عید قربان #گریز به شهادت حضرت علی اکبر(ع) #سبک_زینبم_جان_اوستیم علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا https://eitaa.com/kobradsg

┄━═✿♡﷽♡✿═━┄ ➖➖➖➖➖ على محبتی قلبیمده آرتوروبدور نور #حیدریه_اسماعیل_زرین ➖➖➖➖➖ مدح حضرت علی علیه السلام #گریز به #تنور_خولی .. .. .. حاج اسماعیل زرین .. .. .. على محبتی قلبیمده آرتوروبدور نور او نوریله اورگیم دائما اولور مسرور على آدی دلیمه طاقت و توانادور گلنده آدی وجودیمده قدرتیم آرتور على محبتی هر حبّدن گلور فائق لیاقت آرتورار هر دلده گر اولا مذخور علی محبتینی فرض ائدوب بیزه خالق بو خلقتینده علی حبّون ایلیوب منظور سوور علینی نبی و رسول هم خالق ملائكین سما جن و انس خلدیده حور علی محبتی میزان نار و جنّتدور یتر ثبوته بو مطلب اولان زمان دم صور علی مقامینی عاجزدی دل ایده تقریر علی مقامینی درک ایتمین گوز اولسون کور علیدی منبع علم و علیدی معدن حلم علی دی اشجع ناس و رضای حقده صبور علیدی هیکل توحید علیدی رهبر دین علیدی مظهر ذات خدا و مطلع نور علی مجسمۀ عدل و داد مطلقدور علیدی قائد عادل علی مبارز روز علیدی گوندوزی صائم گیجه لری قائم فقیر و بیكسه اطعام ائدن اولونجه سحور یتیم اوشاقلارا بیر مهربان آتیدی علی هامی ارامل و مسکینه بیرکفیل غیور ایله شیرین دلیله دیندیردی ایتامی آلارد . .https://eitaa.com/kobradsg

حسینچی ام ... #گریز ، ورود به مدینه محمد علی مصیبی تبریزی ذرّ عالمینده تابع پیمان حسینچیَم فیض ولانی حقدن آلاندان حسینچیم قلبیمده ثبت اولوبدی بو عنوان حسینچیم چوخ چوخ گوناهیم اولساداهرآن حسینچیم مولا منی قووما قاپوندان حسینچیم من بادۀ محبّتیوه ساغر اولموشام کنز ولایتونده آغیر گوهر اولموشام ایللر بویی گوزل آدیوی ازبر اولموشام شه لرگلوب گئدوب سنه من نوکراولموشام تا وار بو تنده هر نه قدَر جان حسینچیم من جوشش و خروشیمی دریادن آلمیشام اوج شرف ده اوچماقی عنقادن آلمیشام صدق و صفانی دلبر طاهادن آلمیشام حبّ ولانی زادۀ زهرادن آلمیشام دار فنایه من گوز آچاندان حسینچیم تنها نه من کی عالم و آدم حسینچی دی گویلرده سیر ائدن گل مریم حسینچی دی علقم حسینچی اولماسا زمزم حسینچی دی ام البنین ، اوغوللاری با هم حسینچی دی بیر بیر دیوبله دیل دانیشاندان حسینچیم #گریز #ورود_مدینه سس دوشدی یثرب اهلی گلون کاروان گلور بیرکاروان کی ظلم گوروب بی امان ، گلور سجّاد بوینی یاره ، جفادن نشان گلور زینب سالوبدی باشه قرا باغریقان گلور هر بیر قدم آتور ائدور افغان حسینچیم هردم سیزیلدور آغلاشوری ائللریم ئولوب دوغراندی اکبریم صودامر اصغریم ئولوب قوللار قلم ماه ملک منظریم ئولوب باشی جداده سیر ائلین رهبریم ئولوب عالم بولور آنادان اولاندان حسینچیم بو حین ده دوشوبدی سس ام البنین گلور یعنی همان مام علمدار دین گلور گوزدن عذاره سیل ائدن اشک ترین گلور دورد اوغلونین آناسیدی آغلار، غمین گلور گوزیاشلارین گورن ائدور عنوان حسینچیم حُضّار گوزلری او کلام و بیان دادی آیا تمام غصه سی یوزده عیاندادی؟ فکری اوغوللاریندادی یا آیری یاندادی؟ اوّل سوزی بو اولدی حسینیم هایاندادی؟ عباسه مادرم ولی جاندان حسینچیم بو سوزده آغلاشوب حرمین اهلی زار زار زینب وروبدی باشه ائدوب گوزیاشین نثار آلدی جوابین امّ بنین مام داغدار دوندی او حالیله اولا تا شهره رهسپار سویلوردی دورد بالام اولا قربان حسینچیم سسلندی بیر مدینه لی ای مام خونجگر بیلدون کی گون هایاندا باتوب گوزگوروب نلر آیا سوروشمیسان کی هایاندا یاتوب قمر آخر نه دن سن آلمادین عباسیدن خبر؟ منده سنیله هر دم و هر آن حسینچیم بیرآن دایاندی امّ بنین طیِّ راهیدن بیر آه چکدی سینه یانوب سوز آهیدن بیرباخدی جَمعه حسرت آخوراول نگاهیدن بیرسوزدئدیعیان ائدوب عشقین گواهیدن هرکس ائشیتدی ایله دی اعلان حسینچیم گر باغبانیم اولماسا من یاسی نیلورم بی اذن باده ، ساغر احساسی نیلورم بارماق کسیلسه حلقۀ الماسی نیلورم آخر حسینیم اولماسا عباسی نیلورم ائتدیم بو نوعی عشقیمی عنوان حسینچیم کیم نوکر اولدی درگه شاه مدینیه مشمول اولوندی مرحمت بی قرینیه حق رحمت ایله سین بو « رسول عظیمیه »(1) ایللر سوروندی بو قاپودا چالدی سینیه یعنی آقا قووما قاپوندان حسینچیمـ

اعجاز کلام حضرت امام حسن عسکری علیه السلام در اثبات امامت حضرت امام زمان عجل الله تعالی فرجه الشریف #گریز به #قتلگاه .. .. .. .. مرحوم حاج داود بیدق داری (داور) .. .. .. .. قادر اللهدان عنایت اولونا گر سوزومه چکرم خاک سر کوی ولانی گوزومه قلبیمین قانی آخارگوزیاشیمیلان یوزومه دوزرم رشتیه مرجان کیمی سوز گوهرینی یازارام مدح امام حسن عسکرینی .. .. .. .. ابوالادیانه وئروبدور ئوزی بیر نامه امام بویوروب راضیدی سندن بیلورم خیرالانام سامرادن یولا دوش ایله مدائنده مُقام عَددین ساخلا بوگون که وئرولور نامه سنه اولار اون بئش گجه گوندوز قئیدرسن وطنه .. .. .. .. سن گلن وقته ولی محشر اولار بوردا عیان شیعه لر باشه وورار اوج ائلیر عرشه فغان زهر ظلمیله عدو مندن آلار تاب و توان ایندی باخ گوز دولوسی گورمیه جکسن منی سن عمریمون آخریدور گئتمه لیم جنته من .. .. .. .. ابوالادیان دئدی مولایه که ای محرم راز شیعه سندن صورا ایلر کیمه اظهار نیاز بویوروب جسمیمه کیم قیلسا ئولن گونده نماز جانشینیمدی یتیم اولسادا عزت واریدی

