاره قلبیمیز اولدی بو غمده یاره ۲بار **** قوزانوب نالم عرش خدایه یکسر ائللر گلوبدی نوایه سن یاتوبسان بالا تپراق آتدا گلدی تای توشلارون بو عزایه اف اولا بیر بیله روزگاره قلبیمیز اولدی بو غمده یاره ۲بار **** آی کیمی سن نیه تئز باتوبسان عالمی ایندی باشدان آتوبسان دور قوناقلار گلوب باشین اوسته قبریده سن نجه خوش یاتوبسان اف اولا بیر بیله روزگاره قلبیمیز اولدی بو غمده یاره ۲بار ***** هیچ کسه یوخ جهانین وفاسی منزلین گئتدی سنسیز صفاسی داغدار اولدوم عالمده اوغلوم ائللرون قوزانوبدی نواسی اف اولا بیر بیله روزگاره قلبیمیز اولدی بو غمده یاره ۲بار ***** رسمیدی صولسا گول گولستاندا ئولسه هر کس جوان بو جهاندا آغلار اوندا آناسی ئورکدن ائلده تای توشلاری طوی دوتاندا اف اولا بیر بیله روزگاره قلبیمیز اولدی بو غمده یاره ۲بار ***** طوی بساطی گوروردوم سنه من گوزدن آتدون بیزی تئز نیه سن صولدون اوغلوم گولستاندا گول تک آغلادوبدی منی درد و غصه ن اف اولا بیر بیله روزگاره قلبیمیز اولدی بو غمده یاره ۲بار ***** هم ئوزوم هم بالام ای عزیزان اکبر ام لیلایه قربان قانه غلطان اولوبدی مناده اولدی لیلا غمینده ئورک قان اف اولا بیر بیله روزگاره قلبیمیز اولدی بو غمده یاره ۲بار ****** قانیله اولدی الوان مناده تشنه جان ویردی کرب و بلاده داغدار ایتدی اهل ولانی خیمیه گلدی نعشی عباده اف اولا بیر بیله روزگاره قلبیمیز اولدی بو غمده یاره ۲بار ***** حسنونه چاتمازیدی اونون آی ام لیلایه ویرمیشدی حق پای شبه پیغمبر آدلامشیدی گلمدی بیرده دای اکبره تای اف اولا بیر بیله روزگاره قلبیمیز اولدی بو غمده یاره ۲بار ***** شمع تک یاندی غمده آناسی عرشه قوزاندی لیلا نواسی دست کینه ائدوبدی جنایت باشلانوب زینبین ماجراسی اف اولا بیر بیله روزگاره قلبیمیز اولدی بو غمده یاره ۲بار ****** عرض قیلام من ای ماه تابان دردیمیز واردی قیل درده درمان (مهدیم)چوخدی جرم و گناهی روز محشر آقا ایله احسان اف اولا بیر بیله روزگاره قلبیمیز اولدی بو غمده یاره ۲بار شاعر : مهدی ملکی

 شعرترکی بی وفایی دنیا    دقیقه لر قوتارار ماه وساله آلانما گئجه گونوز دولانار صبحده مساده گئدر آتا آنان نه قدر ئولمیوبله زنده دیلر آماندی قدرینی بیل آتا آناده گئدر اولار که عمریده سنلن همیشه باهمدی وفا چراغی گئچر یار وآشناده گئدر طبیعتین ایشیدی یاری یاریدن آییرار وصال هجر دونر عشق ماوراده گئدر جوانلیقیندا ولی اولما زور وه مغرور قولین گوجی آزالار جسمدن قواده گئدر زمان یلی چمن عمری تارومار ایلر گله تبسم ائدن چهره دن صفاده گئدر گوزل دیوبله گوزلیک گوزللره قالماز دونر قیافه آیا بنزین لقاده گئدر علامت قوجالیقدی باشین توکی آغارار ئوزون اتی قریشار حسن دلرباده گئدر اولار که زمزمه ایلله لحن دلکشیله طنین سس آزالار صوت دلگشاده گئدر دوشر ایاقدان اگر قهرمان عالم اولا دوراندا دیزلر اسر الده کی عصاده گئدر ئولوم توزی گوزه پرده چکر قولاق توتولار نفس شماره دوشر دل دورار صداده گئدر صاقا صولا نگران هی باخار بیرین تانیماز ایکی گوزی دورانه دوشر ضیاده گئدر اجل کمینده گزیر بیرخبر اوتورماگیلان  یاخاوی دوتسا ئولوم گاه التجاده گئدر حلال چورک قازانیب یه حرامه آلانما آغیزدا طعم دونر لذت غذاده گئدر آزا قناعت ائله چوخ باشا بلا گتیرر میانه رو یاشا مفلسده اغنیاده گئدر تومنی بش قرانا وئرمه ارزشی یوخدی نه تک الینده کی پول یغدیغین رباده گئدر بیر آغ کفندی سنه قسمت اولسا مالیندن که یعنی ثروت بی حد وانتهاده گئدر چالیشما وارثه حد شریعتی گوزله بوله له وار یوخی نقره وطلاده گئدر عیالین آغلاسا بیر گون اورکدن آغلیاجاق ایکیمجی گون کسیلوب ناله ونواده گئدر دونر اوچومجی گونه آغلاماق سسی کسیلر بساط غم یغیشوب مجلس عزاده گئدر ائلیکه هفته ده گئچدی ایاق چکر قونشی یواش یواش داغیلیب خویش واقرباده گئدر زمانه دفتریوی ،،سوته دل،،ائدرپاره سینار یازان قلمین شعریدن جلاده گئدر موضوعات مرتبط: پندیات ترکی

