دورای جگرلری زهریله دوغرانان قارداش 🍂🔸🍂#خروج از مدینه وداع کاروان امام حسین علیه السلام از بقیع #مرحوم دخیل . حضرت قبرستان بقیعده نزول اجلال بویوروب تشریف گتوروب جناب امام حسن علیه السلامون روضه سینه عرض ایلدى: . دورای جگرلری زهریله دوغرانان قارداش جنازه سی تابوت ایچره اوخلانان قارداش . مگر یوخوندی خبر ای امام کون مکان گیدر عراقه حسین اهل کوفیه مهمان . ایا اخی اشرار کوفه نون ظلمندن تنگه گلمشم مدینه دن گیدورم ناچار قالمشام آنام فاطمه نون قبریندن آیریلورام جدّیم احمد مختارون زیارتندن و سنون قبروندن الیم اوزولور . میدهد جام به اندازه به هرکس ساقی تو دلت سوخت ز آب و دلم از بی آبی . حضرت امام حسن علیه السلامیله رازونیاز ایلوردی آغلوردی بیرطرفدن جناب زینب اوزینی سالدی خاتون قیامت قبرینه گویا عرض ایلدی: . دور بیر ایاقه قبردن ای باوفا آنا زینب اولوب هزار غمه مبتلا آنا . دور زینبون بو دردینه بیر چاره ایتگلن اوغلون حسین ایدر سفرکربلا آنا . گوگلوم قوشینا قبرون ایوی آشیانیدی یوز حسرتیله ایندی ایده لّر جدا آنا . جناب زینب آناسی فاطمۀ زهرایه عرض حال ایلوردی آغلوردی و رازونیاز ایلوردی اووقتده جناب سیدالشهدا امام حسن مجتبانون قبرین زیارت ایدوب تشریف گتوردی جناب فاطمۀ زهرا علیه السّلامون قبر مبارکینه گوردی جناب زینب اوزون سالوب آناسی فاطمه نون قبرینه عرض ایلر آناجان دورایاقه . گیدر بوگونده عراقه آنا حسین اوغلون دویوبدی جانینه گویا آنا حسین اوغلون . مگر یوخوندی خبر ای عزیزۂ دوجهان گیدر حسینون عراقه که تا اولا قربان . که بیلمورم بوسفرده نجه علامت وار باخاندا زلف علی اکبره نیه آغلار . حضرت گیدوب قولارین سالدى جناب زینبون بوینونا بویوردی باجی صبر ایله هنوز مصیبت گونلرون دالیدادور . هنوز درد و بلادن گورونمیوب اثری هنوز نخل مصیبت گتورمیوب ثمری . هنوز گورمه میسن ای ستم کش دوران جدالر اوسته اولوب زلف اکبرون افشان . هنوز شمری منیم سینم اوسته گورمه میسن هنوز قولّاروی دست بسته گورمه میسن . هنوز گورمه میسن ای ستمکش دلگیر ویروبدی قولّاروا شمر بیحیا زنجیر . عرض ایلدى قارداش نه چاره ایدیم وطنمدن اوزاق دوشورم نه چاره ایدیم، ال ایلدی بیردسته کلید حضرته ویردی. . نجه روادی که گلزار عشقمیز پوزولا آتام علی قاپوسی ایللریله باغلی قالا . گرک عراقه گیدوب عزمیمی شهادت ایدوم که جدّیم امتنه حشرده شفاعت ایدوم . گرک باشیم کسیله نوک نیزیه وورولا که تا بساط محرّم زمانه ده قورولا . قوری یر اوسته باجی چکمسم اگر زحمت ننوعی دوستلریم قبرده یاتار راحت . گرک باشیم اوخیا نیزه ده کلام الله که اهل مصحف و توراتی ایلیم آگاه . تمام لباسمى تا شمر ایتمیه تالان قالولّا حشرده بیچاره شیعه لر عریان . جناب زینب (س) امام حسینه عرض ایلدی: . که هرنه امر ایده سن جانیله قبول ایدرم فرنگ اسیری کیمی شامه باغرى قان گیدرم

