شامدن بلالی باجون گلدی کربلایه قارداش #اربعین 🍂🍂🍂🍂🏴🍂🍂🍂 #اربعین #زبانحال حضرت زینب کبری سلام الله علیها . #احمدیان خسروشاهی . شامدن بلالی باجون گلدی کربلایه قارداش گلمدی قیزون رقیه قبروه عزایه قارداش . . ظلم الیله آیری دوشدی بلبلون سولان گلیندن زینبونده آیری دوشدی پر شکسته بلبلیندن چوخدی نسگلی ئولونجه دویمادیم شیرین دیلیندن آغلادی همیشه گلدی، نی کیمی نوایه قارداش . . سینه ن اوسته ناز ائدن قیز دستگیر دشمن اولدی سندن آیریلان زماندان شغلی داد و شیون اولدی گوشه ی خرابه آخر اول یتیمه مدفن اولدی فرقتی مؤثر اولدی، آل مصطفایه قارداش . . هر گئجه گونوز دیردی وای بابا خرابه یرده من دیردیم ائتمه ناله گل بو سینه م اوسته بیرده غملو گوگلیمی گتوردی محنت رقیه درده ایلرم ئولونجه ناله، من او مه لقایه قارداش . . ناله ده او باغریقان تک خوش ترانه بلبل اولماز دوزدی گل سولار چمنده ایله بیر سولان گل اولماز عمه سی ئولیدی ای کاش ایله بیر شیرین دل اولماز اوچ یاشیندا خوردا بیر قیز، دوزدی هر بلایه قارداش . . ایله بیر ادبلی بیر قیز گورمیوب بو چشم دنیا گیزلدوردی ابتلاسین من آجام دئمزدی اصلا اکبرین آدین دلیندن سالمادی ئولونجه اما آغلیوبدی قارداشیندان، ائتمدی گلایه قارداش . . حالینی او دلفکارین بیرجه ئوز خداسی بولدی ناله دن نه اولدی آرام شاد اولوب نه بیرجه گولدی عرض ائدنمرم حسینیم سویگلون آجیندان ئولدی گل جنازه سین حرملر آلدیلار آرایه قارداش . . غسل وئرمیشم برادر من ئوزوم او گل عذاره سن کیمی کفن سیز ئولدی شامده او بخت قاره کوینگین کفن ائدوب من قویموشام اونی مزاره دفن ائدنده دود آهیم، اوج ائدوب سمایه قارداش . . نوحه یاز ای «احمدیان»، بی ریا ئولونجه آغلا دامن حسینی صدقاً، دوت اجل گلینجه آغلا قارداشا دوباره عرض ائت، باجینون دیلینجه آغلا گلمدی قیزون رقیه، قبریوه عزایه قارداش . @rozevanoheayammoharramsoghandi

یا امام زمان شیعه نوایه گلور #اربعین 🥀🥀✨▪️🥀🥀✨▪️ #زبانحال زائر اربعین #سبک_یا_امام_زمان_شیعه_ده_احساسه_باخ #سبک_بر_مشامم_رسد_بوی_خوش_یار_من . . حیدری زنجانی . . یاامام زمان شیعه نوایه گلور اربعین دوتماقا کربوبلایه گلور . روز وشب آغلاروق عالمی داغلاروق یا حجةالله 2 . . . اهل بیتون بو گون لر غمی باشدان آشور جام صبری جوشورسینه لریندن داشور یا امام زمان عمه لرون آغلاشور دردی گزلین اولانلاردی دوایه گلور . روز وشب آغلاروق عالمی داغلاروق یا حجةالله 2 . . . اوجالوب ناله سی غارت اولان قیزلارون گل کیمون آتش غمده سولان قیزلارون یوخدی گوگلون آلان آل یورولان قیزلارون ویرلانلار دوروب دشت نوایه گلور . روز وشب آغلاروق عالمی داغلاروق یا حجةالله 2 . . . قامتی خم خانم قارداشینا آغلیور زینبی کیم گورور گوز یاشینا آغلیور بیری حالدان گیدور ئوز باشینا آغلیور بیری عطشان ئولن قارداشینا آغلیور کاروان عزا قانلی منایه گلور . روز وشب آغلاروق عالمی داغلاروق یا حجةالله 2

قبروندی بو یا روضۀ رضواندور حسین جان #اربعین 🥀🥀🏴🥀🥀🏴🥀🥀 #اربعین #زبانحال حضرت زینب سلام الله علیها #حسین شهاب پور اهری . . قبروندی بو یا روضۀ رضواندور حسین جان ای شاه شهیدان زینب بو گوزل قبریوه قرباندور حسین جان ای قبله ی جانان . . بو شوره یئری قبرون ائدوب جنّت الاعلا ای سرور بطحا اعجازیوه حیرتده قالوب گویده مسیحا بند دل زهرا یاتما یارالی قبرده ای زاده ی زهرا یوخ فرقته یارا عشّاقه بو یئر قبله گه جاندور حسین جان دلخسته وئرن جان . . . بو یئردی سالان زینبی چولدن چوله قارداش آخدی یوزه قانیاش باغلاندی اونون قوللارینا سلسله قارداش ظلم ایلدی اوباش گرچه دولانوب شامده چوخ محفله قارداش بو زینب کولباش علت اودی چوخ زار و پریشاندور حسین جان ای حامی قرآن . . بو یئردی حسین جان باجیوا کعبه ی عزّت ای مظهر رحمت قرخ گوندی چکیردیم بئله بیر وقفیه حسرت قبرون اولا قسمت المنه لِلّه اولوب حاصل بو زیارت تا قالمیام حسرت قسمت منه بو روضه ی رضواندور حسین جان عالم سنه قربان . . . بو یئرده باتوب قانینه یئتمیش ایکی قربان لب تشنه وئروب جان ای عالم ناسوتی قویان عشقینه حیران مولای لب عطشان ظلمونده قصور ایله مدی زاده ی سفیان کاشانه سی ویران عالم سنون ایثاریوه حیراندور حسین جان ای سرور خوبان . . دور قبریوین اطرافین آلوب آل پیمبر سن سن شه محشر ای سینه سی اوستونده یاتان نوگل احمر یاتمیش علی اصغر اکبر ایاقین آلتدا یاتوب شبه پیمبر اول جدّینه بنزر لیلا و رباب حالی پریشاندور حسین جان عرشه چاتور افغان .

