🌸سرود ولادت حضرت ابوالفضل (علیه السّلام)🌸 🎶آهنگ:«شب به گلستان ••••• ✍️ شاعر علیرضا علوی زنجانی مژده حسین جان مژده گلدی علمدارین آچدی گوزین عالمه یار و وفادارین دلبر و دلدارین. یار و مددکارین قولاری اوزون قامت اوجا یاریوه قربان قونداقیده کی بدر دجا یاریوه قربان سالاریوه قربان دل داریوه قربان جانم ابوفاضل. جانم ابوفاضل جانم ابوفاضل. جانم ابوفاضل الله حسنیه سنی هدیه ویریب عباس ماه بنی هاشم سن آینه ی احساس شهد عسل سن سن آیدان گوزل سن سن ایثار ادبده اولوسان دنیایا رایج الله لقبین ایلیجک باب الحوایج باب الحوایج سن. درده معالج سن جانم ابوفاضل. جانم ابوفاضل جانم ابوفاضل. جانم ابوفاضل مظهر مهر وفا عالمه خوش گلدون ساقی کرب و بلا عالمه خوش گلدون شیر دلاورسن. زاده حیدر سن شیعه لر ایدر چهارم شعبانیده شادی باشدان ایاقا اسوه ی غیرت وفادی ساقی طفلان دی. یاور قرآن دی جانم ابوفاضل. جانم ابوفاضل جانم ابوفاضل. جانم ابوفاضل ای گل ام البنین. عالمه خوش گلدون سرور اهل یقین عالمه خوش گلدون حیدره بنزر سن امته سرور سن بیر پای ویریب الله بو گیجه اهل یقینه تبریکه هامی گلدی بو گون ام البنینه چهارم شعباندی شیعه غزل خواندی جانم ابوفاضل. جانم ابوفاضل جانم ابوفاضل. جانم ابوفاضل ماهه مثل دی مولا ماه بنی هاشم گور نه گوزلدی مولا ماه بنی هاشم ماه حرم عباس. بحر کرم عباس پور اسد الله دی بو ماهه مثل عباس قامت اوجادی سرو سهی بی بدل عباس یاور آل الله. پور ولی الله جانم ابوفاضل. جانم ابوفاضل جانم ابوفاضل. جانم ابوفاضل ✍️ شاعر علیرضا علوی زنجانی ۹۸/۱/۹ #اعیاد_شعبانیه۱۴۰۳ #سرداران_کربلا #چهارم_شعبان #ولادت_حضرت_ابوالفضل_عباس_علیه_السلام

سرود میلاد حضرت ابوالفضل العباس علیه السلام به قلم کربلایی صابر ثمودی در سبک دلنشین 🌿🌿🌿🌿 دلا گوز آچدی دنیایه علینون نامدار اوغلی ابوالفضل قمر طلعت امیر با وقار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل دلا پیر و جوان گولسون گلوب مولا ابو فاضل 🌿🌿🌿🌿 بشارت ای ولا اهلی گلوبدور چارم ِ شعبان گوز آچدی عالمه عباس ائدیبدور عالمی رضوان گوروب بو تازه مولودی سؤوندور خسرو خوبان جهانه بذل ائدیب شادی شه دلدل سوار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿🌿🌿 ملکلر سسلنور گویده یئره کان شرف گلدی جهانی گلستان ائتسون گل شاه نجف گلدی سینیخ قلبه به لطف حق بو گون شور و شعف گلدی گلوب حلّآل مشکولدی علینون جان نثار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿🌿🌿 سپهر معنویت دن یاغور رحمت یاغور احساس وفا گنجینه سینده گورسنوب بیر پر ثمن‌ الماس گوز آچدی عالم امکانه یاران حضرت عبّاس سؤوندوردی محبّانی شه با اقتدار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿🌿🌿 بو گون ماه بنی هاشم منوّر ائتدی دنیانی جهانی گلستان ائتدی علینون روح و ریحانی مبارک مقدمی شاد ایلدی جنّتده زهرانی ائدیب دنیانی نورانی علینون گلعذار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿🌿🌿 گلوبدور قلّه ی عشقون بلند آوازه عنقاسی گلوب شاه شهیدانون بوگون غیرتلی سقّاسی خانم ام البنینون خوش نفس خوش منظر عیساسی علی سیرت علی صولت علینون حق شعار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿.....................🌿🌿 شکسته دللره گلدی علی اوغلی صفا وئرسون مریض و دردمندانه گلوب مولا دوا وئرسون (ثمودی) ایستیاخ بیزده برات کربلا وئرسون یازار دعوت یقینیم وار او صاحب ذوالفقار اوغلی اوخی بلبل هامی بولسون گلوب مولا ابو فاضل ولا اهلی دئیوب گولسون گلوب مولا ابو فاضل 🌿🌿🌿🌿 ✍ کربلایی صابرثمودی #اعیاد_شعبانیه۱۴۰۳ #سرداران_کربلا #چهارم_شعبان #ولادت_حضرت_ابوالفضل_عباس_علیه_السلام