🔰مدح و میلادیه حضرت رسول اکرم صلی الله علیه وآله و سلم #گریز به #فاطمیه_شهادت شاعر ؟؟؟؟ . آی منیم نازلی گولوم گل سنه چاتماز هیچ اوغول سن تک آنا باشین اوجاتماز . تاج سریمسن بال و پریمسن . طاق جبینونده اوغول نورخدا وار جلوۀ حسنونده اوغول شمس هدا وار . . . . . . یری وارناز ایلیم ائللره اوغلوم قوشام اوزشکریمی من یللره اوغلوم یللری قاصدائدم محضر یاره شکریمی یل یتوره داوره اوغلوم . ماهه مثل سن دوزلی غزل سن . رازمسیحا دمی وارهرنفسونده شهپرآچوب گوگده ملکلرهوسونده . . . . . . سن او گولسن که سنون یوخدی زوالون عالمه سایه سالارجاه وجلالون بیرگُل عمرونده سنه لطف ایدرالله او سولان وقته دولار قلبه ملالون . سویملی دادلی فاطمه آدلی . سنسیزاونا چاره یولین غملری باغلار صورتینه سیلی دگرکوچه ده آغلار . . . . . . اونون احوالینه قان آغلیار عالم یثربون اوسته یاغار محنت و ماتم دیزی تترر ایاق اوسته قالا بیلمز گوزی یاشلی یخیلارتپراقا کم کم . سینده غملر دیلده بو سوزلر . آی بابا تک شاخه وی سندیردیلا تز گل کوچه ده سیلی یوزومه ویردیلا تز گل . . . . . . گوگرن صورتینه نسترن آغلار توز دوتان زلفینه باغ و چمن آغلار بیر نفر دادرس اولماز یخیلاندا دولانار باشینه اوغلی حسن آغلار . حیدری گوزلر وای آنا سسلر . قلبیمی سویلر غم و محنت اوخی بولدی آی منه امداد ایلین گل ننم اولدی

🔰مدح و میلادیه حضرت رسول اکرم صلی الله علیه وآله و سلم #گریز به #فاطمیه_شهادت شاعر ؟؟؟؟ . آی منیم نازلی گولوم گل سنه چاتماز هیچ اوغول سن تک آنا باشین اوجاتماز . تاج سریمسن بال و پریمسن . طاق جبینونده اوغول نورخدا وار جلوۀ حسنونده اوغول شمس هدا وار . . . . . . یری وارناز ایلیم ائللره اوغلوم قوشام اوزشکریمی من یللره اوغلوم یللری قاصدائدم محضر یاره شکریمی یل یتوره داوره اوغلوم . ماهه مثل سن دوزلی غزل سن . رازمسیحا دمی وارهرنفسونده شهپرآچوب گوگده ملکلرهوسونده . . . . . . سن او گولسن که سنون یوخدی زوالون عالمه سایه سالارجاه وجلالون بیرگُل عمرونده سنه لطف ایدرالله او سولان وقته دولار قلبه ملالون . سویملی دادلی فاطمه آدلی . سنسیزاونا چاره یولین غملری باغلار صورتینه سیلی دگرکوچه ده آغلار . . . . . . اونون احوالینه قان آغلیار عالم یثربون اوسته یاغار محنت و ماتم دیزی تترر ایاق اوسته قالا بیلمز گوزی یاشلی یخیلارتپراقا کم کم . سینده غملر دیلده بو سوزلر . آی بابا تک شاخه وی سندیردیلا تز گل کوچه ده سیلی یوزومه ویردیلا تز گل . . . . . . گوگرن صورتینه نسترن آغلار توز دوتان زلفینه باغ و چمن آغلار بیر نفر دادرس اولماز یخیلاندا دولانار باشینه اوغلی حسن آغلار . حیدری گوزلر وای آنا سسلر . قلبیمی سویلر غم و محنت اوخی بولدی آی منه امداد ایلین گل ننم اولدی 🎤اجرای سبک👇👇👇

ورود پربرکت حضرت معصومه (س) به شهرمقدس #قم #گریز به #کوفه .. علیرضا حضرتی .. .. .. .. های دوشدی قم دیارینه بیرکاروان گلور اول کارواندا سویملی بیر میهمان گلور . گلزاره دؤندره بو یئرین شوره زارینی چادرشبینده عطر ریاض جنان گلور گولدی که اهل عشقه وئرور مژدهٔ بهار ائتسون وجودی چوللری چون گلستان گلور . حورا هوسله مقدمینه ساچلارین سَریر حلقه ویروب باشیندا اونون پرزنان گلور . مژده وئرون که شاد