کوفیه قویما قدم شاه دیانت یا حسین 🌿🥀#شهادت حضرت مسلم علیه السلام #رضوی زنجانی . کوفیه قویما قدم شاه دیانت یا حسین اهل کوفه مسلمه ایتدی خیانت یا حسین دلبر زهرا حسین گلمه مولا یا حسین . . قتلیوه بو اهل کوفه باغلیوب مولا کمر فرقی یوخ پیر نود ساله و یا بیر صود امر بونلارا نخل نصیحت ای شها ویرمز ثمر اهل کوفه چوخ چتین اولسون هدایت، یا حسین . . بوردا آماده ایدوبلر تیغ عریان قتلیوه زاده ی مرجانه ویرمیش یعنی فرمان قتلیوه کوفه اهلی حاضر اولموش ای سلیمان قتلیوه مسلمون نوش ایلیور جام شهادت، یا حسین . . دوزدی بونلار نامه ده انشاد ایدوبلر گل آقا قانیوی عطشان توکللر بو جماعت تپراقا اهل بیتین باشینه قویما یاغش تک غم یاغا گلمه شهر کوفیه مهر عنایت، یا حسین . . نیزده گر ورسالار قرآنی قرآن اوستونه باخما مولا جان توکللر قانی القان اوستونه جسمیوه بونلار ورار پیکانی پیکان اوستونه نیزه و تیریله ایللّر ضیافت، یا حسین . . شهریار ملک دین ای شافع عصیان آقا مردم نامردیلن سن باغلاما پیمان آقا حیله گردی بو جماعت آدیوا قربان آقا جسمیوه حتماً ویرالّار چوخ جراحت، یا حسین . . گلدی اوّل بو جماعت ایتدیلر بیعت منه بیعتی سیندیردیلار همراه اولوبلار دشمنه عاقبت خصم اولدولار ای دلبر زهرا سنه دشمن آل علیدور بو جماعت، یا حسین . . مسلمه حیله ایدوب بو مردم بی شرم و کین شیریوه چاله قازوبلار ایتدیلر مولا کمین دین و قرآنه فدایم غم یمه ای شاه دین من شهید اولّام ولی سن سرسلامت، یا حسین . . باغلادیم پیمان عمل ایتدیم همان پیمانیمه ال تاپا بولمز شیاطین دلدہ کی ایمانیمه گر چه بیر یاره دگوب مولا لب و دندانیمه ایستورم باشه قویام تاج شفاعت، یا حسین . . کوفه شهرینده سینوب عنقا مثالی شهپریم باغلانوبدی ظلمیله الآن طنابه اللریم یاره دگموش جسمیمه یکسر یارادور پیکریم باشیمی اعدا کسیر مهر جلالت، یا حسین . . گلمه گلمه ای گل باغ رسول محترم قانیوی مولا توکللر قورخوشار اهل حرم اکبر و عبّاسی گوندر کوفه ده بی یاورم واردی الآن کوفه ده اؤزگه روایت، یا حسین . . پیش طاهاده گیدور مسلم قوناق اولسون حسین تشنه یم جسمیم یارا، سندن اوزاق اولسون حسین باشیمی دشمن کسیر سندن ایراق اولسون حسین ایلرم طاهایه دشمندن شکایت، یا حسین . . گتدیلر سو ایچمدیم دینون سوسوز قربانیم مسلمم یعنی شهادت جامینون عطشانیم گر چه سندن آیری دوشدوم مصطفا مهمانیم ویردی حکمین مسلمه جاہ وجلالت، یا حسین

بیر نچه مدّتدى الآن دوشموشوق زندانه حارث 🍂▪️▪️🍂▪️▪️ #طفلان حضرت مسلم علیه السلام #رضوی زنجانی . بیر نچه مدّتدى الآن دوشموشوق زندانه حارث قلبیمیز غمدن دونوبدی حبسده القانه حارث رحم ایله زهرایه خاطر حضرت طاهایه خاطر . . بیز ایکی طفل یتیموک شهر غربتده پریشان آدیوی مسلم قویوبسان شرم ایله ای نامسلمان گورمروق سنده مروّت یوخدی سنده ذرّه وجدان بی خبر سن دین حقّه اولموسان بیگانه حارث . . قالمشوق مدّتدى الآن قورخولی زندان ایچینده دوشموشوق آیری وطندن قالمشوق عدوان ایچینده بیر سنق کشتی مثالی بحریده طوفان ایچینده رحیم قیل ای نامسلمان باخ حق منّانه حارث . . کوفه شهرینده آتامیز نوش ایدوب شهد شهادت ایلدوز اوّلده بیعت عاقبت اما خیانت حقّه دشمن اولدوز آخر ای گروه بی لیاقت حُبّ دنیا ایلیوبدی سیزلری دیوانه حارث . . ایلر آیا کیم پریشان ئوز قوناقون ئوز ائوینده یا ایدر کیم دیده گریان ئوز قوناقون ئوز ائوینده ئولدورر هانسی مسلمان ئوز قوناقون ئوز ائوینده بیز سنه مهمانوق الآن حرمت ائت مهمانه حارث . . ایندی یول گوزلور آنامیز قلبی اولموش قان وطنده غوطه ور اولموش یقیناً دهریده بحر مُحنده هی دوتار بیزدن خبر یئل یثریه ساری اَسَنده هجر الینده گلموش الآن ناله و افغانه حارث . . اولمادی سوزلر مؤثر قلب شیطان رجیمه دشمن اولموشدی او ظالم قادر حیّ رحیمه چکدی خنجر اولدی قاتل اوُل ایکی قلب سلیمه حنجری ایتدی نشانه خنجر برّانه حارث . . اوُل شقیده گوردیلر یوخ عاقبت رحم و مروّت ایتماقا حقّیله خلوت آلدیلار بیر لحظه رخصت دستماز آخرینی آلدیلار با اشک حسرت قویمیوبدی درد هجران تا یته درمانه حارث . . دوردولار راز و نیازه بارگاه بی نیازه اول ایکی قارداش دایاندی قبله ی حقده نمازه عرض ایدوبلر بار الها داغ مادر اولدی تازه شاهد اول گور نیلور الآن بو ایکی قربانه حارث . . سن بیزه یاور سن الله اوّل و آخرسن الله قادر مطلق سن الله ناظر برتر سن الله حاکم الحاکمین سن الله سن ئوزون داورسن الله شاهد اول ظلم ایتدی بی حد بی گنه طفلانه حارث . . سن ئوزون چون حق سن الله قاضیِ بر حق سن الله حکم ایله ای حاکم الله قدرت مطلق سن الله دین و قرآنه جهاندا سن ئوزون رونق سن الله دینینی دیناره ساتدی باخمادی فرمانه حارث . . باشلارون کسدی خلاصه اول ایکی طفلین او کافر دیده سی گریان اولوبدی عالم معنا پیمبر یرده قالدی گل بدنلر روحلاری اما آچوب پر دهریده خصم اولدی آخر صاحب قرآنه حارث . . گوزلری یولدا وطنده مادر آغلار، خواهر آغلار یثربه قاصد گلنده مادر آغلار، خواهر آغلار قلبه تیر غم دگنده مادر آغلار، خواهر آغلار اونلاری گوردی آدامسیز گلدی چون جولانه حارث