حسین یک اسم نه یکصد کتاب است و او  تفسیر  عشقی پاک و ناب است تلفظ    کردن   نامش    حزین   است حسین  اصلا   تمام   راه   دین  است حسین جان  داده  ما  جانباز   باشیم فقط   با   راه  او    دم ساز     باشیم حسین راهش  جدا  از اهل کین است طرفدارش   یل      ام البنین     است حسین   در    نه     فلک  همتا   ندارد گروهی    این    چنین    آقا      ندارد حسین   دارای    اسرار   عجیب است فقط یک  نام او شیب الخضیب است #عبـــــــــــادے_طارمے

آرزوی زیارت آرزوی زیارت بیر نظر ایت پادشه کربلا شیعه لرون قبریوه اولسون فدا حسین مزارون نه با صفادی دریدیمه درمان کرب و بلادی ایسته گلاخ اوردا حسین وای دیاخ سینه ویراق شوریله ایوای دیاخ اصغر شهزادیه لای لای دیاخ حسین مزارون نه با صفادی دریدیمه درمان کرب و بلادی شمع وفا من سنه پروانیم من آشنایم نه که بیگانیم چوخ آغلورام دیوله دیوانیم حسین مزارون نه با صفادی دریدیمه درمان کرب و بلادی درد و غم سرشتی من نیلورم دیمم بو سرنوشتی من نیلورم سن اولماسون بهشتی من نیلورم حسین مزارون نه با صفادی دریدیمه درمان کرب و بلادی خالقوه یاخشی گوزل بنده سن حامی دین نیر تابنده سن سن اولموسن حشره کیمی زنده سن حسین مزارون نه با صفادی دریدیمه درمان کرب و بلادی وار نه علل شهید گلگون قبا قتلگهون اولوبدی چوخ باصفا خیمه گهون ولی اولوب غم فزا حسین مزارون نه با صفادی دریدیمه درمان کرب و بلادی خسته گوگل شور و نوانی سور مدحی گزر بزم عزانی سور عاشق اولان کرب و بلانی سور حسین مزارون نه با صفادی دریدیمه درمان کرب و بلادی ** عابد صادق پور https://eitaa.com/kobradsg

نوحه جدید ... زبانحال امام حسین (ع) در بالین علمدار کربلا (نوحه شماره ۸) آچ گؤزون یاتما وزیریم یارالی باتما ای ماه منیریم یارالی باخ حسین قارداشوا دولانیم من باشوا قیل کرم مرد کرم یاتما اویان ساقی اهل حرم یاتما اویان غم آلیب قلبیمی قارداش منه باخ صاحب مشک و علم یاتما اویان ای منیم آرخام ائلیم غصه دن سئندی بئلیم کیم ووروب صدمه عزیزیم خولوا نه گلوب یاره لی شیریم قولوا تکیه وئر چیگنیمه دور منله گئدک گؤز تیکوب خیمه ده قیزلار یولوا سو گزور تشنه لریم جان وئرور صودامریم گؤزلرینده گؤرورم اوخ یاراسی قان وئرور پیکروین چوخ یاراسی ای اولان قوللاری نهر اوسته قلم کیم دیور قارداشیوین یوخ یاراسی سن ائلوندن آرالی من ئورکدن یارالی بیر دانیش منله فدایم سؤزووه هم فدا قوللاریوا هم ئوزووه یوخدور امکان آچاسان گؤزلروی آلنوین قانی دولوبدور گؤزووه قویما تپراقه یوزون قوی سیلیم قانلی گؤزون التماس دعا یا حضرت عباس به دشمنانت لعنت —---- https://eitaa.com/kobradsg