اولا عشاق فاطمه شهره دئیون که فاطمه دن بیرنشان گلور . شأن ومقامی شأن من الشأنیدور اونون حیران جلال وعزتینه قدسیان گلور . پیغمبرین عزیزه سیدی دخت مرتضی آل رسول مریمی دی مهربان گلور . بلبل سرود وصل اوخویور دیلده مین درود شوق وصالیدن پر آچوب نغمه خوان گلور . قلب کویر قمدا او بانوی بانوان قؤرسون بیر آستان ملک پاسبان گلور . رحمت هماسی سایهٔ مهرین سالوب یئره آل اللهین حریمین ائده آشیان گلور . کیمدی کی عصمتیله شرف هم رکابی دی حجب وحیا وعفتیلن توأمان گلور . دخت امام,اخت امام,عمه ی امام کوتاه عز و رفعتینه آسمان گلور . هجران یوروبدی قلبینی مین شور وعشقیلن دیلده رضارضا دئیور اشکی روان گلور . ترک ایلیوب مدینه نی سودای طوسیلن قلبینده موج ائدور غم ودرد نهان گلور . هرکیم اشیتدی چکدی الین کار و باریدن اؤپسون تراب مقدمینی جانفشان گلور . بیر عده لر که قوچ قوزی قربان دوزوب یولا قربان ائده بیر عده سیده نقد جان گلور . عرشه چیخیبدی هلهله لر شور وشوقیدن ائتسون نظاره منظره نی عرشیان گلور . گولدی گول اوسته مقدمینه هی نثار اولور گویا آشوب داشور طبق کهکشان گلور . دیلده وَ اِن یَکاد اوزرلیک توکور اودا مین شوقیلن زیارتینه بانوان گلور . دورین آلوبلا محملینون بیر نگین کیمین گؤر نه شکوهیلن او ملک پاسبان گلور . دوتموش مهار ناقه نی موسای اشعری موسایه افتخار ائلیور شادمان گلور . به به بو ازدحامه بو شور و ارادته اخت الرضادی راکب تخت روان گلور . اما دوشوبدی یادیمه بیرآیری منظره فکر ایلینده قلبیمه غم بی کران گلور . کوفه قیامتی گؤز ائوینده اولور عیان شرح ایلسم فغانه زمین و زمان گلور . فریاد اوجالدی خارجی لر گلدی هارداسوز غوغائیلن چخوب قاباقا کوفیان گلور . زینب سینیق کجاوه ده افسرده حالیلن غمدن رشیده قامتی اولموش کمان گلور . یوخ یددی قارداشی ئولنه تسلیت وئرن الده حنا زنان قاباقا کف زنان گلور . یوللار کسیلدی بسکی جماعت هجوم ائدوب کیم ماجرایه آگه اولوب بی گمان گلور . کیمسه دئمور پیمبرون اولادیدی بولار امت الیندن اولموش هامی باغریقان گلور . زینبدی فاطمه بالاسی مرتضی قیزی باشینده بیر بولوک قره معجر سالان گلور . بیلمم کی هانسی دینده دی کوفه ملتی آل رسوله ظلمون ائدوبدی عیان گلور . تصویره هئچ قلم چکه بیلمز او صحنه نی دیللر بیان حادثه دن ناتوان گلور . داش کوفه ده یاغوردی او گون آسمانیدن عالملره دوشوب شرر عرشه فغان گلور . قویموشدی کوفه اهلی او دمده مسابقه ویرسین نشانیه داشینی داش آتان گلور . بعضی دئیوردی خیرداجا قیزلاری داشلیون داد و فغانه گؤر نجه اول کودکان گلور . اول اوچ یاشیندا سویگوله وئرمیون امان بو ایش او قدی خم خانیما چوخ گران گلور . عباس هایاندا زینبینون بو گونون گوره او یوخدی جرأته بو ستم پیشگان گلور https://eitaa.com/kobradsg