بیر باش گوتور مزاریدن ایله نظر من خواهره #اربعین 🏴🏴🏴🏴🏴 #اربعین #زبانحال حضرت زینب سلام الله علیها #عدلی تبریزی . . بیر باش گوتور مزاریدن ایله نظر من خواهره گلدیم سپم گوز یاشیمی قارداش بو قبر اطهره . قامت خمیده گلموشم قرخ گوندی غرق محنتم زایر اولام بو قبریوه بیر اربعیندی حسرتم دور منله بیر دانش حسین محتاج بیر هم صحبتم دور گور نجه قوجالموشام صدمه یتوب صنوبره . . پائین پاده خیمه سین برپا ایدوب لیلی اوزی قرخ گوندی ایوای اکبریم ایوای حسینمدی سوزی آماده دی قیلسون نماز اشکین اَلور امّا گوزی امر ایله ویرسون تا اذان اوغلون علی اکبره . . هایاندا دفن اولوب دِئنَه ایکی قولی قلم اولان سکینیه سئوال اولوب باجوندی گل کیمی سولان گورنموری مزارینی غَمام تک غمه دولان دیور گیداخ سلام ایداخ عَلَم دوتانِ لشکره . . گلور قولاقیمه گینه آنام بو یرده وای دیور الی باشیندا آغلوری ایوای بالام ایوای دیور گویا مزارون اوسته دی گل غنچه وه لایلای دیور دور ایلیاق باهم حسین عرض ارادت مادره . . شهید کربلا حسین ذبیح من قفا حسین ویروبدی حکمونی منه سجّاد با وفا حسین نبش ایلییم مزاریوی ایدم گینه نوا حسین وصل ایلییم گل باشیوی مزاریده گل پیکره . . گلمز حسین بو فکریمه غم جامه سین تندن سویام بو قانلی گوداله گرک دوباره دن قدم قویام گورم یارالی جسمیوی تیر غمه اورک اویام گر ایستسم دوداقیمی قویام او قانلی حنجره . . قربانی دشت بلا نفس سلیم بو تراب دلشوره وار بو نبشیده واردی حضوری چون رباب گورسه یارالی سینه ده آلموش سُهاسین آفتاب پُرسوزیله لایلای دیسون اول شیرخواره اصغره . . باب الحوائج اصغرون ربابوون مارالیدی مدینه ده گوزون آچوب بولنموری هارلیدی سنله یاتوب مزاریده یارالی کربلالیدی قونداقنی آلار اله آنام گلنده محشره . . سایه نشینی ترک ایدوب گون ایولی روزگاری وار گورنده هرآنا گلور قوجاقدا شیرخواری وار سسلور بالام لایلای علی دلینده غم شراری وار دورشهریارعشق ایله حرمت وفالی همسره . . شأن و جلالتون حسین دهریده جاودانه دی بو گلشن محمدی همیشه پر جوانه دی ذکر مصیبتون سنون (عدلیه) خوش ترانه دی بیر اربعین زایر اولا ایستور بو قبر اطهره

طریق عشقده تاپدیم سلوک عرفانی # 🥀🥀🏴🥀🥀🏴 #اربعین #زبانحال حضرت زینب علیها سلام #هدایتی تبریزی . طریق عشقده تاپدیم سلوک عرفانی بلا مقامینه اولدوم حبیب مهمانی . سنین بلالی باشین چخدی نیزه لر باشنا ترابین اوسته چکیب پیکرین بلایانی . گوزوم باخا باخا آت گزدی سینن اوستونده غریبه حالته قالدی حبیب قربانی . ورولدی ظلم اودی اود دوتدی یاندی خیمه لرین سالوبلا آت دؤشونه وحشی لر صبایانی . عجب جسارتیدی اولدو آل طاهایه وراردی قمچی ائله غارت اهلی نسوانی . قیامت عالمی برپائدی گوزوندن ایراق چخارتمشیدی یادندان حبیب احبّانی . بویاندا پیکروی سویدولار سنین یارالی اویاندا عرشه چخیب آل اطهر افغانی . دالی باخا باخا وحشتله ال باشندا ملول قاچاردی اورت ، اوشاق ، قز ، گلین بیابانی . چاپلدی غارت اولوب خیمه لر،حرم سویولوب زمان چتندی گوره بیرده بیله تالانی . ائدیب اسیر بیزی چکدی کوفیه طلقا چکیبدی کوفه ده باشیم بیر اؤزگه غوغانی . باشون کول اوسته قویانلار سپردی کول باشما او شهرده یوخودی ظلم و جور میزانی . باشین جداده بیزه پیشوازه گلمشدی فصیح صوتیله نی ده اوخوردی قرآنی . یارالی باشوه داش دگدی نطقدن دوشدی اوجالدی ناله سسی فتح ائدیب ثریّانی . گزردی پرده سیز اول شهری دختران علی ائدردی زمره ی فسّاق دون تماشانی . شراب بزمینه چکدی بیزی زیاد اوغلی او بزمه جمع ائله مشدی علاوه ادنانی . شراب هارا ، بیز هارا ، بزم عیش و عشرت هارا یاناردی اهل ولانین قلوب سوزانی . دگنده ابن زیادین قضیبی لبلروه توکردی خون جگر اهلبیت چشمانی . دیریلدیم اؤلدوم او بزمه گئدیب چخنجا اخا جفاده قویمادی نقصان او نسل شیطانی . اراده ایلدی سجّادی اؤلدوره او دنی او بزمه ایستدی جلّاد اول جفا کانی . نه دوشدو یاده یارالی باشم نه جان فکری قوجاقلادیم او علیم علوم اسرانی . دئدیم نه قدری ساغام قویمارام بونا دگه ال بو قارداش اوغلونا قربان دی عمّه نین جانی . قوتاردیم اوغلومی جلّاد الیندن ، اولدو فرج جناندا شاد ائله دیم روح پاک زهرانی . سنه اهانت ائدوردی دؤزنمه دیم دوردوم دئدیم کی ائتمه جفاده بو نوعی طغیانی . شرف یوخوندو سنه صود وئربدی مرجانه آتان زیاد ائلیوب ظلم بی مهابانی . خلاصه باشه یتوب جور و ظلم ابن زیاد سخوبدی اهل ستم قلب اهل تقوانی . قطار غم یولا دوشدی دیار شامه طرف تحمّل ایلدی یوللاردا عترت ایذانی . چتندی قاتلیله یولدا همسفر اولاسان بو غم توانین آلیب یخسا آزدی انسانی . امامی اؤلدوره کیم اهل بیته رحم ائله مز وراردی زشت سیرلر یول اوسته زیبانی . یارالی باشلارا باخدوقجا قان اولاردی اؤرک یاغاردی عارض غمناکه اشک بارانی . وئرنده زلف علی اکبره صبا حرکت ائدردی قلبنی قان آغلاداردی لیلانی . گئدیب مقام ائله دی بیر گجه باشین دئیری هدایت ایلدی اسلامه پیر ترسانی . سیلبدی گرد و غباری ، کولی جمالوندان گلابیله یودی ائتدی طراوت احسانی . گیرنده شامه گونوم شام دن ده شام اولدی شماتتیله وروب طعنه شام دونانی . یهود کوچه سنین ظلمی شرح اولونماز اخا اولار چوخ ایلدی تحقیر آل عمرانی . گولن ، شماتت ائدن ، اود توکن ، اهانت ائدن تحمّل اولسون او احواله یوخدور امکانی . مقام صبرده دؤزدوخ دایاندوخ آی قارداش و گر نه غصّه ائدردی هلاک اسیرانی . . . #اربعین #هدایت_تبریزی #طریق_عشقده_تاپدیم_سلوک_عرفانی #ترکی @rozevanoheayammoharramsoghandi

