مناجات با ربّ العالمین در خصوص فرارسیدن ماه محرم و تعطیلی هیآت حسینی #سبک_احوالیمیز_یاماندی بدون واگیر … 10 سبک … ( قان یاغدی کربلایه … اود یاپیشدی سینه مه … از ما خطا یا الله و …) . مصیبی تبریزی . « یا غافر الخطایا آلما حسینی بیزدن یارب به حق زهرا آلما حسینی بیزدن» . بیز نادم و شرمنده و ذلیلوق یارب سنون درگاهیوه دخیلوق . . . ای آسمان عشقه شمسُ الضُّحیٰ یارالدان جنات و عرش و فرشی بس دلربا یارالدان هشت و چهاری دهره مشکل گشا یارالدان عشق عالمی بقیع و کرب وبلا یارالدان . سن بیل او خاک طوبا آلما حسینی بیزدن یارب به حق زهرا آلما حسینی بیزدن . . . ای یوللین کلامین طاهایه سوره سوره نوری تاپان تجلی سیناده دشت طوره ای گسترن کمالین انسان وجن وحوره خلق ایله دون حسینی سالدون جهانی شوره . وئردون حسینی امّا آلما حسینی بیزدن یارب به حق زهرا آلما حسینی بیزدن . . . مهدینی یوللا گلسین ای تاجدار خلقت خالی قالوب مساجد باغلاندی باب هیات گوزلر قالوب بقیع و کرب وبلایه حسرت بو درد و ابتلایه ائتسین ئوزی وساطت . هردم دئسون خدایا آلما حسینی بیزدن یارب به حق زهرا آلما حسینی بیزدن . . . آز قالدی عرش وفرشی دوتسون فغان وماتم آز قالدی تا ئورکلر اولسون نوایه همدم آز قالدی تا یتیشسون یولدان مه محرّم گر بیله گئتسه یارب اسمز او قاره پرچم . ایله بیزه مدارا آلما حسینی بیزدن یارب بحق زهرا آلما حسینی بیزدن . . . آماده دور خدایا شاخسی گئدن جوانلار حسرتدی سینه زنلر آغلوللا باغریقانلار شهپرلری سینوبدور عرشه قانات چالانلار ایلولـله هی شماتت زخم زبان وورانلار . سندن بو دور تقاضا آلما حسینی بیزدن یارب به حق زهرا آلما حسینی بیزدن . . . رحم ائت بو روسیاهه عشقیم منیم حسیندی بو غرق اولان گناهه عشقیم منیم حسیندی باخ دلده سوز و آهه عشقیم منیم حسیندی عبدم بو بارگاهه عشقیم منیم حسیندی . بیز نوکروخ او آقا آلما حسینی بیزدن یارب به حق زهرا آلما حسینی بیزدن . . . یارب تمام عالم بی مدعا سنوندی عالمده کی صفا و شور ونوا سنوندی کعبه سنوندی یارب کربوبلا سنوندی کربوبلاده هر قان آخدی خدا سنوندی . سن بیل او خون حَمرا آلما حسینی بیزدن یارب به حق زهرا آلما حسینی بیزدن . . . یا ربنا جهاندا درد و بلا بیزیمدی لطف وعطا سنوندی خبط و خطا بیزیمدی باب کرم سنوندی ذکر و دعا بیزیمدی هم کربلا سنوندی هم کربلا بیزیمدی . سن بیل او قانلی ماوا آلما حسینی بیزدن یارب به حق زهرا آلما حسینی بیزدن . . . یارب عنایت ایله باب حرم آچیلسون ماه محرّمینده قاره علم آچیلسون ششگوشه قبره یارب یول بیش وکم آچیلسون جوشسون دل «مُصَیّب» طوق قلم آچیلسون . یازسین به طبع شیوا آلما حسینی بیزدن یارب به حق زهرا آلما حسینی بیزدن 🥀🥀🥀🥀🥀🥀🥀🥀🥀

◾️◾️ورود ماه محرم . #سبک_احوالیمیز_یاماندی ... 10 سبک . مرحوم خوندل . گورسندی غم هلالی ماه محرّم اولدی ای شیعه گل فغانه ایّام ماتم اولدی . . شیعه گرک بو آیدا گلسون فغانه هر دم قیلسون انین و ناله اولسون غمیله همدم توکسون سرشک محنت دوتسون حسینه ماتم چون اول شهین جلالی بو آیدا برهم اولدی . . عالم اولوب سراسر بیت الحزن بو آیدا آفاقی دولدوروبدور درد و محن بو آیدا قانیاش توکر عذاره هر مرد و زن بو آیدا باشلاندی وقت محنت چون موقع غم اولدی . . اولدی مه مصیبت دولدوردی غم جهانی گل داده آغلا شیعه گلدی عزا زمانی بو آیدا درد و محنت آغلاتدی ماسِوانی گویا تمام گوزلر بو آیدا پرنم اولدی . . ◾️◾️🥀◾️◾️◾️🥀◾️◾️◾️🥀◾️