┄━═✿♡﷽♡✿═━┄ ➖➖➖➖➖ آیلار ایچره نه گوزل آیدی ربیع اول آیی #حضرت_معصومه_رمضانی_خاکی ➖➖➖➖➖ ورود پربرکت حضرت معصومه (س) به شهرمقدس قم #گریز به #کوفه .. .. .. .. روح الله رمضانی ( خاکی ) .. .. .. .. آیلار ایچره نه گوزل آیدی ربیع اول آیی ائتمه ایراد دئسم گر بو آیین یوخدی تایی اولدی بو آیدا قومون بانوی اسلام پایی ائله کی ییرمی اوچی گلدی یتیشدی بو آیین گوردیلر فاطمه نون قملولار ایراندا تایین .. .. .. .. ساوه دن گوردیله بانوی کرامتدی گلور اسوه حجب و حیا الگوی عفتدی گلور آدی معصومه اوزی پیک جلالتدی گلور باش ایوریولدا کی گوللر قره چادر شبینه هامی ایستوردی جلودار اولا اول مرکبینه .. .. .. .. شوق و ذوقیله چیخوب فوری قم اهلی قاباقا گه کنارینده کچوردیله صولا گاهی ساقا حکم قرآندی گرک حرمت اولونسون قوناقا دئدیلر بیز سنه قربان ائدروک جانیمیزی قدمون جنت ائدوب حسنیده ایرانیمیزی .. .. .. .. گوزلر اوسته دئدیلر قوی قدمون قویما یره شهپرین مقدموه وار یری جبریل سره کیمدی گرد قدمون لعل بد اخشانه وئره هم آتوندی بیزه هم دهریده قارداشون امام بیز غلاموک سنه ای بانوی ارزنده مقام . https://eitaa.com/kobradsg

#در مدح ، توسل و ورود حضرت معصومه سلام الله علیها به قم و غربت ایشان #گریز به #ورود_شام . مرحوم حاج محمد حسین جنتی مقام ( صحاف تبریزی ) . ای درد غربتیله اولان باغری قان خانیم دلدن شرار آتش هجره یانان خانیم . اهل قبیله ائل وطنیندن جدا اولان قارداش جمالینه گوزی حسرت قالان خانیم . کان حیا و عصمت و گنجینۀ وفا خورشید چرخ عفت و عرش آستان خانیم . معصومۀ زمانه و مظلومۀ جهان ریحانۀ پیمبره همنام اولان خانیم . گلمز مقام و شأن و جلالون تصوّره وار کیمده بو جلالت و بو عزّ و شان خانیم . بنت امام اُخت امام عمۀ امام حیراندی عقل شانیوه ای باغری قان خانیم . ایلر طواف قبرون ئوپر آستانه وی شام و سحر ملائک هفت آسمان خانیم . بو صحن و بو رواق بو ایوان زرنگار ایلوب بو قم دیارینی رشگ جنان خانیم . قبرین گورن بهشت برین ائتمز آرزو دوشمز خیال جنته تا وار جهان خانیم . یاد ایلدوقجا حالیوی قانه دونر گوگول بی اختیار اولور یوزه اشکیم روان خانیم . شهریزدن آیریلاندا سنی سالدیلار یولا چوخ عزت و جلالیله پیر و جوان خانیم . طیّ منازل ایلدون آغلار گوزیله سن باشدا هوای وصل امام زمان خانیم . قارداش دالینجا چوللره دوشدون فغانیله هم ناله اولدولار سنه لاهوتیان خانیم . وارد اولاندا عزتیله قم دیارینه چخمیشدی پیشوازیوه مرد و زنان خانیم . الده گلاب شیشه لری عود مجمری شا باش ایلردیلر باشیوا گول عیان خانیم . آلمیشدیلار کجاوه وون اطرافینی تمام بعضی دعا و بعضی ویرردی اذان خانیم . قرآن اوخوردولار قاباقونجا نظاملن آچمیشدیلار تلاوته نطق و بیان خانیم . دوشموشدی بیر منادی قاباقدا چکوردی جار شهر اهلینه ویروردی سنی کیم نشان خانیم . آگاه اولون بو شهره امام