‍ حضرت ابوالفضل (ع) (سبک : گیتمه گیتمه دایان...) اي علم صاحبي ، هم كرم صاحبي تشنه سقّا ابالفضل ، صبري دريا ابالفضل هاشمي لر آيي ، گلدي ماتم آيي اولدي غوغا ابالفضل ، سيّدي يا ابالفضل يا ابالفضل – يا ابالفضل سن علي نوريسن ، صاحب شوریسن سونميندي چراغون ، هم داغيلماز تُفاقون دلبر معنوي ، آچديلار سفره وي اولدي عالم قوناقون، دولدي صول،دولدي ساقون سو گلنده آقا ، كيم ايچوب مه لقا دوشدي ياده دوادقون ، قان ايچينده مُحاقون آخدي گوز ياشلاري ، آغلادوب داشلاري واغريبا ابالفضل ، وا شهيدا ابالفضل يا ابالفضل – يا ابالفضل ياندي ديل اولدي كول ، صولدي گلشنده گول گلشن اوت دوتدي ياندي، خرمن جان تالاندي سسلور عالم سني ، سنّي و اَرمني هندي نين قلبي قاندي، اوتلار اوسته قاچاندي هانسي عالمده سن ؟ نهر علقمده سن؟ دوت اَليمدن آماندي، ناله م عرشه داياندي ني تك ائتديم نوا ، ايستورم كربلا ايله امضا ابالفضل ، ايسته آقا ابالفضل يا ابالفضل – يا ابالفضل وار آدوندا دو ا ، تربتونده شفا واردي اون يدّي منصب ، سنده يار مؤدّب بيرده باب المراد ، منبع عدل و داد ايليوبلر ملقّب ، ايليوبلر مخاطَب بيرده اَهل ولا ، گور نه بزم عزا ايليوبلر مرتّب ، قيل نظر جان زينب كيمده وار تاب و تب ، سسلنور با ادب قدّی رعنا ابالفضل ، قبري خیردا ابالفضل يا ابالفضل – يا ابالفضل مشكيوه اوخ دگوب ، جسميوه چوخ دگوب دوشدي قوللار منايه ، اولدي اسلامه پايه غم گلنده يئره ، سن دوشنده يئره دوشدي زهرا عزايه ، تئز يتيشدي هرايه سسلدي جان اوغول ، اي گوزي قان اوغول باخما قانلي لوايه ، باخ منه ، گل صفايه باشيوي باغلارام ، اوخشارام آغلارام قانلي سيما ابالفضل ، پوزقون اعضا ابالفضل يا ابالفضل – يا ابالفضل يوخ ديين دشمنه ، قوم اهريمنه بو يارالي نگاره ، وورما ياره دوباره كينه لي چوخدي واي ، رحم ائدن يوخدي واي واي وورور گور نه ياره ، هي پياده سواره سسله قارداشيوي ، غملي يولداشيوي درديوي سويله ياره ، ايلسين درده چاره غملرون ياريوه ، غملي دلداريوه دي اوتانما ابالفضل ، جان زهرا ابالفضل يا ابالفضل – يا ابالفضل ** حسین ولی خانی ✨اَللّهُمَّ عَجِّل لِوَلیِّکَ الفَرَج✨

زمزمه امام رضا علیه السلام ضامن آهورضا جان جان عالم بفدایت به فدای صحن نابت جان فدای خاک پایت ..... تویی ارباب من/ شه قبله نما تویی سلطان طوس/علی موسی الرضا(ع) رضا جانم رضا ۲ روسیاهم پرگناهم/تشنه ی نیمه نگاهم سائلی گم کرده راهم /توفقط دادی پناهم ..... نظر کردی شها براین عبد گدا خریدی آبرو علی موسی الرضا(ع) ..... تویی ارباب من/ شه قبله نما تویی سلطان طوس/علی موسی الرضا(ع) ... رضا جانم رضا ۲ خادمان صحن پاکت/پادشاه عالمینند زائرانت زائران /قبر جد تو حسینند ..... فدای گنبدت/شمیم مرقدت فدای خادما/ن شهرمشهدت تویی ارباب من/ شه قبله نما تویی سلطان طوس/علی موسی الرضا(ع) رضا جانم رضا ۲