به سبک قان یاغدی کربلایه محمد علی مصیبی تبریزی . ((کرب وبلا چولونده طوفاندی یامحمد)) بیر طفل شیرخواره اوخلاندی یامحمد . . یا خاتمُ النبیین پیغمبر زمانه صحرای کربلاده اوخلار چیخوب کمانه اولدی گلوی اصغر اوچ پر اوخا نشانه باشدان باشا بوغازی دوغراندی یامحمد . . گل گور سالوب نه حاله غم بوترابین اوغلون قانه بلشدیروبلر ختمی مآبین اوغلون اوخلارسالوب نفسدن بیکس ربابین اوغلون عرش اهلیده بو ظلمه حیراندی یامحمد . . الغوث صوتی ایکاش پیغمبره چاتیدی قاتیل اوخون آتاندا گویلرده گون باتیدی ای کاش اوخ آتاندا بیر ساده اوخ آتیدی اوخداندا آه و ناله قوزاندی یامحمد . . سو ایستینده اصغر آه و فغان گوروبدی ناگه سوسوز بوغازین تیره نشان گوروبدی اوخلارامیشدیروبلرصود وجهی قان گوروبدی ئوز قانینه دوداقی ایسلاندی یامحمد . . قان آغلوری ملکلر بیر دلکبابه خاطر مخیمده خوردا قیزلار آغلور ربابه خاطر اوخلاندی طفل نازی بیر جرعه آبه خاطر ئوز قانینه بالاسی غلطاندی یامحمد . . پیکانی اوخشادوبدی پستانه طفل نالان پیکان دمیندن آخرسوت یوخ ایچوب قزل قان صحرای پربلاده جاندان گئچوب لب عطشان قرآن یولوندا اصغر قرباندی یامحمد . . اوخ دگجاقین بوغازه گولدی او طفل نورس یوز دوتدی شاهه یعنی ؛ ای پادشاه بیکس قیتر منی ربابه وئرسون آنام منه سس قلبی آنامین آخر اودلاندی یامحمد . . چوخ نقشه لر ربابین ذهنینده قاب اولوبدی هر نقشه چکمیشیدی نقش برآب اولوبدی قانین سپوبله عرشه گویلر خضاب اولوبدی بو قانه عرش اعلا الواندی یامحمد . . هر دم دییور رقیه آلله گلیدی اصغر آغوشیمه چکیدیم بیر دینجلیدی اصغر من گوزلرون ئوپنده منلن گولیدی اصغر بولمور سوسوز اخاسی اوخلاندی یامحمد . . گلزاریده گول آچسا بلبل اولار غزلخوان گوللر گولن زماندان خندان اولار گلستان یاز یاز«مُصَیـّب» اما اصغر گولن زماندان چشم تمام عالم گریاندی یامحمد . https://eitaa.com/kobradsg

‍ ‍ ‍ حماسی باخما چوخ تحقیریلن باشیمده قاره معجره آند اولا طشتون ایچینده قانه باتمیش لبلره من بو شهره گلمدیم تعظیم ایدم هر کافره گلمیشم قلب دمشقه قاره پرچم ورماقا گلمیشم بیرده سنون شخصیتون سیندیرماقا نطق زینبدن پوزولدی مجلسون آرایشی یاردی دشمن قلبینی هر نطقینون بیر ترکشی بیر به بیر خلع سلاح اولدی یزیدون ارتشی سوزلرین از بس خانم گیرا و مستحسن دیدی طشت ایچینده قانلی باشلار زینبه احسن دئدی

