یارالی باشیم جِداده سنه رهنمادی زینب 🍂▪️✨🍂▪️✨🍂▪️✨ #کوفه 🔰#سبک_سو_یوخومدی … مشابه  . #مرحوم حاج مختار نخستین اردبیلی . یارالی باشیم جِداده سنه رهنمادی زینب باخوب آغلاما، دیللر غمه مبتلادی زینب . . گیدورم خرابه شامی دولانام جلالتیم وار بو دولانماقیمدا دین حقه چوخ حمایتیم وار نقدر بلاسی اولسا باشیمون رضایتیم وار بیله لر که بو کسوک باش نجه حق نمادی زینب . . او گونیکه ایلدوم من باجی ئولمگه اراده کسیله باشیم قفادن دولانا گرک جداده گزه کوفه نی سراسر گیده مجلس زیاده بیله کوفه اهلی اوندا بو نه ماجرادی زینب . . باشیما جدا باشیندا باخوب افتخار ایدللر باجی رسمیدور گلنده شهه گل نثار ایدللر عمل ایلیوب او رسمه منی سنگسار ایدللر یارا اوسته یاره دگسه یاراما دوادی زینب . . باجی قاتلیم بیلور من شه بی بدیل عشقم حقه نیزه اوسته طاعت ایلین دلیل عشقم اوخورام جداده قرآن بیله لر خلیل عشقم او یریکه ذبح ایدوبلر باشیمی منادی زینب . . کسه بیر باشی قفادن قویا قاتلی تنوره او تنور دوره سینده گله نور حق ظهوره دییه فاطمه حسین وای اوزونی ویرا او نوره گوره باشیمی کول اوسته دییه غم فزادی زینب . . باجی بی سبب دگل که پوزولوب منیم جلالیم دولانور بو شهر شامی قولی باغلى اهل عیالیم سنه اوز ایوینده طعنه ویراجاق یزید ظالیم دییه جکله طعنه ویرما داخی بینوادی زینب . . یانورام جدا باشیندا ستمیله یانماقوندان چکورم باجی خجالت باش آچوق دولانماقوندان یوزه زلفوی توکوبسن بیلورم اوتانماقوندان نه بیلولّه کان عصمت شرف و حیادی زینب . . منی قتلگهده گوردون یوزی اوسته قان آپاردی بدنیمده یوخدی طاقت او قدر یاراسی واردی باشیمی کسنده قاتل قره زفلرون آغاردی قانیمی خضاب ایدوبسن باشووا حنادی زینب . . بو یارالی باش کول اوسته حقی انتشار ایدوبدی گھی دیره گه تنوره گیدوب افتخار ایدوبدی اودیکه بهشتی الله منه واگذار ایدوبدی اونی سن تصوّر ایتمه منه خونبهادی زینب . . دگل ایندی بسکه جدّیم گتورن صفاده قرآن گرک اهل شامه تبلیغ اولونا جداده قرآن اوخورام جدا باشیندا ویره استفاده قرآن بیرینی هدایت ایتسم منه اکتفادی زینب . . ایله که جداده قرآن اوخیاندا شاه بطحا اسرایه روح تازه ویریلوبدی اوندا گویا یوزونی حسینه دوتدی دیله گلدی دخت زهرا اوخی نیزه اوسته قرآن دیلوه فدادی زینب . . باجی قیزلارا دی رأس شهدایه باخماسونلار سارالان ستاره دوتقون گرک آیه باخماسونلار نه سو آدی دوتماسونلار نه جدایه باخماسونلار او تانور جداده عباس ایله باوفادی زینب . . گوروسن که آچمور عباس گوزونی خجالتیندن بیرینه نشان ویرنمور ئوزونی خجالتیندن دانشوب دینمور اصلا سوزونی خجالتیندن چون او حافظ حریم شه کربلادی زینب . . باجی مندن اوتری قویما ایلسون فغان رقیّم ویره جک خرابه یرده قولی باغلی جان رقیّم ایده جک خرابه یرده ئوزونه مکان رقیّم سارالوب جمالی گویا ساری کهربادی زینب . . قولونی طناب پاره ایلیوب دواسی یوخدور نه باشیندا تازه معجر نه تزه لباسی یوخدور گجه صبحه جن قالار آج یمگه غذاسی یوخدور اوز اوره ک قانی او طفلون اوزونه غذادی زینب