#زمزمه #امام_رضا 🎤جناب استاد رمضانی

زبانحال حضرت_زینب_در_شهادت_حضرت_زهرا_ سلام_الله_علیها مرحوم رضوان جایگاه. عابد تبریزی اُولاندا اَشکِ تَرون عارضه رَوانه آنا ئورکَدَه آتشِ حسرت چَکر زَبانه آنا نه سرّی وار که کمانِ غم و مُصیبتدَن نه اُوخ رَها اُولوب اِیتدی سنی نشانه آنا او اَل که جدّیم اُوپرمیش نُولوب عُطوفتله چَکیلمیری باشیما اِیندی مثلِ شانه آنا یوزون بو مَنزله خورشید وار سالماسا نُور باتار قَرا گِیجه تک ظلمته بو خانه آنا سولُوب او یوز که سولِیدی جَهان او سُولمازدی نجه سمومیدی اَسدی بو گُلستانه آنا نه حال دور گُورورم، اَسسه بادِ پائیزی بَنفشه رَنگی وِیرر یوخسا اَرغوانه آنا توکُولدی بسکه مُصیبت او سروِ قدَِّ رَسایه سِپهر قامَتی تک بَنزیری کَمانه آنا ئورکدَه چوخدی سوزوم لِیک دلدَه یوخدی توان که دردیمی گَتیرم بیر به بیر مَقاله آنا سنیله من اِیکی شَمعوخ که سن خَموش اُولوسان و لِیک یاندیراجاق دور منی زَمانه آنا بَهاریدی سنیله آشیانه گُلشنیدی خَزان یتیشدی خَراب اُولدی آشیانه آنا یانُور آتامدا غموندَه نجه کی من یانُورام یاناندا سرو بلی اُودلانار جَوانه آنا بَهار قافله سی کُوچ اِیدیر بو گُلشندَن دالینجا اَشکیم اُولور سیل تک رَوانه آنا قیزون دِیسین کیمه درد دلین مَصائبدَه گمانی یوخ داخی بیر اُوزگه هم زَبانه آنا گُورندَه اَشکیوی دل قان اُولوبدی لَعل کیمی دوزولدی رِشتهء مُژگانه دانه دانه آنا او غم که شیرِ خدا قَلبینین تَوانین آلوب نِدَر منیم کیمی رَنجور و ناتوانه آنا سن ای سِپهرِ نُبوتدَه اَخترِ تابان خزینهء شَرفه گُوهرِ یگانه آنا هامی بَلایه رضای خدا یُولوندا دوزوب که اُولدون اَهلِ حقه اُسوه جاودانه آنا دوزر قیزوندا سنون تَک هامی مَصائبدَه اگر چه غُنچه کیمی قَلبی دونسه قانه آنا بلا وِلائله توأَمدی آگهم دوزرم هامی مَصائبه حقّ اُوسته عاشقانه آنا شبِ دیانتی روشن گُونوز اِیدر صَبریم اَنیسیم اُولسادا گر نالهء شَبانه آنا التماس دعای فرج

بمون زهرا. .. بمون زهرا

#عباسیه_مدح اشعار شاعر ومداح عاشورائ کربلای رحمان سلیمانی سولدوزلو جوشی عباس ابن علی مولا ابوالفضل العباس کنز وفا ابالفضل _ قولسوز آقا ابالفضل بحر سخا ابالفضل _ یالقوز آقا ابالفضل دوشن فراتین اوسته پرسیز هما ابالفضل گوزنون اوخ یاره سینه قان آغلا رام عباس آقامین مشگنون اوخ پاره سینه قان آغلا رام عباس آقامین منیم آقام کرب وبلا نون ساقی و سقاسیدی منیم آقام ارباب عشقین با وفا عباسیدی قلم اولان قولارینون قربانی اولسون شیعه لر قانا دولان شهلا گوزون قربانی اولسون شیعه لر گوزنون اوخ یاره سینه قان آغلا رام عباس آقامین مشگنون اوخ پاره سینه قان آغلا رام عباس آقامین دوشنده مرکب اوستن سسلندی گل حسینیم یخلمیشام یوز اوسته گل هارداسان حسینیم یوخدور الیمده چاره گوز اوخلانیب حسینیم یوبانما گل داده آقا دوای دردیم سنسن حسین بوچولده عباسین آقا نگاری شاهیم سنسن حسین قانلی گوزومدن قان سوزور گل فاطمه ریحانه سی جانی چیخور سرداریوین بالینده یوخ بیر کسی آقا منی عفو ایله گر یاتدیم حضورینده یئره آقا منی آل لطفیلن عبا سیوم زیر پره یوبانما گل داده آقا دوای دردیم سنسن حسین بوچولده عباسین آقا نگاری شاهیم سنسن حسین