باش گوتور بو قبردن ای قانینه باتان یارالی #اربعین 🏴🏴🍂🏴🏴🍂 #اربعین #زبانحال حضرت زینب سلام الله علیها #مرحوم رجایی تبریزی . باش گوتور بو قبردن ای قانینه باتان یارالی گلدی زینبون سفردن قامتی کمان یارالی . آتش فراقه یاندوم چوللری گزوب دولاندیم اشقیای شام اَلیندن داد و اَلامان یارالی . . قویموشام قدم اوگون که عرصۀ جهانه قارداش تیر محنت و بلایه اولموشام نشانه قارداش قدّیمی ایدوب خمیده گردش زمانه قارداش غصّه دن آغاردی زلفوم باغریم اولدی قان یارالی . . من کیمی باجی جهانه گلمیوبدی بیرده گلمز وار سنه نجه علاقم خالقمدن اوزگه بولمز آغلارام یوزوم جهاندا حشر اولونجا بیرده گولمز ذکریم اولدی وای حسین وای واردی تا جهان یارالی . . کیم بولر نه حاله قالدوم سندن آیریلان زماندا وار دُوزَن مگر منیم تک هر بلایه بو جهاندا هانسی باجینی دویوبلر قارداشندان آیریلاندا باشمه ووراردی قمچی شمرله سَنان یارالی . . دین بولوندا منده سن تک دوزموشم گَلن بلایه شرکت ایتموشم سنیله ماجرای کربلایه هانسی بیر باجی برادر دُوزدی من دُوزَن جفایه دوتدی قاتلین اَلیندن هانسی مهربان یارالی . . نیلیوم شکسته گوردوم حالوی من شکسته دوزمدیم او حاله قارداش فکریم اولدی بسکه خسته شمری من نجه گورِیدیم اگلشوبدی سینَن اوسته الده خنجری ایاقدا قانلی چکمه جان یارالی . . شرع و دین ده جهاده گر اولِیدی حقِّ نسوان یوخسا شمری من قویاردوم اُلدوره سنی لب عطشان حیف اولا که قولّاریمی باغلاموشدی حکم یزدان باخدوم آغلادوم حسینم جان ویرن زمان یارالی . . کوفیان بولوردی ظلمون پایه سین تمامه سن سیز عترتون اسیر اولوبلار اشقیای شامه سن سیز سعدون اوغلی حکم ویردی غارت خیامه سن سیز بیر قیامت اولدی قارداش آغلادی سویان یارالی . . خیمه لر یاناندا دوشدوم ششدر بلایه قارداش عترتون اود ایچره گلدی نِی کیمی نوایه قارداش شیونیم اوجالدی عرشه گلمدون هرایه قارداش یوز قویوب چوله قاچاردی معجرین آتان یارالی . . نچّه مین شقی جماعت غارته اَل آچدی بیردن غارته گلن قُشوندان خیمه گاهی دوتدی شیون قورخودان یتیم اوشاقلار چوللری ایدردی مسکن اولمادی بیری او ساعت یادینه سالان یارالی . . قیزلارون شکسته حالی صبری اَلدن آلدی قارداش نوعروسی کعبِ نیزه گور نه حاله سالدی قارداش سویگلی قیزون رقیه آت دوشونده قاچدی قارداش آتلیه سلام ایدردی یعنی قورخودان یارالی . . بیرگیجه بو چولده قالدوخ آه و اَلامانه گلدوخ صبحه تک یانان چادردا درد اَلینده جانه گلدوخ آغلاشاندا خوردا قیزلار ناله و فغانه گلدوخ مجلس عزایه گلدی فاطمه آنان یارالی . . من سنون یولوندا قارداش هر مصیبته دایاندوم دوشدوم عترتون دالیجا چوللری گزوب دولاندوم سالدیلار خُمِ بلایه رنگ صبرله بویاندوم فاطمه آنام دیموشدی صبر ایله دایان یارالی . . قورتولوبدی جور دشمن ظلم اهل کینه قارداش شامدن اولوب عیالون عازم مدینه قارداش گلموشوخ اَزل بو توزلی قبره اربعینه قارداش آغلیاخ دویونجا یوخدور بیزلری ووران یارالی . . سن کسوک باشیله گلدون مجلس یزیده دیده منده گلموشم بو توزلی قبرون اوسته بازدیده حیف اولا بو آز زماندا قامتیم اولوب خمیده جور خارله اولوب دور گللریم خزان یارالی . . رسم دور باجی گلنده اربعینه دل شکسته دوره سین آلولّا یکسر قوم و خویش دسته دسته مشعل عزا قویالّار قارداشون مزاری اوسته باجی دور ویرور تسلّی دوره سین آلان یارالی . . زینبون خرابه یرده هر مصیبته دایاندی هر بلا و هر مصیبت چوخ چتیندی چوخ یاماندی مطلبی سوروشما قارداش من خجالتم اماندی جان ویروب خرابه یرده سویگلی بالان یارالی . . بو قیزون رقیّه دائم یاندورب منی یاخاردی متّصل باشی دیزیمده انتظارله باخاردی بیر نفر اوشاق گورنده گوز یاشی یوزه آخاردی اشک حسرتین ایدردی عارضه روان یارالی . . بیر گیجه خرابه یرده گوردوم آغلوری رقیّه سیل اشکنی عذارِ زرده باغلوری رقیّه سورتوری یوزون ترابه سینه داغلوری رقیّه سسلوری ای عمّه جان دور یاتما بیر اویان یارالی . . باغریما باسوب بالامی سیلدیم اشکنی یوزوندن ایمدی ده یانوبدی قلبیم او یتیمه نون سوزوندن سویلدی نَدن سالوب دور قارداشیم منی گوزوندن گلموری عیادت ایتسون اکبر جوان یارالی . . چیخموری حسین یادیمدان نیسگِلی اورکده چوخدور زینبه بو غملی مطلب نیزه دور قلیجدی اوخ دور غسلونی ویرنده گوردوم صاف یری بدنده یوخ دور تازیانه یرلریندن وار هله نشان یارالی . . آبله ایاقلاریله گزدی چوخ پیاده قارداش اولمادی رقیّه صد حیف ایمدی کربلاده قارداش بیر «رجائیله» دایاندی دوزدی هر بلایه قارداش سس سه ورِیدی منله شامده یاتان یارالی . . . #اربعین #رجایی_تبریزی #باش_گوتور_بو_قبردن_ای_قانینه_باتان_یارالی #ترکی @rozevanoheayammoharramsoghandi

کربلا دیاری تازه دن قارداش اولدی مسکنیم منیم 🏴🏴🌿🍂🏴🏴🌿🍂 #اربعین #زبانحال حضرت زینب علیهاسلام #مرحوم شهاب تبریزی . . کربلا دیاری تازه دن قارداش اولدی مسکنیم منیم ایمدی جان چخوب اولیدی بو تربتونده مدفنیم منیم . . مرقدون زیارتین حسین هی خیال ایدردی زینبون متصل حسین حسین دیوب یول یوزین گیدردی زینبون بو مجرّب اسمی ورد ایدوب زائل اولدی دردی زینبون عاقبت بو وردیلن اولوب فتح باب ایمنیم منیم . . عرض قیلمارام اسیر اولوب سر برهنه شامه گیتمشم نه دویونجه خوف شمردن آغلیوب نه شیون ایتمیشم هجردن شکایت ایتمرم گون بو گوندی وصله یتمیشم تیره گوندی گر چه حشره دین روزگار روشنیم منیم . . هر چه ایسترم که محنت شامی باشلیوم گلوم دیله بُلمم عاجزم نه طرزیلن ایلیوم بیان ایدوم گِله کشف حالیمه احتیاج یوخ حالی سن که برق آهیله حاصل حیاتیم اود دوتوب یاندی صبر خرمنیم منیم . . شامده او گونکه داخل مجلس شرابیدیم حسین منده اهلبیت زاریلن بستۀ طنابیدیم حسین قلبوه ملال اولور دیسم حسرت نقابیدیم حسین اولدی حایلی عذاریمون بیر الیله دامنیم منیم . . اگلشوب یزید تختیده خلقه شوکتین ایناندروب ایستیوب حضوره ساخلیوب اوغلوی چوخ دایاندروب سوز سالوب شماتت ایلیوب قلبمی دوباره یاندروب مقصد و مرادینه یتوب شاد اولوب او دشمنیم منیم . . گوزلرین اوشوم کافرین آه وقتدن که قان دوتوب بیر الینده جام می حسین بیر الیندہ خیزران دوتوب بانوان محترم چکوب ناله مجلسی فغان دوتوب اولدی اهلبیت آرا او گون امتیاز شیونیم منیم . . مجلس یزید مطلبین قوی حسین داخی دولاندروم شمّه ای خرابه دن دیوم اود سالوب جهانی یاندروم ایسته سن به وَجه مختصر اؤز مقامیمی گر آندروم اولدی مدّتی خرابه لر گوشه سی نشیمنیم منیم . . گون بگون اولوب مصیبت و محنتیم فزون خرابه ده دمبدم بابا بابا دیوب جان ویروب قیزون خرابه ده سرگذشتین عرض قیلمارام واریدون اوزون خرابه ده نطقدن دوشوب او بلبلوم سولدى سرو و سوسنیم منیم . . گُل فراقن چکنلره ویردیلر بهار مژده سی شوق وصل لاله زاریلن اوج ایدوب هزاره ناله سی سیر گلستانه من شهاب قویمارام بو نفس نا کسی بزم ماتم حسین کیمی واردی طرفه گلشنیم منیم . #اربعین #شهاب_تبریزی #کربلا_دیاری_تازه_دن_قارداش_اولدی_مسکنیم_منیم #ترکی

