🎼سبک نوحه فوق👆👆 #بانوای_حاج_علی_سیفی_افشار _____________

🌹سرود ولادت حضرت رقیه سلام الله علیها 🎼اهنگ:به دیدن من بیا مهتاب در اومد 🌷دستگاه شور 🌷 🎤#بانوای_حاج_علی_سیفی_افشار خانم رقیه گل باغ وفادی سه ساله ی فاطمه روحه صفادی دونوبدی یثرب بو گون جنانه گلوب رقیه بو گون جهانه کعبه عشق و وفا حاجیسی گلدی اکبر شه زاده نین باجیسی گلدی ایت بیزه احسان خانم آدیوا قربان (۴) ای شاه کرب وبلانین افتخاری شیعه لرون وار سندن چوخ انتظاری درده دواسن خانم رقیه روحه صفاسن خانم رقیه عنایت ایله بیزه ویر عیدیانه سسلروک آدون خانم بیز عاشقانه ایت بیزه احسان خانم آدیوا قربان (۴) (مخالف) یا رقیه خانم غم ایلمه سن احساس قارداشیندور علی عموندور چون که عباس سپهر عصمتین دان اولدوزی سن سن رقیه علی اکبرین دادی دوزی سن سن رقیه سه ساله قهرمان حسین قیزی سن سن رقیه گوزلدی آدین گوزل رقیه دیوان عشقه غزل رقیه حلقه عشقین قاشی سن سن رقیه نغمه لرین سوز باشی سن سن رقیه ایت بیزه احسان خانم آدیوا قربان (۴) عشقیوی ویرمم سنون بو کهکشانه بیر توکون دیر خانم کل جهانه ای نازدانه خانم رقیه گل مدینه خانم رقیه قول باغلی گیدوب خانم سن شامی آلدون یزیدی تخدن یره یوز اوسته سالدون ایت بیزه احسان خانم آدیوا قربان (۴) عزیز هر دو جهان سه ساله زهرا سلاله ی حیدری امید دلها زینبله چاتدون خانم مرامه تسلیم ایدوبسن شامی امامه زهرایه بنذر یوزون اولوبدی نیلی دگوب یوزوه سنون آنان تک سیلی ✍️ شاعر علیرضا علوی زنجانی

📚شعر جدید در وصف کربلا۱۴۰۲ ✍بقلم کربلایی حسن طیبان میانجی 🎼سبک: ایها العاشق ما هذا الغلا انت فی العیش و هم فی کربلا ·•· 🎤#بانوای_حاج_علی_سیفی_افشار تربتی خاک شفا آی کربلا دردللره عالی دوا آی کربلا هامی یردن سن گوزلسن کربلا آدیوا جانلار فدا آی کربلا ‌ کربلا آی کربلا آدیوا جانلار فدا مظهر حضرت جانان سنده دی یتمیش ایکی تشنه قربان سنده دی تا جهان وار قبله ی عشاقیسن چون حسین شاه شهیدان سنده دی هر ایکی عالم گل یاسه فدا باشهامت شرف وناسه فدا نهر فرات اوسته خجالتدن اولن جانیمیز حضرت عباسه فدا قانه باتان اکبر قان اغلوروق ماه ملک منظره قان اغلوروق طوی گونونده قانینه غلطان اولان قاسم مه پیکره قان اغلیوروق گل وگلزاره حسینه اغلاروق یارو وانصاره حسینه اغلاروق التی گوشه قبرین حسرتین چکوب گونده مزاره حسینه اغلاروق سنده اصغر قانه باتدی کربلا سو غمین باشینان اتدی کربلا دین وقرانه سوسوز جانین ویروب یومدی گوزون کامه چاتدی کربلا تاپدون اوگون کربلا سن امتیاز شاه دین قانیله الدی دستماز باشلادی   اللهیلن   رازو نیاز قیلدی عشقیله حسین سنده نماز

