بیچن حلقینی پیکان یارالی بالام ای وای زبانحال حضرت رباب (س) به علی اصغر(ع) . #سبک_علی_جان_بالا_لبیک مشابه  . مرحوم تائب تبریزی . بیچن حلقینی پیکان یارالی بالام ای وای ایچن سو یرینه قان یارالی بالام ای وای یارالی بالام ای وای بلالی بالام ای وای . . بیچوب تشنه بوغازون سولی ناوک پیکان ائدوب قرمیزی قانون سوسوز لبلرون الوان آنان اولسون او قانه باتان لبلره قربان ائدن باغریمی آلقان ، ملالی بالام ای وای . . یانوردون سوسوزوندان سن ای غنچۀ نازیم ئولوردون شه الینده اولان وقتیده عازم سوسوز حلقیوه ویرماق سولی تیر نه لازم بو ظلم اولمیوب عالم اولالی بالام ای وای . . باخاندا سنه قلبیم یانار نسکلیم آرتار اُپوبدور بوغازوندان ایله تیر جفا کار آنان اُپماقا قالموب بوغازوندا بیر آثار یارالی بالام ای وای ، بلالی بالام ای وای . . علی اوچ گیجه گوندوز صودوم اولمادی یاندون سوسوزدان ایله یاندون داخی جانه دایاندون ال اوسته گیدوب آخر سوسوز قانه بویاندون ئولن دلده سو فکر و خیالی بالام ای وای . . او غنچیدون علی جان منیم گول بوداقیمدا یاتاردون بوداقیمدا دوداقون دوداقیمدا قالوبدور بالا ایندی یرون بوش قوجاقیمدا دوشن ئوز آناسیندان آرالی بالام ای وای . . دیردیم علی اصغر آز آغلا منی داغلا ولی طالبَم ایندی دور آغلا بالام آغلا آنان گوز یاشینی گور ، یوزه گوز یاشی باغلا ائدن آغلار آناسین عزالی بالام ای وای . . سنون تک علی بیر گول گلستان ده سولماز قیزل قانیله صاحب گلین دامنی دولماز منیم تک تهِ دلدن یانان بلبلی اولماز قالان بلبلی شور و نوالی بالام ای وای . . بالاسی ئولن آهو نئجه کیم مَلَر آغلار یوزه گوز یاشی گوزدن سیزیلدار اَلَر آغلار آنان ایله سیزیلدار نوایه گَلَر آغلار اولان چینِ شریعت غَزالی بالام ای وای . . سنون تک بوغازوندان علی اوخلانان اولماز یانار حالیوه چوخلار منیم تک یانان اولماز هامی گوز سنه آغلار وی ئوز آنان اولماز ئولونجه اولاجاقدور مقالی بالام ای وای . . گیدنده گُل نازیم پریشانیدی حالون سارالموشدی سوسوزدان گوزل عارض آلون گلنده تاپوپ امّا صفا رنگ جمالون اولان قانیله گلگون جمالی بالام ای وای . . اویان گور نئجه تیرِ بلایه سِپَرم من باشون اوسته گوزومدن یوزه سو سَپَرَم من حیا اولماسا مانع یوزوندن اوپرم من بی بوندن اوتانور بو حیالی بالام ای وای . . علی باشدان ایاقه قیزیل قانه باتوبسان سالوب قرمیزی اَنّوک هامی کامه چاتوبسان یتوب عین مرامه آنان گوزدن آتوبسان آتان گوزدن آناسین بلالی بالام ای وای . . دیردیم اولی بیر گون علی سن دیل آچارسان او غنچه دوداقیله گولرسن گُل آچارسان دوتوب بلکه ایاق بیر قباقیمده قاچارسان ایاق دوتماقا حسرت یارالی بالام ای وای . . سراغ ائتدون علی جان ئوزون بزم وصالی گئیوب قیرمیزی گیتدون همین بزمه یارالی آنان قالدی ئولونجه گونی باشی قرالی آناسی گونی باشی قرالی بالام ای وای . . صودوم اولمادی آجلیق توان قویمادی سنده دئدیم صودامریم یات گمان یوخ صوده منده بو قلبیم یاناجاقدور اوشاقلار صود اَمنده سالان سینمه آتش او حالی بالام ای وای . . عجب نوحه ده ((تائب)) گوزل شرح و بیان وار الون ساخلا اگر چه سوزونده جریان وار دئ شاه بیتی دوباره که بو جمله ده جان وار بیچن حلقینی پیکان ، یارالی بالام ای وای . 🥀🍁🥀🍁🥀🍁🥀🍁🥀🍁🥀🍁

