تلگرام طلایی بدون فیلتر شکن 🌺👌👌👌👌

@davodTahmoresi #در_شهادت_امیرالمومنین_علی_ع یوموبدی گوزلرینی شاه لافتا بوگیجه فنا جهانیدن آیریلدی مرتضی بو گیجه صدای ناله گلورعرش حی داوردن باتوبدی ماتمه بو غمده ماسوا بو گیجه نه چون کسوفه دوشوب شمس عالم امکان نجومدن اولورری انقطاع ضیا بو گیجه غبار غم بوریوب عالمی مصیبتدن تحوله یتشوب عرش کبریا بو گیجه آچوبدی کثرت غمدن گل نبی باشینی اولوبدی مرثیه خوان ختم الانبیا بوگیجه گلوبدی جنة الاعلاده آه و وایه خانم او گوز که آغلاماسا ایلیوب خطا بو گیجه ویرور تسلی خاطر اونا جنان اهلی یارالی قلبینه دگدی گینه یارا بو گیجه عجب مصیبت عظمادی یوز ویروب بشره بیر آیری حاله قالوب شاه کربلا بو گیجه حسن حسینه تسلی ویرور ، دیور قارداش آخان بو گوز یاشیوا گوزلریم فدا بو گیجه یانخلی دیللریله اوخشاما دیور زینب بلالی باشی تاپوبدور گینه بلا بو گیجه دونوبدی گوزیاشی قانه گوزونده عباسین اولوبدی ورد دلی دلده وا ابا بو گیجه دیار کوفه ده غوغادی بو مصیبتدن یتیم لر ایدور ایولرده آه و وا بو گیجه بیری دیور گیجه لر باش چکن یتیمیلره علی دگور گورسن گلمدی خدا بوگیجه بیری ایاق سسینه باغلیور آچور قاپونی دیزینده قالمور آجندان داخی قوا بو گیجه بیری دیور که اجل درک ایدوب ، گلوب گئتمور تاپوب اونون باشینی گوئیا قضا بو گیجه همیشه عهدینه دنیاده ائتمیشدی وفا یوبانماموشدی یوباندی او با وفا بو گیجه نه ایستسن بو گیجه #ساده ایسته مولادن نه ایسته سن کرمیندن ایدر عطا بو گیجه #طهمورثی_ساده @davodTahmoresi

#کشتی_نجات ای دل صفای عالم فیها هایاندادی خلوت سرای عیسی عیسی هایاندادی دُرّ ِ خفی و کنز خفی كاشِفَ الْغیُوبِ راز نهان عالم پیدا هایاندادی هاردا سالوبدی لنگرینی کشتی نجات دریای غمده غرقیدی دنیا هایاندادی اوچ یوز اون اوچ نفر اونا حامی تاپلموری؟ تا فاش اولا که یوسف زهرا هایاندادی؟ گویا بشر گیدوبدی هله خواب غفلته یوخدور بولن او سرور والا هایاندادی؟ علت و یا ندور که فرج حاصل اولموری تا مه جمالی اولسون هویدا هایاندادی ایندی یقین امام زمان دلده آه و وا سسلور الهی اُمّت طاها هایاندادی واردور یری ندا گله حقدن دارخما چوخ هیچ کیمسه ایلمور که تمنا هایاندادی تنها اوزون ظهوریوه چوخ ایلوسن تلاش کیمدور دیین که عالمه مولا هایاندادی هر کیمسه صدقیله آدیوی سسلیه گورر گنجینه محبته دارا هایاندادی چوخلار سنه جهاندا دیور دادیمه یتیش سوداگر حقیقی سودا هایاندادی؟ چوخلار دیور الهی یوباتما ظهورینی صدقاً او که ایدوبدی تقاضا هایاندادی؟ بیر بیرلرین گورنده فقط یاد ایدور دیور چشم و چراغ خسرو بطحا هایاندادی حتی سنون او دوز چورکیندن یئین دئمور صاحب سرای سفرهء پهنا هایاندادی ای #ساده چشم جانیله هر کیم باخا گورر جان جهان او دیدهء بینا هایاندادی #طهمورثی_ساده @davodTahmoresi

