مدح امام حسین علیه السلام گریز به غارت خیام ⬛️ پادشه کرب و بلا یاحسین ای شرف اهل سما یاحسین نور دل خیر نسا یاحسین دردیمیزه ایله دوا یاحسین حاجتیمیز ایله روا یاحسین ⬛️ ای گل رضوان سنه قربان حسین ناطق قران سنه قربان حسین عالمه سلطان سنه قربان حسین معدن ایمان سنه قربان حسین عالم امکان سنه قربان حسین ⬛️ هامی سنون عشقووه دیوانه دی اهل جهان شمعووه پروانه دی سنسیز آقا قلب ائوی ویرانه دی سنسن آقا دهریده سلطانیمیز آدووه قربان اولا بو جانیمیز ⬛️ آدووی گویلرده ملک سویلیور عشقیله بو چرخ فلک سویلیور درده دوشن وقته ئورک سویلیور پاک آدوون حرمتی وار یاحسین عالم آرا قیمتی وار یاحسین ⬛️ کیم سنه عاشقدی اولار شوکتی هر ایکی دنیاده اولار قیمتی مثل ابالفضل اوجالار عزتی فانی جهاندا ئورگی شاد اولار ئولسه اگر قبر ائوی آباد اولار ⬛️ سنسیز آقا ملک سلیمان ندی سنسیز آقا جنت رضوان ندی یرده اولان باغ و گلستان ندی سنسن آقا عزت دورانیمیز هر ایکی عالم سر و سامانیمیز ⬛️ فخر ائدروک کرب و بلایه حسین یوز قویاروخ قانلی منایه حسین هامی چاتار اوردا دوایه حسین کیم سنه زوار اولاجاخ یاحسین دردینه درمان آلاجاخ یاحسین ⬛️ اجنبی لایلایینه بیز یاتماروق ذره ریا عشقیمیزه قاتماروق عشقووی بیز سیم و زره ساتماروق عشق مجازی آقاجان بوشلاروق هیئتوون پرچمینی خوشلاروق ⬛️ (طیبی) گل آغلا حسین یاسینه قولاری تندن دوشن عباسینه زینبون اول موقع حساسینه کیم اونا یار اولدی او طوفانیده قالدی کمکسیز دل بحرانیده ⬛️ وحشت او صحرایه نجه سالدیلار سیم و زری کوفه لیلر آلدیلار ظلم و عناد اوسته اودم قالدیلار خیمه لره ظلمیله اود ویردیلار بند حیانی نجه گور قیردیلار ⬛️ شیرزن کرب و بلا آغلادی باشینه بیر قاره لچک باغلادی گوردی آدامسیزدی ئورک داغلادی قولارین آچدی تز آدامسیزلارا قویمادی قمچی دیه اول قیزلارا ⬛️ سویلدی قیزلاره چوله قاچمیون آغلامیون قلبیمه اوخ ساچمیون دشمنه جرات یولونی آچمیون سوز دایانون دور و بریمده منیم سینمیا تا بال و پریمده منیم ⬛️ دگسه اگر قمچی سوزه نیلرم دردیمی بوچولده کیمه سویلرم آللاهیلا راز و نیاز ایلرم سوزده توکل ائلیون آللاها ایندی توسل ائلیون آللاها ⬛️ بنده‌للره ، آلله هواداریدی قلبیلرین محرم اسراریدی دهریده انسانلار غمخواریدی دشمنیمیز آللاها بیگانه دی باقی حسیندور اولار افسانه دی ⬛️ دشمن خونخوار ائوین الله یخار خون حسینین عوضین تز چیخار قلبیلرین آه رقیه سیخار قارداشیمی قانه بویاندیردیلار خیمه و خرگاهینی یاندیردیلار ⬛️ #کربلایی_حسن_طیبان

◼️➖◼️➖◼️➖◼️➖◼️➖◼️➖◼️➖◼️                       ﷽ #نوحه #امام_حسین(ع) #ترکی #سبک_دوم ◼️ ماه عزا باشلانور شور و نوا باشلانور هامی گلور هیئته بزم صفا باشلانور #حسین حسین جان حسین(۲) #جان سنه قربان حسین (۲) ◼️ سینه میزی داغلاروق باشه قرا باغلاروق فاطمه نین اوغلونی یاده سالوب آغلاروق #حسین حسین جان حسین(۲) #جان سنه قربان حسین (۲) ◼️ لطف و عطا ایستین درده دوا ایستین دخیل اولار پرچمه کرب و بلا ایستین #حسین حسین جان حسین(۲) #جان سنه قربان حسین (۲) ◼️ دیلده فغان آغلیور پیر و جوان آغلیور کرب و بلا شاهینه کون و مکان آغلیور #حسین حسین جان حسین(۲) #جان سنه قربان حسین (۲) ◼️ عاشق مستانیووک عشقینه دیوانیووک نوریدی سونمز حسین بیز اونا پروانیووک #حسین حسین جان حسین(۲) #جان سنه قربان حسین (۲) ◼️ هامی دیور جان آقا آدووه قربان آقا (طیبیه) قیل نظر دردلره درمان آقا #حسین حسین جان حسین(۲) #جان سنه قربان حسین (۲) ◼️ ✍#کربلایی_حسن_طیبان 🎤#مداح_اهلبیت(ع) 🎧#استاد_حاج_پیرزاده 👌#پیشنهاد_دانلود #التماس دعای فرج 👇👇👇👇👇

یاحسین(ع) سن شهید کربلاسن یاحسین شیعیانه مقتداسن یاحسین سن کیمی مولا تاپیلماز دهریده دردمندانه دواسن یاحسین شانووه عالم فدا اولسون آقا منبع جود و سخاسن یاحسین عالمی نورون چراغان ایلیوب گوزلره نور و ضیاسن یاحسین مرتضادن ارث آپاردون غیرتی منشا عشق و وفاسن یاحسین یاتدیقون یر قبله گهدی عالَمه پادشاه نینواسن یاحسین آللها خاطر شهید اولدون آقا سن همان خون خداسن یاحسین بیز عزاداروک سنه تا حشره‌جک بانی بزم عزاسن یاحسین ئولدی عباس علمدارون آقا یاسلیسان غرق نواسن یاحسین امّته خاطیر فدا اولدون شها درگهی دارالشفاسن یاحسین ظالیمه باش ایمدون صدمرحبا شافع روز جزاسن یاحسین تشنه‌دی دریا او عطشان لبلره چون ئوزون رمز بقاسن یاحسین #کربلایی_حسن_طیبان