#زبانحال حضرت #سکینه علیه السلام در کنار آب در ره #شام ✨✨▪️✨✨▪️✨✨ شنیدستم  ز ارباب مقاتل حدیثی را که سوزد خرمن دل قضا را کاروان آل طاها که کشتیشان نشسته بود در گل کنار جوی آبی در ره شام برای استراحت کرد منزل همه لب تشنگان بازوی عشق که شرح تشنگی شان هست مشکل پی رفع عطش با ناله و آه زلال اشک را گشتند ساحل سکینه دختر سلطان خوبان کزو سوز عطش گردید کامل کند او پر ز آب یاد بابا لبانی تشنه بودش در مقابل چنین می گفت آن فرزانه دختر که گفتارش زند آتش به حاصل بر من برگو به وقت بودن باب کجا بودی کجا بودی تو ای آب چرا شرمی تو از داور نکردی حیا از روی پیغمبر نکردی به دشت کربلا ما تشنه بودیم چرا فریادها باور نکردی علی اکبر ما تشنه جان داد چرا رحمی تو بر اکبر نکردی تن قاسم به خون غلطید اما حیائی زان گل پرپر نکردی چرا سقای مار ا تشنه کُشتی چرا رحمی تو بر اصغر نکردی سر بابا جدا شد تشنه از تن چرا لبهای او را تر نکردی تو بودی مهر زهرا مادر ما چرا فکر دل مادر نکردی نه ما لب تشنگان آب جوئیم تمام آبها را آبروئیم

#زبانحال حضرت سیدالشهدا علیه السلام در بالین حضرت ابالفضل علیه السلام 🥀🥀◾️🥀🥀◾️🥀🥀 ✍محمدرضا صادقی (شیدا) دور ای کرب و بلا سرداری قارداش حسینون ای سپهسالاری قارداش علمداریم سپهداریم ابالفضل داخی یوخ کیمسه غمخواریم ابالفضل دئدون تا گل اخا ، قلبیم سیخلدی یارالی قلبیمین بندی قیرلدی بیلیم سیندی ائویم قارداش یخلدی دئدیم گئتدی حسینون یاری قارداش بو چولده ای منیم دار و نداریم گئدوب سنسیز برادر اقتداریم داخی یول گئتماقا یوخ اختیاریم ایاقه دور سنی بیر تاری قارداش گولور احوالیمه بیر عده جانی دییوللر اوجا بوی قارداشین هانی منیم قلبیم یانور رقیه جانی وئرن یوخدور منه دلداری قارداش سنه تا حرمله قارداش اوخ آتدی دگوب اوخ گوزلرون القانه باتدی حسینی اوخ غمی قارداش قوجاتدی پوزولدی باشداکی افکاری قارداش منی بو غم سالوب درده یارالی ندن مَشکین قالوب یرده یارلی گوزووه قان چکوب پرده یارالی یوموبسان گوزلرون اجباری قارداش باخاندا باشداکی جراحتیوه یانورقلبیم سنون بو حالتیوه نه گلدی اول اوجا بوی قامتیوه کیچلمیش بیر بیله مقداری قارداش منی تک قویما بو چولده اماندی گوز آچ قارداشیوین حالی یاماندی ندن دور و برین اوخدی کَماندی شل اولسون اوخ آتان قوللاری قارداش الیمدن دور یاپیش بیر یولدا باری گئداخ بیر یان یانا اخیامه ساری یولون گوزلور آنامون یادگاری بو چولده قویما تک قیزلاری قارداش اولان ای باشدا اون یدّی جراحت سنه اولمازبو عالمده طبابت قیامتده آنام ایلر عنایت سالاندا باشیوه دستاری قارداش عجب دوشدی باشون قارداش بلایه یانار شیدا بو غملی ماجرایه اوزون لطف ایله ایسته کربلایه اولا تا قبریوین زواری قارداش

کوچ از قتلگاه #زبانحال حضرت زینب سلام الله علیها ▪️🍃▪️🍃▪️🍃▪️ قوی دیوم نلر چکمیشم حسین بو گیچن گیجه روزگاردن بیر یانان چادر منزلیم اولوب گور نه دوشموشم اعتباردن دویموشام داخی روزگاردن آختاریب نقدری تاپامادیم بیرنفرمسلمان گچن گجه پاسبان اولا اهل بیتوه اولمیاخ هراسان گچن گجه صبح اولنجا اطراف خیمه نی گزمیشم هراسان گچن گجه اینجیدیم داخی بوردا قالمارام گورمدیم وفا روزگاریدن پر شکسته قوشلار یغیشدیلار ظلمله یانان اشیانیمه بیر نفر پرستاریم اولمادی قورخودان دوشوب لرزه جانیمه نصف شب اوغلسوز انام گلوب خیمگاهیده بیرجه یانیمه پاسبان اولوبدور اوشاقلارا قورتولوب باجون گیر وداریدن ایتدی بیر قیزون درد و غصّه دن بُل بو قدر خرسندیدم اُلم باش قویوب دالینجا من ایستدیم آختارام تاپام حالینی بُلم بیر شقی منه رحم ایلدی قتلگاهی گوستردی تا گلم ویردی اوز بالاندان منه خبر گوردی گیتمیشم اختیاریدن سن اوزون بُلورسن نه حالیله گلدیم ایله بیر دمده یانیوه کاش کلمییدیم گلن کیمی اللریم باتوب تازه قانیوه گوردوم اللرون ساربان کسوب لعن حق گله ساربانوه بیله بیوفالوق زمانه ده گورمیوبدی بیر یار یاردن باشوی بدنده گورنمدیم تار اولوب گوزومده منیم جهان آنلادیم که حرمت ایدوب سنه کوللر اوسته خولی ویروب مکان هر کسه دیدیم باشون ایستدیم کوفه نی منه ویردیلر نشان نه جواب واردور پیمبره حشرده دوراندا مزاردن گورموشم بو عریان جنازه وی یوز ویروب منه غضّه و محن چون سویولموشام یوخدی بیر زادیم ایلیم سنون نعشیوه کفن بیر گلور گمانیم بو ساچلارا اذن ویر آچوم نعشون اوسته من چاره یوخدی نیلوم خجالتم چخمشام بو گون هر نه واردن ساخلا ال « ثریا » داخی دایان یازما بوندان آرتوق بو محنتی بسدی بو قبول ایلسه اگر پادشاه خوبان بو خدمتی دل سنون دگول اوزگه نوندی دل باشلیوب بیله طرز صحبتی قیل یقین که تأیید خاصّدور لطف اوزیله پروردگاردن @madahi_moharram