#رمضانیه #گریز_به_شهادت_حضرت_علی_ع #حضرت_اباالفضل_العباس_ع یاد دارم روزی از ماه صیام ماه قرآن و دعا و اهتمام ماه استغفار و عفو و بندگی ماه صبر و ماه مهر و زندگی ماه وصل عاشقان با صفا ماه مهمانی ذات کبریا ماه کسب علم و عرفان و شعور ماه ترک کبر و عصیان و غرور مات و حیران بودم از افکار خویش دل ز سودای محبّت ریش ریش ناگه از الطاف خلاّق ودود گوش جان از هاتفی رازی شنود #حیدریه صبح بود و وقت ترک خواب ناز وقت کشف راز و هنگام نماز دیدم آنگه سرخوشان وصل یار آن قلندر مشربان کردگار جمله بودند از تحیر در قیام مست انوار خدای لاینام صف بصف اندر نیاز و در نماز غرق حیرت در جمال بی نیاز پیش آنان سرور و سلطان دین ساقی کوثر امیرالمؤمنین‌ بود سرگرم مناجات خدا محو توحید و برون از ماسوا آنچنان مست جمال یار بود سرخوش و دلدادۀ دلدار بود گو که فارغ بود از کون و مکان آن امام بی‌کلام انس و جان عین عین‌ الله با عین بصیر شاهد انوار خلاّق قدیر نغمۀ «وَجَّهت وجْهش» هر زمان پیچد اندر محفل لاهوتیان بگذرد آوای تکبیرش عیان از حجابات زمین و آسمان از قیامش انجم و افلاک و ماه بل تمام کاینات از ماه و چاه سرخوشند از ساغر صهبای او مستِ مست از جام استغنای او جملۀ ذرّات مست ساز او آفرینش بود هم آواز او ناگهان آن مظهر بود و نبود کرد آهنگ رکوع، وآنگه سجود از سجودش قدسیان حیران شدند ساکنان عرش دست افشان شدند در سجودش رازها بنهفته بود کشف آن باید نمود اهل شهود تا شهنشاه عزیز سر فراز رأس خود برداشت از مهر نماز لرزه بر اندام اهل دل فتاد آتش اندر جان آب و گل فتاد ابن ملجم آن شقّی الأَشقیا کرد خونین وجهِ وجه‌الله را از جفای تیغ آن ملعون خوار آیت شقّ‌القمر شد آشکار هیکل توحید شد نقش زمین زد به سر در آسمان روح الامین نغمۀ «فزت و ربّ الکعبه» را بر زبان آورد شاه اولیا غرق خون گردید محراب امام روز شد در چشم او ظلمات شام #عباسیه یادم آمد سرزمین کربلا وقت جنگ پور شیر لافتی آن زمانی که عمود آهنین خورد بر فرق یل امّ‌البنین آن ابوالفضل‌ آن علی‌ را نورعین آن که بودی طاقت جان حسین‌ روز شد در چشم او ظلمات شام گشت آن شیر عرین آهوی رام دشمنان را گشت جرأت بیشتر تاختند آن روبهان بر شیر نر آن ستمکاران اشرار زمان دشمنان کینه جوی بی‌امان آن سیه بختان بنموده فرار باز برگشتند بهر کارزار ماند سقّای حرم آن نور عین در میان دشمنانش بی‌معین گفت ناگه از دل ادرکنی اخا ای امام بی معین ما سوا ای ضیابخش تمام کاینات علّت ایجاد کلّ ممکنات خود به‌فریادم رس ای جان جهان ای مرا روح و روان، آرام جان #تخلص بس کن ای «#فانی» حدیث غم فزا سوختی زین ناله جان ماسوا خواستند این نغمه از من اهل دل آن برادرهای بر حق متّصل «یوسف و بهرام» آن گلهای پاک آن دو یار، همچو گوهر تابناک هر دو از فیض ولایت کامکار هر دو از درد ولایت اشکبار بارالها از عنایات و کرم وارهان ما را از این ظلمات غم در طریق اهل عرفان ای جلیل باش ما را تا قیامت خود دلیل عفو فرما جملۀ جرم مرا بر تمام انبیا و اولیا «#فانی» و «بهرام» و «یوسف»را زِجان وارهان از فتنۀ آخر زمان #فانی_تبریزی