نوحه حضرا زهرا (س) #در سبک کاروان رفته منزل به منزل ⬛️ فاطمه ظلمیله قانه باتدی بی کمک حیدری گوزدن آتدی گوزلریمندن آخان اشکی آلله فاطمه محنتی قانه قاتدی داغ زهراده نالانم آلله بو مصیبتده گریانم آلله ⬛️ گللرین اوسته شبنم اوتوردی باشیمه گرد ماتم اوتوردی گئتدی زهرا الیمدن خدایا قلبیمه محنت و غم اوتوردی داغ زهراده نالانم آلله بو مصیبتده گریانم آلله ⬛️ رحم ائله دورت بالام دربدردی قلبیدن من کیمین خونجگردی زینبیم درده توش اولدی یارب گوزلریندن آخان اشک تردی داغ زهراده نالانم آلله بو مصیبتده گریانم آلله ⬛️ زینبینیم باشا قاره باغلار هم حسین و حسن سینه داغلار قالمیشام منده آواره ایندی فاطمه گللری باهم آغلور داغ زهراده نالانم آلله بو مصیبتده گریانم آلله ⬛️ فاطمه حیدری درده سالدی درد هجرانی سینمده قالدی بو مصیبتده یانَام الهی سینه‌می محنت و ماتم آلدی داغ زهراده نالانم آلله بو مصیبتده گریانم آلله ⬛️ قلبیمی تیر غم بولدی آلله فاطمه چوخ جوان ئولدی آلله فاطمه جسمی تابوت ایچینده زینبیم ساچلارین یولدی آلله داغ زهراده نالانم آلله بو مصیبتده گریانم آلله ⬛️ باصفا دلبریم گئتدی الدن پُربها گوهریم گئتدی الدن شهر یثربده چوخ بیکسم من باوفا همسریم گئتدی الدن داغ زهراده نالانم آلله بو مصیبتده گریانم آلله ⬛️ دردیمون یوخ دواسی الهی قلبیمون یوخ قواسی الهی آغلادار حشره‌جک مرتضانی فاطمه ماجراسی الهی داغ زهراده نالانم آلله بو مصیبتده گریانم آلله

یا هو سونمور اللّه بو مصیبتده نَدَن سینه کوزی؟ بیر نفر یوخ سوروشا ثانیدن آیا بوسوزی؟ لعنت اولسون سنه ای ثانیِ نامرد و خبیث فاطمه منزَلَتینده نَقَدَر واردی حدیث؟! هامّیدان یاخچی بیلورسن نَه جلالت واریدی شأنینه کوثر قرآندا دلالت واریدی مایهٔ فخر و مباهات بَشَر فاطمه‌دی باعث رحمت حق، دافِعِ شَر فاطمه‌دی چهره سی نورٌ علیٰ نورٌ علیٰ نورِ ازل ایکی دنیاده خانم فاطمیه یوخدی بَدَل یتیشوب فاطمه‌دن، عالَم هستے شرفه ماخَلَقْ بیرطَرَفہ، فاطمه‌ده بیرطَرَفہ بیر بئله جاه و جلال و جَبَروتی اولانین قلبینه غصّه و اندوه و مصیبت دولانین نَه روادور که یولین کوچه‌ده مسدود ائده‌سن؟ ئوزووی لایقِ لعنِ حَقِ معبود ائده سن؟ سن نَه جُرأتله یولی سَدّ ائلدون فاطمیه؟ اعتنــا ایلَمــدون  کـامـله‌ی عــــــالِمیه؟ سورهٔ کوثر قرآنیدی که ویردون اونی! گوهر عصمتیدی فاطمه، سیندیردون اونی... نه گناه اوسته شرار غمه یاندیردون اونی؟ محسنین سقط ائلیوب قانه بویاندیردون اونی؟ @Magma12