کوچ از قتلگاه #زبانحال حضرت زینب سلام الله علیها ▪️🍃▪️🍃▪️🍃▪️🍃 قوی دیوم نلر چکمیشم حسین بو گیچن گیجه روزگاردن بیر یانان چادر منزلیم اولوب گور نه دوشموشم اعتباردن دویموشام داخی روزگاردن @madahi_moharram

#زبانحال حضرت زینب سلام الله علیها در #شهادت حضرت رقیه سلام الله علیها ای قلبیمون آرامی یات قان اولدی بوگوز جامی یات ئولدوردی سنی شام اهلی ویران اولا شاماتی یات نچه گجیدی یاتمامیشدون غم غصه وی سن آتمامیشدون آرامشه بیر چاتما میشدون لایلای بالام لایلای رقیه ای قارداشیمون ریحانی گلشن ایلدون ویرانی امابیله تزسولماقون یاندیردی من نالانی گلشنده گُل بونوعی سولماز خیرداقیزین قدی خم اولماز قلبیم نجه قانیله دولماز نچه گونودی آغلاردون اودلی سینمی داغلاردون گه گوشه ی ویرانه ده گیزلین ایاقون باغلاردون یات بوگجه قبرونده راحت چوخ گورموسن ظلم وجنایت نه سیلی وارنه قتل وغارت لعنت گله بواشراره ایتمشدی سنی آواره آدوقجاقدم قویاردون سن بیر الیوی دیواره گل عارضون ظلمیله سولدی زهراکیمی عمرون آزاولدی قلبون غم وغصیله دولدی #رقیه_س #خرابه #صفر التماس دعای فرج الاحقر مهدی عبادی ◾️▪️◾️▪️◾️▪️

#زبانحال زینب کبری سلام ا... علیها با #رقیه خاتون در خرابه ی شام #خرابه چراغونه امشب 🍁▪️◾️🍁▪️◾️🍁 رقیه آز آغلا یورولدون بالا باخ من تلخ کامه اورکده غمون آرتوب آخر گلندن بو شامه بو شهر ایچینده بلایه دوشوب آل اطهار یاده سالار اوز غمین بو اوشاخلار سیزیلدار اما سنی کیم گورر کنج ویراندا آغلار سنون حالیوه سینه داغلار ایوای رقیه رقیه رقیه رقیه(۳) بلالی رقیّه سولوب گل جمالون رقیه بو ویرانه یرده یاتاندان یوزون قویما دیوار کوسمه قیزیم سن آتاندان چوللرده بس کی سنی اینجدوب قوم عدوان حقّوندی کوسسن بی بوندن همی سن آتاندان چوخدور گلایم یوزوه بوسیلی ووراندان قیزیم غم چکوبسن اولاندان آتان تاپشروپ چون سنی من قیزیم ساخلیم دیده م اوسته یوزون قویما توپراقه دور گل بالا سینه م اوسته حُسن جمالون سنون چون کی طاهایه بنذر مجنونوام صورتون شکلی لیلایه بنذر اما گوورمیش یوزون حیف زهرایه بنذر بولوت آتداکی آیه بنذر اوزوم (بیکَسم) سن بولورسن غمیم دیلده چوخدی رقیّه نه چاره ایدوم درده سالدی بو آل امیّه آج قالماقون قلبه سالدی شراره رقیّه آز اشک چشمون بیله توک عذاره رقیّه شاید بابان گلدی گوردون دوباره رقیّه نظر قیل بو زاره رقیّه #رقیه_س #خرابه #صفر التماس دعای فرج الاحقر مهدی عبادی

‍ ‍ #سینه_زنی_باسبک #زبانحال حضرت رقیه سلام الله علیها سبک :: یخلدی سقا یره... کلامی زنجانی گل دادیمه عمه جان - گل دوداقه جان گلوب منیم یارالی بابام - لبلرینده قان گلوب وای منه - وای منه - مهربان قوناقه باخ من باخا بیلمورم - یاره لی دوداقه باخ الله. مسافرلری - سالماسین یامان گونه هانسی مسافر دوشر - بو بابام قالان گونه هی دئدیم گئتمه بو - یول خطرلیدی بابا کربلا یولاری - دردسرلیدی بابا من بو باشین عمه جان - یوز گوزون گرک یووام حقدن ئولوم ایسترم - مستجاب اولار دعام دردیمین سهمینی - هئچ کسیله بولمرم قویما گئتسین بابام - گئتسه راحت ئولمرم باد صبا دردیمی - یاریمه یتورمدی گلدی بابام حیف اولا - اصغری گتورمدی منتظردی گوزوم - قانه دوندی گوزیاشیم قورتار الله منی - هاردا قالدی قارداشیم من بیلوردوم سویگولوم - اختارار تاپار منی گلدی یوخوما گئجه - گل دئدیم اپار منی عمه زهرا جانی - یار اپاردی صبریمی اکبریم گلمدی - قاز منیمده قبریمی #حاج محمدباقرمنصوری 🍁🍁🍁◾️🍁🍁🍁◾️

#زبانحال حضرت ام البنین (سلام الله)   سنه عباس اوغول دائم آنان ام البنین آغلار سالار بلبل کیمی یاده پوزولموش گلشنین آغلار   اولا سندن صورا دنیا بوئی عمریم یوزوم گولمز ئولونجه آغلاسام یانسام یانان دل سوزیم اسگیلمز اوغول داغین اوغول اوغلی ئولندن اؤزگه سی بولمز او آنلار بو نیه قویموش اورک اوسته الین آغلار   منیم فصل بهارینده گلستانیم خزان اولموش جفای خاریدن باغریم بسان غنچه قان اولموش ئولوبدور دورد جوان اوغلوم الف قدّیم کمان اولموش منیم احوالیمی دشمن اگر گورسه یقین آغلار   بلا دشتینده اولسیدیم بو قدری نسگل اولمازدی بیانِ نسگلیمدن عاجز و قاصر دل اولمازدی بقیعون غملو قبرستانی دائم منزل اولمازدی گذاری بو مزارستانه دوشسه هر کیمین آغلار   آناسیز اولماقون سالّام خیاله ایلرم شیون او چولده اولمادیم دعوا ائدنده تا دیَم احسن دیوللر چوخ شجاعت چوخ رشادت خرجه وئردون سن حلال اولسون سودیم قویدون آناسین دشمنین آغلار   سن ئولدون یوخ سوزوم آغلار ئولونجه بو آنان قالدی سمندر تک آلیشمیش دوشموش اودلاره یانان قالدی یرون بوش قالمادی سندن نشانه بیر بالان قالدی اودا من تک ائدر دائم سنه آه و انین آغلار   سن آل هاشمون ماهی بو چرخ حیدره اختر اوجا بویلی اوزون قوللی شیرین دیللی قمر منظر اوشاقلیقدان هامی رفتار و گفتاری سنه بنزر سنی یاده سالور دوشسه گوزی هر کیمسه نین آغلار   گوزومدن قویمارام بیر آن کناره من بو ناشادی کنارینده گل اهلی ، سُوَر چون سرو آزادی اگر چه قویمارام چیخسون سپهره ناله و دادی گوزیمه گوز تیکوب منله بِلَه بو مه جبین آغلار   دوشنده گوزلرینه گوزلریم ساللام گوزون یاده 🥀▪️🥀▪️🥀▪️