@davodTahmoresi #استغاثه_از_امام_زمان_عج گل گل هایاندا قالموسان ای پور بو تراب هجران اودیله قویما اولا قلبیمیز کباب گوز تیکمیشوخ گلن یولوا مین امیدیله امّیدیمیز عنایت ایله اولمیا سراب آخر ندن نهاندی یوزون پشت ابریده انصافیدور مگر آرامیزدا قالا حجاب رد ایت حجابی ای گل گلزار مصطفی جانلار فدا مگر ندن ایلورسن اجتناب لطف ایله چشم جان سالا عکس عذاریوی عاشقلره او هدیه اولا یادگار ناب قاب ایلیه او عکسی وورار خانه دله داغ فراق، قلب ایوینی ایتمیه مذاب شوره گله او وصلیله عاشقلری تمام بیربیرلرین گورنده بئله ایلیه خطاب آز قالدی که بهار اولا چوخدا دارخمیون یارین گلن یولوندا، اکین گُل، سپون گلاب یا صاحب الزمان گورسن بیر ایله گونی عاشقلره هاچان اولاجاخ حقدن انتخاب الله بولور که آیریلقندان نه چکمیشوخ روحاً چکور محبّلرین جمله سی عذاب هر چند چوخ فضیلتی وار انتظار اولاق اما سیزون فراقیزه وار هانسی دلده تاب قربان اولاخ گلن یولوا هاردا قالموسان گل لطف قیل ظهوریده ایله بیر آز شتاب بیر عمردور که گول آدوی سسلروخ مدام دلدن بو نوعیله ایدروخ رفع اضطراب آیا ندن بو سسلره بیر سس یتورموسن سالما سکوتیویله دل عالمه شهاب تعجیل ایله اماندی جهان ظلمیله دولور شرحی یازیلسا، دوتمیا ممکندی مین کتاب سنسیز چتین ایشقلانا بو تیره روزگار پرده دالندا قالما عیان اول ای آفتاب ظلمت سرای دللره سال نور ذاتیوی ای نور حق ندن یوزیوه دوتموسان نقاب حقدن ظهوریوه گر اوزون ایتمسن دعا اولماز دعای خلق جهان جمله مستجاب بیر چاره قیل بو اُمّته ای فاطمه گُلی ائتمه بیزیم دعالرین اوستونده چوخ حساب فانی جهاندا غرق گناه اولمشوخ نه چون اعمالیمیز ایدوبدی اورک ملکونی خراب دریای غمده غرق اولوروخ هاردا قالموسان اهریمن آز قالور اولا دنیاده کامیاب عطرون هاچان مشامیلره گوندرر صبا ایلر خمار و نشئه آچلسا اگر او باب ای ((ساده)) دوتمیونجا بشر حق دامنین حقدن چتیندی صادر اولا حکم انقلاب #طهمورثی_ساده @davodTahmoresi