🍁 بسم‌ الله الرحمن الرحیم 🍁 🏴 زبانحال حضرت زینب (س) 🏴                در سوگ مادر ای گئدن قبره عزالی خسته خسته وای نَنموای بیرکبوترسن یارالی پَرشکسته وای نَنموای قوی دیوم یورقون نَنم وای گُل کیمی سولقون نَنم وای باغلیان ای بار رحلت بوگجه خلوت زمانی اینجیدون صیّاداَلیندن گوزدن آتدون آشیانی سن کیمه تاپشوردون آخربو پوزلمیش خانمانی گرچه اولدون بوقفسدن ایندی رسته وای نَنموای قوی دیوم یورقون نَنم وای گُل کیمی سولقون نَنم وای گلشن عمرون نَدن تِز آی نَنه دوشدی خزانه کیم جوان ئولسه دیوللرتای توشی آغلارجوانه یوخ سنون بیرآغلیانون آغلارام من یانه یانه اوخشارام گلسه مَلکلر دسته دسته وای نَنموای قوی دیوم یورقون نَنم وای گُل کیمی سولقون نَنم وای ای گجه شب زنده داری کَسمه تِز رازونیازون بس نَدن خاموش اولوبدور بوگجه سوزو گدازون سن مسافرسن گئدورسن بوش قالوبدور جانمازون بیرکبوترمثلی اولدون بالی بسته وای نَنموای قوی دیوم یورقون نَنم وای گُل کیمی سولقون نَنم وای خالقه مَاوادی قلبون منزل بی کینه سیندی آتدیلار سنگ جفانی حق نما آئینه سیندی دَربیلن دیواراَراسی بیرصفالی سینه سیندی یاغدی گویاغم هوادن اوسته اوسته وای نَنموای قوی دیوم یورقون نَنم وای گُل کیمی سولقون نَنم وای هرکیمه واضح چتیندور یاره اوستن یاره گورسون دَربیده مسماری قانلی کوچه ده گوشواره گورسون محسنه اولموبدی قسمت یاتماقا گهواره گورسون نسبتی واردور بودَردین اول اَلسته وای نَنموای قوی دیوم یورقون نَنم وای گُل کیمی سولقون نَنم وای التماس دعا... ✨اَللّهُمَّ عَجِّل لِوَلیِّکَ الفَرَج✨ @Magma12

#کوچه_سوزی امیرالمومنین آقا زهرایه غسل ویروب کفن الیوب،چاغیردی بالاریم گلون آنازیلان وداع الیون،بالالار ننون جنازه سین دوره لیوب حسن ئوزون سالدی اویارالی سینه نون اوستونه بله دیدی چه میشد گر مرا مادر ، از آن کوچه نمیبردی من آن جا را نمیدیدم ، تو هم سیلی نمیخوردی اُوزوم گُوردوم کی اَهریمَن ، سَنه چارَه یُولون کَسدی اُوزوم گُوردوم سَنه سیلی ، دَیَندََه لَبلرون اَسدی اِشیددیم سَس گَلور گُویدَن ، کی اِی ظالِم اُوتان بَسدی🖤🖤🖤 @Magma12

ان شاء الله همگی رزق و روزی مون کربلا باشه صلوات اللهم صل علی محمد و آل محمد و عجل فرجهم 🌹

▪️▪️▪️▪️▪️▪️▪️▪️▪️▪️▪️ چاتمادی دردون درمانه یا زهرا اولدی اورکلر ویرانه یا زهرا مهدی اوغلون سسلنرلایلای ننم لایلای روز وشب آغلار دیر لایلای ننم لالیلای زهرا، یا زهرا ،زهرا ,یا زهرا جان😭 سن کیمی مظلوم الده ئولن اولماز قبره گیزلینجه گیجه گدن اولماز هچکیم دنیاده قان آلان اوغلون تک قبرین اوستونده لایلای دین اولماز مهدی اوغلون سسلنرلایلای ننم لایلای روزوشب آغلار دیر لایلای ننم لالیلای زهرا یا زهرا زهرا یا زهرا جان اولدی پیغمبر چکدی بلا باشین، قان اولدی گوز یاشین قان اولدی گوز یاشین باشیوون اوسته بزم فراقونده لایلای چالماقا اولمادی قارداشین مهدی اوغلون سسلنرلایلای ننم لایلای روز وشب آغلار دیر لایلای ننم لالیلای زهرا یا زهرا زهرا یا زهرا جان😭 ♦السلام علیک یا اباعبدالله ✨اَللّهُمَّ عَجِّل لِوَلیِّکَ الفَرَج✨