🌷 وصف شهیدان کربلا 🌷 عطر جَنّت گلور کربلادن نِی سیزیلدار غم نینوادن آغلیار گوزلریم هر دَمادَم سوز دوشنده لب عطشان آقادن یاحسین یاحسین یاحسینجان(2) اکبری یاده سالّام عزاده اول جوان که یاتوب پای پاده قطعه قطعه اولوب شِبه طاها خیمیه حمل اولوبدور عَباده یاحسین یاحسین یاحسینجان (2) سو اولوب دشت وصحرایه جاری تشنه قویدی ولی شیر خواری وئردی سقا گوزی مَشکی آلدی قیمتی چیخدی اوننان یوخاری یاحسن یاحسین یاحسینجان (2) جام اَله آلدی تشنه قوناقلار خیمه ده منتظردور اوشاقلار اوخ گلوب مَشک سقّانی دَلدی یاندی چوللرده عطشان دوداقلار یاحسین یاحسین یاحسینجان (2) گوزلریم بیر لَبن خواره آغلار هر گورَن وقتی گهواره آغلار سینه سینده یاتوبدور حسینون خوردا بیر طفل مَه پاره آغلار یاحسین یاحسین یاحسینجان (2) گون شَفَقدن یوزه قان آلاندا یاکه هرغُنچا سولقون قالاندا یادووَه سال رباب اوخشاماسین صوداَمر طفله لایلای چالاندا یاحسین یاحسین یاحسینجان (2) قاسمون طوی اطاقی تالاندی حجله گاهینده اودلار قالاندی قاره گیدی گَلین کربلاده جام صبری بو غمده جالاندی یاحسین یاحسین یاحسبنجان(2) زینبون گُللَری دسته دسته سولدی میداندا یا نهرون اوسته کربلا غملریندن قوجالدی دیل یاراسی اونی ائتدی خسته یاحسین یاحسین یاحسینجان(2) 🌷🌷🌷🌷🌷🌷🌷🌷

---------(جان یاحسین)--------- دولاندا قلبیمه غم دمبدم حسین دئیرم اولاندا تعزیه سی اگنیمه قرا گئیرم فدا اولوم آدینا آبرو وئروبدی منه اودورحسین آقامی قلبیدن چوخ ایستئیرم

❤️کربلایی جاوید اسدزاده❤️ 🌴یا زهرا (س)🌴 فاطمه یعنی کرم ، یعنی ولایت مشعلی@ بنده محبوب حق ، همراه و همراز علی@ شانی مافوق عقول ، تاویل قرآندی بلی@ ساده بیر انسان دیور عالم بویی احساسی وار@ حیدرین فکر ایله کی یوزمین نفر عباسی وار

┄━═✿♡﷽♡✿═━┄ ➖➖➖➖➖ سو مشکیمی بو قوم ایدوب بهانه قارداش #عباسیه_صافی_تبریزی ➖➖➖➖➖ استمداد قمربنی هاشم از حضرت سیدالشهداء(ع) .. .. مرحوم صافی تبریزی .. .. سو مشگیمی بو قوم ایدوب بهانه قارداش خدنگ ظلمه اولموشام نشانه قارداش .. .. .. .. سالوب بو قوم سنگدل منی نفسدن یاوقلاشوبدی آیریلا صدا جرسدن بو مرغ روحیم ایستری چخا قفسدن ز بسکه تنگ اولوبدی آشیانه قارداش .. .. .. .. نظرده هر زمان اولور ئولوم مجّسم دوشوبدی قوللاریم اولوب علم قدیم خم یخلمشام عقابدن علمله باهم گوزیمی تیکمیشم او آستانه قارداش .. .. .. .. یریندن اوینادی قوشون تمام صفلر آلوب آرایه بیر منی بو قدر لشگر او شاهبازم آچمشام خدنگیله پر که اوج وحدته اولام روانه قارداش .. .. .. .. گلیدون آخر عمریده یوزون گوریدیم او جلوۀ جمالوی گوروب ئولیدیم قدملریوه یوز قویوب الون اؤپیدیم یتم نولور بو عزّت و بو شأنه قارداش .. .. .. .. یارالی آهو تک گلن خدنگه رامم اگر چه ساقی ام ولی شکسته جامم پیمبر اوغلیسان سنه اوزوم غلامم آنام کنیزدور بو دودمانه قارداش .. .. .. .. اگر چه پیکریمده چوخ جراحتیم و ... .