▪️نوحه حضرت معصومه(س) ✍️شاعر: کربلایی عبدی زنجانی 🎤#بانوای_حاج_علی_سیفی_افشار دلده حسرت گوزومین یاشی بولاق گئدیرم محضر جانانه قوناق گل رضا جان ئولورم سنه قربان ئولورم 🏴🏴🏴🏴🏴 اورگیم یاره لی غرق محنم خسته از جور و جفای زمَنم سنون عشقینده جلای وطنم ناخوش احوال و قبیلمدن اوزاق گئدیرم محضر جانانه قوناق 🏴🏴🏴🏴🏴 درد هجرانه منیم یوخدی دوزوم باشیوا گل دولانوم قارداش ئوزوم وار بوسینمده سنه چوخلی سوزوم دوشموشم حیف اولا من سندن اوزاق گئدیرم محضر جانانه قوناق 🏴🏴🏴🏴🏴 سالدی عشقین منی آواره چوله تیر غم قلبیمی آز قالدی بوله باجیوی گورمگه اِیله عجله ولی قمدا منی سن اِیله سراغ گئدیرم محضر جانانه قوناق 🏴🏴🏴🏴🏴 بو سفرده یولومی اهل جفا کسدی ویردی دلیمه چوخلی یارا بیر نفر یوخدی منیم یاریم اولا باجیا قارداش اولار غمده دایاق گئدیرم محضر جانانه قوناق 🏴🏴🏴🏴🏴 گل اَخا باغلا منیم گوزلریمی چکورم من نفسِ آخریمی تپراقا تاپشور ئوزون پیکریمی قویما قلبیمده قالا داغ فراق گئدیرم محضر جانانه قوناق 🏴🏴🏴🏴🏴 باجی معصومه وی درک اِیله رضا شهر غربتده ئولور دلده نوا لحن قرآنیوه محتاجم اَخا سن اوخی منده وئریم ایندی قولاق گئدیرم محضر جانانه قوناق گل رضا جان ئولورم سنه قربان ئولورم

▪️زبانحال حضرت علي (ع) بر بالين حضرت زهرا(س) ✍استادکربلایی رحیم شایان 🎼سبک :: دريا دريا ( افتخاري ) 🎤#بانوای_حاج_علی_سیفی_افشار زهرا زهرا گوز آچ اويان قربانون اولسون علي قويما تنها مني بلا گردانون اولسون علي زهرا جان وار يري مين ايل گريانون اولسون علي اولمادي درديوه دوا درمانون اولسون علي گيتسن اورگيم سيخيلار گيتمه که ايويم ييخيلار هجرون سينه مي يارالار نيلر داخي بو بالالار شراريدن اورک چکر زبانه يا زهرا فراقيدن قان آغلارام شبانه يازهرا سنسيز بو شهر اولار منه غمخانه فاطمه جان منلن سنسيز اولار هامي بيگانه فاطمه جان وصل اولدي روح اطهرون جانانه فاطمه جان گللم هجرونده دايما افغانه فاطمه جان يانام گوورن يوزووه نسگيللي اورک سوزووه قربان آغاران باشيوا دريا کيمي گوز ياشيوا حزين حزين گيجه گونوز قان آغليار زينب فراقيدن هميشه سينه داغليار زينب ✨اَللّهُمَّ عَجِّل لِوَلیِّکَ الفَرَج✨

