سن کیمی جاندان کئچن قربانه قربانم حسین در تعریف تربت سید الشهدا (ع) . #سبک_زینبم_جان_اوستیم … 4 سبک . مرحوم یحیوی اردبیلی . سن کیمی جاندان کئچن قربانه قربانم حسین گل بوغازوندن آخان القانه قربانم حسین . . یتمیش حجّیله مقابل هر طواف مرقدون یاتمیش اطرافونده یتیمش بیر نفر رعنا قدون هر گلن زوّاری یتمیش حجّه مهمان ایلدون عالمه پخش ائتدیگون احسانه قربانم حسین . . رهنما باغ جنانه نقره ای دروازه لر قانلو پرچم قصه ی کرب و بلانی تازه لر عالمه سالمیش قزل گلدسته لر آوازه لر سن کیمی صاحب حرم سلطانه قربانم حسین . . گرد پاک آستانون مشگ جنات العُلى کیمیادور پر بهادور توتیا خاک شفا پاسبان درگهون سبّوحیان کبریا هر گوزه گورستمیه ن دربانه قربانم حسین . . اوج ششگوشه ضریحه قبه ی زرین حجاب أخذ نور ایلر اونون برقیندن هر گون آفتاب گنبد و ایوان طلا ائتمیشله قان رنگی خضاب قانه بندر قرمزی ایوانه قربانم حسین . . روبرو قبله رواقونده قوجا سرداروه پیش رو پائین پاده دفن اولان انصاروه زیر پایونده یاتان فرزند گل رخساروه سینون اوسته اصغر عطشانه قربانم حسین . . سو کنارینده یاتان عبّاس صاحب همّته شاخه لردن آیریلوب سینمیش نهال قامته خانه ی دینون ستونی بازوی پر قوّته قان ایچینده پنجه ی الوانه قربانم حسین . . آتش ظلمیله یانمیش خیمه ی بر بادوه سیر ائدن شهر و بیاباندا اسیر اولادوه خلعتی اگنینده حجله گورمین دامادوه غارت اولمیش حجله ی ویرانه قربانم حسین . . حکم ائدوب عباسیان گزسون طلا اوسته محک کربلا زوّاری گوز وئرسین بیلک وئرسین گرک پیرمردان نوجوانان وئردی گوز وئردی بیلک شیعه وون قلبینده کی ایمانه قربانم حسین . . اولمادی تغییر فرمان قضا تاپدون مراد دعوت أئتدى ساحت قربه سنی رب العباد قاتل بی رحمی گوردون گلدی اولدون فوری شاد خنجر آلتیندا لب خندانه قربانم حسین . . سن که داماد شه ایرانسان ای شاه جهان پرچمون آلتدا پناهنده هامی ایرانیان چکموسن اوتدان بیزی سن ای حقیقی پاسبان ابر لطفوندن یاغان بارانه قربانم حسین . . ای خدا وئرّوک حسینون آند ثاراللهینه حافظ اول ایرانه آرتیر فرّ و عزّ و جاهینه لشگری و کشوری افراد ایران خواهینه بو دعانی سن یتور سبحانه قربانم حسین .🥀🥀🥀🥀🥀🥀🥀🥀

وارنه علت عرش وفرشی دولدوروب غوغا بوگون #عاشورا_گونی . . #سبک_زینبم_جان_اوستیم … 4 سبک . حاج اصغر فرشچی ( عدلی تبریزی) . وارنه علت عرش وفرشی دولدوروب غوغا بوگون یوم عاشورادی گویا محشر کبرا بوگون . . بوهمان گوندورحسین غلطان اولوب اوز قانینه سانه گلمز یاره لرآلدی دین اوسته جانینه جرعه سو ویرموبدی شمر کربوبلا قربانینه کسدی باشین آخدی قان هرقطره سی دریا بوگون سیرایله گورکیم ویروب باش کسماقا فتوا بوگون . . بو همان گوندورکه کوفه اهلی طغیان ایلدی دعوی قرآن ایدنلر ترک قرآن ایلدی بیر مه تابان سحاب آلتوندا پنهان ایلدی ظلمت اولدی تا باتوب مهرجهان آرا بوگون طور سیناده چکولدی دارینه عیسی بوگون . . بوهمان گوندورابوالفضل قوللاری اولدی قلم اوخ دگوب سومشگینه یوخدورتوان دوتسون علم خجلتیندن سینه سینده جمع اولوب بار الم کاسۀ چشمونده یر ویردی اوخا سقا بوگون ایلیوب گور نه مواسات ایچمیوبدی ماء بوگون . . بو همان گوندور ویروبدی پیر و برنا ال اله مست اولوب مروه