@davodTahmoresi #کانال_اشعار_طهمورثی_عتیق #در_جلالت_و_شهادت_امیرالمومنین_علی_ع ای علی عاشقلری طاها روایت ایلوری کیم علینی سسلیور گویا عبادت ایلوری سورهء قدری اوخی تفسیریده باخ شأنینه مطلع فجره جبینینده اشارت ایلوری وار بو آیدا نه فضایل خامه عاجز ثبتینه حقّ احسانون بو آیدا بی نهایت ایلوری لیله ی قدری اگر افضلدی مینلر ماهیدن قدر، علیدن غالباً کسب فضیلت ایلوری لا فَتى اِلاّ عَلِىّ، لا سَیفَ اِلاّ ذُو الفَقار بو سوزی جبریل شأنینده حکایت ایلوری علّت تکمیلی آیات قرآندور علی چون ولایتدور که تکمیل رسالت ایلوری کیمدی حیدر بولمورم وار بو قدر عرض ایلورم کیم قالور مشکلده اوندان استعانت ایلوری مثلینی هیهات گورسون حشره تک چشم زمان بیر علی مین عالمه حقاً کفایت ایلوری قانینه غلطان اولور محراب طاعتده اگر حقّ اونون توفیقینی وِفقِ عنایت ایلوری ابن ملجم ایلینمزدی جسارت حیدره فعلینین تسهیلینی امر مشیّت ایلوری ماتمینده حضرت جبرئیل، عالی نوحه خوان تعزیت بزمینده ناله اهل جنّت ایلوری باش آچوب معناده زهرای مطهَّر عَدنده شدّت غمدن فغان دریای عصمت ایلوری صاف و ساده اهل دل، معناده زیبادور #عتیق پوزشین بو باره ده #ساده عبارت ایلوری #طهمورثی_عتیق @davodTahmoresi

@davodTahmoresi #کانال_اشعار_طهمورثی_ساده #شمس_هدایت گوردیلر نطقه گلوب شمس هدایت نیزه ده آیه آیه ایلیور قران تلاوت نیزه ده چهره سینده نور حق پیدا و ناپیدا رخین ساکنان نُه فلک ایلور زیارت نیزه ده محو اولور، هر کیم گورور اول جلوهء نور حقی گورسنور دنیا بویی بس که ملاحت نیزه ده عیسیِ عیسا قویویوب عیسانی حیران عشقینه وصفه گلمز مطلقا اصلِ حکایت نیزه ده حیرته معناده داود خوش الحانی سالوب صوت و لحنی ایلیوب بر پا قیامت نیزه ده واردی لحنینده ز بس شور و شعور عاشقی گورسنور ذوق و صفای بی نهایت نیزه ده ساقی خَمرِ الهی نرگس خماریله تشنگان وصلینی ایلور سقایت نیزه ده آشنا بی آشنا اولماز مقام سیریده سیره سیر اهلی ویرور عز و جلالت نیزه ده مسجد الاقصادی معراجه شهید مطلقه بو نجه معراجیدی اولموش بدایت نیزه ده افسرین باشدان آتوب جبرئیل چرخ چارده الله الله حق ایدوب گور نه سکونت نیزه ده زینبین احوالینه طوبی، که شوق و ذوقیله ناقه ده باجی، ایدور قارداشی رفعت نیزه ده شعشعات نیزیه مبهوت اولوب غملی رباب ایلیور بیر اولدوزا عشقیله رویت نیزه ده شقه شقه زلف اصغردن صبا خوشحال و زار اهل عشقه بذل ایدور انوار نکهت نیزه ده طبلهء عطاردور زلف شبیه احمدی گو مشام لیلیه وار عطر جنت نیزه ده نو عروسه شعشعات قاسمی انوار محض وار تلاءلؤده عجب مشکات منّت نیزه ده نیزه نین باشینده یوخدور بس ندن راس وزیر شه وزیره ایلیور عشقین اشارت نیزه ده بو فراز داریدن عیسایه در عهد (عتیق) عیسیِ عیسا ویرور عیسایه غیرت نیزه ده #طهمورثی_عتیق @davodTahmoresi

