#اروجلوق گلور مشامه یئنه عطر یار اوروجلوقدا اولوبدی گلشن دینه بهار اروجلوقدا وئریر نوید جهان اهلینه، منادی غیب اولوبدی رحمت حق آشکار اوروجلوقدا بوآی قوناق چاغیریب خلقی مهربان الله وئریبدی بنده لره اعتبار اروجلوقدا یئنه قولاقلارا لاتقنطو نداسی گلور بشر اولوب هامی امیدوار اوروجلوقدا اوروج دوتانلارا تکریم ائدیب وئریب ارزش آچیبدی سفره نی پروردگار اروجلوقدا دعا و ذکر و عبادت دی، سفره نین رزقی یازان ملک بیرینه مین یازار اروجلوقدا نسیم رحمت اسیر شش جهات عالمدن وئریر اورکلره شور و قرار، اروجلوقدا بو آیدا اوچ گئجه مشهور اولوب شب قدره حقیقت آختاران آخر تاپار اوروجلوقدا آچیب دی باب کرم قادر و رحیم الله باغشلادار اوزونی اهل نار اروجلوقدا بو آیدا اهل حقیقت کمال حقه چاتار جهنمین قاپیسی باغلانار اوروجلوقدا بویوردی ختم نبی وای او کس لرین حالینا گناهدان ائتمیه نفسین ، کنار اروجلوقدا خوشا او بنده لره واقعی اروج دوتوری دولوب وجودینه شوق نگار اروجلوقدا بو آی دل اهلینه بیر فوق العاده فرصت دی سیلر دل آیینه سیندن غبار اروجلوقدا بو آیدا سیندی عدالت ستونی ظولمیله باتیب گون عالم اولوب شام تار اوروجلوقدا بو آیدا جهل و جهالت اوزون نشان وئردی یاراندی حادثه ی ناگوار اروجلوقدا بویاندی قانینه محراب ایچنده شیرخدا دوشوبدو بستره بی اختیار اروجلوقدا چاتوبدی کوی وصاله باشی یارالی قوناق بو غمده شیعه اولوب سوگوار اروجلوقدا بو آیدا شیعه لرین رهبری شهید اولدو اودور که شیعه اولار دلفکار اروجلوقدا علی عدالتینه خاطر اولدی قربانی چاتیب وصاله اولوب رستگار اروجلوقدا خدا بحق علی بیزلره ترحم ائله هوای نفسین الیندن قوتار اروجلوقدا علی نین آدی منی هر زمان ائدیر #مدهوش مشام جانه گلیر عطر یار اروجلوقدا #محمد_هوشمند