صفاده ایلیوبلر هروله باش ویروب لر قان ویرروبلر چاتماقا سرمنزله ایلیوبـلر تک خدائیلن اولار سودا بوگون آگه اولسون هر مسلمان پیرو هم برنا بوگون . . بوهمان گوندورعطشدن سود امرایلوبدی غش بیر طرفدن خیمده واردور صدای العطش قتلگاه ایچره ایدور شمریله زینب کشمکش اللرین خنجرکسوب ایت مطلبی معنا بوگون حفظ ناموس و حجابه ایلیوب ایما بوگون . . بو همان گوندورکه شهرکوفه نین ارزللری قانه غلطان ایلیوبلر شبه طاها اکبری ظلم الیله اوخلیوبلر شیر خواره اصغری جانویروبدی آلتی آیلیق طفل مه سیما بوگون پرپر اولدی گلستاندا غنچۀ رعنا بوگون . . سجده گاه عشقیده زینب گوروب شاه حجاز قانیلن اولموش وضوسی یرده آچموش جانماز بو تراب اوغلی تراب اوسته ایدور راز و نیاز باش ویره معنی اولا تا روز عاشورا بوگون آغلیه وار دور یری دنیا و ما فیها بوگون . . قاره یل اسدی ایدنده آفتاب دین زوال اولدولار دنیا یوزونده ذیحیات افسرده حال سینه سین سنگین ایدوبدی زینبین درد وملال غارته ال آچدی دونان ایتمدی پروا بوگون ایتدولرامر یزیدی مو به مو اجرا بوگون . . مشگله دوشدی بوگونده دختر مشگل گشا سسلوری امداده گل شیرخدا یا مرتضا اود ویروب یاندوردولاراخیامی بوقوم دغا سس دوشوب ارض وسمایه آه و واویلا بوگون باش آچوب جنّتده آغلورحضرت زهرا بوگون . . نقش اولوبدی لوح دیلده «عدلیا» بو ماجرا یاز که هرگون یوم عاشوردی هریرکربلا اهلبیته نوحه خوان اول ایل بویی باشدان باشا شرح عاشوراده یاز اولسون یزید رسوا بوگون ایسته حقدن لطف ایده نطقون اولا گویا بوگون 🌴🌴🌴🌴🌴🌴🌴🌴🌴🌴🌴🌴

وارنه علت عرش وفرشی دولدوروب غوغا بوگون #عاشورا #عاشورا_گونی . #سبک_زینبم_جان_اوستیم … 4 سبک . حاج اصغر فرشچی ( عدلی تبریزی) . وارنه علت عرش وفرشی دولدوروب غوغا بوگون یوم عاشورادی گویا محشر کبرا بوگون . . بوهمان گوندورحسین غلطان اولوب اوز قانینه سانه گلمز یاره لرآلدی دین اوسته جانینه جرعه سو ویرموبدی شمر کربوبلا قربانینه کسدی باشین آخدی قان هرقطره سی دریا بوگون سیرایله گورکیم ویروب باش کسماقا فتوا بوگون . . بو همان گوندورکه کوفه اهلی طغیان ایلدی دعوی قرآن ایدنلر ترک قرآن ایلدی بیر مه تابان سحاب آلتوندا پنهان ایلدی ظلمت اولدی تا باتوب مهرجهان آرا بوگون طور سیناده چکولدی دارینه عیسی بوگون . . بوهمان گوندورابوالفضل قوللاری اولدی قلم اوخ دگوب سومشگینه یوخدورتوان دوتسون علم خجلتیندن سینه سینده جمع اولوب بار الم کاسۀ چشمونده یر ویردی اوخا سقا بوگون ایلیوب گور نه مواسات ایچمیوبدی ماء بوگون . . بو همان گوندور ویروبدی پیر و برنا ال اله مست اولوب مروه صفاده ایلیوبلر هروله باش ویروب لر قان ویرروبلر چاتماقا سرمنزله ایلیوبـلر تک خدائیلن اولار سودا بوگون آگه اولسون هر مسلمان پیرو هم برنا بوگون . . بوهمان گوندورعطشدن سود امرایلوبدی غش بیر طرفدن خیمده واردور صدای العطش قتلگاه ایچره ایدور شمریله زینب کشمکش اللرین خنجرکسوب ایت مطلبی معنا بوگون حفظ ناموس و حجابه ایلیوب ایما بوگون . . بو همان گوندورکه شهرکوفه نین ارزللری قانه غلطان ایلیوبلر شبه طاها اکبری ظلم الیله اوخلیوبلر شیر خواره اصغری جانویروبدی آلتی آیلیق طفل مه سیما بوگون پرپر اولدی گلستاندا غنچۀ رعنا بوگون . . سجده گاه عشقیده زینب