طفلان زینب (ع) . سنه هدیه دی مندن ایکی اوغلوم حسین با صدای استاد محمدی

بهار عمروم دونوب اوغلوم آلتی آیدا فصل خزانه سنه آغ کوینک گیندیردیم شاهیمه ویردیم عاشقانه سوسوز جیران مثلی سینمده آیرلوب گیدون وعدگاهه فرات آخدی چولره ساری سن سوا باخدون یانه یانه بالام لای لای گلوم لای لای علی لای لای علی لای لای ننه قربان گل قوجاقیمه بوش قالوب سینه ام آغلورام من گئجه دن خیمه کنارینده عالمون قلبین داغلورام من گزیرم بیر خالی گهواره ترپدم تا بوش گاهواری اولوب آخشام قانلی قنداقی هی آچورام هی باغلورام من بالام لای لای گلوم لای لای علی لای لای علی لای لای چرخ بی عار الیوب گوندوزومی لیلیه تار ائلر ایچره نجه گور مادریوی خار ایله دی گون کی باتدی گتیروب خیمه ده سو پایلادلار ایچمیردیم بالا جانی بی بین اسرار ایله دی صود گلیبدی ولی یوخدی امنی تئز گل اوغول گور نجه صود ننون جسمینی آزار ایله دی وقای این حنجر کوچیک با سه شعبه شد نامرتب یه تیر اینقدر کشته داد بابا من رباب و تو عمه زینب یه تیرانداز آرزوهایی که دل من باشش رو برده از اون بدتر خنده ایه که حرمله رو لبهاش آورده زدن داره آخه شش ماهه حجم تیر بیشتر از گلوشه یه قطره آب یه کاری کرده حنجر تشنه ات زیرو رو شد

حالات حضرت قاسم (ع) گل   زینبیم  آل    قاسمیمی   قلبیم   اولوب   قان دامادیم   اولوب   طوی گونی  أوز   قانینه  غلطان عالملری    حیران     ایلیوب     غیرت        قاسم اکبردن    آغیر    گلدی    منه     محنت       قاسم باخ   گور  نه  حالا   قالدی   باجی   قامت   قاسم پامال    ایلیوب     پیکرینی      لشکر        عدوان گویا    یوخوموش    ذره      وفا     قوم       دغاده اول    قدری    قاچوبلار    بدنی   اوسته       مناده قدّی    اوزانوب    اولمادی     یِر     باری     عباده گلدی   الیمیز    اوسته   خیامه   بو  لب   عطشان بو   غم    منه    یر   محنت   کبری   و  عظیم دی بو    غمده    منه    صبر    ویرن    حی  کریم دی اوخشا بونی سن یاخجی  باجی چونکی  یتیم دی سنده    آناسی   مثلی    ایله     ناله    و      افغان ئولدورمگه      دامادیمی        اشرار        تلسدی گیتدیم  باشینون  اوسته دیدیم  غم داخی بسدی گوردوم    یارالی    پیکرینی    دیزلریم      اسدی گوز  یاشیم آخوب صورته  چون   سیل  خروشان جسمین   ایلیوب    قوم   دنی گول  کیمی    پرپر ظلمیله    انوب     باشینه     حیدر   کیمی    خنجر میداندا     گل    یاسیم    اولوب     لالیه        بنذر بیر گول   بویانوب  قانه   باتوب   یاسه   گلستان بو   دشت   بلانون   چوخ   اولوب   درد  و بلاسی قانه    بویانوبدور     حسنون       نازلی     بالاسی یاندردی    منی     قاسمیمون      الده      حناسی قانیله    حنا    یاخدی    اله    اول     مه       تابان جسمینده    باجی   یاره    اولوب    یاریه    مرهم أولدوردی    بونی    قدرت       دیناریله       درهم خنجر    ایلیوب      تللرینون       نظمینی    بر هم قانه    بویانوب     خنجریلن    گیسوی      افشان بیر حاله    قالوب    پیکر   خوش منظری    زینب گورسه    اونی   بو   حالدا    اگر    مادری    زینب والله    تانیماز     بو      بولونن     پیکری     زینب هر یاره سی  بیر اوخ تک  ایدوب   قلبیمی ویران قالموبدی   طراوت   داخی هیچ    باغ   و   چمنده قان    ایلدی     گوز    یاشیمی    ادرکنی    دیینده گیتدیم     باشی اوسته    یوخودی   روحی  بدنده پای پای    بولونوب    پیکری   چون   آیۀ    قرآن گیت     زینبیم     الآن     آناسین    با  خبر    ایله سسله    بالوون    جسمینه   گل    بیر   نظر   ایله آغلا    گوزوون    یاشینی       زیبِ     بَصَر    ایله ویر    باشووه    ناله    ایله    ای   مام    پریشان هیچ   غم   اولا    بیلمز    بو   غم اعظمه  بیر تای قاسم   ئولومی   عرش   خداونده   سالوب   های چال   قانینه  عطشان    بو  یانان   قاسمه لایلای صبرون   ایوینی غارت    ایدوب   محنت  هجران ** آسال اردبیلی