@davodTahmoresi #حضرت_رقیه_س تاپدیم دل شبده نه سعادت خانم عمه ایتدوم بابامی بیرده زیارت خانم عمه همتله یتیردیم الیمی دامن یاره اولدی بو زیارت منه قسمت خانم عمه عزت منه دیدار مجدد ایدوب افزون گلموب اله چوخ #ساده بو عزت خانم عمه شاهدسن اوزون بیر نچه مدتدی که غمدن من یاتمامشام بیر گیجه راحت خانم عمه اما بو گجه بیر نچه دم هوشه که گتدیم گوردوم یوخدا غملی حکایت خانم عمه صحبت ایلدیم یاریله رویاده ، او صحبت مقصودیمه چاتدردی نهایت خانم عمه دولت منه بذل ایتدی کرم صاحبی آخر بسدور ایکی دنیاده بو دولت خانم عمه بو ساعتی بیر عمریدن افضل بولورم من دنیایه برابردی بو ساعت خانم عمه جنت آپارور رشکینی ویرانه مکانین ویرانه اولوبدور منه جنت خانم عمه قیمت قویا کیمدور که بو دیداره جهاندا گنجینه عشقه هانی قیمت خانم عمه خلوت ایلدیم یاریله ویرانه مکاندا هیچ کیم منه تای ائتمدی خلوت خانم عمه حسرت داغی چکمیشدی یانان قلبیمه هجران دلدن منی سالمشدی او حسرت خانم عمه آخر منی درک ائتدی نگاریم کرمیله بسدور منه تنها بو عنایت خانم عمه محنت بو یانان قلبیمی ایتمیشدی مسخر اولدورمدی یاخشیدی او محنت خانم عمه اولدورسه ولی ایندی اگر چه یری واردور ویرانه ده بو غملی عبارت خانم عمه خون دلیمی گوزیاشیما قاتدی دوباره لبلرده اولان کاری جراحت خانم عمه بو لبلره صدمه یتورن ال ایلیوبدور بوسه گهیمه چوخلی جسارت خانم عمه ویر بیرده اوپوم تشنه لبیندن سنی تاری دوشمز اله بیرده بیله فرصت خانم عمه نینیم که گوزوم دویموری باخدوخجا نگاره وار بس گه نگاریمده لطافت خانم عمه دوشدوقجا گوزوم شعشعه نور خدایه جوشه گلوری دلده محبت خانم عمه ای کاش نگهبانی گله رحمه ، دوباره کوچ ایلمیه شمس هدایت خانم عمه اولسم قویاسان قبره ، منیم قبریمین اوسته قران اوخیا شاه ولایت خانم عمه جانیم یغشوب سینه مه آخر نفسیمدور آز قالدی یته وقت شهادت خانم عمه هر چند یوروبدی بو اسارت منی ، اما وار شهد شهادتده حلاوت خانم عمه عفو ایله منیم زحمتیمی، بیر نچه مدت ویردیم سنه دنیا بویی زحمت خانم عمه باش داشیمه یاز اکبر شهزاده نین آدین اهل دله کافی دی اشارت خانم عمه آهیمله یزیدین ایوینی شامیده یخدیم وار کیمده گورور چشم بصیرت خانم عمه بو نوحه نین اجرینده شفیع اولام #عتیقه منظوریده دور روز قیامت خانم عمه #طهمورثی_عتیق https://telegram.me/davodTahmoresi

@davodTahmoresi #کانال_اشعار_طهمورثی_ساده #کوچ_از_خرابه __ ✍ قوتاردی اهل حرم ورطهء اسارتدن عنایت اولدی گنه مطلقی عنایتدن عقیله العربه یوز ویروبدی حال ملال مخاطب اولدی رقیه کمال حسرتدن بهارعمری اولان گول کیمی خزان بالا وای آیلمیان باشی دنیاده رنج و محنتدن نه یاتموسان گوزون آچ قبریوه بی بون قربان خلاص اولوب حرم اهلی فضای ذلتدن یزیدی یخمیشام آسوده فاتح عشقم شجاعت علوی منده دور وراثتدن منم که صورت باطنده فاتح محضم یتوبدی آل علی فتحینه فراستدن فراست علویدور فراست زینب که منده جلوه لنور پرده شهادتدن ایله حفاظت ناموس ائتمیشم یولدا چخوبدی دست علی آستین عفتدن بیز اهل بیته شئونات عشق و عصمتدور که عفتیم سو ایچوبدور