گوروب شاه حجاز قانیلن اولموش وضوسی یرده آچموش جانماز بو تراب اوغلی تراب اوسته ایدور راز و نیاز باش ویره معنی اولا تا روز عاشورا بوگون آغلیه وار دور یری دنیا و ما فیها بوگون . . قاره یل اسدی ایدنده آفتاب دین زوال اولدولار دنیا یوزونده ذیحیات افسرده حال سینه سین سنگین ایدوبدی زینبین درد وملال غارته ال آچدی دونان ایتمدی پروا بوگون ایتدولرامر یزیدی مو به مو اجرا بوگون . . مشگله دوشدی بوگونده دختر مشگل گشا سسلوری امداده گل شیرخدا یا مرتضا اود ویروب یاندوردولاراخیامی بوقوم دغا سس دوشوب ارض وسمایه آه و واویلا بوگون باش آچوب جنّتده آغلورحضرت زهرا بوگون . . نقش اولوبدی لوح دیلده «عدلیا» بو ماجرا یاز که هرگون یوم عاشوردی هریرکربلا اهلبیته نوحه خوان اول ایل بویی باشدان باشا شرح عاشوراده یاز اولسون یزید رسوا بوگون ایسته حقدن لطف ایده نطقون اولا گویا بوگون . 🍁🍂🍁🍂🍁🍂🍁🍂🍁🍂🍁🍂

من حسینم نور چشم مرتضایم کوفیان 🍂🍂🍂🍁🍁🍁🍂🍂🍂🍂 اتمام حجت نمودن حضرت سید الشهدا (ع) . #سبک_زینبم_جان_اوستیم … 4 سبک . مرحوم غلامعلی باقری الهام (هوشی تبریزی) . من حسینم نور چشم مرتضایم کوفیان تشنه لب احکام قرآنه فدایم کوفیان . . مهر دینیله تاپوبدور پرورش جانیم منیم واردی جانانلا ازلدن عهد وپیمانیم منیم خوشدی دین اوسته آخابودشتیده قانیم منیم مست جام عالم قالو بلایم کوفیان . . عشق دین دولمش ازلدن سینمین کانوننه واقفم قرآن و دینین باشرف مضموننه قویمارام بدعت قویولسون جدیمین قانوننه مجری احکام شرع مصطفایم کوفیان . . دولدروبسوز عالمی سیز کفر بی پایانیله دورموشام من تک مقابل قوه ایمانیله ایلورم دعوت بحق من سیزلری قرآنیله متن قرآنم اوزوم نور هدایم کوفیان . . . من حسینم ایلیوب حق لطفونی احسان منه ال تاپا نماز بیعت اوسته زاده سفیان منه حقه پشتیبانم حقدورعمده پشتیبان منه هر زمان منظور حی کبریایم کوفیان . . من حسینم کوفیان ممتاز لر ممتازیم مظهر حقم حقیقت عاشق جانبازیم شاه عشقم لیک دینین جان بکف سربازیم دینه فخریمدور فدای با وفایم کوفیان . . تیره دلسوزای جماعت وای اولا احوالوزه تیره بختی هرزمان عازمدی استقبالوزه دانموسوز دینی اولون آماده اضمحلالوزه پیش گفتاریمده صادق مطلقایم کوفیان . . قویمویون فعلوزله قلب صاحب اسلامه درد کور کورانه سیـز اولمون اهل دینه هم نبرد اولماسا دینوزده دنیا ده اولون آزاد مرد راد مرد انسانلارا من پیشوایم کوفیان . . سالمیون کفروزله بوآفاقه ظلمت سایه سی دین آدیله اولمیون اسلامه خفت مایه سی آشکارادور جهاندا یوخدی ظلمین پایه سی بیرگورون بیربیله ظلمه من سزایم کوفیان . . حق سوزه گرچه جوابوزناوک دلدوز دور یوخ هراسیم ذره جه چون طالعیم فیروزدور وار عقیدم بوسوزه حق عاقبت پیروز دور من حسینم فاتح کرب و بلایم کوفیان . . عالم امکاندا من مصباح نور سرمدم سایۀ لطف خدا مهر سمای امجدم حضرت زهرا آنام دور نسل پاک احمدم حجت حق خامس آل عبایم کوفیان . . اول کسم من که زبانیندن غذاویرمش رسول بسلیوب دورسینه سی اوستونده زهرای بتول دشمنه باش اگمرم من ایتمرم ذلت قبول وقر دینم عزّت اهل ولایم کوفیان . . حق یولوندا من بوگون بیرجاهد فرزانیم آشنایم دینه دنیایه ولی بیگانیم شمع قرآنه یانان جاندان گچن پروانیم هر بلایه حق یولوندا