🎤سبک اول 🎼سبک نوحه فوق👆👆 #بانوای_حاج_علی_سیفی_افشار

🎤سبک دوم 🎼سبک نوحه فوق👆👆 #بانوای_حاج_علی_سیفی_افشار

🏴در شام غریبان حضرت زهرا علیها سلام 🎼سبک : ای غنچۀ نیلوفریم ... ویرانه ده نازلی بالام... ✍حاج اصغر فرشچی(عدلی تبریزی) 🎤#بانوای_حاج_علی_سیفی_افشار یابن الحسن زهرا آنان طاهایه مهماندی یثربده بیت الوحیده شام غریباندی زینب نوا خواندی باش ساغلیقی ویروخ سنه حالون پریشاندی جدّون حسین تك غصه دن قلبون دولی قاندی بو شیعه لر ماتم دوتوب نالان و گریاندی گویده ملك لرآغلاشور محشر نمایاندی اَلدن ویروبدی همسرین مظلوم علی آغلور كلثومیله زینب بی بون اوز سینه سین داغلور گوز یاشینی رخسارینه حسین حسن باغلور بیت علی ده بو گجه عمّن پریشاندی آغلور دیور مولا علی گوندوز گونوم باتدی قویدوم مزاره من اونی سینه یارا یاتدی گوز یاشلارین خون دله بودوت بالا قاتدی جدّون علی المرتضی دیلدن نوا خواندی سولدی آنان عمری گلی آیرولدی سوسندن اوز گلستانون ترك ایدوب آیریلدی گلشندن گلمز سسی بیرده اونون بو بیتُ الاَحزندن لاله مثالی تز سولوب پرپردی خنداندی اود ویردی ثانی باب وحی شعله چكوب یاندی بیر ظلم ایدوب دیوار آرا زهرا یارالاندی بو اشقیانون ظلمونه دین اهلی حیراندی بُغض عدو اولدی عیان دللر دولی قاندی چخماز داخی بوندان صورا بیر گلشنه زینب باخماز چمنده گل چیچك هم سوسنه زینب اندوه و غمدن سسلنر ایوای نه نه زینب آغوشینه آلماز اونی زهراسی بی جاندی صاحب عزا سنسن آقا بو ماتم و غمده سن ملجاء شاه وگدا هم برّیده یمده سن بول آقا زهرا جانی باش چك اُولن دَمده «عدلی» اوركدن اودلانور بو غمده سوزاندی زینب پریشاندی زینب نوا خواندی

#فاطیمه ▪️زبانحال حضرت زینب(س) در فراق مادرش حضرت زهرا(س) 🎤#بانوای_حاج_علی_سیفی_افشار 🕌مسجد امام حسین(ع)ارومیه ۱۴۰۳/۹/۱ بلا گرفتاری ننم لایلای مدینه بیماری ننم لایلای مزارَه تابوتی غریبانه گیدن گیجه یاری ننم لایلای ___________________ یوزونده غم گَردی ننم لایلای بیلیمین دردی ننم لایلای گیدن مزاره ئورگی یاره یوزنده غم گردی ننم لایلای ___________________ بلا چکن باشی ننم لایلای انیسی گوزیاشی ننم لایلای باشا آچشمیان آیری باجیلارتک یاسیندا قارداشی ننم لایلای ___________________ بلا شکیباسی ننم لایلای خدیجه زهراسی ننم لایلای مدینه ده جاه و جلالیله قورولمیان یاسی ننم لایلای ___________________ همیشه غصه یئنیم لایلای لباس ماتم گئینیم لایلای هامی یاتاننان سورا آخشاملار حسینه نوحه دیینیم لایلای ___________________ ✨اَللّهُمَّ عَجِّل لِوَلیِّکَ الفَرَج✨

🌹میلاد باسعادت حضرت زین العابدین امام سجاد علیه السلام 🎼در آهنگ دل شده کانون صفا 🎤#بانوای_حاج_علی_سیفی_افشار قویدی جهانه قدمین شرف و زینت دین پور مولامیزحسین زینَت ِ عابدین گوزلر ایشیقلاندی یقین گلوب اول حبل متین حیدره نور دوعین سید الساجدین پنجم شعبان گوزلی مرحبا مرحبا روح حسین بن علی مرحبا مرحبا یثرب اولوب باغ جنان سوینیر کون و مکان گلوب اول نور عیان پسر قهرمان عالمه گتدی هیجان عرشیان خنده کنان گوز آچوب ماه جهان شرف انس و جان پنجم شعبان گوزلی مرحبا مرحبا روح حسین بن علی مرحبامرحبا هر ایکی قومون گوزلی گلدی نور ازلی اولدی نیک آدی علی گلعذار حسین سجده سی عالم مثلی اولا حاشا بدلی دین اسلامه ولی افتخار حسین پنجم شعبان گوزلی مرحبا مرحبا روح حسین ابن علی مرحبا مرحبا ✍استادکربلایی رحیم شایان ارومیه

