#شعر جدید و احساسی درد دل حضرت علی (ع)برسر مزار فاطمه زهرا( س) 🍁♥ بو غصه لی عم اوغلوی یوروب زمانه گلمیشم مزارون اوسته فاطمه دوروب شبانه گلمیشم یاد اولدی روزگاریده تانیش منیله فاطمه یامان گونیمدی عم قیزی، دانیش منیله فاطمه اگرده کوسمیسن بو گون باریش منیله فاطمه مزارون اوسته گلمیشم بو قلبی داغلیام گیدم سنیلن درد دل ایدم ،دویونجا آغلیام گیدم بو آیریلق بیر دردیدی دواسی یوخدی فاطمه سنن صورا دای ائویمون ،صفاسی یوخدی فاطمه بو دیزلریم اسور منیم ،قواسی یوخدی فاطمه سینم آلشدی فاطمه همسر داغداروم عم اوغلووی حلال ائله ،فاطمه شرمساروم ای منیم خسته نگاریم سینه سوزان فاطمه ای منیم صبر وقراریم دیده گریان فاطمه ای منیم نیلی جمالیم قبری پنهان فاطمه عم اوغلوام غصه لیم کوسمه مندن نقدر عمریم وار شرمندیم سندن سن شمع تک بو دهریده یاندون آزالدون فاطمه گون به گون اولدون نحیف ،سولدون سارالدون فاطمه عمر ایلدون اون سگیز ائل وای تیز قوجالدون فاطمه غسلون ویرنده فاطمه حسرتیله سینه داغلادوم قویدوم یوزوم دیواره من احوالووا چوخ آغلادوم فراقووه دوزنمیرم زمانه چوخ یوروب منی سینونده یاره گورمیشم درد و غمه سالوب منی ایوده قالوب دورت بالون ، گوزلری گوزلیور سنی بو ایوده بیرده شادلیقیم ،تمامه یتدی فاطمه جهاندا خوش گونیم منیم ،سنیله گئتدی فاطمه ✨اَللّهُمَّ عَجِّل لِوَلیِّکَ الفَرَج✨

▪️زبانحال حضرت علي (ع) بر بالين حضرت زهرا(س) ✍استادکربلایی رحیم شایان 🎼سبک :: دريا دريا ( افتخاري ) 🎤#بانوای_حاج_علی_سیفی_افشار زهرا زهرا گوز آچ اويان قربانون اولسون علي قويما تنها مني بلا گردانون اولسون علي زهرا جان وار يري مين ايل گريانون اولسون علي اولمادي درديوه دوا درمانون اولسون علي گيتسن اورگيم سيخيلار گيتمه که ايويم ييخيلار هجرون سينه مي يارالار نيلر داخي بو بالالار شراريدن اورک چکر زبانه يا زهرا فراقيدن قان آغلارام شبانه يازهرا سنسيز بو شهر اولار منه غمخانه فاطمه جان منلن سنسيز اولار هامي بيگانه فاطمه جان وصل اولدي روح اطهرون جانانه فاطمه جان گللم هجرونده دايما افغانه فاطمه جان يانام گوورن يوزووه نسگيللي اورک سوزووه قربان آغاران باشيوا دريا کيمي گوز ياشيوا حزين حزين گيجه گونوز قان آغليار زينب فراقيدن هميشه سينه داغليار زينب ✨اَللّهُمَّ عَجِّل لِوَلیِّکَ الفَرَج✨

#یافاطمة_الزهرا(س) گینه یا فاطمه گلدیم بو کرملی قاپیا ئوزی حلال مشاکل آدی غملی قاپیا قویموشام قاره یوزی گوزلری نملی قاپیا آند اولا محسنووه چوخ سُورَم بو قاپونی درد الیندن یورولاندا دویَرم بو قاپونی سینه سین اوخ کیمی مسمار یاران زهراسن پشت درده یخلوب قان آپاران زهراسن حیدری دشمن الیندن قوتاران زهراسن گوزلریم چوخ کرم و لطفیوی گورمیشدی خانم او سینان اللره بیر یولدا ایشیم دوشدی خانم گرچه اوز درد و غمون هامیدان آرتوخدی خانم غملرون تک قاپوون سایلیده چوخدی خانم منده گلدیم قاپووا اوز ویرنیم یوخدی خانم آی حسینون ننه سی رد ائیلیوب خار ائلمه قاپووین سائلیم سائل بازار ایلمه ✨اَللّهُمَّ عَجِّل لِوَلیِّکَ الفَرَج✨

بنام خدا #ایام_فاطمیه #یازهرا "" "" "" "" فاطمیه گلوری دیده ترم یا زهرا واردی باشیمده منیم شوق حرم یا زهرا دوشموم بحر غمه یوخدی منه راه نجات جان زینب منه ائت لطف وکرم یازهرا بانو سن ام الابیها سن اماملار آناسی منده پروانه ی بی بال و پرم یا زهرا دوشدون عمروندا بلابحرینه ایلر بویی سن هر زمان غملرووی یاد ائدرم یا زهرا من بو ایامیده بانو تاپارام حال دگر دم بدم آه غم افزا چَکَرم یا زهرا من بقیع عشقینه یاننام دلی پروانه کیمی قلبیمی شدت غم دن بولرم یا زهرا یازموشام گوشه ی قلبیمده حسینین آدینی بوگوزل آدی اورکدن سویرم یا زهرا قان ائدرسینهٔ عشاقی او مولا نین آدی هرایکی گوزدن الربارش غم یا زهرا دخت طاها بو جماعت قاپوون سائلی دی ائتمه سون ددلره چاره اولرم یا زهرا آند اولا مادر سادات سنون حرمت وا من سیزون بزموزی جنت بیلرم يا زهرا فاخرم واردی باشیمدا بخدا شوق بقیع جان طاها منه ائت لطف و کرم یا زهرا "" "" "" "" "" " ✨اَللّهُمَّ عَجِّل لِوَلیِّکَ الفَرَج✨