عمه سی گلور موسی الرضا باجیسی ملک پاسبان خانیم . باب الحوائجون قیزیدور احترامینی واجب ایدوبدی خلقه حقِ مستعان خانیم . . #گریز :: #ورود_شام . . اما اولاندا وارد شام آل مصطفی چخمشدی پیشوازه هامی شادمان خانیم . عَمَّه ن بتوله نایبه زینب علی قیزین بیر پیشواز ائتدی او گون شامیان خانیم . اللرده چنگ و بربَط و طنبور نای و نی آغلار او حاله ایندیده قدوسیان خانیم . گَه کول توکردیلر باشینا گاه اودلی نی ویران اولیدی کاش بو کون و مکان خانیم گاهی دیردیلر که بولار خارجیدولر نه حاله دوشدی اوندا او بی خانمان خانیم . قرآن اوخوردی نیزه ده لَحن حجازیله رأس مُنیر پادشه انس و جان خانیم بیر داش آتوب عجوزه دگوب سجده گاهینه دلدن دوشوب آخوب یوزونه تازه قان خانیم . گوردی او حالی زینب عُلیا مخدره عرشه اوجاتدی شیون و داد و فغان خانیم . بی اختیار چالدی باشین چوب محمله قانه بویاندی زلفی یوزی لاله سان خانیم . #تخلص . « صحّافه » ایله گوشۀ چشمونله بیر نظر مدتدی درد الیندن اولوب ناتوان خانیم . ویرّم سنی امام رضا جانینه قسم قیل چاره دردیمه ئوزون ای مهربان خانیم . دریای لطف سن صِله می ایله تئز عطا تا وار حیات اولوم سنه من نوحه خوان خانیم . اولما رضا حضور امام رضاده من سندن آچوم شکایته بیرده زبان خانیم . صِدقیله پاک درگهیوه دوشموشم دخیل مأیوس اولوب بیری بو قاپودان هاچان خانیم 🕌🌺🌺💐 ((خوش گلموسن بو ئولکیه ای خوش)) قدم قوناق! باشدان باشا قم اولدی سنیله حرم، قوناق! (همسایه سایه ات به سرم مستدام باد) کولگون باشیمدان اولماسین عمریمجه کم، قوناق! شهر قما گلن گونووی بیز اونوتماروق واجبدی حُرمتون بیزه ای محترم قوناق! 🔰 23 ربیع الاول : سالروز ورود حضرت معصومه (س) به قم #صحاف_تبریزی  #حضرت_معصومه_ورود_قم

ریاض قمدا باجون دلده یاره جان وئروری #گریز به #زینبیه_شهادت .. .. .. .. مصیبی تبریزی .. .. .. .. ریاض قُمدا باجون دلده یاره جان وئروری بهارِ عمرینه پیکِ اجل خزان وئروری . چوخ ایستیور کی ئورک سرّینی سنیله آچا ولی بو گوزیاشی قارداش مگر امان وئروری . خیال طوسیله چیخدیم مدینه شهریندن قضا ولی بو دیاری منه مکان وئروری . مگر بئله دگوری ضامن غریبان سان نه دن باجون بو مکاندا غریبه جان وئروری . سوزوم فلکده دی کی ؛ چلّۀ کمانینده خدنگ غربته بو قلبیمی نشان وئروری . غروب وقتی غروب ایلورم غریبانه ازلدن آتش غربت بو مُلکه سان وئروری . گلوب تلاطمه گوز کاسه سینده موج مُحَن سرشکِ تر یرینه لخته لخته قان وئروری . محبت ایله گل آل باشیمی دیزین اوسته گولون،خزانیده باخ گور نه امتحان وئروری . باسوب ئورک باشینا نامه وی وفالی باجون هُمای روحینه پیک غم آشیان وئروری . خزانِ باغیده صولمیش بو لالۀ زرده نه بیر نسیم اسوری، دل نه باغبان وئروری . بوکوبدی قامتیمی داغ و حسرت دیدار خدنگ غصه اگوب قدّیمی کمان وئرور ..