بحار عصمتدن اویان دیوم نلر اولدی بو شام شوم ایچره خبر واریمدی سنه دلده رد غارتدن علی اکبر آلان گوشواره وی آلدوم که غارت اولموشودی ظلم بی نهایتدن منیم یانمدا امانت قالار اولونجه قیزیم ویا که صاحب اولورسان اوزون امانتدن بویور گوروم ندی تکلیفی گوشواره لرین سکوتیویله منی سالما استقامتدن بو قدر عمه وه ناز ایلمه تکلمه گل فدا اولوم سنه دیندیر منی محبتدن ایکی یولون آراسندا قالوب رباب حزین نه آیرلور ، نده ایستور کچه زیارتدن علی اصغرینون قلبیدن غمی چخمور اورک سوزون آچا بولمور منه نجابتدن گیدور یاراسینا گوز یاشینی ایده مرهم چخا بو نوعیله بلکه اودا خجالتدن اوزون دور حل ایله ویرانه ده معمانی قوتار گیلن آناوین روحینی اذیتدن منه ده چاره یولون ویر نشان ، بویور نینیم گیدوم زیارته یا گئتمیوم بو غربتدن هوای کرب وبلا باشیمه دوشوب چخمور گچنمیرم من اوزومده همین فضیلتدن ایله دولوب اورکیم کربلاده آغلاماقا یوروبلا قلبیمی شاماتیده شماتتدن گلنده فرصت آز اولدی آچامادوم باشیمی عذاریمه اَلئيَم خون دل مصیبتدن مصیبتین اثریندن وَرم ایدوب اورکیم سالوبدی عمه وی غم گور نه تاب و طاقتدن اُلوم ایاقینه من دم به دم یاخنلاشیرام چوخ آز قالور که یومام دیده، دار محنتدن دوشوبدی گوگلومه کرب و بلا رضا اولما زیارت ایلممیش من اولم بو فرقتدن گرک من حاضر اولام اول اربعینینده عزا او یرده اونا ساخلیام ارادتدن دیولّه ایله گوزل قبری واردی قارداشیمون سالوبدی روضهء رضوانی قدرو قیمتدن او آلتی گوشه لی قبره فدا اولا جانیم یاتوب ایاقلاری آلتندا اکبر حرمتدن اوزاخ دوشوبدی ولی قارداشیم ابوالفضلی خیامه گلمدی ، نهر اوسته قالدی غیرتدن ((عتیق)) رشتیه چون دُرِ و گوهری چکدی تعجبم نجه حاصل اولوب بضاعتدن #طهمورثی_عتیق @davodTahmoresi

@davodTahmoresi #احوالات_حضرت_علی_اصغر_ع بخش 1 اگر غبار گنه دوتسا چشم بینانی بشر حقیقتی گورمز جهاندا بیر آنی دیر بو عالم ایله ختم اولار بو عالمده دوباره گورمیه جاق کیمسه آیری دنیانی قاتار حرام و حلالی ایشینده بیر بیرینه جری ایدر بیله ثروت جهاندا انسانی علاوه بولسه اگر دینینی آلان واردور عجب دگور که ایده دین حقی ارزانی ساتوبدی دینینی دنیایه چوخ منافقلر نمونه سین خبر آلسان گروه سفیانی که سالدی دایرهء ظلمینه حسین حرمین سوسوزلوق اَلدن آپاردی توان طفلانی سمایه اوج ایلیَردی نوای اهل حرم چیخوردی خیمه ده بیر شیرخواره نین جانی آنا دیردی سوسوز لبلره ئوزوم قربان سو اوسته اشکیله دولدورما چشم گریانی غریبه عالمیمیش کربلا دیارینده عجیبه حیرته سالمشدی چرخ مینانی فرات آخوردی ولی اصغرین آناسی رباب یانوردی اصغره باخدوقجا قلب سوزانی همان او حالیده که درد دل دیردی آنا آلوبدی اصغری ، هل من معینِ مولانی اوزونی سالدی یره گاهواره دن ناگه