🌹در جلالت علمدار کربلا 🌹سرودی زیبا 🎼با سبکی متفاوت 🎤#بانوای_حاج_علی_سیفی_افشار نه دیوم شأنونده اَزبَس ، دلرُباسن یا ابوالفضل دردیله دولسا بو عالَم ، سن دَواسن یا ابوالفضل یااباالفضل ، یا ابالفضل جان سنه قربان ابالفضل روز میلادون اولوبدی، خانِدانون شاد و خندان جلوه ی رُخسارون ایتدی ،چوخلاری مَبهوت و حیران گور آنان اُمُ البنینه، ایلیوب الله نه احسان دلرّباسن، مَه لقاسن ، باصفاسن ، یا ابوالفضل رسمیدی تِز تِز یوزوندن ، تازه مولودون ئوپَلّلر ئوپدی امّا قوللاروندان ، گوردولر فَتّاحِ خیبر علّتین هر کیم سوروشدی، سویلدی اُول شاهِ اَنور بولدولر سن قهرمانِ ، کربلاسن یا ابوالفضل بی سَبب بابَ الحوائج ، اولمییبسَن ای هُنروَر چون کَرامتده سنه بیر ، کیمسَنه اولماز برابر دوشسه هر کیم مشکلاته، دادینه عبّاسی سَسلر سن آقا حَلّالِ مشکل ، دلگُشاسن یا ابوالفضل سُفره وین هر کَس اولوبدی ،ریزه خواری تاپدی شوکت دامَنون هر کیم دوتوبدی، ایتموسن مولا عنایت نوکره دنیا و عُقبا ، سنسن آقا تاجِ عزّت عادتون احساندی دائم ،چون آقاسن یا ابوالفضل مِثل و مانندون وفاده ،گورمییب چشمِ زمانه دینه خدمت ایله دون سن ، عارفانه ، عاشقانه سنکیمی غیرتلی قارداش ، گَلمیوب گَلمز جهانه مَرحبا ، حَقّین یولوندا ، با وفاسن یا ابوالفضل عرصه ی هیجاده دشمن،هِی گَلَنده ، دسته دسته لشکر ایچره تک قالان گون ، اولمادون سن زار و خسته باشدی،قولدی ، گوزدی، اَلدی، سالموسان توپراقلار اوسته جنگیده مِرآتِ شاهِ ، لافَتاسن یا ابوالفضل

▪️وفات امام محمدباقرعلیه السلام 🎼سبک: صادق آل عبا ایلیوب رحلت... 🎤#بانوای_حاج_علی_سیفی_افشار ۱۴۰۴/۳/۱۲ باقری ئولدوردیلر اهل جفا یافاطمه وئرتسلی صادقه ایلورنوا یافاطمه شیعه لر قان آغلیور غمده سینه داغلیور(۲) زهریله مسموم اولوب اوغلون ائله آه ونوا فانی دنیادن. گئدوبدوریادگار کربلا جدینی گورموش شهیدائتدی گروه اشقیا حضرت صادق دیورایوای آتا یافاطمه شیعه لر قان آغلیور غمده سینه داغلیور(۲) جدی آغلورعدنیده مولادیورایوای بالا مرتضادور صادقیلن بوگونی صاحب عزا شهریثربدن گیدوب عرشه بوگون آه ونوا گئتدی دنیادن بوگون کان سخایافاطمه شیعه لر قان آغلیور غمده سینه داغلیور(۲) باقره گوزیاش توکوب صادق ائدوب غسل وکفن چوخ جماعتلن نمازین قئلدی یاندوردی محن دفن ائدوبدوریادینه دوشدی حسین مظلوم ئولن ذبح اولوب باشی اولوب زیب جدایافاطمه شیعه لر قان آغلیور غمده سینه داغلیور(۲) صاحب آغلورحالینه آرامینی الدن آلوب دوردامامین یاندی قبری گون قباقینده قالوب جدینون آغلارگوزیله داغینی قلبه سالوب ایستوری ویرسون برات کربلا یافاطمه شیعه لر قان آغلیور غمده سینه داغلیور(۲)