۞﷽۞ ▪️زبانحال حضرت علی (ع)به حضرت زهرا(س) قبل ازشهادت سیل اشگیوی گلعذاریوه یانه یانه آز باغلا فاطمه یوخدی طاقتیم سوزآهیله آزبوقلبیمی داغلا فاطمه نیلیوم بواُمت منی سالیب جورظلمیله غم حصارینه قیزلارین باخیرگوزلرون فداسی آماندی آزآغلافاطمه بوفناجهاندان اگرچه واردور اورکده چوخ چوخ سنون گِله قلبیمه ووروربوسکوتین اوت گلمیسن نیه فاطمه دیله وای منه اجل اولمیا سالا بو آرامیزا بیرده فاصله گل دیله دانشدیر عم اوغلوی باشین اوسته آزساخلا فاطمه دوقوزایل بوائوده سن اولموسان دورت گله برازنده باغبان هربلا گلیب باشه دوزموسن ائتموسن اورکده غمون نهان دوراوتوربوصون دم اورک سوزون بوفکاره باری ایله بیان آتش فراقینده سینمی یاندیریب بیله یاخما فاطمه اشگ غمله باخ گورنه مجتبا گوزلری دولوب یومما گوزلرون غصه دن عذاری حسینیمون گول کیمی سولوب یومماگوزلرون خیرداقیزلاریم فرقتونده دور غصه مرگ اولوب یومما گوزلرون یخماصبرائوین حسرتیله صاغ و صولا بیله باخما فاطمه ای حبیبه ی حـّی کبریا ویرّرم حقیوه مـن سنی قسم حقیوی حلال ائت عم اوغلوا گلدی غصه دن تنگه بوسینم من فدا سنه آیریلیق سوزون دیلده ایلمه جاری دم به دم تیر محنتی بـو یـانـان دِلِ داغداریمه تـاخمـا فاطمه سن شفیعه ی یوم حشرسن محشرایچره بو اهل عالمه قویماحشریده آغلیانلارین قلبینه دوشه بیرده واهمه (عاجزین)الیندن یاپیش یانان قلبی دوشمیه محنت وغمه بوحسینوین نوکرین ئوزون ظلِّ سایه ده ساخلا فاطمه ❇️التماس دعا ✨اَللّهُمَّ عَجِّل لِوَلیِّکَ الفَرَج✨

‍ 🌺🍃برای امروزتون 🌸🍃برکت، سلامتی، 🌺🍃موفقیت ،سربلندی و 🌸🍃عاقبت بخیری را 🌺🍃ازیگانه معبودم می طلبم 🌸🍃الهی شروع این هفته 🌺🍃شروع بهترین ها باشه

آقای: ای مدینه اورک قانه دوندی ‍ 🌴در قبرستان بقیع 💢نوحهء حضرت زهرا(س دراهنگ ای قلم سوزلرینده ✍شعر از استاد جاهد ای مدینه اورک قانه دوندی ناله سینمده افغانه دوندی تاپمادیم قبر زهرانی سنده گوز یاشیم بحر عمانه دوندی آغلارام دل دونر قانه زهرا آغلارام قبر پنها نه زهرا -------------------🏴🩸 دوزمدی دل بو داغ فراقه غملی سینم دوشوب احتراقه قبرزهرانی کیمدن سوروشدوم سالدی.گوز یاشلی.باشین.اشاقه آغلا رام دل دونر قانه زهرا آغلا رام قبر پنها نه زهرا -----------------🩸🏴 یوسف فاطمه گل اما ندی شیعه نین قلبی هجرینده قاندی گل نشان وئر مزار بتولی باری.قوی.شیعه بیلسین هایاندی آغلا رام دل دونر قانه زهرا آغلا رام قبر پنها نه زهرا 🏴🩸🏴🩸🏴 التماس دعا

زبانحال حضرت زینب کبری در کنار تابوت مادر بزرگوارش (دربَدَرم آی قارداش) (ناحلة الجِسم یعنی) گیتمه آنا یا زهرا ای ظلموله شکسته، یاقوت یاراشموری سنه هیچ، تابوت یوروب سنی جفایِ، طاغوت آغلامییم بَس نینیم اَلو چکور وجودوم، غَمدن نجه آنا دویوبسان، مندن زینب کی دویمییبدی، سَندن یارالی/آنام ایوای 3 گیتمه گوزون قربانی قراریمی الیمدن، آلما بلایه زینبیوی، سالما سَنگِ فراقی قلبه، چالما زینبون ئولسون ایکاش سنی گورونجه تابوت، اوسته ای خِلقَتِ جَهانه، هَسته گیت یات مزاریده ای، خَسته ووردولار اود درگاهه دیوار و  دَر سینه وی، سیخدی صَحن ایچره نالَن عرشه، چخدی بابام علینین ایوین، یخدی گوردی سنی قان ایچره بولدی اَسیبدی باغه، صَرصَر اَیاقلار آتدا اولدون پَرپَر بولمم نجه دوزوبدی ، حیدر طاقتیم اَلدن گیتدی گولوم دچار اولوبدی، خاره دوزَلمدی سینَنده، یاره اَلیمده قالمییبدی، چاره (بیکَس) و بی غمخوارم بوندانصورا منه یوخ، هَمدم عَرشه اوجالدی آه و ، نالَم گَرَک دوتام ئولونجه، ماتَم #گیتمه_آنا_یازهرا #حضرت_زهرا_س #فاطمیه