زبانحال حضرت زینب سلام الله علیها در فراق مادر به سبک گیجه لر سنسیز یاتابلمورم بانوای :#سلیم_نظرآباد_منوچهر_حسن زاده بهار عمرومین گولی صولوبدی سنسیز آی ننه بهاردا ابر تک اورک دولوبدی سنسیز آی ننه غم غصه دن اورکیم یانار آنا فرقتی نه چتین اولار یادیما دوشر او یاتان یئرون منی یاندیرار غم بی شمار چتیندی فرقتین منه فدا اولا جانیم سنه دالینجا قالدی گوزلریم هارا گیدوبسن آی ننه سنی من سراقلیوب آغلارام دیزیمی قوجاقلیوب آغلارام سنی غصه مرگ ائدوب اهل کین باشا قاره باغلیوب آغلارام ملتمس دعا مهدی ملکی

شعر در مقام مادر در اهنگ یابن الحسن ای شه ملک ولا    آئینه ی صدق و صفا آنادی پروانه ی شمع وفا آنادی پروانه تک پر ویرار اوتدا یانار اولادینین دردینی جانه آلار دردینی ایتمز عیان....قلبی محنده یانان بار مصیبت ایر.قدینی همچو کمان سیندیرما قلبین آغلاتما                جنت قاپوسین باغلاتما جانیم سنه قربان ننه.جان ننه.جان ننه عمریم بهاریم جان ننه. جان ننه .جان ننه قربان اولوم من یومولان گوزوه قالمیشام حسرت او شیرین سوزوه سس ویر سسیمه آنا دردین آلیم سنسیز آنا جان نجه ایوده قالیم آچ او گوزل گوزوی. ...بیر اشیدیم سوزوی سن منه خاطر آنا. پیر ایلدون ئوزوی تاج سریم ای جانانیم...حاصل عمروم ریحانیم جانیم سنه قربان ننه. جان ننه. جان ننه عمریم بهاریم جان ننه. جان ننه. جان ننه