احوالات حضرت قاسم (من کلام : سیفی) عم اوغلی صبریم جالاندی خانه­‌ی بختیم تالاندی اووچیلارا اسیر اولدیم دادیمه تئز گل آماندی باغریم اولوب قان عم اوغلی گوزلره قربان عم اوغلی حیجله­سرا تالان اولدی گلین‌لیگیم یالان اولدی اوستومه آد قویوب گئتدین دردین منه قالان اولدی باغریم اولوب قان عم اوغلی گوزلره قربان عم اوغلی فلک سنه کمند آتدی اولادی آرزیا چاتدی سنین آدین دیله دوشدو اما منیم آدیم باتدی باغریم اولوب قان عم اوغلی گوزلره قربان عم اوغلی اورگیمده سوزوم قالدی نه قلبیمده دوزوم قالدی کج باخیب آیریلاندا سن گوزلروندا گوزوم قالدی باغریم اولوب قان عم اوغلی گوزلره قربان عم اوغلی چاغماغینی فلک چاخدی گوگده بیر ایلدیریم شاخدی چوخلار آیدینلیغا چیخدی منیم بخت اولدوزوم یاتدی باغریم اولوب قان عم اوغلی گوزلره قربان عم اوغلی سالدی منی بلا جاندان ظلم و جفای دوراندان بزندی توی گونو سنین آغ کوینگین قیزیل قاندان باغریم اولوب قان عم اوغلی گوزلره قربان عم اوغلی خوش گونو نیلیرم سن‌سیز گول بئجرم درم سن‌سیز چتین گوره ائل قبیله­م زولفلریمی هورم سن‌سیز باغریم اولوب قان عم اوغلی گوزلره قربان عم اوغلی داغیلدی ائللریم گئتدی سویولدوم زیوریم گئتدی سندن قالان نشانیدی گلین‌لیک معجریم گئتدی باغریم اولوب قان عم اوغلی گوزلره قربان عم اوغلی آهیم الوودان سئچیلمز دردیم اورکدن بیچیلمز سنده منی گوزدن آتسون عشقون اورکدن کیچیلمز باغریم اولوب قان عم اوغلی گوزلره قربان عم اوغلی کوفیه گلدی قطاریم سارالدی گول تک عذاریم قانلی باشون جدا اوسته اولدی منیم هم جواریم باغریم اولوب قان عم اوغلی گوزلره قربان عم اوغلی منه دشمن ال چالاندا جان قویمادی غم بو جاندا تاری بیلیر نه چکمیشم نی ده باشون داشلاناندا باغریم اولوب قان عم اوغلی گوزلره قربان عم اوغلی گلستاندا تکان بیتدی گوزل یاریم گوزدن ایتدی دویولمکدن یورولمازدیم منی شماتت اینجیتدی باغریم اولوب قان عم اوغلی گوزلره قربان عم اوغلی داشلانیب چرخین جفاسی دردیمین یوخدور داواسی هر یارایا مرهم اولسا ساغالماز هئچ دیل یاراسی باغریم اولوب قان عم اوغلی گوزلره قربان عم اوغلی اووچو کمانه اوخ تاخار جیران قاچار دونر باخار تانیش داشی اوخدان بتر هم گوینه­در هم ائو ییخار باغریم اولوب قان عم اوغلی گوزلره قربان عم اوغلی قیشده قوپار دومان یئردن اورگ یانار یامان یئردن کوسمگه حقلی‌سن مندن کونول کوسر اومان یئردن باغریم اولوب قان عم اوغلی گوزلره قربان عم اوغلی بلبل اوچار گوگه بیلمز گول تیکانلیق سئوه بیلمز آداخلیسی اولن گلین هئچ قاپینی دویه بیلمز باغریم اولوب قان عم اوغلی گوزلره قربان عم اوغلی غم منی زینهاره گتدی آغ گونومو قارا گتدی فلک قولومو باغلادی مجلس میخاره گتدی باغریم اولوب قان عم اوغلی گوزلره قربان عم اوغلی هامی یارین عزیز ایستر گلین گئده­ن جهیز ایستر گوزلروننان ایراق اولسون دشمن منی کنیز ایستر باغریم اولوب قان عم اوغلی گوزلره قربان عم اوغلی آخار سودا بالیق اوزر آی باتاندا اولدوز سوزر توی گورمین یاسلی گلین کنیزلیگه نئجه دوزر باغریم اولوب قان عم اوغلی گوزلره قربان عم اوغلی بو چرخ سفله و دنی بلادن اینجیدیب منی دشمن ائوینده گوزلریم قورخا قورخا گزر سنی باغریم اولوب قان عم اوغلی گوزلره قربان عم اوغلی باغلار قالیب سئل آلتیندا سنبل سینیب یئل آلتیندا باغریم قان اولدو آزگلنن؟ قانه باتان تئل آلتیندا باغریم اولوب قان عم اوغلی گوزلره قربان عم اوغلی 🖋️استاد سیفی اردبیلی #قاسمیه