گشت از حریم کعبه برون شهریار عشق 🍂🍂🌱🍂🍂🌱 #خروج از مکه #سیفی اردبیلی . گشت از حریم کعبه برون شهریار عشق تا شُهرۀ جهان شود از اعتبار عشق . همچون ستاره دخترکانی جمیله روی گشتند همنشین امیر قطار عشق . راندند أُشتران و رسیدند بر هدف زد خیمه شاه دین به میان دیار عشق . شد عرصه گاه کرب و بلا سنگر جهاد زد طعنه بر فلک در دولتمدار عشق . عبّاس آن جوان رشید و قمر جمال افروخت پرچم سپه باوقار عشق . گفتا حسین که دشت بلا پایگاه ماست اینجا ذبیح عشق شود شیر خوار عشق . من خاک این دیار به جنّت نمیدهم اینجاست جلوه گاه خداوندگار عشق

فراقون على قارداش منی خونجگر ایلر 🍁🍂🌿🍁🍂🌿🍁 #خروج از مدینه زبانحال حضرت فاطمه صغراسلام الله علیها خطاب به برادرش #سبک_علی_جان_بالا_لبیک . . #مرحوم دلریش . فراقون على قارداش منی خونجگر ایلر دوشر یاده وصالون منه چوخ اثر ایلر . داخی شبه پیمبر منه کیم اولو یاور گیدر قوم و قبیله نِئدیم بس منِ مضطر . . اولور بلبله مشکل اگر آیریلا گلدن سالور محنت هجران بلی بلبلی دلدن گُلیم گئتدون الیمدن اوزولدى الیم الدن نجه بیر گُله سنسیز بو صغرا نظر ایلر . . سنیله على روشن اولوردی شب داجیم منیم نور سراجیم ندور ایمدی علاجیم آنام یوخدی قویون سیز یانمدا قالا باجیم مریضه اولا مونس او رفع کدر ایلر . . دییرسن منه صبر ایت گیدوب تیز گنه گللم گلونجه سنه قربان من خونجگر ئوللم جنازه قالی یرده عزام خوار اولی بیللم قویار کیم منی قبره سنه کیم خبر ایلر . . اولور ای مه بطحا سوزوندن بیله معلوم وصالوندان ائدرسن بو غم دیده نی محروم چکوم ال نجه سندن من بیکس و مغموم بیله فرقته طاقت مگر بیر نفر ایلر . . گَرَک هر شب و هر روز سایام انجم و ماهی گوزی یاشلی برادر کسم هر سر راهی دیم چوخ گوزی یولدا منی قویما الهی وصال ایستین عاشق دعا هر سحر ایلر . . گوگل لحظه ای آرام دگل کثرت غمدن بو نوعیله بوکولموش قدیم بار المدن آیرسوز بو فگاری اگر اهل حرمدن ئولونجه بیله نسگل منی دیدہ تر ایلر . . گوگل مرغینی دامه سالوب دانۀ خالون منی محو تجلّی ایدوب نور جمالون علی یوخدی گمانیم گورم بیرده وصالون بو هجرانوه چاره گلوب کیم مگر ایلر . . حرام اولدی وطنده بو نالانه فراغت چتین یوز ویره بیرده ئولونجه بو سعادت پرستاریم اولور کیم کیمیم ایلر عیادت ئولم تربتیم اوسته علی کیم گذر ایلر . . ویرور دلریش الهی قسم آل عبایه نصیب ائت بو جماعت گیده کرب و بلایه قوراخ مجلس ماتم گلاخ شور و نوایه بو حسرت گجه گوندوز بیزی خونجگر ایلر

ایلیوب حسین ترک خانمان کوی یاره بیر کاروان گیدر 🌾🥀▪️✨🌾🥀▪️✨ #خروج کاروان امام حضرت حسین علیه السلام از مدینه #مرحوم صافی تبریزی . ایلیوب حسین ترک خانمان کوی یاره بیر کاروان گیدر راه عشقده الده نقد جان ویرماقا هامی امتحان گیدر کربلایه بیر کاروان گیدر . . عاالم ازلدن بلا دیوب طالب بلادور بو قافله غرق بحر درد و بلا اولور تا قدم قویا جمله ساحله بو خیالیله باش باشا چاتوب شوقیله ویروبدیله ال اله قیز عیالی عورت اوشاق بویوک شیخ وشاب و پیر و جوان گیدر . . هر او کس که بو کوی عشقده شوق وصلیله باشدا شوری وار وار بو گتماقا بیر علاقه سی دلده بی نهایت سروری وار نه علاقۀ ملک و مالی وار نه خیال باغ و قصوری