پر کشیده هر دل عاشق به سوی کربلا تا نماند بر دل ما آرزوی کربلا #سید_مجید_بنی_فاطمه🎙 #6_روز تا #محرم💔

چکدی پیکانی حسین وحشته اعدا دوشدی، عرشه سپدی قانینی گویلره غوغا دوشدی، اپدی عطشان بالانی یادینه سقا دوشدی، دئدی دینجل بیلورم دینجله جاقسان قارداش، بالام اوخلاندی هاچان بس گله جاقسان قارداش . آی ابوالفضل گولومه باخ سارالوب آی قارداش، یالقوزام دوریمی اهریمن آلوب آی قارداش ، قوزی قربان الیمون اوسته قالوب آی قارداش، اولمادون راضی سنی حمل ائلیم خیمه لره ، گئتمورم خیمیه دور قبر قازاق صود امره . ناز ائدر نازلی بالام عشقیده سرمایه سینه ، یتیشوب باب الحوایج عمونون پایه سینه ، خوردا سربازیمی آل قانلی علم سایه سینه ، بو سنه اوخشور او تیریله که حلقی بیچیلوب ، سن بونا اوخشوسان از بسکه وجودون کیچیلوب😭😭😭😭😭😭😭😭😭

‍ ای جماعت   ویرمیشم   بو  جانی   قربان  مشگیمه خیمه لرده  گوز تیکوب  بیر عدّه  عطشان  مشگیمه وورمیون    آخر     نهال  عیشیمه   غم   تیشه سی اولمیون راضی شکست  اولسون امیدیم  شیشه سی بسته دور واللهی  بیر  بو  مشگه روحیم  ریشه سی آیریلار  روحیم     بدندن   دگسه   پیکان مشگیمه من   بولوردیم  ایندی  بو  شام  اهلی  یالقوزلار منی خیمه لرده     گوزلوری     والله     اوغلسوزلار   منی آختارور    الده    سوجامی  تشنه  لب    قیزلار  منی منتظردور    ایندی   بیر  جمع    پریشان   مشگیمه من دیمم چوخ   وورمیون  اوخ   ای گروه   کینه جو قورخورام دگسین بو  مشگه  نقد جانیمدور  بو  سو آرتیرار      عباسه       بو      زهرا      یانیندا      آبرو جانیمی   قیلام   سپر  هر  لحظه   هر  آن  مشگیمه یوخ  رجوعیم  وورمیسوز  چوخ  یاره ای لشگر  منه ساق صولومدان پر آچوب  اوخلار  اولوب شهپر منه راضیم   وورساز   نقدری    نیزه    اوخ   خنجر  منه قویمارام  اوخ  دگسین  اما  حتی  الامکان مشگیمه گر  دیسوز  من ئولماقیمدان قورخورام  ای کوفیان بیر  نفر آلسون  بو  مشگی  خیمیه   ایتسون  روان چکمه سون باری سوسوزدان خیردا  قیزلار  الامان سو   یرینه  دولدورون اوندان  صورا  قان  مشگیمه من  گلنده    اصغرین   آچمیشدی قنداقین    رباب عرض   ایدیردی  بارالها  اصغریم   اولدی   کباب بو   سببدن  خیمیه  گیتماقدا   قیلّام   چوخ    شتاب منتظر   دور    خیمه لرده     آل عمران       مشگیمه چگنیمه    فخریله   سردوش  شهادت   وورمشام وعده گاه    عشقیده     مردانه      ثابت    دورمشام چوخ   امیدیله   بو   مشگی  نهریدن   دولدورمشام سیز   بولورسوز  دولمیوبدور  بو سو آسان مشگیمه وارد  اولدوم  نهره  گوردوم  وار سودا خوش منظره اوجومی    شوقیله     دولدوردوم    یتوردوم     لبلره عکسینی  گوردوم حسینون  ایچمدیم  توکدوم  یره انقلاب     خیمه گاهی    ایتدیم     اعلان    مشگیمه نفسیمی   هرگز    صحابه    قیزلاریندان   سئچمرم هر   قدر   گورسم   جفا      راه     وفادن    گئچمرم یر یوزین  دولدورسا سو  یاننام  سوسوزدان  ایچمرم چون  رقیّم  گوز   تیکوبدور  دیده  گریان  مشگیمه ایچمسه   سو   شهریاریم  من  اوزوم  میل  ایتمرم ویرمسم    سو      اصغره      اصل     مرامه   یتمرم مشگیمه    اوخ  دگسه   ئوللم  خیمه گاهه   گیتمرم شرم  ایدن اوخ وورمیون ای قوم  عدوان  مشگیمه بو  سویون  وجهینده  هر نه  ایستسوز الآن ویروم راضیم  اوچ  بو  سویون قدری اورکدن  قان  ویروم اولمیون  راضی حسینیمدن   خجالت   جان  ویروم اوخلاری   یاغدیرمیون  چون  ابر    باران  مشگیمه افتخاریم   وار   بو  گون  دورد  منصبیله  دلخوشام هم    وزیرم    هم     علمدارم   حسینه    قارداشام هم  حسین  اطفالینه  بو    چولده   سقّا   اولموشام غبطه     ایلر      منزلتده     آب     حیوان    مشگیمه رد اولون لشگر یولومدان نه دوتوبسوزساق صولی ویرمیشم  قربان بو بیر مشک  سویا  بیر جوت قولی شل  اولیدی  اوخ  آتان  ال  گوزلریم  گورمور  یولی یتمیه    اهل    جفادن    بلکه     نقصان      مشگیمه هر  طرفدن   اوخ     گلنده    قلبیم    ایلر   اضطراب قورخورام دگسین بو مشگه عرشه سالسین انقلاب بو   سو   مشگین اهلبیته   ویرسم   اولام  کامیاب مشتری  دور  خیمه ده   بیر   جمع   نالان  مشگیمه مایلم   اولسون   (( بحری))  عشقمون    دیوانه سی یاسیمی دوتسون   جهانی  ایلسون   غم  خانه سی ایسترم  قبرینده  اولسون  شمعیمون   پروانه سی https://eitaa.com/kobradsg