‍ زبانحال رباب ای بوغازین اوچ پراوخ تشنه بیچن اصغریم ئوز یاراسنان آخان قانی ایچن اصغریم تشنه ویرن جان بالا؟ جان سنه قربان بالا گل نجه گور دوتموشام شام غریبان بالا مونسیم دلبریم هارداسان اصغریم اصغریم هارداسان من گچن آخشام بالا صبحه کیمی غم یدیم ساکت اولوب یاتمادین هی سنه لایلای دیدیم شب عاشورا نیلیدی اصغری آرام الیه بولموردی بئله یانا یانا دییردی لایلای ننه قربان گوزوه صود امر اوغلوم یات بوگجه نی بلکه سو اولدی سخر اوغلوم نقدر اله دی آرام الیه بولمدی من گچن آخشام بالا صبحه کیمی غم یدیم ساکت اولوب یاتمادین هی سنه لایلای دیدیم سن منی علت ندور گوزدن آتوبسان بالا آختارورام بولمورم هاردا یاتوبسان بالا مونسیم دلبریم هارداسان اصغریم اصغریم هارداسان بانوای حاج نادر جوادی اردبیلی

طفلان حضرت مسلم (ع) . . سبک ؛ یئخیلدی سقا یئره .... . . ابوالفضل عباسی معروفان اهری . . قانه باتیب کوفه ده مسلمون بالالاری تازه لنیب شیعه نین قلبده یارالاری . حارثین . ظلمینه . یاندی داشلار آغلادی نهرده . جسملر ‌. یئرده باشلار آغلادی . . . . ظلم ایلمز میزبان ائوده ئوز قوناقینه عزتیلن ساخلیار گل سپر ایاقینه نیلمیشدی حارثه نور دیده لر مگر ال آپاریب غیضیلن خنجرین سراغینه . گللرین . پیکری . باد غصه دن اسوب هم بویوک . هم کیچیک . قاداشین باشین کسوب . . . . صبح بلا قبلیه قیلدیلار نمازلارین تا که بیان ائتدیلر خالقه نیازلارین پیک اجل باشلاری اوسته سالدی سایه سین رحم ائتمیوب گوللره کسدی گل بوغازلارین . گل عمو . یا حسین . سسلدی دوداقلاری باغریقان . وئردی جان .‌ حارثین قوناقلاری . . . . ائتدی جفا بی حیا سیم و زر هواسینه تیشه ووروب عاقبت حرمتین بناسینه باشلارینی ذبح ائدیب تا مقامه ال تاپا دوباره دن داغ چکیب مسلمون یاراسینه . گؤرسه کوینک لرین . گؤر آناسی نیلیر باش آچوب . آغلیار . دیلده وای اوغول دییر . . . #مسلمیه #سبک_یخلدی_سقا_یره

