🏴نوحه شهادت دوطفلان حضرت زینب سلام الله علیها🏴 🎼سبک:علی جان بالا لبیک... ✍سیدبشیرحسینی میانجی سنه هدیه دی مندن ایکی اوغلوم حسین جان بیری اکبره قربان، بیری اصغره قربان حسین جانم حسین جان (2) . دلِ زینبه بیر باخ، دوشوب سوز و گدازه قسم وئرّه م اؤرکدن سنی شاه حجازه تلطّف ائله قارداش! بولاره وئر اجازه بو عون و بو محمد، بو ایثار و بو میدان بیری اکبره قربان، بیری اصغره قربان حسین جانم حسین جان (2) . علی اکبر ئولندن دونوبدور قانا قلبیم غم و محنت اودوندا گره ک دیر یانا قلبیم اوغول داغی چکم تا یانیب اودلانا قلبیم گره ک دیر اولا قربان ره عشقه بو طفلان بیری اکبره قربان، بیری اصغره قربان حسین جانم حسین جان (2) حسین! سن سن ازلدن منیم روح و روانیم فدا جانیوه اولسون بوگون غصّه لی جانیم یولوندا آخا ای کاش منیم ده یئره قانیم دیء آمین بو دعایه قبول ایلیه سبحان بیری اکبره قربان، بیری اصغره قربان حسین جانم حسین جان (2) . باجی قارداشا قربان روادی اولا ای کاش باجون زینبه بیر باخ دئمور وئر منه پاداش دیور سال یولا گئتسین جهاده ایکی قارداش بولار هر بیری بلکه اولا قانینه غلطان بیری اکبره قربان، بیری اصغره قربان حسین جانم حسین جان (2) . سؤزیمی یئره سالما گلِ یاسیمه خاطر هم اکبر همی اصغر، هم عبّاسیمه خاطر بو طفلانه عزیزیم جوان قاسیمه خاطر اوزون اللریویله گییندیر کفن الان بیری اکبره قربان، بیری اصغره قربان حسین جانم حسین جان (2) . ملولم منه خوشدی دئییم بیله بو چولده گوزوم یاشی سزادی دؤنه سیله بو چولده منیم عرضیمی لطف ائت قبول ایله بو چولده بولار باتماسا قانه اولار عشقیمه نقصان بیری اکبره قربان، بیری اصغره قربان حسین جانم حسین جان (2) . بولاره گوره قارداش قرا باغلامارام من دئمم وای ایکی اوغلوم اؤره ک داغلامارام من باخوب نعش لرینه یقین آغلامارام من سنه آغلیارام تک نقدری اولا امکان بیری اکبره قربان، بیری اصغره قربان حسین جانم حسین جان (2) #محرم1402 #شب_چهارم_محرم #طفلان_حضرت_زینب

🏴ایکی بالام حسینیمه فدادی یارب طفلان زینب (علیه السلام)🏴  . 📝مرحوم غمکش . ایکی بالام حسینیمه فدادی یارب حسینه بسلیوب اوغول جهاندا زینب حسینه قربان تمام عالم حسیندی روحیم حسیندی جانم . . بالالاریم بو گون گرک بو های و هوده جداله یوز قویا سحر حسینه خاطر گلر بو کربلایه حضرت پیمبر آنام آتام یقین گلر حسینه خاطر . . من عهدیمه وفا ائدم الهی بوردا ایکی جوان باتار قانا سنون یولوندا حسینیمه گوزوم فدا منیم ازلدن جوانلاریمدا اوخلانا سنون یولوندا . . قیامتون گونی گلر هرایه مولا شفاعت ایلیر سیزه عزیز زهرا یانون بو غمده آغلیون حسینه بیر باش چاتار هرایه بیر گونی او ماه سیما . . رضائی آغلیار ئوزی یازاندا نوحه دیر حسیندی عالمین پناهی والله یوخومدی بیر کسیم منیم جهاندا باری قیامتون گونیننده قیل نگاهی الله . #محرم1402 #شب_چهارم_محرم #طفلان_حضرت_زینب

‍ طفلان حضرت زینب کبری (س) 🔰@torkiy🔰 ✍مهدی عبادی بیکس 🎶سبک گلمیشم فغانه یانه یانه عمه گل حسین قبول ایت بو ایکی غلامی قانیله دولوبدی ایندی دیده جامی عازم ایله میدانه زینبون گلوب جانه غم یمه حسینیم ۲ غم یمه برادر ئولدی یارو انصار تنگ اولوب گوزونده عرصه گاه پیکار گل بولاری ایله سن فدایی یار گل یوزون سولوب قارداش اکبرون ئولوب قارداش غم یمه حسینیم ۲ دشمنون چوخ اولدی ای سلیل حیدر اولدی قانلی صحرا عرصه گاه محشر قوی بولار یولوندا جان ویره برادر توپراق اوسته یاتسونلار باشیمی اوجاتسونلار غم یمه حسینیم ۲ دشمنه بویورما یالقوزام وحیدم قوی قانا بویانسون ایکّی نور دیدم افتخار ایدوم من مادر شهیدم اولماز هر کیمه قسمت ایلیه سنه خدمت غم یمه حسینیم ۲ اوز آتالاری چون ایلیوب اشاره هر زمان حسینیم دوشسه گرفشاره بو ایکی بالامی یوللا کارزاره بو همان اوساعتدی خدوتون سعادتدی غم یمه حسینیم ۲ تحفه یوللّور هر کس یاره اوز بالاسین خیمه ده ایشیتدیم لیلینون نواسین اوخشوری سریّه ایندی مه لقاسین سینه میز گلوب تنگه قوی بولار گیده جنگه غم یمه حسینیم ۲ دشت پر بلانین حالی غم فزادی (بیکَس) و غریبوخ یر گویی بلادی کربلا دگول بو وادی منادی کاش آنام گله قارداش زینبون ئوله قارداش غم یمه حسینیم ۲ #محرم1402 #شب_چهارم #طفلان_حضرت_زینب