عباسيم اي گوزل ادي ورد زبان اوغول درمانده لر الیندن همیشه دوتان اوغول   بو صُون نفسده غرق یم محنت اولموشام امدادیمه یتیش منیم ای مهربان اوغول   مشکلده کیم قالار، سنی سسلر هراینه باب الحوائج آدیوه قربان آنان اوغول   آلسان اگر بو دم سسیمی سس یتور منه ایمدی یامان گونومدی منیم هارداسان اوغول   گوز تیکمیشم گلن یولوا گوزلورم سنی ای صبریمی فراقی الیمدن آلان اوغول   درد و غمون بیر عمریدی من جانه آلموشام سینم اولوبدی غم قوشونا آشیان اوغول   #زبانحال حضرت ام البنین علیها سلام🍁▪️🌾🍁▪️🌾

گلوب فغانه آغلارام گزوب بهانه آغلارام   الهی دورت بالام منیم باتوبدی قانه آغلارام   ئورگیم یانور اسور اللریم منی گوزدن آتدی گوزللریم   بهارغمده سولموشام بولوط مثالی دولموشام   اوغوللارین آناسیام ولی اوغولسوز اولموشام   وطنیمده کیم یتیشور منه دئیور آغلاما قره گون ننه   ائدر منه اثر گجه اولار چتین سحر گجه   دولاننام ائوده صبحه جک عصا الیمده هرگجه   بالا فکرینی آتا بیلمرم نچه آیدی کی یاتا بیلمرم   گلوم سارالدی بیتمه دی غمیم اورکده ایتمه دی   سفردن ای خدا منیم گئدنلریم قییتمه دی   ئورک اوتلانار اولا گر سینیق بلیمی بوکوب منیم آیریلیق   همیشه سینه داغلارام باشیما قاره باغلارام   سوسوز ئولوبدی دورت بالام سَرین سو گورسَم آغلارام   سسیمی سکوت عزا کسر سو آدین دئینده دیلیم اسر   گرک که شال غم سالام ئولونجه خونجگر قالام   یاتوبدی خیردا قبریده دیولّه قهرمان بالام   علمین ئوپوب سینه داغلارام باخارام سو مشکینه آغلارام #زبانحال#حضرت ام البنین علیها سلام 🌾▪️▪️🌾▪️▪️

‍ ‍ #شهادت حضرت رقیه سلام الله علیها #زبانحال حضرت زینب سلام الله علیها 🌾✨▪️🌾✨▪️🌾 ای دشت کربلانون زیبا نگاری لایلای اوغلی ئولن روبابین دارو نداری لایلای یوللاردا آت دوشونده از بس قاچوب یورولدون قربانون اولسون عمون یرزقون قناری لایلای ای باغریقان رقیه آرام جان رقیه دور دلبرون گلوبدی شیرین زبان رقیه ایتمه گلایه مندن بوشدی الیم کفندن باشی بلالی عمون شرمنده اولدی سندن بیر دفعه قسمت اولسا گلم دوباره شامه بیر یاخشی گوشواره آللام سنه وطندن ای باغریقان رقیه آرام جان رقیه دور دلبرون گلوبدی شیرین زبان رقیه کرب و بلایه گیتسم عباسه چوخ سوزوم وار دوزدورکی قالدی قولسوز ئوز عشقینه وفادار اما گرک گلیدی قیزلاره باش چکیدی گلسیدی قمچی آلتدا ئولمزدی خردا قیزدا ای باغریقان رقیه آرام جان رقیه دور دلبرون گلوبدی شیرین زبان رقیه #اثر: حاج حسین غفاری اردبیلی @madahi_moharram

#زبانحال حضرت رقیه سلام الله علیها . #سبک_ویرانه_ده_نازلو_بالام . مرحوم نادری میانجی . اولدوم غریب و بی وطن آغلار گوزوم عمه وئرسون اجازه وار سنه گزلین سوزوم عمه . . عفو ائت سنه گوندوز گجه چوخ وئرمیشم زحمت یوخدور گمانیم بیر کسه ای معدن عصمت گلمور بابام گورماقیمه آیا ندور علت؟ یوخدور فراقه طاقتیم هاردان دؤزوم عمه . . گلمز ندن اکبر اولا من بیکسه غمخوار هر گون منه طعنه وورار یولدان گچن قزلار گاهی منیم احوالیمه هر رهگذر آغلار ئوز مرگیمه چوخ راضیم ایندی ئوزوم عمه . . عباس عمومه نئتمیشم دیداریمه گلمز اوچ گوندی من بوردا آجام احوالیمی بیلمز گوزدن دوشن آواره قز بیلمم ندن ئولمز قلبیم دولوب رنگیم سولوب تیترر دیزوم عمه . . شه مهربان اولسا اگر شهزاده سین اتماز بیر خشت خام اوسته بی بی شهزاده لر یاتماز بیر گونده شمس و ماه دین سیّاره لر باتماز باتدی ندن آخر منیم بخت اولدوزوم عمه . . یوللار جفاسین چکمیشم من زارو دلخسته ویران قفسده نیله سون بیر مرغ پر بسته من نازدانه بیر قیزام یاتمام حصیر اوسته هی ایستورم عرض ایلیم گلمور یوزوم عمه . . گلدوم عراقی سیر ائدم چون ماه رخشنده طاووس زیبا تک گزم گلزار و گلشنده من گلمدوم دشمن سالا آهو کیمی بنده بیلمم نه تئز شامه دونوب بس گوندوزوم عمه . . من بیر حجازی بلبلم گوللر اولوب تالان قرخ منزلی شامه گلوب چوخ اولموشام نالان بیر چاره قیل یاندوم بی بی جانیم سنه قربان غم لجّه سینده ماهیتک هاردان اوزوم عمه . . گلمز بابام قلبیمده کی نسگللریم قالدی گئتجک بابام دشمن منی موج غمه سالدی گوشواره می غارت گونی غارتگران آلدی یوخ قدرتیم احوالیمی شاهه یازوم عمه . . ایستر خدنگ درد و غم بو سینه می دلسون بیر چاره قیل احوالیمی قوم لئمی بیلسون اولسا سفارش ائتگیلن عمه بابام گلسون هجرانینه یوخدور داخی منده دؤزوم عمه . . وئر خاتمه ای «نادری» حالیم پریشاندور فصل خزاندا بلبلون قلبی دولی قاندور یاز مطلع شعرون ده کی مطلب نمایاندور وئرسون اجازه وار سنه گیزلین سوزوم عمه 🌾✨▪️🌾✨▪️🌾 خانم زینبیده گوردی گسوری واردی گل صاحبی الهی گلدی گلون آپاردی باشیمده یوخ قرا توک اولسیدی ده آغاردی آتا نازی گورموین بالا لای لای ای.... ایاقی قابار اولان بالا لای لای ای.... یوزونه سیلی دین بالا لای لای ای.... (اگر اوچ یاشیندا قیزین وار اونون یوزونه باخ گور نه لطیف یوزی اولار ئوزوده او یوزی که حسین یوزون قویاردی یوزونه یاتاردی ، اکبر آلاردی قوجاقینه ، قاسم آلاردی قوجاقینه یرده قالمازدی عادت ایلمیشدی حسینین قوجاقینده یاتاردی حسین بئله یوزون قویاردی لای لای بالا لای لای ، شام غریبان هامی یاتدی نچه نفر یاتمیوب بیریده رقیه دی یاتمادی دیدی همیشه بابام منه لای لای چالاردی ، سورونه سورونه گلدی تاپدی بابانی دیدی بابا یورولموشام دیمیرم ، سویولموشام دیمیرم، خیمه لر یاندی دیمیرم ، عمه می دویدولر دیمیرم، بابا فقط منیم بیر یوزومه باخ ، هامیز غیرتلیسیز اگر الان چخاسان کوچویه گوره سن بیر اوشاقی بیر جوان ورور نچه نفر توکولر دیر ورما بو اوشاقدی ، اما رقیه نی نچه نفر دوره لدی ، دیدی ورمیون منی قارداشیم ئولوب، ورمیون عموم ئولوب، ورمیون بابام ئولوب ، بولمورم او صورته نیلدی دیدی بابا ) وراندا سیلی منه ننم یادیما دوشدی بابا وراندا سیلی منه اوت دوتوب یوزوم یاندی (امام سجاد دیر عمم رقیه نی قبره قویاندا گوردوم چوخ طول چکدی قبریدن چخماقی دیدیم عمم اولمویا غش ایلیوب ایلدیم گوردوم معجرین وروب کناره یوزون قویوب او سیلی دین یوزه لای لای بالا لای لای ای...) اوزاق اولیدی یزیدین ایوی بورا ایکاش بو سوزده واردی غم بیکارنه آی قارداش اوتانرام دیمگه بولمورم دییم دیمییم؟ دییم قوی ایندیکی گلدی زبانه آی قارداش یزید مطبخینون توسوسی گجه گوندوز دومان کیمی اوجالور آسمانه آی قارداش اونون اوشاقلاری رنگین طعام میل ایلیور من آج قالوب گلرم هی فغانه آی قارداش @madahi_moharram