آشنایم کوفیان . . کور ایدوبدور حب دنیادیدۀحق بینوزی چخموسوزدینوزدن آخردانموسوز آئینوزی ساتموسوز عالمده دنیای یزیده دینوزی لیک بو دنیایه من بی اعتنایم کوفیان . . واقفم عشقین ازلدن صورت ومعنا سینه سوق ایدوب بوعشق آخربوبلاصحرا سینه جسمیمی غرق ایلرم بوچولده قان دریاسینه چون او قان دریاده دُرِّ پر بهایم کوفیان . . وار بیلکده قدرتیم تا وارالیمده ذوالفقار ایلرم بوگون بوچولده شورمحشرآشکار ضرب تیغیله گتورّم روزگاروزدان دمار رزمده چون وارث شیر خدایم کوفیان . . روز اوّل عهد وپیمان ایتموشم جانا نیله تا وارام وار الفتیم اولده کی پیمانیله گلستان دینه سوویرم بوچولده قانیله من بوگون اوزعهدیم اوسته با وفایم کوفیان . . جان ویروب بودشتیده چون اشجع ناسیم سوسوز یاوریم پشت وپناهیم یعنی عباسیم سوسوز شیرخواره اصغریم هم اکبر و قاسیم سوسوز بار محنتدن اولان قدی دوتایم کوفیان . . تشنه لیقدان گرچه واردوردلده سونمزاخگریم ایچمرم آب فراتی واردی سرّ مضمریم خنجر شمره سوسوزدورلیک تشنه حنجریم ظلمیله تشنه ذبیحا من قفایم کوفیان . . قویموشام آ غلار خیمده اهلبیت بیکسی تک تکندن بیرباخون عرشه چخورشیون سسی صبریمی امّا آلور الدن رقیه ناله سی وار بو علت بیله پر شور ونوایم کوفیان . . (هوشیا) طبع روانون صاف وشورانگیز ایله عشق شاه دینله جام دلون لبریز ایله بوسوزون ذکرایله حشره الده دست آویز ایله من حسینم نور چشم مر تضایم کوفیان . 🍂🍂🍂🍁🍁🍁🍂🍂🍂🍂🍁🍁

آچگوزون سر لشگریم ای قلبیمه آرام اویان 🌴🌴🌴🌴🌿🌴🌴🌴🌴 زبانحال شاه حجاز در بالین حضرت ابوالفضل العباس (ع) . #سبک_زینبم_جان_اوستیم … 4 سبک . مرحوم حسینی سعدی زمان . آچگوزون سر لشگریم ای قلبیمه آرام اویان پرچمون یاتدی یخلدی پرچم اسلام اویان . . باش و جان وقف رواج مذهب و دین ایلدون پرچمون یاتدی ولی ترویج آئین ایلدون اهتراز پرچم اسلامی تضمین ایلدون قانوی دین اوسته توکدی قوم بدفرجام اویان . . نه قوای انتظامی وار نه لشگر نه وزیر تک سنی برهنگ لشگردن دوتاردیم من دلیر سندی سنسیز لشگریم ، اولدی جری قوم شریر ای شجاعت بیشه سینده قان توکن ضرغام اویان . . سنسیز اجرا ایلمز بر کیمسه منویّاتیمی کیم بُلر برنامۀ آمال و تبلیغاتیمی انقلابیّون پوزار بو چولده تشکیلاتیمی ایده آلین ایلر اجرا قوم بدفرجام اویان . . من اوزوم یالقیز کمکسیز بی معین و آشنا دشمنین امّا قواسی چوخ قوی وحشت فزا ای بو لشگر سیز شهه فرمانده کلّ قوا ظلم الیله قارداشون یالقوزلیوب ظلاّم اویان . . ای وجودی گوهر مهر و مواساته صدف آسمان حُسنه ماه آل هاشم متّصف ایلدی کیم قانیله ماه جمالون منخسف سن دوتولدون گوندوزوم اولدی گوزیمده شام اویان . . قول بوداغین قیردیلار بو سروه بنزر قامتین قویدولار بی سایه بو چولده پیمبر عترتین ایتدیلر گل قانویله نهر علقم تربتین گل نشین ایتدی امیدیم ناقه سین آلام اویان . . ای سوسوز ساقی اولان جامی جفائیله شکست هر وفالی عاشقه ویردون وفائیله شکست کاسۀ سر ، جام چشمون بر یارائیله شکست کاخ دین ترمیمین ایتدی بو شکست الزام اویان . . من گلنده العطش صوتیله دولموشدی خیام سو دیوب آغلاردی یکسر عترت خیرالانام دولدوروب گوز مشگین اشگیله سوسوز قیزلار تمام دلده سو یولاردا گوز الده قوری بیر جام اویان . . سن که