در فراق مادر گریز به حضرت زهرا (س) گوهری کیم دییر فرق ایلمز بود و نبودی ننه نین مایۀ خیریدی هر ائوده وجودی ننه نین قدرینی بیل نه قَدَر زنده دی تا وار نفسی افتخار عالمی اول سیر صعودی ننه نین وئر قولاق هر نه دئسه دقّتیلن صحبتینه لعلیدن باشدی یقین گفت و شنودی ننه نین او دانشدیقجا دئنن جان ننه قربانین اولوم اولا عشقین فرحِ باغِ خُلودی ننه نین اؤپ الیندن ایاقیندان باشینا گونده دولان احترام عالمی یوخ حدّ و حدودی ننه نین حرمتین اولسا نه اندازه یقین کمدی گینه عمرین حتّی اولا گر وقف درودی ننه نین سنه خاطر اویانیب چوخ گئجه شیرین یوخودان یات بالام لایلای اولوب دلده سرودی ننه نین وارد اولسا نئچه یول گونده ائوه دور ایاقا یئر نشان وئر ننه وه حین ورودی ننه نین حال حرمتده دولان باشینه پروانه کیمی اولماسین بار غمه نیل رکودی ننه نین الین ئوپ گویلونی آل ساده سؤؤندور اؤره گین یئتیشه قوی گینه ده شأنیوه سودی ننه نین آی ننه رحمتینین ، سایه سی باشینده اولان ائویوین نعمتیدی ذکر سجودی ننه نین گونده اللهه طرف یوز دوتار هنگام نماز مهری اولاده گوره داشلانی زودی ننه نین ایستر اللهدان همیشه بالاسین سالم اولا اولار عشقی بو سوزه دلده شهودی ننه نین گئچورم سوزدن اولام وارد برنامۀ غم آناسین گوردی ئولور زینب مرضیّه شیَم باخدی باخدی ننه یه قوللارین آچدی او خانم توکه اشکین یوزونه تازه یول آچدی او خانم سینۀ فاطمیه گلدی سوواشدی او خانم ائله آهسته دئدی جان ننه قربانین اولوم یومما سن گوزلریوی قوی هله گریانین اولوم قول بویون اولدی ننه یلن بالا قان آغلادیلار قویدولار یوز یوزه چوخ اشک فشان آغلادیلار بیر طرفدنده بلال وئردی اذان آغلادیلار آلدی آغوشه خانم زینب دلبسته سینی اؤپدی زینبده او دم مادر دلخسته سینی دئدی بیر اوخشاما زینب ائشیدن یاندی غمه بئش یاشیم واردی دئییم من نجه لایلای ننه مه اثر ائتدی خانمین ناله سی اهل حرمه حسنینین اوره گی یاندی او اثناده باخین زینبین دوتدی الین آغلادی زهراده باخین دورت بالا بیر ننه آغلاشدی نه آغلاشدی دئییم فاطمیله بالالار ائوده قوجاقلاشدی دئییم آیریلیق موسمی هی گلدی یاخنلاشدی دئییم دئدی زهرا حسنینه بالا قرآن اوخیون بیری یاسین و بیریز سورۀ رحمان اوخیون گلدی نجوایه حسن سورۀ یاسین اوخودی بیر طرفدنده حسین میل آناسین اوخودی زینب اما اولارین ختم دعاسین اوخودی دوتدی درگاه خداونده الین دورت گل ناز صحّت فاطمیه ایلدیلر راز و نیاز آغلیا آغلیا باخ غمزده لر وای دئدیلر سس سسه قوشدولار اوندان ننم ایوای دئدیلر دوشنوب فاطمه نین نعشینه لایلای دئدیلر الینی قویدی حسن فاطمه نین دیده سینه گوزله کلثومه دئدی دگمه حسین سینه سینه یاره دور چونکه باجی سینه هله قان توکولور دگسون اَل یاره لره خون فراوان توکولور یول آچار قان ائله بس بارش باران توکولور غیر ممکندی بو دردین اولا درمانی باجی گزه سن عالم امکانی تاپیلماز علاجی میخ در یاره لییب سینه دن آرتیق اوره گین بین اکبادی قیریب فکر ائدیرم شاهرگین نه گونه قویدی بیزی گور ائوی یانسین فلکین خاتمه وئر سوزیوه « گوهری » قورتاردی دوات حضرت فاطمه نین روحینه گوندر صلوات

راحت ترین دعای آخر مجلس بارالها اوالری که درگاهیوه گوزانوب مایوس وناامید سینه لره گیترمه بارالها اوجادان آمین دین دیلری لال اولدورمه بارالها تمام مریضان مسلمین مخصوصا بیمارستانلاردا ایوده یاتان مریضلره شفا عنایت اله خداوندا بوشلی لارین بورجون ئوز خزانه غیبینن ادا اله خدایا اولاری که اولادلاری یوخدی اگر مصلحتلری اولسا صالح وصالحه اولاد کرامت ایله خداوندا اولاری که ائولری یوخ ئوز وسیع ملکونن اولارا ائو نسیب اله پرچم اسلامی سربلند کفرین پرچمین سرنگون اله بیزلری عاق والدین دنیادن آپارما شب اول قبر چهارده معصومی باشیمیز اوسته حاضر اله شهیدلرین درجه لری عالیدی متعالی اله امام زمانین وجودینه بلا ویرمه بیزلری آقانین ظهورینه اهل اله