لینک کانال نوحه‌های ناب طشت گذاری ای حسین عاشقلری باشلاندی ایام عزا باغلیون فریاد لبیکیله احرام عزا مرحبا قدرین بولون بو مجلس ماتملرون هیئتیلر جان سیزون جان بوقرا پرچملرون بیز حسیندن آلمشوق عشق و،وفا سرمشکینی ایستیور دشمن آلا بیزدن حسینون عشقینی سعی ایدور وهابی رونقدن سالا هیئتلری شیعنون آدین باترماخدی فقط نیتلری فتنه ایجاد ایلیولر ایندی کم رنگ ایتماقا غربی آیینی بیزیم کشورده فرهنگ ایتماقا مکه ده گوردوز او بی غیرت جماعت نیلدی بی شرافتلر مناده نه جنایت ایلدی آندولا حقه بلا نسل ابو سفیاندولار شیطانی گوزدن سالوبلار مرشد شیطاندولاور فرق مولانی نماز اوسته یارانلاردور بولار دختر پیغمبره سیلی وورانلار دور بولار دین آدیلا شاه دینی اولدورنردی بولار روز عاشورا حسینی اولدورنردی بولار بو شعاری طاق محرابه یازار اهل سجود مرگبر آل امیه مرگبر آل سعود

بو چتین نوحه ده یا فاطمه عفو ایله منی قالدی بیر حالته مقتلده حسینون بدنی باش آچیق گلدی او ماوایه رسول مدنی آه سوزانی اونا رشته محنت توخیدی او چوخور یرده اوزی روضه ی ماتم اوخودی دیدی عالمده حسین عشقیده گلمز سنه تای بیله ایثار ایلیوبسن که سالوب جنته های حقلیم باشوون اوستونده دیم وای بالا وای ملکوت اهلی غموندن گوزلیم داده گلیب سنه قان آغلاماقا مقتله زهراده گلیب

میداندا حسینون او زمان قلبی یانوردی اوغلون آلوب آغوشینه حیران دولانوردی او قانی دوتوب اوجونا رخسارینه یاخدی عباسی گزوردی ائله بیل صاق صولا باخدی یاندی ئورگی فتنه دنیا عملیندن آواره گزوردی وای آدامسیزلیق الیندن بیلمم نئجه گرد غم و اندوهه بلندی تل اوسته دیوللر نئچه دفعه چیخوب اندی سقا کیمی گویا غم خجلتده یانوردی اخیامه طرف گئتمگه چوخ چوخ اوتانوردی