گیتدون سوز غم اودلار پیمبر قزلارین گوز یاشی سیراب ایدر ساقیّ کوثر قیزلارین دل سیه دشمنلریم زهرای اطهر قیزلارین قولاّری باغلو ایدلّر کوفیه اعزام اویان . . شیریدون سن ای آتام شیر خدایه یادگار حیله ایله روبهان کوفیه اولدون شکار کسمه سیدی پنجه وی قوم خطا کار و شرار زخمدار آهو تک اولمازدون خدنگه رام اویان . . ای هامی الدن اوجا سر پنجۀ شیرانه سی صف شکن ، شیرخدا تک پنجۀ مردانه سی اودلانار سنسیز غزالان حرم کاشانه سی ای شجاعت کانی شیر شرزۀ آجام اویان . . روسفید اولسون ایکی دنیا آنان امّ البنین بسلیوبدور سن رشادتده جوان حامی دین نه گوروب مانندیوی چشم سموات و زمین نه دوغار مثلون دوباره مادر ایّام اویان . . قولّارون قانی یازوب صدق و صفادن بیر رقم گوزلرون قانی غم بی انتهادن بیر رقم آنّوون اوخ یاره سی شرح وفادن بیررقم قارداشون قان آغلادار عمرینجه بو ارقام اویان . . سنکه آتدان دوشدون ای بو بیکسه پشت و پناه عترتیم قالدی بو غملو دشتیده بی دادخواه باشیمی تشنه کسر دویماز جفادن بو سپاه ایلر آلِ مصطفانی سویماقا اقدام اویان . . یاتماقا خلق اولمیوب بو خلق «سعدیّ زمان» خواب غفلتدن اویانسان وار حیات جاودان آختارورسان گر بقا فانی اولاندا بو جهان یاتما جهد ایت سال اله بیر جاودانی نام اویان 🌴🌴🌴🌴🌿🌴🌴🌴🌴🌴🌿🌴

ایتمیشم بوردا بنا بیر مرقد شش گوشه من 🌴🥀🌴🥀🌴🥀🌴🥀🌴🥀 اربعین . #سبک_زینبم_جان_اوستیم … 4 سبک . مرحوم حسینی سعدی زمان . ایتمیشم بوردا بنا بیر مرقد شش گوشه من گَلمیشم ایمدی بابا جان تک آلام آغوشه من . . اولمادی ممکن دویونجا دفنیده شور و نوا شمر اَلینده کوفه ده قالموشدی آل مصطفی قبره قویدوم نعشیوی سرعتله گیتدیم ای بابا ایتمدیم بو قبریدن کامیمجه اخذ توشه من . . کوفیه وارد ایدنده عترتون اهل مجاز نیزه باشندا گوروردی باشون ای شاه حجاز عترتون بی شمرلر ایتدی نه نوعی پیشواز یاندی قلبیم خون تک دل تنگ گَلدیم اولدم جوشه من . . نیزه ده هر یان گیدوب باشون دالنجا گیتمیشم ناقه ده قول باغلی شام و کوفه نی سِیر ایتمیشم شکر لِلَّه دلده کی مقصوده ایمدی یتمیشم شاکرم روز ازلدن حکمت منقوشه من . . مرقدوندن جلوه گر نور جمال الله دور عترتون ارنی دیمز، لَن سرّینه آگاهیدور غشّ ایدن طور حقیقتده بو آل الله دور تالیم بو طور حقده موسی مدهوشه من . . اولمیوب بیر اربعیندور رحم ایدن احوالیمه قبریوه قربان اولوم دور قبریدن باخ حالیمه تازیانه، کعب نیزه، گوزده اشک آلیمه قانیله جلوه ویرردی گر گیدِیدیم هوشه من . . حالیمه باخسان گوررسن ساری گُل تک سولموشام اوزلیقیمدان چخمیشام فکر وصاله دولموشام قبریوه پوزقون گَلن زوّاره چاوش اولموشام سرپرستم گور نجه بیر دسته قاره پوشه من . . سهلیدور خولی کُل اوسته باشون ایتدی میهمان ابن مرجانه ایدن جور و جفادن اَلاَمان سو اولان گون راهبین ارشادینه دیره روان خرمن فیضوندن اخذ ایتدیم دویونجا خوشه من . . سن اوزون آگاهیسن هر ماجرای شامیدن ذکر ایدم ممکن دگل من ابتلای شامیدن بو قَدَر وار اَلاَمان جور و جفای شامیدن قانلی باشون گوردی گیتدیم بزم عیش و نوشه من . . بوینوما زنجیر ووردی اشقیای کین شعار بیرلره آد خارجی قویدی گروه نابکار بیر نمایش ویردیم آخِر حقّی قیلدیم آشکار پرچم ترویج دینی آلدیم اول دم دوشه من . . یاحسین آدیم #حسینی، اَلده که عنوان سنون ماتمونده آغلارام قیلّام نوا هر آن سنون لطف ایله یا سیّدی من قبریوه قربان سنون قبریوی بیرده گَلوم جان تک چکوم آغوشه من . . .🌴🥀🌴🥀🌴🥀🌴🥀🌴🥀🌴

