روز مادر مبارک عبد دلسوز خداوند توانا آنادی چمن عاطفه ده بیر گل زیبا آنادی اوزون اثنائ خطرده سپر ایلر بالیا مهربانلیقدا بلی یکه و تنها آنادی تب سنی چولقالیاندا گجه یاری آیلوب باشون اوسته ئوتوروب یاتمیان اصلا آنادی گویده اولدوزدی اویاق یرده گجه یاری آنا بالانین چهره سینه محو تماشا آنادی سنه گهواره ایچینده ائلین لایلایلان مویه مو مهرو وفا درسینی معنا آنادی ئوپ ایاقیندن اگر جنته واردی هوسون ایاقی آلتا اولان جنت الاعلا آنادی گرچه کافرده اولا حرمتی واجبدی سنه حقی بوینوندادی تا محشر کبری آنادی بلبلون نفرتی دنیاده تیکاناندی ولی تیکان اولسوندا سنه بلبل شیدا آنادی یوسفون گردینه سن حسنیده چاتماسون اگر سنه عشق عالمی دنیاده زلیخا آنادی سایه ی لطفینی آلله ائله گسترده ائدوب زندگی گلشنینه سرو دل آرا آنادی هم دعاسی اولی هم نفرینی حقوندا قبول حق یانیندا شرف و منصبه دارا آنادی خاکیا دوز صود اموب نوکر زهرا اولدون سنی دنیاده ائدن نوکر زهرا آنادی افلاکیان خاکی 📡‌#کانال_رسمی_مداحی_آذری 👉@azari_madahi👈 #الّلهُـمَّ‌عَجِّــلْ‌لِوَلِیِّکَـــ‌الْفَـــرَج