#زبانحال حضرت زینب سلام الله علیها در شهادت حضرت رقیه سلام الله علیها #سبک : یخیلیب عباسیم... غفاری اردبیلی 🍁▪️✨🍁▪️✨🍁 آنا جان یازهرا بو شهر غربتده منی قویدی تنها رقیم ئولدی قره گوز جیرانیم ال اوزدی زینبدن کول اولدوم واویلا رقیم ئولدی سارالوب سولموشدی بو بزم ماتمده نه نوعی صحراده چمن اولسیدی بالامون اندامین بوکردیم گوز یاشلی الیمده غربتده کفن اولسیدی کفنون اوستونده یازاردیم بو آهو قالوبدی چوللرده ئولوبدی اللرده گتیرردیم نعشین کناره قبرونده قویاردیم تپراقه وطن اولسیدی گئجه لر آغلاردی دئیردی آی عمه کوسر اکبر گورسه منی معجرسیز اونا یاز بیر نامه دئین گلمه شامه باجون تپراقلاردا یاتوب بسترسیز سایارام گویلرده گوزل اولدوزلاری چیخار گون اما من گوزوم باغلانماز ندور آیا چاره م هر آخشام بیدارم یوخوم گلمور قارداش علی اصغرسیز دوداقینان ئوپدوم دئدیم یات یورقونسان بیبون اولسون قربان غزالیم لایلای سوروسوندن آیری دوشن جیرانیم وای خداحافظ یورقون مارالیم لایلای بو اوزون یوللاردا سینق محمللرده قرانلوق چوللرده ایاقدان دوشدون اوخیاردوق نوحه دئینده من قارداش دئیردون سن بیکس یارالیم لایلای ائله کی طشت ایچره یارالی باش گلدی بالام دوردی یردن دئدی جان بابا نئچه لحظه باخدی یارالی مهمانه دوداقلارین گورجک دئدی یا زهرا ائله بیل پروانه ئوزون ووردی شمعه یتیشدی مقصوده کول اولدی یاندی دوداقیندان ئوپدی یخیلدی جان وئردی توکولدی گوز یاشیم مثال دریا قره معجر باشدا آخاندا گوز یاشی دیردیم زهرادی گوزل سیمادن دیه بیللم اما چیخاندان یثربدن بالام چوخ غم چکدی ننم زهرادن او قدر آج قالدی ئوزین درده سالدی سارالدی رخساری نگاریم ئولدی ائله بیل بیر ماهی آناسیندان آیری دوشوبدی طوفانه چیخوب دریادن @madahi_moharram

‍ #زبانحال حضرت ام البنین سلام الله علیها عباسیم ای غم پروریم بنددلیم تاج سریم گل جان وئرورامّ البنین یولداقالوبدی گوزلریم آخر نفسدی آی بالا گل چال منه لایلای بالا دلده قراریم هارداسان زیبانگاریم هارداسان آچ شهپرون پرواز ائله باز شکاریم هارداسان زیبا جمالی آی بالا گل چال منه لایلای بالا ام البنینم خستیم اوغلوم سنه دلبستیم گل قاز بقیعده قبریمی زهراجانی جان اوستیم یوخ بیر کسیم ایوای بالا گل چال منه لایلای بالا گوز یاشلی عاشق قان اوتار تئزگل بوهجرانی قوتار گلسنده یوخدوراللرون تابوتیمی بس کیم دوتار سالّام حجازه های بالا گل چال منه لایلای بالا من آه اکوب وای درمیشم جنگه اوغول گوندرمیشم ایندی گلن یوخ یاسیمه یوزقبلیه دوندرمیشم بیربیر ملالیم سای بالا گل چال منه لایلای بالا گوز یولدا قالدیم گلمدون هی دردون آلدیم گلمدون گئتدون اوجاقامت بالا سنسیزقوجالدیم گلمدون گوندر منه بیر پای بالا گل چال منه لایلای بالا گل باشیمی آل دامنه روحیم گلور مهمان سنه قانلی علم سینمده دی بوبیر نشان بسدور منه گلمز بالاما تای بالا گل چال منه لایلای بالا جواب حضرت ابوالفضل علیه السلام ای قامتی چوگان آنا آلدیم پیامون جان آنا گل میزبان اولّام سنه ای جنته مهمان آنا دینجلدی روحون آی آنا لایلای آنا لایلای آنا معناده یار اولّام سنه باز شکار اولّام سنه جنتده حزن اولماز ولی من سوگوار اولّام سنه آغلار گوزون یوم دای آنا لایلای آنا لایلای آنا بیلّم آناجان خسته سن عباسیوه دلبسته سن جسمون اَریتدی غصه لر چوخ آغلاما جان اوسته سن من اولدوزام سن آی آنا لایلای آنا لایلای آنا آخر نجه دفنه گلیم آگاهسن یوخدور الیم گل نازیمی جنتده چک باش دامنونده دینجلیم بیربیر یارامی سای آنا لایلای آنا لایلای آنا صود وئردیگون شیرم آنا قان ایچمیشم سیرم آنا گلسم حسینیم تک قالار نیلوم نمک گیرم آنا یاندیم دئمه آخ وای آنا لایلای آنا لایلای آنا مادر قوجالسا ناز ائدر دل دردینی ابراز ائدر السیز منی گورسن اگر روحون قوشی پرواز ائدر اولماز امکلر زای آنا لایلای آنا لایلای آنا عاشق گرک دل داغلاسین یاریله پیمان باغلاسین وئر پرچمی ئوز اوغلوما قوی یادگاری ساخلاسین مندن اونا وئر پای آنا لایلای آنا لایلای انا #شاعراستاد کلامی @madahi_moharram