‍ در مقام حضرت امیرالمؤمنین علیه السلام #گریز به حضرت رقیه سلام الله علیها سید تقی سیفی اردبیلی علی شاه مردان علی شیر یزدان علی قاف همت هماسی علیدور امید و پناه یتیمان علی عالمین مقتداسی علی مالک خانۀ حق و مُلک جنتدور علی یاور بی نوایان و یار اُمّتدور واگیر: علی جان علی جان علی جان گوزل آدیوه شیعه قربان علی میر کوثر علی شأن منبر علی عشقه جوهر علی حقه مظهر علی باب کیفر علی مهر داور علی شور محراب علی مرد میدان علی یار طاها علی شوی زهرا علی فضل تقوا علی خصم اعدا علی حِلم یکتا علی علم اعلا علیدور سراسر تجلای قرآن علی تاپدی بیت خداده ولادت علی اولدی آیات قرآنه زینت وئروب سجده گهده پیام شهادت ایچوب بادۀ خون میثاق و پیمان علیدور نوای دعای شبانه علیدور دل اهل عشقه بهانه علیدور عدالتدن عالی نشانه علی رهبر اهل تقوا و ایمان علی نطق گیرنده هر منبر اوسته علی تیغ برنده هر سنگر اوسته علی کئچدی باشدان حقِ داور اوسته ایدوب جان فدای تولّای جانان علیدور چخان سوز هر عاشق دیلیندن علی چوخ معطردی جنت گولوندن علیدور دوتان هر یتیمون الیندن اولان مونس و غمگسار غریبان علی حقه قویمازدی چکسونله پرده گلردی دمادم دل تنگی درده گزردی قرانلوق گئجه کوچه لرده یتیم لر ائوینده او آزاده انسان مراعات ائدردی حقیقت مرامین اوجالداردی اعمالی قرآن کلامین ئوزی حمل ائدردی یتیمون طعامین علی نیمه شب کوفه شهرینده پنهان آدامسیزلارون چوخ اولاردی قوناقی آلاردی قوجاقه آتاسیز اوشاقی ئوپردی یوزوندن گولردی دوداقی یتیمه دیردی علی جانی قربان دلیم ئوز سوزومدن غم و درده گلدی قلم سیسنه می تیر محنتله بُولدی نه حکمتدی یارب رقیه آج ئولدی ئوره گی یارالی غریب و پریشان دیردی الهی او ویرانسراده آتام ئولدی قالدیم آدامسیز اراده دولاندیم بیابانی پای پیاده دوگوب یوردی اعدا منی سالدی جاندان دلیمده شراره جفادن کوزوم وار ئوزوم داغدارم یانقلی سوزوم وار سفرده عزیزیم یولوندا گوزوم وار آتا گورمدیم من جهاندا دویونجان منیم باشیمه گردِ ماتم الندی غبار غمه قاره زلفیم بلندی آنام تک دوگولدوم یوزوم یاره لندی اسیرم یوخومدور نه چاره نه درمان اجل وصلینه ایندی دلبستیم من داخی طاقتیم یوخدی جان اوستیم من یارالی کبوتر کیمی خستیم من قوتار بارالها منی بو مکاندان