#خبر ویر هامی گلسون حرملر باجی زینب 🌾🔸▪️🌾🔸▪️🌾🔸▪️ #شهادت حضرت علی اکبر علیه السلام . 🔰#سبک_علی_جان_بالا_لبیک مشابه . مرحوم احمد پورعطا (خادم تبریزی) . خبر ویر هامی گلسون حرملر باجی زینب گلور خیمیه شبه پیمبر باجی زینب . . اولان خَلقاً و خُلقاً او پیغمبره وارث شجاعتده علیدور شه کوثره وارث عباده گلور اما بابام حیدره وارث ایله دوغرانوب اعضا سراسر باجی زینب . . قویاندا من عبایه بالام اوندا بولوردی دگوب یاره لر از بس وجودی اوزولوردی عمر سعد باخوردی او احواله گلوردی عباده گتیموردوم مخیّر باجی زینب . . دیمم جان ویروب عطشان یقین جدّی ویروب سو ایله دوغریوب امّا بونی لشگر بد خو چخوب یاره سی ساندان علیدور باجی گور بو ؟ باتوب صورتی قانه چو حیدر باجی زینب . . بو بیر خونچا گولومدور هامی گوللره فایق یقین گورمگه اهل حرم چوخ اولی شایق عباده او سبب دن گلور قاسمه لایق بونی یاره لییوب خار مکرّر باجی زینب . . حرملر هامی قاره باجی باشینه سالسین پیمبرده کی عطری بالامدان گلوب آلسین آناسین دئنه گلسون رقیّه م هله قالسین ئولر غفلتی گورسه او مضطر باجی زینب . . بولوردی بونی آرتیق سوؤَر عترت یاسین اودور قتلگهینده ایدوب کشف وفاسین بالام بیر دیدی عمّه باجی بیرده آناسین اونی اوغلی ئولنلر بوله لّر باجی زینب . . بونون عمری آز اولدی باجی یاره سی چوخدی جوانلاردا نظیری یقین دهرده یوخدی او قامت قالا هیهات بدن نیزه دی اوخدی نه احواله سالوب گور بو لشگر باجی زینب . . بو گون قویدی اوغولسوز منی لشگر اعدا منیم حالمی بولمز مگر خالق یکتا وجودینده کی اوخلار دگوب قلبیمه گویا منیم قانیمی لشگر توکوبلر باجی زینب . . همین منزله مطلق گیدوب چاتمالیام من بونون قانینه قانیم بو گون قاتمالیام من اؤزوم قبریده بونلان باجی یاتمالیام من ایدوب حضرت داور مقدّر باجی زینب . . قویار عالمی حیران باجی همّت لیلا اؤزوم تک بولن اولماز ندور حالت لیلا واریدی ازلیندن بونا الُفت لیلا بولر لیلینی مجنون گورنلر باجی زینب . . جواندور طوی اطاقی باجی قتلگه اولدی حناسی وار الینده عطشدن دیمه سولدی آخوب قان یاراسیندان عبامون ایچی دولدی اولار حشر سارالماز بو گوللر باجی زینب . . بونون عشقینه عالم گرفتار اُولی دلدن قالار یولّاری باغلی گلنمز ایلی ایلدن آلور عاشقی عطرین صبادن هامی گلدن عزاسینده اوخولّار نه دلّر باجی زینب . . دییولّر گنه (خادم) گیدیر مشهده هیئت اوچومجی سفر اولدی بو هیئتده سعادت نولور اکبره خاطر شهنشاه شهادت دییدی اودا گلسین بو ایللر باجی زینب