بانوای عبداللهی ====👆 روضه علی اصغر(ع)اوخشاما زبانحال حضرت رباب (س) 😭😭😭😭😭😭

خادم الحسین علیه السلام: آغلارام تا که به دنیاده غمون وارده حسین( ع) (۲) آتام آنام سنه قربان ، سنه قربانده حسین (ع) تا که من دنیاده قالسام به منیم عمرم اولا هر نفسده دیررم جانم حسین(ع) سیدو سروررو سالاریم حسین(ع) آتام آنام سنه قربان سنه قربانده حسین(ع) (۲) یازیلب نامه اعمالیمزا نام حسین (ع) صف محشرده بیزه ایله شفاعت سن حسین (ع) سیدو سروررو سالاریم حسین (ع) آتام آنام سنه قربان سنه قربانده حسین(ع

میگن این درخت خرما 👆 سال 48هجری قمری به دست امام حسین کاشته شده و هنوز هم از بین نرفته....

سودای زیارت حزین بیر بلبلم عشقین بهارین گورمسم ئوللم داریخدیم، تنگه گلدیم ، گول جوارین گورمسم ئوللم نئجه مجنون گزر دیلده فغان چوللرده لیلانی نئجه وامق اورکدن آختارار حسرتله عذرانی منیم ده یاریمین وار کربلاده بیر گلستانی او چولده یاریمن گر لاله زارین گورمسم ئوللم یانان پروانه یم شمعیله چوخدان خلوت اختاررام غمیم چوخدی دئیه م باشیم بلاسین فرصت اختاررام گزیب منزل به منزل کوی وصله قسمت اختاررام واریم چوخ شکوه عشقین شهریارین گورمسم ئوللم بیلن یوخدور که قلبیمده نقدری وار غم و حسرت اولا قارداشیمین ششگوشه قبری بیر منه قسمت نقدری واردی جانیم وصل یاره ائیلرم همت یوروب چوللر منی یارین دیارین گورمسم ئوللم دئیوللر اهل عشقه و درده عالی توشه دیر قبری ولایت خرمنینده چوخ گوزل بیر خوشه دیر قبری صفالی طرحی واردیر عرش تک ششگوشه دیر قبری بو حسرتله اگر زیبا مزارین گورمسم ئوللم دیار کربلا چوخ با صفادی سرو و سنبل وار او گلشن ده سوسوز قانه باتان یئتمیش ایکی گول وار منیم غملی سپاهیم ده نئچه خوش نغمه بلبل وار مزاری اوسته بو محنت قطارین گورمسم ئوللم خوشام بیرده گورم سینای عشقیمده نه عالم دیر گوزوم ده گورملی قبری گئجه گوندوز مجسم دیر ایکی مظلوم اوغول بیرده آتا قبر ایچره باهم دور گوزل سجادیمین بو ابتکارین گورمسم ئوللم باتیب ظلمیله قانه کربلاده یار و انصاریم نه مدت‌دیر توکور حسرت سرشکین چشم خون‌باریم حسینیمله اولوب مقتلده چوخ نیسگللی دیداریم صفالی قبرینین نقش و نگارین گورمسم ئوللم خزانِ ظلمیله سولدی حسینیم گول سیاقیندا گلاب اولدی گلوم ظهر بلا آتلار ایاقیندا کسنده باشینی قاتل سوزی قالدی دوداقیندا اولوب نیسگل منه عشقین نگارین گورمه سم ئوللم منیم سولدی سارالدی سو کنارینده گل یاسیم قولی دوشدی دچار ارذل اولدی اشجع الناسیم ایکی ال بیر باشین وئردی ره عزتده عباسیم ارادت ائتماقا علقم کنارین گورمسم ئوللم بیر عمری باده سرخ ولادن مست و مدهوشم اورکده سوز آهیم وار اگرچه گاه خاموشم حسین عشقینده هر ماه محرم ده سیه پوشم محبت شهرینین گر هشت و چارین گورمسم ئوللم التماس دعا #مدهوش #هوشمند #کربلا https://eitaa.com/kobradsg