وار ایلیوب سرو جانیله هامی ترک خانه و خانمان گیدر . . جلوۀ جمال و جلال حق بیخود ایلیوب نوجوانلاری مجلس وصاله یول آختارور شاهراه دین کامرانلاری ظاهراً دوشوب شه قباقینه عشق راهینون جانفشانلاری باطناً رکاب امامده دسته دسته کرّوبیان گیدر . . بی بدیل محبوبه دل ویرن عدّه سی معیّن حبیب لر بو مسافرتده بولوبدولر وار نه حظّ لر نه نصیب لر باشلاریندا کی شور عشقیله بال و پر آچان عندلیب لر بیر گُلون خیالیله ایلیوب ترک گلشن و گلستان گیدر . . طبل عشقی سلطان ملک دین بو یول اوسته خوش دمبدم وورار اولماسا ثبات قدم دیمه کیمسه بو فضاده قدم وورار شه سالاندا رحل اقامتین پیشروده عباس علم وورار گتسه هر یانا بول قباقیجا ایله محترم جانفشان گیدر . . کربلاده آماده ایلیوب بزم وصله بیر تحفه هر آنا لیلی اکبرین دسته گل کیمی قاسمین سریّه یانا یانا وار یری او کیفیتی سالوب شیعه یاده هر ساعت اودلانا بیر ربابدور الده اصغری غنچه گل کیمی ارمغان گیدر . . اکبرین آناسی اوز اوغلونا پند مشفقانه ویرور مدام حق یولوندا قربان یازیلماقی توصیه ایدیر هر صباح و شام هم آنادا وار بو خیال خوش هم اوغولدا وار بو گوزل مرام تشنه لب حضور امامده وئرماقا او شهزاده جان گیدر . . قاسمه سریّه باخور گھی قلبدن گولور عرض ایدور خدا درگهونده مقبول اولا نولور منده اوغلومی ایلیم فدا سربلند اولام روز حشریده هم اولا خانم فاطمه رضا تاپماقا بو راه سعادتی اکبره اولوب هم عنان گیدر . . بو سفرده غمدیده زینبون سرّی واردی باطنده شوقی وار عاشق جمال حسین دور گردنینده چون عشق طوقی وار قارداشون یولوندا اسیر اولار شامه گتماقا بسکه ذوقی وار شامه دین قولى باغلی استوار گوزده اشک دلده فغان گیدر . . چون مه محرّمدی «صافیده» بیر خیالیله بیر مرامیله سعی وافر و جدّ و جهدیله بلکه اهتمام تمامیله بزم ماتم شاه بیکسه الده تحفه شیرین کلامیله آغلیان گوزیله فغانیله هر گجه گونوز نوحه خوان گیدر

ترک ائتدی کعبه نی شرف ماسوا حسین 🍁🍀✨🥀🍁🍀✨🥀 #خروج امام از مکه خبر شهادت حضرت مسلم علیه السلام و گریز به شهادت علی اکبرعلیه السلام #سیفی اردبیلی . ترک ائتدی کعبه نی شرف ماسوا حسین شوقیلن اولدی عازم دشت بلا حسین . سِلم حقیله ماملکیندن اوزوبدی ال یار ایستین بلایه دیویدور بلی حسین . ایتدی قبول مجلس شور الستیده سرمایه سین کتابته ویرسون فدا حسین . جان نقدی الده باشلادی پیمانینون یولین راهی اولوب دیار غمه بی ریا حسین . هودج نشین ائدویدى بنات مکرّمین قیلدی حریم عصمتی بیر بیر دعا حسین . فرمایش ایتدی بیزلره یثریدی گر وطن اوردان آلاردی عطر تن مصطفی حسین . جبر زمانه باعث اولوب دودمانیدن مرغ قطا مثالی اولوبدور جدا حسین . بو کاروان عشق که منزللری گزور بیهوده کوچ ویرمور اونا رهنما حسین . آگاه اولون که آخریمز کربلالیدی اوردا وصال یاره چاتار مقتدا حسین . تاب ایلیون مشقّت راهه دارخمیون آشفته اولماسون اوره گوز ساغدی تا حسین . طی ایتدی کاروان غرض ئوز پر بلا یولین نی تک ایدردی خلوت شبده نوا حسین . تا منزل زروده یتوردی قطارینی