#وفات_حضرت_اُمّ_کلثوم«س» 🖌#به_قلم_استاد_الیاس_ملکپور #ترکی اُمّ کلثوم ای گل طاها سلام اولسون سنه شاءنیده آئینه زهرا سلام اولسون سنه ای سجایاده علی المرتضادن یادگار خاندان آل اطهاره وجودی افتخار مظهرحجب و حیا و صبر و تندیس وقار هم ردیف زینب کبرا سلام اولسون سنه اخذ قیلمشدون شریعت درسینی قرآنیدن خاندان وحی ده اسطورهء ایمانیدن استعاذه ائیلدون عمرون بویی شیطانیدن روح ایمان مظهر تقوا سلام اولسون سنه کربلا هنگامه سینده چوخلی ایثار ائیلدون کوفه و شاماتیده تنویر افکار ائیلدون خطبهء غرّائیله دین دشمنین خوارائیلدون حق دئماقدان ائتمدون پروا سلام اولسون سنه تا کوچوبدور کربلادن کوفیه غم موکبی قارداشون عباس تک یاری ائدیردون زینبی اولماسا اهل بصیرت کیم، بولنمز مطلبی ائیلدون اوز نقشیوی ایفا سلام اولسون سنه شامده پوزدی سنون آل امیّه حالوی اول خرابه یئرده فرزند سمیّه حالوی آیری عاشورا اولوب پوزدی رقیّه حالوی ائیلدی گوز یاشوی دریا سلام اولسون سنه شامیدن گلدون او گونکی اربعینه آغلادون تا قدم قویدون او قانلی سرزمینه آغلادون نهر علقمده یلِ اُمّ البنینه آغلادون ائیلدون بزم عزا برپا سلام اولسون سنه جمعه ۲۲ دیماه ۱۴۰۲ برابر باسالروز وفات حضرت اُمّ کلثوم زینب صغری (س) التماس دعا الیاس ملک پور اَللّهُمَّ عَجِّل لِوَلیِّکَ الفَرَج ◼️◼️◼️◼️◼️◼️◼️