#سبک تبریز : سن آغلوسان من دوزنمورم… سبک اردبیل : خداحافظ ای آنام باجی… . کربلایی ابوالفضل عباسی معروفان اهری (معروف) . من عازمم قانلی مقتله زینبیم خداحافظ چتین سلامت حسین گله زینبیم خداحافظ باخما صاق صولا زینب سال منی یولا زینب . گرک بو گون ترک ایدم سنی باغریقان باجیم زینب حلال ائله سال یولا منی قهرمان باجیم زینب اماندا ساخلا رقیه می مهربان باجیم زینب محبت ائت بو شیرین دیله زینبیم خداحافظ . ئورک گزور وصل دلبری قلبده قراریم یوخ باشیمدا غیر از شهادت و وصلت نگاریم یوخ سروش غیبی ندا ائدور الده اختیاریم یوخ مسافرم آیری منزله زینبیم خداحافظ . بو کربلا غملیدور ولی خوشلورام هواسین من وئریب رسید آلمیشام ازل کربلا بلاسین من آتام کیمین کوفه لیلرین گؤرمدیم وفاسین من منیم یازیم یازدیلار بئله زینبیم خداحافظ . دایان باجی ایندی آغلاما سیل گؤزون یاشین زینب سلامتدی ئولمیوب هله غملی قارداشین زینب گورن زمان نیزه لرده سن قارداشین باشین زینب گؤزون یاشی بنذیر سئله زینبیم خداحافظ . ئولوب علمدار لشگریم سن منه علمدار اول یانان زمان خیمه لر باجی قیزلاریما غمخوار اول اماندی سجاد مضطره لطف ائله پرستار اول امامیدن دوتما فاصله زینبیم خداحافظ . بو کوینک اگنیمده زینبیم یادگار زهرادی که ظاهرا کهنه دور ولی جامه دل آرادی منه لباس ظفر سنه محنتی غم افزادی بو رازی عالم گرک بیله زینبیم خداخافظ . اله دوشر دشمنیم سویار کهنه پیرهن قالماز گئدر اودا غارته باجی اگنینه گیین قالماز شهید اولاندا جنازه می دفن اولا کفن قالماز چتین بو غم دلدن اسگیله زینبیم خداحافظ . باجی بودور آخرین سؤزوم روی صحبتیم سنسن علی قیزی قهرمان اولار یار نهضتیم سنسن حرملرین پاسبانی سن روح عزتیم سنس چتین سلامت حسین گله زینبیم خداحافظ . #سبک_سو_یوخومدی … . مرحوم انور اردبیلی . سن حسین کفن گیوبسن حرمون نوایه گلسون خبر ائت آنام بتوله اؤزی کربلایه گلسون . . توخییوب او کؤینگیکه اؤزی بوقچادان گتورسون الینه آلوب امانت کفنی سنه یئتورسون اؤزی تشنه‌لب منایه سنی خیمه‌دن اؤتورسون صورا وئرمگه تسلی من بینوایه گلسون . . سنه بزم غم مهیّا گرک ایلیم بو ساعت من ائدم دعا سوسوزلار ائده آمینیله خدمت ایله بزم غمده خوشدور ایلسون آنامدا شرکت باش آچوب الینده معجر سنیچون دعایه گلسون . . کومکه وار احتیاجیم بو منیم بلا گونومدی سنون آیریلیق گونوندور نیلیوم قرا گونومدور بولورم قیامتیمدور غمه مبتلا گونومدور دئه گوروم کیمی قالوبدور باجوون هرایه گلسون . . بو وداع آخرین دور بولورم حسین سوزوندن دوشوب عترت و حریمون بالا قیزلارون گؤزوندن اؤلوب اکبرون اودورکی بیله دویموسان اؤزوندن ئوره‌گونده نه غمون‌وار من مبتلایه گلسون . ستمیله‌ ای بو چولده پوزولان جلالی قارداش گؤزی یاشلی قاره گونلی قالان اهل عیالی قارداش نئله‌سون قیزون رقیه او حرم غزالی قارداش سنه اورگشوب دالونجا نقدر نوایه گلسون . . ویر اجازه غملو زینب گله باری قتلگاهه الی باشدا قزلاریلا ایده التجا سپاهه سنی قیتروب سلامت گتوره بو خیمه گاهه یری وار قزون کنیزون حرمون منایه گلسون . . دوشرم دالونجه قارداش دئمه ردوی ایتورم بو سوسوز بالالاریلا گؤیه نالمی یئتورم گله بولمه سه علیلون کومک ایلیوب گتورم اودا تا دالونجا تکیه ایلیوب عصایه گلسون . . دئمورم بو آیریلیقدا من دل‌کبابی دیندیر گوزی یاشلی قاره معجر حرمون ربابی دیندیر بالاسی اؤلوبدی چوخدی بولوسن صوابی دیندیر کیم اونی سالوب بلایه اؤزی مین بلایه گلسون . . سنون عشقویله غنچه گلینی وئروب بوداقدان بالا غصه‌سی آنانی نجه گور سالوب ایاقدان گله بیلمیور قباقه دایانوب باخور اوزاقدان اوتانور منیم یانیمدا اودا التجایه گلسون