درک ایتدی بیر مسافری میر هدا حسین . فرمایش ایتدی کوفه لی سن سویلدی بلی بیت خدایه عازمم السّاعه یاحسین . قیلدی سئوال وار نه خبر شهر کوفه ده عرض ایلدی مرارت بی منتها حسین . گلمور یوزوم اولان سوزی واضح بیان ایدم آزرده ایلیم سنی ای پیشوا حسین . باشون ساغ اولسون ایلدیلر مسلمی شهید نعشین وروب قناریه اهل جفا حسین . مظلوم امام داغلی جگردن چکوب بیر آه شدّتله آغلادی بو غمه جابجا حسین . فرمان ویروب دیدی گتورون مسلمون قیزین قیلسون اونی حدیث غمه آشنا حسین . تز گتدیلر قوجاقینه آلدى ئوپوب گوزین نازین چکوب دعا ایلدی هاکذا حسین . ایتدى خدیجه سید الاحراریدن سئوال ای مقتدا مدبّر ارض و سما حسین . علّت ندور که لطفوه چوخ شاملم دائی غم رمزی وار بو لطفیده یا اینکه لا حسین . اولما ایویم یخلدی بابام گئتدی گلمدی اشرار کوفه قیلدی منی بینوا حسین . باهم قوجاقلاشوبدی آی اولدوز ملشدیلر ایتدی او غملی منزلی بزم عزا حسین . فرمایش ایلدی بو قدر آغلاما قیزیم بیلمز سنی رقیّه قیزیندان سَوا حسین . عمروم نه قدری وار چکرم نازوی بالا اولماز محالیدور سوزینه بی وفا حسین . . . چرخ فلک دولاندی نه چوخ اضطرابیلن عشقون قطاری مقصده چاتدی شتابیلن . . . عترت چادرلارى قورولوب پر بلا یره باخادیقجا غبطه ایلدی چشم سما یره . محرملرین کجاوه دن اندیردی تا حسین عطر جنان یایلدی او محنت فزا یره . نوبت چاتاندا محمل صدّیقه زینبه گوز یاشی جاری ایتدی ولیّ خدا یره . عبّاسی سسلیوب دیدی گل ای وفا سیر سن زینبی کجاوه دن اندیر اخا یره . من فاطمه نشانی باجیمدان خجالتم من باعثم او گلدی بو غصّه نما یره . سرعتله طی اولوبدی زمان چاتدی صبح عشق سجّاده سالدى پیر و جوان جانفدا یره . اکبر اذان ویرنده نمازه دایاندیلار آرتردی جلوه نغمۀ یا ربّنا یره . وقت شهادت اولدی گیندی هامی کفن آز قالدی خون عشق یاراتسون صفا یره . اوّل ئوز اوغلی اکبره قیلدی حسین خطاب قان جلوه سین اوغول ویر ئوزون ابتدا یره . قوى اکبر عشقه اکبریم اولسون فدا منیم ویرسون سنون رگونده که قان اعتلا یره . لیلا گلی امامینه لبّیک سویلدی روحی پر آچدی گوگلره بی اعتنا یره . الله اکبر عشقینه جانین ایدوب نثار جوشدی سؤزولدی یاره لریندن دما یره . جاندان دوشنده مرشدینه ویردی بیر سلام دعوت ایدوب او حضرتی پر ابتلا یره . گلدی حسین جوان بالانون باشی اوستونه گوردی دوشوبدی قانینه غلطان بالا یره . جان جان دیدی سوروندی داغلمش گله ساری یورقون بالا یانندا اوزاندی آتا یره . قربان اولوم دیدی بولنن آلنوا اوغول سنسیز توکولمیور نیه بس نُه سما یره . گورسه سنی بو حالدا اگر قدسیان على ایوای دیر یارالی دوشوب مصطفی یره . باخدوقجا باشوه سالورام یاده بیر گونی محرابیده یخلمشیدی مرتضی یره . افسوس او قاره گوزلروی قان هوروب بالا سنسون او ال که یخدی سنی بو فنا یره . سینونده سنمش آینه نون نقشی وار على یا درّ نابیدور داغیدوب اشقیا یره . شیرازه سیز کتابه جنازون چوخ اوخشیور اوراق ایدوب سپوبلر اونی گوئیا یره . حمل ایتمگه بو دوغرانان اعضانی خیمیه یوخ آیری یول گرکدی سرم بیر عبا یره . صحن چمنده گل ئوؤقین باغبان یغار اولماز رضا ایاقلانا گل ناروا یره . من بلبل اولموشام گوزلیم بیر عبا گله درد دلیم یایوبدی نوای عزا یره