فراقون على قارداش منی خونجگر ایلر 🍁🍂🌿🍁🍂🌿🍁 #خروج از مدینه زبانحال حضرت فاطمه صغراسلام الله علیها خطاب به برادرش #سبک_علی_جان_بالا_لبیک . . #مرحوم دلریش . فراقون على قارداش منی خونجگر ایلر دوشر یاده وصالون منه چوخ اثر ایلر . داخی شبه پیمبر منه کیم اولو یاور گیدر قوم و قبیله نِئدیم بس منِ مضطر . . اولور بلبله مشکل اگر آیریلا گلدن سالور محنت هجران بلی بلبلی دلدن گُلیم گئتدون الیمدن اوزولدى الیم الدن نجه بیر گُله سنسیز بو صغرا نظر ایلر . . سنیله على روشن اولوردی شب داجیم منیم نور سراجیم ندور ایمدی علاجیم آنام یوخدی قویون سیز یانمدا قالا باجیم مریضه اولا مونس او رفع کدر ایلر . . دییرسن منه صبر ایت گیدوب تیز گنه گللم گلونجه سنه قربان من خونجگر ئوللم جنازه قالی یرده عزام خوار اولی بیللم قویار کیم منی قبره سنه کیم خبر ایلر . . اولور ای مه بطحا سوزوندن بیله معلوم وصالوندان ائدرسن بو غم دیده نی محروم چکوم ال نجه سندن من بیکس و مغموم بیله فرقته طاقت مگر بیر نفر ایلر . . گَرَک هر شب و هر روز سایام انجم و ماهی گوزی یاشلی برادر کسم هر سر راهی دیم چوخ گوزی یولدا منی قویما الهی وصال ایستین عاشق دعا هر سحر ایلر . . گوگل لحظه ای آرام دگل کثرت غمدن بو نوعیله بوکولموش قدیم بار المدن آیرسوز بو فگاری اگر اهل حرمدن ئولونجه بیله نسگل منی دیدہ تر ایلر . . گوگل مرغینی دامه سالوب دانۀ خالون منی محو تجلّی ایدوب نور جمالون علی یوخدی گمانیم گورم بیرده وصالون بو هجرانوه چاره گلوب کیم مگر ایلر . . حرام اولدی وطنده بو نالانه فراغت چتین یوز ویره بیرده ئولونجه بو سعادت پرستاریم اولور کیم کیمیم ایلر عیادت ئولم تربتیم اوسته علی کیم گذر ایلر . . ویرور دلریش الهی قسم آل عبایه نصیب ائت بو جماعت گیده کرب و بلایه قوراخ مجلس ماتم گلاخ شور و نوایه بو حسرت گجه گوندوز بیزی خونجگر ایلر

اولوب قانینه غلطان حبیب ابن مظاهر ▪️🥀✨▪️🥀✨▪️🥀✨ #شهادت حضرت حبیب ابن مظاهر علیه السلام #سبک_علی_جان_بالا_لبیک مشابه . رضوی زنجانی . اولوب قانینه غلطان حبیب ابن مظاهر یاراسیندان آخور قان حبیب ابن مظاهر . . دیدی ای شه والا حسین جان یارالاندیم یتیش دادیمه مولا قیزیل قانه بویاندیم لبِ تشنه وی گوردوم خیَمده چوخ اوتاندیم ائدیر جان سنه قربان حبیب ابن مظاهر . . فدای او لبن خوار علی اصغریوم من جهانه بودی فخریم غلام دریوم من قبول ائتسن حسین جان قوجا نوکریوم من قدومین اؤپَر هر آن حبیب ابن مظاهر . . سنون منتظریندی بو روحیم ائده پرواز قالوبدی گوزی یولدا حسین جان قوجا سرباز ائدم بیرده زیارت جهانه ائدرم ناز یوزون گورسه وئرر جان حبیب ابن مظاهر . . دگیب اوخ بدنیمدن آخور سو کیمی قانیم سنون بیر باخیشیوا فدا بو تن و جانیم گل ای روح روانیم گل ای تاب و توانیم گئدور جدّیوه مهمان حبیب ابن مظاهر . . بو یولدا آقا، یاره منه شهد و عسلدی الینده سو پیمبر باشیم اوستونه گلدی اگر سنده گلن تئز باشیم اوسته گوزلدی تاپار رتبۀ شایان حبیب ابن مظاهر . . حسین گلدی باش اوسته باشین آلدی دیز اوسته وجودینده گوروبدی وار اوخ دسته