سلام بر خاندان حسین . #سبک_زینبم_جان_اوستیم ... 4 سبک . مرحوم یحیوی اردبیلی . ای عزیز حضرت زهرا سلام اولسون سنه وی شهید یوم عاشورا سلام اولسون سنه . . ای حسین ای حوض کوثر لبلرون آلتدا نهان عالم حیراندور بو قدرتلن که وئردون تشنه جان شربتون زهرابه ی شمشیر غسلون اولدی قان هم سوسوز هم صاحب دریا سلام اولسون سنه . . اصغر ای نوباوه ی باغ علی المرتضی غنچه ی تازه شکفت گلشن آل عبا مرغ خون آلوده و مجروح دشت نینوا عندلیب شاخه ی طوبا سلام اولسون سنه . . ای علی اکبر رسول هاشمی نون مظهری وی شهادت کاروانی نون چراغ انوری قرمزی قانیله الوان تل به تل گیسولری آهوی خوش منظر لیلا سلام اولسون سنه . . ای ابوالفضل ای رئیس زمره ی اهل وفا عبد صالح منصبین الله سنه ائتمیش عطا نهری آلدون ایچمدون سو نفسووه عالم فدا سو کنارینده سوسوز سقا سلام اولسون سنه . . ای ابوالقاسم نشانی قاسم ابن مجتبی طوی اتاقوندن علامت حجله ی ماتم سرا مدفنون کنج حرمده گوشه ی پائین پا قطعه قطعه دفن اولان اعضا سلام اولسون سنه ... 🌴🌴🌴🌴🍂🌴🌴🌴🌴🌴🍂🌴🌴

وداع حضرت علی اکبر (ع) 🍂🍂🍂 . #سبک_زینبم_جان_اوستیم ... 4 سبک . مرحوم صافی تبریزی . رزمگاهه شاهد اول یا رب على اکبر گیدر خَلقاً و خُلقاً پیمبر صولتاً حیدر گیدر شبه پیغمبر گیدر . . اهل کوفه ای خدا ، نه عار و نه ننگ ایلدی زاده طاهائیله چکدی قلج جنگ ایلدی بو حسینه عرصه نی نه نوع گور تنگ ایلدی عازم میدان اولوب، اوغلى على اکبر گیدر . . بی سبب گزموبدی شانه ، خانه خانه زُلفینی ئوز الیله ایلیوبدور لیلى شانه زُلفینی طایر روحه ویروبدور آشیانه زُلفینی جان و دلدن ایلوب اوغلی اکبره زیور گیدر . . ئولدوروب دشمن ، خدا عبّاس تک قارداشیمی یاندیرور عباس دردی یکسر آل هاشمی لیک واضح دور اوغول مرگی اوجالدار 🌴🌴🌴🌴🌴🌴🌴

استمداد حضرت قاسم (ع) 🍂🍂🥀🍂🍂🥀🍂🍂🥀 . #سبک_زینبم_جان_اوستیم ... 4 سبک . کریم نصیری دولت آباد مرند . گل هرایه قاسمون اولسون سنه قربان عمو پیکریم آتلار ایاقینده اولور شان شان عمو . . ای گوزللردن گوزل عمروم چاتورپایانه گل واربقیعدن بیرقوناقیم اشکی دونموش قانه گل مجتبایه ویرماقا باش ساغلیقی میدانه گل گورباشیم اوسته آتام گلموش نجه گریان عمو . . دوشموشم گلزار عشقه بیرگل پرپرکیمی دوره می اشرارآلوبدور تند اسن یللرکیمی سون نفس گل آل منی آغوشوه اکبرکیمی باشیمه سال سایه ای سلطان مظلومان عمو . . پادگانونده اون اوچ سینّونده سربازم سنه اورگه دیبسن درس ایثار وشهادت سن منه جان ویروب باش اگمه دوم اما بوگون اهریمنه 🍂🍂🥀🍂🍂🥀🍂🍂🥀🍂🍂🥀

کوچ از کربلا زبانحال حضرت زینب (س) با برادر 🍂🌿 . #سبک_زینبم_جان_اوستیم ... 4 سبک . مرحوم تائب تبریزی . سن شهید اولدون شریعت پایدار اولسون حسین من اسیر اولدم حقیقت آشکار اولسون حسین . . سن منای عشقیده اولدون حسین قربان دین تا آخان قانین کیمی جاری اولا فرمان دین ایلرم منده بیان هر شهرده عنوان دین دین و قرآنه جهاندا اشتهار اولسون حسین . . سن یخلدون سو یانندا تشنه لب خونین جگر تا اولا دنیاده سیمای شریعت جلوه گر منده تبلیغات دینه باغلادیم محکم کمر حق مرامون گوندن آیدین آشکار اولسون حسین . . قانویله سن منه یازدون سفر برنامه سی منده گیدیم افتخاریله اسارت جامه سی کوفه و شاماته سالّام بیر جزا هنگامه سی ..🌿🍂🌿🍂🌿🍂🌿🍂🌿🍂