‍ میلاد حضرت علی اکبر (ع) #گریز به شجاعت آچ دل گوزیوی بیر دلبره باخ گلدنده گوزل مه منظره باخ طاهایه خدا جنتده دئدی بیر گوز دولوسی گل اکبره باخ اکبر ، آدیدور منبع جود و برکات اکبر ، لبلریدور چشمه آب حیات اکبر ، نورِ جمالینه گوندر صلوات یاعلی اکبر یاعلی اکبر مولا ائوینون اکبر گوزودی بالداندا شیرین ، زیبا سوزودی هر کیمسه گوروب سویلردی عجب عیناً دیسون طاها اوزودی اکبر ،یوزونی تا آی گوروب حیران قالوب اکبر ، مین زلیخادن باخیشی جان آلوب اکبر ، یوسفین بازارینی گوزدن سالوب یاعلی اکبر یاعلی اکبر دل شایق اولوب دلبر یوزونه اول شبه نبی مظهر یوزونه دیلدن سویونور شاه شهدا باخدوقجا علی اکبر یوزونه اکبر ، گل گلزار ولانون گوهری اکبر ، اهل عشقوندور اورکدن سروری اکبر ، هامی زیبالر بونوندور نوکری یاعلی اکبر یاعلی اکبر زیبا یوزونون یوخدور مثلی عشقون چون اولوب زیبا غزلی هر کیمسه باخور سویلور بو بالا سیرتده نبی ، صولتده علی اکبر ، هامی گلدندور معطر طلعتی اکبر ، ها هوالمالکدی رعنا قامتی اکبر ، خلقاً و خلقندی طاها صورتی یاعلی اکبر یاعلی اکبر جود و کرمه دارا علی بیز قطره ولی دریا علی وار دیلده اگر چوخ مشکلون صدقیله دئنن هو یاعلی اکبر ، معدلت پیمانه سیندن پر خروش اکبر ، کربلا میخانه سینده می فروش اکبر ، حسنی آلموش ماسوادن عقل و هوش یاعلی اکبر یاعلی اکبر لیلا باخوری ، گوز قاشینه احسن دیوری نقاشینه عرش اهلی گلوب کعبه یرینه شوقیله دونولر باشینه اکبر ، قامتی طوبا ، قلم گوز قاشی وار اکبر ، قاسم نو رسته تک یولداشی وار اکبر ، علی اصغر تک گوزل قارداشی وار یاعلی اکبر یاعلی اکبر گورماقه یوزون دل شوره گلوب موسی کیمی جان بو طوره گلوب وصفونده دئسم واردور یری کی هم ایه گلوب هم سوره گلوب اکبر ، طوریده موسی بونون مشتاقیدی اکبر ، تللری ولیلها اطلاقیدی اکبر ، یوزی والشمسون گوزل مصداقیدی یاعلی اکبر یاعلی اکبر شاعر سوزونی احساسه چکوب اکبر قلجون خناسه چکوب هر کیمسه گوروب جنگ و جدلون سویلوب عموسی عباسه چکوب اکبر ، تیر مژگانی قلج تک قان توکن اکبر ، غمزه ی ابروسیدور چون صف شکن اکبر ، عطر زلفی مشک آهوی ختن یاعلی اکبر یا علی اکبر تا قویدی ایاق رکاب اوسته یول آچدی ره صواب اوسته لشکر دئدولر ، بو کیمدور کی بنزور علی یَه عقاب اوسته اکبر ، یول سالوب میدانه چون اژدر گلور گویا ، فتح مکه اوسته پیغمبر گلور یاکی ، مرحبی اولدورماقا حیدر گلور یا علی اکبر یا عل اکبر #آچ_دل_گوزیوی_بیر_دلبره_باخ #وصال_تبریزی