☑️زبانحال حضرت مسلم علیه السلام . . ✍حاج داود بیدق داری . شاه دینون یاریم من کوفه ده اواریم من سسلرم هر لحظه مولا یابن زهرا یابن زهرا . شمع تک عشقونده یاندیم کوچه لرده تک دولاندیم کوفه ده یوخ جای مأوا یابن زهرا یابن زهرا . یا حسین احوالیمه آغلار در و دیوار کوفه باغلانان قوللاریمه شاهد دی بو بازار کوفه . کوفه ده یوخ جای مأوا یابن زهرا یابن زهرا . . قید عشقه بسته یم من عاشق وارسته یم من باغلیدور قولّاریم اما یابن زهرا یابن زهرا . دوره می دشمنلر الدی گوزلریمده گون قرالدی محشر اولدی اوندا گویا یابن زهرا یابن زهرا . یا حسین اوغلانلاریم قربان زلف اکبر اولسون اذن وئر بو شهریده جانیم فدای اصغر اولسون . کوفه ده یوخ جای مأوا یابن زهرا یابن زهرا #سبک_گلپونه_ها 🎤باصدای زنده یاد حاج داود بیدق داری👇👇👇

‍ اذان بلال در هنگام وفات زهرا 😭😭😭😭😭😭🏴🏴🏴 مدینه اهلی ناگهان ایشیتدیلر اذان سسی ایشیتمیوبله بیر نچه زماندی که همان سسی مدینه اهلی ناگهان ایشیتدیلر اذان سسی ایشیتمیوبله بیر نچه زماندی که همان سسی او گوندنیکه حضرت رسول رحلت ایلیوب ابی قحافه اوغلونا او خلق بیعت ایلیوب بلال اذانی ترک ایده تلاش و همّت ایلیوب دیوب بلالدن داخی ایشیتمه سوز اذان سسی دیدی موذّن نبی اذانچی اولماز هر کسه چتیندی شاهباز اولان اولا شکار کرکسه بودور نهایتی اُلوم حیات رشته سین کسه گَلور قولاقه دمبدم دَرای کاروان سسی نه قدر وعده ویردیلر، نه قدر خواهش ایتدیلر بیر آزجا قورخودوبدولار، بیر آز نوازش ایتدیلر قاباقکی تک اذان دیسون اونا سفارش ایتدیلر دیدی محال اولار عیان ایدم اولان اذان سسی سفارش ایتدی فاطمه بلاله امتحان ویره بابامی گوگلوم ایستوری گنه گیدوب اذان ویره دیون بلال اذان دیوب بو مرده جسمه جان ویره اونون اذان سسی گَله گَلر بو جانه جان سسی بلاله غملی موقعی یتوب سفارش بتول توکوب عذاره گوزیاشی دیدی موذّن رسول اولور که فاطمه سوزون بلال ایشیتمه سون، قبول او ایستیوب حق ایستیوب بو خسته ناتوان سسی چتیندی غملر آیریلا، انیس اولوب بلالیله اوزین یتوردی مسجده اذان دیه ملالیله دیوبدی اللهین آدین قاباقکی تک جلالیله اودور قالوبدی خلق آرا آدیله جاودان سسی دوشوبدی خلق حیرته، مناره دن اوجالدی سس خیال ایدوبله بیعته بلال ایلیوب هوس تفحّصیله بُلدولر نه علّته سینوب قفس قونوب گل اوسته قوزانوب هزار داستان سسی بُلوبله امر فاطمه جوابینه دیمز او لا خلیفه بُلمز آیریسون ولیّ حق اولا اولا چتین بلال صبر ایدر رسول گلشنی سولا گُلون گیدر طراوتی کسیلسه باغبان سسی ایکیمجی فصلینه اذان یتوب گَلوب مرام اَله اوچومجی فصلی ذکر ایدوب موثّر اولدی هر دله سالوبدی شهر یثربه او سس عجیبه ولوله اوجالدی عرشه ناگهان فغان و الامان سسی ایشیتدی تا آتاسینون آدینی خیرة النّسا آخوبدی گوزیاشی یوزه دیدی بابا بابا بابا نه قدر گوز جفا ایدوب منه بو قوم بی وفا اوجالدا بُلمورم بابا ایویمده ده فغان سسی توکوب عذاره گوز یاشی زبس ایدوبدی غم اثر یخلدی حالیدن گیدوب، بلاله ویردیلر خبر دایان که اُلدی فاطمه، سسین کسوب او خوش سیر دوشوبدی لرزه جانینه باتوبدی ناگهان سسی سسین کسوب دیدی بو سس داخی چتین رسا اولا اگر رسا اولا گرک امامی پارسا اولا گیچوبدی عمریمون چوخی بیر آز قالور مسا اولا قوجالموشام داخی چتین سسیم اولا جوان سسی بلال اذانی خاطره گَتوردی آیری بیر اذان اودور سرشک حسرتیم عذاریمه اولور روان حسین اذان دیور دوشه یولا او خسته کاروان اذان سسیله هم زمان اوجالدی بانوان سسی باجی ایشیتدی قارداشی گَلوب دله اذان ویرور اذان ویرنده یاره لر دوباره تازه قان ویرور بو قان او تازه نهضته حیات جاودان ویرور قولاقح ویرنده هر زمان گَلور گیچن زمان سسی ✨ اَللّهُمَّ عَجِّل لِوَلیِّکَ الفَرَج✨💫