به دسته دئدی گوزلریوی آچ همان عاشق مسته فدای رهِ جانان حبیب ابن مظاهر . . حسین گوردی حبیبون باتوب قانه جمالی تاپوب رتبه ده امّا حبیب حدّ کمالی ویروب سینه ی عشقه او دم عشق مدالی اولوبدی شهه دربان حبیب ابن مظاهر . . آچوب گوزلرین اُول دم یوزون گوردی حسینون سلام ایلدی اوّل گوروب نور دو عینون او دم اشگینی جاری امام ثقلینون گوروب اولدی پریشان حبیب ابن مظاهر . . دیدی ای شه دوران او گوزیاشیوه قربان گوزی یاشلی گورنمز سنی بو قوجا دربان گرک من سنه الآن ائدم ناله و افغان سنی ترک ائدیر الآن حبیب ابن مظاهر

ندن سو کیمی اشگون رواندور علی اصغر 🍁🍁🌿🍁🍁🌿 #زبانحال حضرت رباب سلام الله علیهد در عطش حضرت علی اصغر علیه السلام در روز عاشورا . #سبک_علی_جان_بالا_لبیک . علومی تبریزی . ندن سو کیمی اشگون رواندور علی اصغر گل آغوشیمه صبر ایت اماندور علی اصغر . . گلستان پیغمبر بو گون یتدی خزانه گلومدن چمنیمدن قالور غنچه نشانه ایا غنچۀ نو خیز گتورمه منی جانه سولوبسان سارالوبسان آماندور علی اصغر . . سوسوزلوق اودی سالموش هامو جانه شراره سوسوزسان بلورم چوخ یوخ الده بالا چاره داخی لبلرون ائتمه اوغول بیر بیله پاره منه درد نهانین عیاندور علی اصغر . . بیله ایلمه ناله گتورمه منی درده گوزون یاشینی توکمه اوغول صورت زرده عیاندور دوزوم اولماز سنون تک سود امرده نئدیم یوخدور علاجیم دایاندور علی اصغر . . بلورسن بالا یوخدور بو گون چاره آناندا نه سو وار نه سودی وار بو آواره آناندا چون اوچگوندی سوسوزدی بو بیچاره آناندا هامو بو یانار اودّدا یاناندور علی اصغر . . آز آغلا منی یاندور بلالی بالا لایلای ربابون داخی چوخدی ملالی بالا لایلای دؤنن گوزیاشی قانه وفالی بالا لایلای آنان حالی سنون تک یاماندور علی اصغر

بوصحراده ای عمّه عجب آب و هوادور #اربعین ▪️▪️🏴🍂▪️▪️🏴🍂 . #سبک_علی_جان_بالا_لبیک مشابه . مرحوم پورعطا ( خادم تبریزی ) . بوصحراده ای عمّه عجب آب و هوادور گلور عطری صبادن یقین کرب و بلا دور . . بو صحراده یقیناً بیزی سویدولار عدوان منی ناقه مون اوسته یوخی درک ایدوب الآن همین دشتده گوردوم بابام قاننه غلطان دیور دور علی اکبر اوغول وقت صفادور . . دور اخطار ایله ایمدی علمداریمه بیرده گلور عمّه لرون گور نجه حالی فسرده چخور گویلره شیون اوغول بیرده بو یرده چخون سیزده قباقه گلن آل عبادور . . مگر درک ایلمیرسوز اوغول ناله وزاری یتیشدی اسرانون بودور غملی قطاری اؤزون ناقه دن اندیر آنان لیلینی باری ئولن اوغلی لب عطشان جگر داغلی آناندور . . ربابون سسین آنلور اوغول قارداشون اصغر الین یاره سی اوسته قویور با دل مضطر دیور دور علی قارداش منیم یاره می گوستر آنام گوز یاشی توکسه یارام اوسته دوادور . . عمواوغلانلاروین دور الین آل اله ایمدی اولون حافظ و حائل هامی محمله ایمدی یتوب کرب و بلایه سریّه بیله ایمدی گوره قاسمون الده قزل قانی حنادور . . . #اربعین #خادم_تبریزی #بو_صحراده_ای_عمه_عجب_آب_و_هوادور #ترکی