دوتدی جبریل عنان مرکبینی 🍁✨🍀🥀🍁✨🍀🥀 #خروج از مدینه سوار شدن امام حسین علیه السلام به ذوالجناح و دیدن حالت مأیوسی او در رکابدار شدن حضرت جبرئیل #مرحوم دخیل . دوتدی جبریل عنان مرکبینی دیدی ای سیّد جنان گیتمه . دامنیندن یاپوشدی میکائیل کی شه کونیله مکان گیتمه . صور ماتم چالاردی اسرافیل کی قیامتده مهربان گیتمه . جامۀ صبری ایتدی چاک خلیل عالمی اود دوتوب امان گیتمه . ید بیضا ووروب باشا موسی چوخدی چوللرده قبطیان گیتمه . چخادوب باش کجاوه دن زینب دیدی ای شاه انس وجان گیتمه . قتلوه ایلیوبلر آماده کیمی خنجر کیمی سنان گیتمه . شمر قویسا بوغازیوه خنجر آتلانور سو یرینه قان گیتمه . راضی اولما بیزی اسیر ایده لر کوفیانیه شامیان گیتمه . قورخورام خنجر و سنانیله دوغرانا اکبر جوان گیتمه . دیدی اصغر زبان حالیله گیده سن ایلرم افغان گیتمه . مندن اوتری یقین ایدوب حاضر حرمله تیریله کمان گیتمه . بیلورم کیم اولور قوجاقنده بوغازیم اوخلارا نشان گیتمه . راضی اولما ویرم الون اوسته قانلی قنداق ایچنده جان گیتمه . فاطمه سسلنوردی ضعفیله گیتمه ای میر کاروان گیتمه . باغلانور درگه رسول خدا داغلور ایندی خانمان گیتمه . ///خطاب به ساربان از زبان فاطمه بیمار:/// . ای سکینه کجاوہ سین آپاران نه مروّتدی بیر زمان گیتمه . اوز یریمده غریب قالدوم من نه انیس و نه همزبان گیتمه . چوخدی گوگلنده عمّه مون زخمی محملین چکمه ساربان گیتمه . آز قالوب عمّه جان دوشم دلدن داخی یتمز منه فغان گیتمه . علی اکبر فراقی من زاری ئولد ورور بیلورم امان گیتمه . ئولدورر اکبری قویار حسرت من زاری اونا سنان گیتمه

چمنده بلبلون آیا نچون قراری گیدر 🌿🌿▪️🌿🌿▪️ #خروج کاروان امام حسین علیه السلام از مدینه #مرحوم آصف . چمنده بلبلون آیا نچون قراری گیدر جفای خاری گوروب صبر و اختیاری گیدر . بهار اولاندا گلور گلستانه هر بلبل بو عندلیب نچون سولمیوب بهاری گیدر . پیام یار ایشیدن عاشقه بو چوخ بنزر آلوب قرارین اونون جذبۀ نگاری گیدر . حجاز ایچره نه آشوب دور مگر که اونون حسین فاطمه تک شاه شهریاری گیدر . حرم کبوتری کرب و بلا چولونده مگر ستمله اولماقا دام بلا شکاری گیدر . دیللّه کیم ایلیوبدور حسین عراقه سفر نجه سفردی کنارینده شیرخواری گیدر . سفر بو نوعیله اولماز یقین سراغ ایلیوب دیار ماریه ده شمر نابکاری گیدر . مگر دوشوب باشینا بو هوا که قانیله بلا چولون ایده اسلام لاله زاری گیدر . حجازی ترک ایلیوب کربلاده قان تاجی قویا اوجا باشینا عشق تاجداری گیدر . اسیر شمر اولا یوخسا او ماهرو بالالار منوّر ایلماقا شهر شام تاری گیدر . جهازسیز دوه اوستونده قوللاری باغلى مگر دمشقه طرف زینبون قطاری گیدر . مگر که گوشۀ ویرانه ده قوری یرده رقیّه ویرماقا جان شام شومه ساری گیدر . نظاره قیل نجه آردینجا گور بو قافله نین سرشک آصف اولوب سیل کوهساری گیدر