گویلوم ایستور اصغره لای لای دیم قتلگه ده آغلیام ایوای دیم سائل نالایقم من یا حسین ئوز سوزومده باقیم من یا حسین هرنه اولسامدا عزادارم سنه کربلا مشتاقیم من یا حسین گویلوم ایستور اصغره لای لای دیم قتلگه ده آغلیام ایوای دیم عاشق عاشق اولسا دل عمان اولار گوز یاشی آخسا یوزه طوفان اولار بولمورم یارب نه حکمت وار مگر تل زینبده ئوکلر قان اولار گویلوم ایستور اصغره لای لای دیم قتلگه ده آغلیام ایوای دیم گلشن کرب و بلاده گل آچوب نالیه دل صحنیده بلبل آچوب ای صبا گیت دئه ربابه آغلاما سینیه سلطاندا اصغر دل آچوب گویلوم ایستور اصغره لای لای دیم قتلگه ده آغلیام ایوای دیم شور عشقی قلب و احساسیمده وار بحر غمده نچه الماسیمده وار گوزگوز اولسا دوز نظر سالسا گورر قان حناسی خیمه قاسیمده وار نه روادور سو چوله آخسون بیله یا رقیه آغلیوب ایوای دیه ایندیده گویا دیور عباس آقام نعشمی قارداش آپارما خیمیه گویلوم ایستور اصغره لای لای دیم قتلگه ده آغلیام ایوای دیم

#زبانحال_حضرت_فاطمه_عروس_س_به_حضرت_قاسم_ع ای ویرن جان قان ایچنده خاطره ناشاد عم اوغلی کیم گوروب قانه بویانسین طوی گونی داماد عم اوغلی سن نجه قانه بویاندون دوزمرم منده بویانّام هربلا گلسه یولوندا ایتمه رم شکوه دایانّام چکمسم خجلت آناندان باشوه دورّام دولانّام نعشوه اولام مجاور ای دلی ناشاد عم اوغلی سویدولار سنسیز عروسی طوی گونی قوم رزالت گوشوارم غارت اولدی وار قولاقیمده جراحت قورخورام گیتسم وطنده ایله سون قیزلار شماتت گیتمرم قالام یانیندا هرچه باداباد عم اوغلی اشقیا ویرسا یارالی باشوی نوک جدایه باشون آردنجه دولانام نی کیمی گلم نوایه رحم ایدن اولماز بویولاردا ولی من بی نوایه باشمه قمچی وروبلار فرقه بیداد عم اوغلی من گیدوب سن سیز وطنده گل کیمی سولام سارالام باشمه حاشا عم اوغلی قرمزی من برده سالام آتش هجرانه یانام آغلارام گوز یاشلی قالام اولمارام قید غمیندن برزمان آزاد عم اوغلی آیریلان ساعتده سندن آتش هجرانه یاندیم خیمه لر غارت اولاندا ظلم اشراره دیاندیم بو سوزی شاهد دی عمم سن کیمی قانه بویاندیم اولمادی بر کس منه ایتسون داخی امداد عم اوغلی باشمه بر قاره سالدیم طوی گونی من بختی قاره دشمنه بلدیم اسیرم دردیمه یوخ اوزگه چاره اشقیا قویسا یارالی نعشیوی قویوخ مزاره قالماسون گونلر ایونده بو قد شمشاد عم اوغلی بو سنون طوی حجله گاهیندور ندن قانه باتوبسان قرمزی مخمل دوشکده نازیله یورقون یاتوبسان سسلورم سس ویرموسن آیا منی گوزدن آتوبسان گور نجه قالدیم ملر سنسیز ایوین آباد عم اوغلی طوی گوننده رسمدور شهزادیه قربان کسلّر باشینه تازه عروسین دسته دسته گل سپلَر بر ایله بزم زفافه اَلده گل قیزلار گللّر منده عکس اولدی بو مطلب اولمادیم بر شاد عم اوغلی یوخدی چارم دست بسته من گرک ای خسته یورقون گون قباقنده قویوب جسمون یارالی زار و پوزقون باشون آردنجه گیدم شامه ولی چون ماه توتقون ایلیم یولاّردا سنسیز شیون و فریاد عم اوغلی #مرحوم_زاهد