#خروج از مدینه #زبانحال حضرت صغری (س) 🍂🥀▪️🍂🥀▪️🍂 آغلاما صغری باجون قربان علی گوز یاشیوه بیر ایاق ساخلا باجون دورسون دولانسون باشیوه لطف ائدوب یاده سالوبسان سن بو وقتیمده منی وار یری بو بینوانون عرشه چخسا شیوه نی نیلیوم یوخ چاره گئت اللهه تاپشوردوم سنی بیر ایاق ساخلا باجون دورسون دولانسون باشیوه نصف شب بو گلماقون صغرایه چوخ ایلور اثر بولمورم آیا نه واردور گیموسن رخت سفر حالیمی پوزدی منیم چوخ قلبیمی دوتدی کدر بیر ایاق ساخلا باجون دورسون دولانسون باشیوه من دئمم قارداش عراقه گئتماقون گل ترک ائله بیر بیله ساعت علی بیرده چتین دوشسون اله بیرجه گل اگلش ائداخ صحبت غنیمتدور هله بیر ایاق ساخلا باجون دورسون دولانسون باشیوه رحم قیل قارداش علی بیر باخ منیم گوز یاشیما بو سفردن قورخورام توکسون فلک کول باشیما حسرتیم قالسون گوزیمده سن کیمی قارداشیما بیر ایاق ساخلا باجون دورسون دولانسون باشیوه آغلورام من دؤزمورم سن بو یول اوسته آغلاما سیل تک رخساریوه بو گوز یاشیوی باغلاما من علیلم ناخوشام بو سینه می سن داغلاما بیر ایاق ساخلا باجون دورسون دولانسون باشیوه اول قد شمشادیوون قارداش بلاسین من آلوم گوزلروندن بیر اؤپوم قول بوینووا بیرده سالوم اولما راضی من تک ائولرده علی یالقوز قالوم بیر ایاق ساخلا باجون دورسون دولانسون باشیوه باخ نجه گور بو کُمیت روحیم آردونجا چاپار ممکنون اولسا منی قارداش یانونجا سن آپار بو مریضه سنلن اولسا بول یقین صحّت تاپار بیر ایاق ساخلا باجون دورسون دولانسون باشیوه من نجه هجران غمینده بحر غمده باتمارام صبر ائدوب خون جگر بو گوز یاشیما قاتمارام صبح اولونجان هر گجه سن گلمیینجه یاتمارام بیر ایاق ساخلا باجون دورسون دولانسون باشیوه من باخوب یانّام سنون بو حالیوه قارداش علی سن ندن جاری ائدرسن عارضه قانیاش علی قالمیا سندن صورا صغری ئوله ای کاش علی بیر ایاق ساخلا باجون دورسون دولانسون باشیوه بو باجی قارداشی ائت الده وسیله شوریا عرض قیل یارب عطا قیل جمعیلن بیر کربلا باشلیاخ بو نوحه نی اوردا دوتاخ بزم عزا بیر ایاق ساخلا باجون دورسون دولانسون باشیوه #حضرت_صغری #آغلاما_صغری_باجون_قربان_علی_گوز_یاشیوه #شوری_تبریزی #۲۸رجب سالروز حرکت امام حسین علیه السلام به مکه وبعدازآن کربلا @madahi_moharram

‍ #خروج از مدینه #زبانحال حضرت صغری سلام الله علیها 🍁▪️🍁▪️🍁▪️ سبک: یاران چه غریبانه ، لایلای گوزیمون نوری آی فاطمه ریحانی صبر ایله بابا گئتمه ترک ایلمه صغرانی صبر ایله بابا گئتمه غم قافله سین ساخلا گرد سفره باتما بازار محبّتده جان گوهرینی ساتما قویما الی قوینوندا صغرانی چوخ آغلاتما دیندیر بو پریشانی صبر ایله بابا گئتمه سیل گوزلریمون یاشین رحم ائت بو پریشانه آیریلما بابا مندن یوخ طاقتیم هجرانه زلفوم آغارار گئتسون گَللم بو گجه جانه ساللام غمه دنیانی صبر ایله بابا گئتمه جان رشته لرین دلده دائم بولرم سنسیز گاه آغلیارام ائوده گاهی گولرم سنسیز گئتسون دوشرم دیلدن والله ئولرم سنسیز گوزدن آتارام جانی صبر ایله بابا گئتمه قلبیم آلیشور اوت تک بو غملی اولان سوزدن هئچ فکر ائله مزدیم من بیرگون دوشرم گوزدن ناچار اولوب آیریللام اکبر کیمی گُل یوزدن حل ائت بو معمّانی صبر ایله بابا گئتمه #کربلایی بهزاد قاسمی اردبیلی ‍ ‍ ‍ #استادحاج غفوراسدزادگان @madahi_moharram

#زبانحال امام(ع) به خاک کربلا خوش گلدین ایلوری گورورم نینوا منه نیزاری نی چالور نجه گور خوشنوامنه بوغملی چولده من قالارام زینبیم گئدر ایلوب رقم بو قالماقی قال و بلی منه کرب وبلادی بوچولون آدی بلاسی وار عشقین یولوندا نوشیدور هربیر بلامنه ای کربلا سنیله منیم دوتدی اُلفتیم مدفن یازوب بو تپراقی حکم قضامنه من بو دیاریده چَکرم مامَلکدَن اَل بوردا کفن اولار بیلورم بوریا منه من بومنانی خوشلامیشام ذبح اَعظمه تقدیر اَلی بو دشتی یازوبدور منا منه قربانلاریم بو دورد آغاجین تپراقین بویار بیر لاله زار اولار دیولوب جا به جا منه زهرا نشانیدور گیه رَم کهنه کوینگی آخر وداعیده یاراشار بو رَدا منه من کوینگی گینده باجیم باشلیارفغان آغلار بَنات حضرت خیرُ النّسا منه بوچولده مقتلیمدی منیم بیرچوخور مکان عمّامه اَلده آغلیاجاق  مصطفی منه زهرا نَنم بوچولده اوغولوای دیَن زمان داشلار قان آغلیار اوگونی برملا منه باغلانمیان یارالاریما یر گوی آغلیار آتلار ایاقی اوندا ائدر چوخ جفا منه ششماهه اوغلومی آلارام سینَم اوستونه پائین پاده  اکبر  اوخور ربّنا  منه بیرگون مزاریم اوستونه زائرلریم گلر فخر ایلیرسن اوندا یقین ،کربلا منه (نادر) منیم قاپیمدا دیوم کیمدی محترم هر کیمسه اولسا نوکر بی ادّعا منه 🍁🍁🍁🍁🍁🍁🍁 @madahi_moharram

#احوالات حضرت رقیه (س) #زبانحال حضرت زینب (س) #بقلم استاد ناجی هشترودی #بانوای_حاج_علی_سیفی_افشار زینبم قلبیمی غم تیری دلدی الله غم تیری دلدی الله غم تیری دلدی شیرین دیل رقیم یاتدی دینجلدی الله یاتدی دینجلدی الله یاتدی دینجلدی سسلدیم هرایه غساله گلدی الله غساله گلدی الله غساله گلدی سوندی بخت اولدوزی شفق قرالدی الله شفق قرالدی الله شفق قرالدی سیلی آفتیندن گل تک سارالدی الله گل تک سارالدی الله گل تک سارالدی ------------------------------ ناقه لر یولداشی حبیبیم ئولدی الله حبیبیم ئولدی الله حبیبیم ئولدی دردیمین درمانی طبیبیم ئولدی الله طبیبیم ئولدی الله طبیبیم ئولدی ائلیندن آرالی غریبیم ئولدی الله غریبیم ئولدی الله غریبیم ئولدی دوزیدی اورکده غم سوزلرینه الله غم سوزلرینه الله غم سوزلرینه دولموشدی آنام تک قان گوزلرینه الله قان گوزلرینه الله قان گوزلرینه ------------------------------ هی عمه سسلردی غمچی دگنده الله غمچی دگنده الله غمچی دگنده یاندیم خیردا قدین غملر اگنده الله غملر اگنده الله غملر اگنده جان وئردی بلبلیم پوزقون چمنده الله پوزقون چمنده الله پوزقون چمنده سیخدی ، اوچ یاشیندا غم قلب زارین الله غم زارین الله غم قلب زارین غازدیم اوز الیملن خیردا مزارین الله خیردا مزارین الله خیردا مزارین @madahi_moharram