دعای اخر .مجلس با زبان تركی بارالها نظر رحمتی بیزدن کسمه باشمزدان توکولن نعمتی بیزدن کسمه بار الها بیزی تیر غمه آماج ائلمه عشق سائللرینی هئچ کسه محتاج ائلمه ای خدا مهدی زهرایه بیزی یار ایله بو عزاداری حسینی قبرینه زوّار ایله ای خدا سینه زن عاشقلری بیمار ائلمه هئچ زمان شیعه نی نامرده گرفتار ائلمه ای خدا قفل غضب وُرما عنایت درینه ثبت ائله آدیمیزی فاطمه نین دفترینه دلده کی حاجتی حضّاری روا ایله خدا هر کیمین دردی اگر واردی دوا ایله خدا بارالها گئجه لر محرم راز ایله بیزی آچ عبادت قاپوسین اهل نماز ایله بیزی ای خدا حالیمیزی حالت عرفانی ائله نور قرآن یله بو دللری نورانی ائله نا امید ایلمه یارب سنی زهرای بتول چک قلم معصیته توبه میزی ایله قبول جان چخان وقته خدایا بیزه امداد ایله قبرین اول گجه سی روحمیزی شادایله (التماس دعا)

دعای آخرمجلس به زبان عربی اَللّهُمَّ اِنّا نَسْئَلُکَ وَ نَدْعُوکَ بِاسْمِکَ الْعَظيمِ الاْعْظَمِ، اَلاْعَزِّ الاْجَلِّ الاْکْرَمِ، بحقِّ امامِ زمانِنا، بِدَمِ المظلوم ده مرتبه يا اَللّهُ يا اَللّهُ يا اللّهُ... یا رحمن یا رحیم یا مُقَلِبَ القُلوب ثَبِت قُلوبَنا علی دینِک و علی مُحَبَهِ الحُسَین فِی الدُّنیا و الاَخِرَه الهی يَا حَمِيدُ بِحَقِّ مُحَمَّدٍ يَا عَالِي بِحَقِّ عَلِيٍّ يَا فَاطِرُ بِحَقِّ فَاطِمَه يَا مُحْسِنُ بِحَقِّ الْحَسَنِ یا قدیم الاحسان بحق الحسین (ع)

شعرترکی برای فراق مادر شعرترکی درمقام مادر شاعر:عبادی گئتدین ای یورقون آناقلبیمی ویران ائلدین منه بوعالمی سن قورخولی زندان ائلدین سن سیز ای روح روان، قالمادی جسمیمده توان حشره جک گوزلریمین،اشکینی باران ائلدین قولاقیمدا هله ده یات بالا لایلای سسی وار منه گهوارده سن خدمت شایان ائلدین ئورگیم قانه دونوبدور، سنون هجرونده آنا غم اندوهه منی هر گئجه مهمان ائلدون بیرده آغوشیوه ای کاش، آلاییدون منی سن بوسینیخ قلبیمی چون،خانه ی احزان ائلدون چوخدی دردیم دور آنا، قویما دوشم چوللره من نقدر دردیم اولوب دهریده درمان ائلدون صحبتیم چوخدی ولی ،قوی بونی آخرده دییم منی سن شیفته  شاه شهیدان ائلدون حضرت زهرا(س) مرحوم حاج محمد علی تأیید

بانوای عبداللهی ====👆 🏴شعر جدید در فراق پدر ✍بقلم استاد کربلایی رحیم شایان(ارومیه) 🎼در آهنگ گلپونه ها... ای منیم پشت و پناهیم مهربانیم گیتدون الدن وای آتام وای خلق ایجینده عز و جاهیم. همزبانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من گر غبار غم قونایدی چهره مه تز رد ائدردین قلبیم اودلانسیدی غملن بیر باخیشلا سو سپردین اللریندن من ئوپردیم گوزلریمدن سن ئوپردین قالدی اول گوزده نگاهیم باغریقانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من بو قرانلیق روزگاره سانکی بیر روشن چراغ سان بلمدیم که زندگیده سن نئجه محکم دایاق سان بیلمدیم قدر وجودین بیلمدیم که سن قوناق سان حیف ای امیدگاهیم قهرمانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای وای آتام وای وای آتام وای وای آتام وای وای آتام وای تا یتیم اولدوم پوزولدی دودمانیم روزگاریم یوخدی بیر سنگ صبوریم غیر اشک و آه و زاریم بوش یرین گورسندیقیجا آرتیرار رنج و فشاریم ای منیم لطف الهیم زندگانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای ........کانال نوای حیدرکرّار