نوحه_رجز_شجاعت حضرت قاسم اون اوچ یاشیندا بیر جوان،حماسه ایلوب به پا گوی اهلی یکسره دیدی،بو بچه شیره مرحبا سلام اولا بو دلبرون،او قلب بی ریاسینه سلام اولا آتاسینون،او روح باصفاسینه گلوبدی رزمگاهه چون،شهادتین هواسینه اون اوچ یاشیندا قاسمون،ولی باخ ادعاسینه بیوردی آند اولا عمو،یوزونده آغ محاسینه ایکی جهاندا عشقیوین،همیشه من اسیرییم بو بیشه نونده شیری وار،که منده بچه شیریم دایاندی عرصه ده دیدی،منم سلاله ی حسن آتام کریم اهلبیت،بویوک بابام، ابالحسن ئولوبدی جنگیده یقین،دیزی هراسیدن اسن زیادین اوغلی آللادیب،سالوبدی بوینوزا، رسن گلوبدی جنگیزه بیلون،جهاندا نسلیزی کسن قلینجیمی چکم اگر،بهار و گلشنیز سولار کیمه غضبله من باخام،دوشوب یره هلاک اولار اگر چه سننیم آزیدی، اوجادی داغدان،همتیم ویراندا ضربه باشیزه ،واریمدی یاخشی دقتیم سیزی وله قویوب بوگون،وقاریلن ابهتیم واریمدی قولدا قدرتیم،سیزی یخار صلابتیم عموم ابوالفضه چکوب،شهامت و شجاعتیم سلام اولا او حضرتین،مقام و عز و جاهینه باخیشدا بنزیور گوزوم،ابوالفضین نگاهینه کلاس عشقیده منیم،گیچوب گجیله گوندوزوم آتام دییور بهشته گل،یوخومدی غصه یه دوزوم بو کوفه نون جماعتین،سالوبدی وحشته سوزوم که غیضیدن دولوبدی قان،منیم عموم ئوپن گوزوم یزید و ابن سعدیزی،حسابه قویمارام ئوزوم برابریزده شیر تک،دایاندیم افتخاریلن قاناد آچوبدی عمه لر،عموم باخیر وقاریلن آتام کیمی بو دهریده،منیم باشیم بلالیدی خدا بیلور بو تشنه لیق،که تشنه ی وصالیدی بو قانلی دشتیده سیزه،باش اندیرم،محالیدی عموما قربانام ئوزوم،ئورگی گر نوالیدی حجرالاسودیم منیم،یوزونده قاره خالیدی بو غاضریه دی و یا،بلا و غم دیاریدی؟ یقین شفادی تپراقی،عمومدا شهریاریدی

روضه ی علی اصغر(ع) ««««««»»»»» سو یوخدو خیمه لرده ،اصغر آغلادی من آغلادیم بو حاله اهل بیت حیدر آغلادی من آغلادیم چالاندا لای لای اصغره ملاکلر ائشیتدیلر بو سوز لای لایا ملکلر آغلادی من آغلادیم قیزیم سکینه تئز گلیب آلیب قوجاقه قارداشین باخیب او حال زاره،خواهر آغلادی من آغلادیم دئدیم اوغول عمون گیدیب سووا بیرآزدا طاقت آل سویون سوزؤن ائشیتدی لبلر آغلادی من آغلادیم آلیبدور عمه سی قوجاقینه دولاندیریر اونو اوپنده اصغری او مضطر آغلادی من آغلادیم اویونمور اصغریم ندن الهی پیدر آغلییور سولان گله چمنده گللر آغلادی من آغلادیم باباسینه خبر وئریبلر اصغره علاج ائله آلاندا اصغری او سرور آغلادی من آغلادیم دلیم لال اولدو بیر دییم حسین آپارما اصغری دالیجا من باخاندا گوزلر آغلادی من آغلادیم آپاردیم آسمانه اللریمی بیر وداع ائدم الیمی گزدیرنده اللر آغلادی من آغلادیم علی دن آیریلاندا من واریدی اهل خیمه لر بو فرقته بوتون حرملر آغلادی من آغلادیم آپاردی شاه دین آلا سو کوفیان نان اصغره سوسوز مارالی گوردو لشکر آغلادی من آغلادیم دییبدی سعدین اوغلو حرمله اوخوو کمانه قوی قویاندا تیر کمانه گوزلر آغلادی من آغلادیم رها ائدیبدور حرمله بیر اوچ پر اوخ کمانیدن دئینده اوخ بوغازه حنجر آغلادی من آغلادیم قانین دوتوبدور اوجونا حسین سپیبدی گوگلره او قانی گوردو گوده یللرآغلادی من آغلادیم دؤزنمه دی بویوک آناسی فاطمه بهشتیده او اوخ کسن بوغازه کوثر آغلادی من آغلادیم ادامه ویرمیرم بو شعری بسدی چوخ یانیخلیدی بو شعری من یازاندا دفتر آغلادی من آغلادیم «««««««»»»»»