سینه زنی حضرت امام حسین (ع) (سبک : ماه میگویدحسین...) ماه سسلر یاحسین ، آلله سسلر یاحسین آدووه قربان گدا و شاه سسلر یاحسین(٢) بابی انت و امی یا ابا عبدالله سنه قربان اولا جانیم یا اباعبدالله یار سسلر یاحسین ، دلدار سسلر یاحسین کربلاده میلیونی زوار سسلر یاحسین یاس سسلر یاحسین ، احساس سسلر یاحسین نهر علقمده سوسوز عباس سسلر یاحسین دین سسلر یاحسین ، آئین سسلر یاحسین قلب قرآن سوره یاسین سسلر یاحسین عرش سسلر یاحسین ، ذوالعرش سسلر یاحسین وئر قولاق گور اهل عرش و فرش سسلریاحسین سینه سسلر یاحسین ، آئینه سسلر یاحسین کیم ئوزون تسلیم ائدوبدور دینه سسلر یاحسین خاک سسلر یاحسین ، افلاک سسلر یاحسین قلبینی هر عاشق ائتسه پاک سسلر یاحسین نور سسلر یاحسین ، هم حور سسلر یاحسین حضرت موسی جوار طور سسلر یاحسین خار سسلر یاحسین ، غمخوار سسلر یاحسین ختم مرسل احمد مختار سسلر یاحسین نار سسلر یاحسین ، زنار سسلر یاحسین ئوز آتاسی حیدر کرار سسلر یاحسین جان سسلر یاحسین ، ایمان سسلر یاحسین آیه آیه سوره قرآن سسلر یاحسین تیر سسلر یاحسین ، تکبیر سسلر یاحسین شمر الینده خنجر و شمشیر سسلر یاحسین چاره سسلر یاحسین ، بیچاره سسلر یاحسین زینب کبری باشیندا قاره سسلر یاحسین یاره سسلر یاحسین ، صدپاره سسلر یاحسین کربلاده بیر بولوک آواره سسلر یاحسین باده سسلر یاحسین ، آزاده سسلر یاحسین شبه طاها عرصه دعواده سسلر یاحسین یئرده سسلر یاحسین ، گویلرده سسلر یاحسین آلتی آیلیق صود امر اصغرده سسلر یاحسین باش سسلر یاحسین، داغ داش سسلر یاحسین حضرت زهرا گوزونده یاش سسلر یاحسین بابی انت و امی یا اباعبدالله سنه قربان اولا جانیم یا اباعبدالله حاج رضا محمدی ولائی

ای حرمله اتدون اوخ شکاره بند دل حیدر اولدی پاره صیاد اولا مرد با شرافت شیره اوخ اتار نه شیر خواره

اوچ گیجه گوندوز او چولده اِیلدوخ آه و نوا سن سویا خاطر ولی من شدت غمدن بالا تیتریردی ناله میزدن سرزمین کربلا بیز کیمین، کیم ناله اوچ گون، همزمان ایلر علی اوچ گیجه من سو دالیجا کیم دئیر که قاچمادیم یا غمونده تیر غم بو داغلی قلبه ساچمادیم نیسکیل اولدی باغلادیم قولارون امّا آچمادیم بو غمه دل داشدان اولسا گور توان اِیلر علی آلدی تا مَندن سنی اول سرور و سالار عشق باغرینا باسدی او لحظه قُلزم ذَخّار عشق باشلانوب سَنله دوباره گرمی بازار عشق عهدینه ایفا اِیدن سود و زیان اِیلر علی تا سَبوی عشقیله، ساقی مَستان اولدی مَست قانیوی آتدی گویه میداندا پیر می پرست لازمیدی اولسون امضا نامه روز اَلست هر گون آخشاملار شفق شرحین بیان ایلر علی التماس دعا