زبانحال صدیقه ی طاهره علیها السلام (من اومدم دوا بشه دردم) ( جدید و بسیار لطیف) گَل یا علی ای سَروَرِ /دوران گَل باشیم اوستونده اوخی/ قرآن زهرا او قرآن صوتیوا /قربان هجران یاخیندی2 راهیدی زهرا محضَرِ / یاره غمدن گونوم دوندی شبِ / تاره هجرانه یوخدی نیلیوم / چاره هجران یاخیندی2 (مظلوم علی مظلوم علی /ایوای) 3 ایوای عم اوغلی رفعِ غم و درد و مَلال / اِیْله دیلده سوزون اولسا سؤال / اِیْله زهرا ئولن گوندی حلال / اِیْله یاننام غموندن2 فرصَتدی درد دیل ایداخ / باری گوزیاشیوی ایتمه یوزه / جاری دفن ایله زهرانی گجه /یاری یاننام غموندن2 مدّتدی اولموشدوم سنه / مأنوس اولدوم حیاتیمدان ولی /مأیوس قاخمیر قولوم اَشکون سیلَم /اَفسوس آز آغلا یاندیم2 زهرا حَیاتیندان اگر / دویدی فکر ایلمه رَختِ وفا / سویدی غَملی دیلی مسمارِ دَر / اُیدی آز آغلا یاندیم2 غُنچه گولوم پَرپَر اولان / گوندن الله بولور شرمندیم / سَندن اوز دوتماقیمدان اینجیمه / مَندن چاره م یوخیدی2 تیرِ مُحَن داغلی دیله / ساشما غیرتلیسن امّا دایان / داشما وار خواهشیم کوچه سوزون / آشما چاره م یوخیدی2 وار اختیارِ ماسِوا / سَنده پِیکِ اَجَل درباریوه / بَنده امّا اجازه ویر آقا / مَنده گیدیم یورولدوم2 گیتسَم اورکده غُصّه لر / قالدی اَشکیله دولموش دیده لر / قالدی ایوای اوشاقلاریم مَلَر / قالدی گیدیم یورولدوم2 فکریم حسینیمدن ولی / دونمَز هجر آتَشی هر نیلورَم / سونمَز اوغلوم کیمی هیچ کیم غریب / ئولمَز کرب و بلاده2 (بیکَس) قالار اوغلوم حسین / بوللَّم آتدان دوشَنده توپراقا / گللَّم آغ زلفیمیله قانینی سیللَّم کرب و بلاده2 #گل_یاعلی_ای_سرور_دوران #حضرت_زهرا_س #فاطمیه التماس دعای فرج