‍ زبانحال حضرت سیدالشهداء (ع) در جواب استمداد حضرت علی اکبر (ع) علی جان بالا لبیک لب عطشان بالا لبیک سسون خیمیه گلدی هایاندان بالا لبیک ملک فطرتیم اکبر قمر طلعتیم اکبر دایان گلدیم هرایه من الان بالا لبیک خانم زینب ائشیتدی حسیندن بو صدانی دیدی کشف ایله قارداش منه بو جریانی دوشن مشکله کیمدور خطرگه ده دی جانی مخاطب کیمی ایتدون ائدورسن بو ندانی علی جان بالا لبیک … باجی عرصیه دون باخ  قولاق ویر ایله دقت او سس که منی سسلر وار اوندا نه ملاحت چکور روحی بدندن اورکدن آلو طاقت چاغوردی منی اکبر اونا ائتدیم اجابت علی جان بالا لبیک … حرم آهوسی قارداش دوشوب هاردا کمنده تاپوب ال اونا صیاد سالوبدور اونی بنده گوروبلر خط و خالین خرامیله گزنده او ادرکتی دینده جوابین سوله سنده علی جان بالا لبیک … حسین تلیدن اندی او میدان بلایه سالوب گوردی قلجلار علی اکبره سایه انور باشلارون اوستن قلج قالخور هوایه خطاب ایلدی حضرت اوغول گلدیم هرایه علی جان بالا لبیک … قشون قاچدی قاباخدان حسیندن آرالاندی ایدوب غیضیله حمله صداسی اوجالاندی آت اوستن اوزون اول شاه آتوب باخدی دایاندی دیدی وای بالا یاندیم سسه اکبر اویاندی علی جان بالا لبیک … حسین هر قدم آتدی یخلدی گینه دوردی نئجه دست جفاگر علی ریشه می قیردی دیزی اوستینه آلدی اوغول باشین اوتوردی یوزین قویدی یوزینه ایدوب  ناله بویوردی علی جان بالا لبیک … نه تئز اولدی غروبین سحر اولدوزوم اکبر گوزون آچ منه بیر باخ حسیندور سنی سسلر باتوب قانه جمالون دوتولمیش آیا بنذر بی بون منتظریندی آنان خیمه ده گوزلر علی جان بالا لبیک … علی اکبره اول نفس گلدی بو سسدن گوزین آچدی حسینه باخوب دوشدی نفسدن آلوب عطر امامیوئروب شهقه هوسدن اوچوب طایر جنت خلاص اولدی قفسدن

‍ شهادت حضرت علی اصغر (ع) نوحه - جوشی الیمین اوستونده    بالام قانه باتدی گل آل مندن زینب سوسوز طرلانی بویانوبدور قانه      گور چینلر مثلی ربابون ششماهه       گوزل جیرانی آناسیندان آلدیم آپاردیم میدانه دیدیم ای انسانلار بالام عطشاندی گله بنذر اوغلوم سارالوبدی رنگی سوسوزدی اوچ گوندی  عطشدن یاندی سوزومی آغزیمدا سه پر پیکان قویدی بوغازیندا دگدی آیوردی باشین ایله بیلدیم زینب ابوالفضلین بیرده منیم ئوز یانیمده گوزی اوخلاندی قوجاقیمدا باشین اوّل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسمیشدی ربابون جیرانی دوداقیندان ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربان ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسایدی بلگینده اسدی دگنده اوچ بیر اوخ نجه گلشنلرده اسر ریحانلار ایله بیلدیم یرده کسوبلر قربانلیق مناده حاجیلر کسر قربانلار بو قوزی قربانی قوجاقیمده امّا سوسوز کسدی دشمن چراغیم سوندی یری وار بو غمدن توکه گوزدن قان یاش دیه لای لای اصغر سوسوز جیرانلار ایله کی گوز یومدی دیدیم لای لای اوغلوم باجون گوزلور الان یوبانسون آغلار یاره وی آهسته آچار باشدان معجر دیر لای لای اصغر رقیم باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمللرده دیر یاندیم قارداش عزاسین ساخلار