حضرت امام سجاد علیه السلام . مرحوم حاج حیدر خوندل . کثرت غمدن اولوب ماتمسرا عالم بوگون سید سجاده زهرا ساخلیوب ماتم بو گون . کوفه و شامی دولاندی بو وطن آواره سی اولمادی بیر دردینون امّا اولونجه چاره سی کربلا زنجیرینون بوینوندا قالدی یاره سی حقّی وار آغلار او حاله دیدۀ عالم بو گون سیل اشگین صفحه رخساره دائم باغلادی سینه سین آه شرر باریله یاندی داغلادی جان ویرنجه اوز آتاسین یاده سالدی آغلادی هر گوزه باخسان عزاسینده اولار پُر غم بو گون . عمرینی آغلار گوزیله ایلدی آخر تمام میل ایدوب نه بیر سرین سو نه دویونجه بیرطعام هاردا سو گورسیدی سویلردی سوسوز اُلدی بابام قلبیمی داغلار منیم بو محنت اعظم بو گون هر اسیرین باغلی ال هر چند قلبین داغلادی باخدی هر کیم قید و بند ظلمه یاندی آغلادی ناقه ده امّا بونون دشمن ایاقین باغلادی بو مصیبت آرترور اهل ولایه غم بو گون . اهل کوفه چکدی زنجیره تن تبداریله ایتدیلر بیماره حرمت زحمت و آزاریله کوفه ده زندانه گتدی عترت اطهاریله اشگیله سالام او زخمین سوزینه مرهم بو گون آشنالر یاندی بزم عامده بیگانه دن قتلینه اقدام اولاندا زادۀ مرجانه دن اولدی بیر سوزش نچه جاندان گچن پروانه دن زینبون حالی ایدر احوالیمی برهم بو گون اهل شامین قالموشام حیرتده ظلم فاشینه باخمیوبلر اول شهین گوزدن آخان گوز یاشینه توکدولر گه اودلی نی لر گاه تپراق باشینه بوجنایت فکری قالمور بیرکسه مبهم بو گون رسمدور زنجیر دائم الفت ایلر شریله سلم محض اولموشدی باشینده اولان تقدیریله بزم شُربه ایتدیلر حاضر غل زنجیریله پایۀ احکام او حالتدن اولوب محکم بو گون دلده یوخ یارا اونون شرح ایلیم هر محنتین چوخ چکوب شامین یولوندا اهل بیتین زحمتین خاصّه گُل یوزلی رقیه آلدی دلدن طاقتین حالینی فکر ایلورم حالیم اولور برهم بو گون . ویردی جان ویرانه یرده اولمادی دفن ایلین گوشه غربت قوری یر نه گلن وار نه گیدن اولدی نه غساله نه قبرین قازان نه بیر کفن ایلیوب امّا بنای عشقی مستحکم بو گون . بولمورم نه طرزیله تنظیمدی برنامه سی لوح تقدیره نه یازمیشدی مشیّت خامه سی اللر باغلی باشیندا اود دوتوب عمامه سی حقّی وار یانسا او حاله عالم و آدم بو گون عشقده از بس واریدی قدرت خلّاقه سی ریشه سالمیشدی نهادینده محبّت ساقه سی قبرینون اوستونده جان ویردی وفالی ناقه سی ناقۀ فکریم ایدر بو غم اَلندن رَم بو گون . تک نه مندن پنجۀ آلام آلار صبر و قرار بوردا سسلر وای حسین وای اهل دل بی اختیار ذوالجناح اوستن دوشنده قتلگاهه زخمدار عرض ایدوب یارب وفای عهدیدن شادم بو گون . ایستدی چوخ روشن ایتسون اهل عشقه مطلبی خیمگاهه گلدی دلده اَلظُّلیمه مرکبی زلف تک آشفته حال ایتدی وفالی زینبی سرّی وار زینب آدیله غم اولوب مدغم بو گون . چون او مرکب راکبیندن تاپدی شرمنده اوزین قیزلارین حالین گوروب اشگیله دولدوردی گوزین کاکلیندن اوپدی بیر قیز بیر بالا اوپدی یوزین خلدده یانماز نجه پیغمبر اکرم بو گون . . ذوالجناحین تا سسین آلدی حریم اشگبار بولماقا حالین سکینه خیمدن اولدی کنار گوردی بی صاحبدی یال و کاکلیندن قان آخار صاحب عصرین اوقان ایلر سرشگین یَم بو گون . سسلدی گل عمه بو آت گورنجه حسرت باخور قلب دنیانی شرار آهی بیر اود تک باخور حالی چوخ پوزقوندی ... #ترکی #خوندل_تبریزی # #سبک_زینبم_جان_اوستیم #کثرت_غمدن_اولوب_ماتمسرا_عالم_بوگون @madahi_moharram