که یعنی باغلامشام سنله عهد و پیمانی رباب ناله سین آرتوردی ، فعل اصغردن حقیقتیله تاپوپ عشقیدن گران جانی باسوبدی باغرینا جان تک آنا محبتدن بویوردی اصغره ای شاهباز سلطانی جهان جهان اولالی سن کیمین نگار اولماز ملایکه ایدوری درگهونده دربانی گواه نهضت عاشور خون حلقوندور که خون حلقون اولار زیب طاق کیوانی شفقده سن فلقی ماهیسن اوغول مهره خسوفه اوخ سالاجاخ ماهِ مهرِ رخشانی دیه دیه سوزونی یتدی زینب زاره ادبله عرض ایدوب ای دُرّ ِ عصمتین کانی علی اصغر اوزون گاهواره دن سالدی نه سری وار که اوجالدی سمایه افغانی تمام درد دلون زینبه بیان ایلدی یتوردی دخت علی شاهه غملی عنوانی امام امر ایلدی گیت باجی گتور بالامی سقایت ایلیه بلکه قلوب ظلمانی گلوب تکلمه زینب عزیزهء زهرا ایدوب مخاطب او دمده رباب نالانی رباب گل بالاوی راهی مِنا ایله امام ایستور آپارسون مِنایه قربانی کمال عذریله عرض ایلیوبدی یازینب اجازه ویرسن اگر عرض ایدوم بو عنوانی بویوردی دخت علی آچ گیلن اورک سوزیوی رباب گوردی قبول ایلیوب تمنانی ددی خانم منه بیر آز خیمده مهلت ویر بغشله زحمتیم اولسا بو یرده طولانی بالاما زیب ویروم، زیب خوشدی مهمانه بالامدی کوی محبتده حقّ مهمانی علی اصغریمی تازه رختینه بَلییُوم گیدور نه چون دولانا بزمگاهِ جانانی خیمده گوگلون آلوم دیندیرم مسافریمی توکوم بولود تک عذاره سرشک غلطانی منیمده یوخدی سوزوم یا عزیزهء حیدر ایدوبدی صادر فرمان لسان رحمانی آنا محبّتی گلمز اگر چه تقریره نه ابتداسی عیاندی نه حد پایانی علی اصغریمون دلده نیسگیلی چوخدور دئسم داغا ایلییَر داغلار آتش افشانی بیری بودور بالامون باغلادوم سو اوسته اَلین که حلّ ایدنمدیم آخر همین معمّانی بیری اولونجه منی یاندوروب یاخا یری وار تاپوپدی سینه پر غصه حالِ ویرانی اودا بودور که سالوب سینه مه امیشدیردیم سودوم که اولمادی اَمدی بالام جگر قانی طریق عشقیده هجران عشقیمه دوزرم نه چون رضا اولاجاقدور خدای رحمانی عروس فاطمه ده باخ کمال معرفته که قویمادی اولا تا انتظار طولانی علی اصغرینی تازه رختینه بلدی ادبله ایلدی تقدیم نجلِ زهرانی باسوبدی باغرینا جان تک علی قیزی زینب یتیردی قارداشنا غنچهء لب عطشانی آلوب او غنچه گولی باسدی باغرینا شه دین مصمم اولدی منور ایده بیابانی ادامه دارد 🔽🔽🔽 #طهمورثی_عتیق @davodTahmoresi

@davodTahmoresi #احوالات_حضرت_علی_اصغر_ع بخش 2 پایانی گوروبله مرکز میداندا مهرِ عالمتاب آلوبدی اللری اوسته او نجمِ رخشانی بویوردی سو یولون آیا روادی باغلیاسوز؟ ندن مضایقه ایتدوز نعیم یزدانی بو گون خیامیده اوچ گوندی که سوسوزدی بالام ایشقلی گوندوز اولوبدور گوزونده ظلمانی بو چولده رحمه گلون سو یولون آچون لشگر همین بو خیر عمله لااقل اولون بانی سوسوزلقون اثریندن هلاکتی گورونور بو ظلمه قویمسوز آخر سیز هانسی عنوانی؟ امامین اللری اوستونده اصغرین حالی گتوردی رِقّته میداندا قوم عدوانی باخوب یمین و یساره اودمده سعد اوغلی چاغیردی حرمله نی اولدی ظلم خواهانی دیدی حسینون الی اوسته اوخلا سود امری دوباره غم دوتا تا قلبِ سبطِ طاهانی او دمده حرمله آیریلدی قلب لشگردن بو فکریلن یتوره حاصله قضایانی دیزین ویروب یره آلدی کمانی بیر الینه دوتوب بیر الده ده اول جانشکار پیکانی نشانه دوتدی علی اصغرین سوسوز بوغازین خلاص ایتدی کماندان خدنگِ برّانی گلوب اصابت ایدوب اصغرین بوغازیندن قیریلدی رگلری گوز گوز اولوبدی شریانی ایدوبدی خونِ گلو زرد چهره سین اَحمر سپهرِ چاریده گتدی نوایه عیسانی رباب او منظره نی چشم ِجانیله گوردی علی دیه دیه عرشه اوجالدی افغانی اورگینون ایله بیر بندی بندیدن اولدی ممات درک ایلدی گو عروسِ زهرانی آنا خیامیده سسلندی وای بالام ای وای حسین نواسیده تیترتدی جسم سقانی چکنده اوچ پر اوخی سسلنوبدی یا عباس هراییمه یتیش ای چرخِ عاطفه کانی او اوخ که ییخدی سنی اصغریمی ذبح ایتدی بالامدا حیطه یِ شرحه چکوب فَدَینانی جواب اولمادی مهره مهِ فرات اوستن سرشک ِچشمیله دولدوردی شاه دامانی دوتوبدی اوجونی دولدوردی خون اصغردن توکولمیه یره بلکه او سود اَمر قانی توکولسه قانی یره عالمی خراب ایلر علاوه قهر خدا دولدورار بو غبرانی سپوپدی گویلره گویلر تاپوپدلار زینت دوباره چرخ گورنمز بو لطف و احسانی کمال عجزیله عرض ایتدی ای شهید شهید قرینِ منّت اِله خسروِ شهیدانی واریم یوخوم بویودی ایلدیم نثارِ قدوم قبولِ حقدی حسینون بو تشنه قربانی گلوبدی سس او زمان بارگاهِ عزّتدن عجیبه زیب ویروب عرشیمه علی قانی بو زیبه غبطه ایدور کلّ ِ عالمِ لاهوت ملائک ِمتقرّب اولوبدی حیرانی قئیت خیامه زیارت ایده آنا بالاسین که اوغلی شرح ایدوب آیه ی فَتَحنانی سرادقاته گلوب سسلنوبدی یا اُختا الیمدن آل باجی بو زیبِ عرشِ اَعلانی مدالِ سینه ایدوب اصغری منه یکتا گرکدی شاکر اولام قادرِ جهانبانی غریبه حسن ِختام اولدی شعر نهضتیمه بو حسن محبسه سالیمش عزیزِ کنعانی چخوبدی زینب او دم پیشواز سلطانه ایدوبدی عرض که ای جوهرات ایقانی تعیّناته ویروب حسن جوهرین جوهر بو جوهرینده عیاندور کمالِ اَعیانی گتیر منه بالاوی خشک بند ایدوم یاراسین فلک منه بو ایشی ایلیوبدی ارزانی رباب اصغرینون گوز تیکوب گلن یولونا چوخ انتظاریده قویما ربابِ نالانی امام ویردی بالاسین شهیده یِ عشقه شهیدی ویردی شهیده شهیده یِ ثانی گورنده اصغری اصغرده محسنی گوردی بو یرده یادینه دوشدی تظلّمِ ثانی قاپی دالیندا اولان سقط قارداشیم ای وای معاینه گورونور گوزده نارِ سوزانی (عتیق) جفّ ِ قلم لازم خیالیمدور آنام ویروبدی سیزه گر چه نطقِ گویانی #طهمورثی_عتیق @davodTahmoresi