#خروج از مدینه زبانحال حضرت اباعبدالله الحسین علیه السلام 🥀🥀▪️🥀🥀▪️ مرحوم حاج قدرت اله نادری ای مدینه سیّد بطحانی تاپشوردوم سنه من خداحافظ، آنام زهرانی تاپشوردوم سنه ای پیمبر شهری جدّیم مصطفادن یادگار آیریلور سندن حسین ای سرزمین با وقار جان سنون جان مجتبانون قویما اولسون دلفکار سقط اولان محسن کیمی ریحانی تاپشوردوم سنه گورمیَن دنیا یوزون قربانی تاپشوردوم سنه وئرمدون سن یر منه سینمده کی داغلار قالور فاطمه املاکی سنده غصب اولان باغلار قالور بیر صغیره قیز بالام ناخوش گوزی آغلار قالور منکه تبعید اولموشام، صغرانی تاپشوردوم سنه اکبرون ایستکلوسی صغرانی تاپشوردوم سنه قوی هامی بیلسون حسین اولدی وطن آواره سی باغلانوبدور محمل اوسته اصغرون گهواره سی سندن آیریلمازدی لاکن یوخ حسینون چاره سی بوش قالان بو مسکن و مأوانی تاپشوردوم سنه من اُحُدده حمزه تک سلطانی تاپشوردوم سنه اون بیر ایل زحمت چکوبدور سنده جدّیم مصطفی ییرمی بش ایل حقّی غصب اولدی علیّ المرتضی قالدی بو توپراقدا زهریلن ئولن بیر مجتبی اوخلانان نعشی اولان شان شانی تاپشوردوم سنه جعفر طیّار عموم تک جانی تاپشوردوم سنه آیریلوق هنگامی گلدی اولموشام چوخ دلغمین بیر قیزیم صغرا قالور بیرده آنام امّ البنین چون امانتدور حسیندن ای وفالی سرزمین حسرتیلن زوجۀ مولانی تاپشوردوم سنه دودمان اُول شهِ مردانی تاپشوردوم سنه اوچدی بلبللر بو گلشندن خداحافظ وطن یوخدی چارم اینجیمه مندن خداحافظ وطن آیریلور جبراً حسین سندن خداحافظ وطن فاطمه بو درد بی درمانی تاپشوردوم سنه حشره تک بو گوزلری گریانی تاپشوردوم سنه وار یری یثرب دیه من ساخلارام بیماریوی سنده ساخلا اکبر و عباس تک سرداریوی آیری سالما سن ئوزوندن زنیب غمخواریوی منده سالم عترت اطهاری تاپشوردوم سنه مسلم و قاسم کیمی انسانی تاپشوردوم سنه وقتدور صغری دئسون دؤرانیدور گوز یاشیمون باغلی قالدی حشره تک گور دودمانی هاشمون جان سنون جان ای باب جان بو علی قارداشیمون من رقیه بلبل خوشخوانی تاپشوردوم سنه نازلو اصغر تک گوزی شهلانی تاپشوردوم سنه اولموشوق منله رقیّه اکبرون پروانه سی او وطن آواره سی من ئولکه مین بیگانه سی بیت الاحزاندور منیم کی ، شام اونون ویرانه سی امّ کلثومی آنام لیلانی تاپشوردوم سنه جان سنون جان زینب کبرانی تاپشوردوم سنه وار یری زهرا دئسون گئت نسگلون قربان بالا دربدر ائتدی وطندن گر سنی عدوان بالا گئت عراقه تا سنی شمر ایلسون مهمان بالا بجدلیله حرمله پیکانی تاپشوردوم سنه شمر الینده خنجر برّانی تاپشوردوم سنه «#نادری» یاز الغرض یولّاندی شاه بی دفاع سس گلوردی قبر پیغمبردن ائتسون استماع : «ای حسین ای نور عینیم گئت سن اوغلوم الوداع روح دینی قوّت ایمانی تاپشوردوم سنه آیه به آیه اوغول قرآنی تاپشوردوم سنه #سبک_زینبم_جان_اوستیم ... #خروج_مدینه #ای_مدینه_سید_بطحانی_تاپشوردوم_ @madahi_moharram