بانوای علی اکبر ایمانزاده روضه‌خوانی حضرت فاطمه زهرا سلام الله علیها پنج شنبه 403/8/1 منزل شخصی کربلایی ابراهیم ابراهیمی @Magma12

بانوای علی اکبر ایمانزاده روضه‌خوانی حضرت فاطمه زهرا سلام الله علیها پنج شنبه 403/8/1 منزل شخصی کربلایی ابراهیم ابراهیمی @Magma12

گینه یافاطمه گلدیم بو کرملی قاپیا ئوزی حلال مشاکل اوزی نملی قاپیا قویموشام قاره یوزی گوزلری نملی قاپیا آند اولا محسنوه چوخ دویرم بو قاپنی درد الیندن یورولاندا دویرم بو قاپنی فاطمه تپراقا گوهر کیمی دفن اولدی گئجه عالمین گلری زینب یوزی تک سولدی گئجه حیدرین غصه دولان قلبینه غم دولدی گئجه حمل تابوته گلنلر ده گیدیب قالدی علی فاطمه قبرینون اوسته ئوزونی سالدی علی شهر یثربده اوگون گرچه مسلمان چوخودی دفن اولانان صورا زهرا ولی بیر کس یوخودی تک قالوب حیدر ئوزی باشلادی نوحه اوخودی فاطمه نوحه سی گور هاردا هله برپادی نوحه خوان حیدر ئوزی مجتمعی زهرادی

زبانحال امیرالمومنین حضرت علی (علیه السلام) بر مزار حضرت زهرا (سلام الله)   آی عمری آز ملالی چوخ باشی بلالی فاطمه پیمبرون خانم قزی  ئورک یارالی فاطمه   عم اوغلووام فراقدن یوخیا گئتمیوب گوزوم بالالارون یاتوب گئجه بقیعه گلموشم ئوزوم بیرین تاپوب دینمدوم ز بس یانقلیدور سوزوم رضای حقدی اول منیم سوزومه حالی فاطمه   حبیب حیّ داورون اگر چه من حبیبیم اسیر جَوّ محنتم مدینه نون غریبیم او منبریکه من اونون سخنور و خطبیم علینون اوردا قطع اولوب گوزل مقالی فاطمه   صحابه لر اسیر اولوب وطنده هیچ کاریه یانولّا خشکه عود تک ئورکده که شراریه نه وقت اولار اوزاق دوشوب چخانمیور مناریه پیمبرون موذِّنی حبَش بلالی فاطمه   اولوبدی باغلی قوللاریم  مشیّتون طنابینه مواظبم پیمبرون شریعت و کتابینه ائویمده گوشه گیر اولوب اوتورموشام صوابینه نه ایستورم خلافتی نه قیل و قالی فاطمه   شباهتیم وار اول کسه چو غنچه باغریقان اولا امرو مسلمیندن همیشه ناگران قالا گوزونده زهرلی تیکان گلوده استخوان قالا کیم عُمر ائدور جهاندا گور علی مثالی فاطمه   چکنده مسجده منی او قوم پست و بد روان حسین دینده آی ننه حسن دینده الامان دوباره قنفذ دنی سنی ووروب یخان زمان عم اوغلووندا بوینونا دولاندی شالی فاطمه   وئرنده غسلوی گئجه آلولانوب آلیشدی دل باخاردی اشکلی گوزوم جنازووه خجل خجل او ساعتی که پیکرون مزاره تاپدی منتقل صفادن اولدی مرتضی اطاقی خالی فاطمه   خلافتون عواملی علیده گوردی نرمشی قاپیمدا قتل محسنه یتیشدی ثانینون ایشی گرک عیالین حفظ ائده خطر زمانی هر کیشی فلک بو یرده وئرمدی منه مجالی فاطمه   دئمم چتیندی مرد ایچون غم زمانه یوز وئره دیمم چتندی دشمنی ووروب عزیزین ئولدوره چتین بو غمدی هر کیشی چخوب اطاقدن گوره یارالی صحن خانیه دوشوب عیالی فاطمه   عبامی چکدیم اوستووه گورنده حالیوی بهم گوز آچ دئدیم که عم قزی باشوون اوسته که منم دور آشیانه شهپر آچ سن ای کبوتر حرم دئدون نجه اوچا قوشون سناندا بالی فاطمه   نه نوعی هجر دفترین آچوب وَرَقلَه سون علی نجه ائوینده اگلشوب  دیزین قوجاقلاسون علی اوزوندن ایلورم سوال ننوعی ساخلاسون علی او دوُرت کیچیک گوزل باخیش مَلَر غزالی فاطمه   نجه بو قبری تک قویوم دوام ائدوم فراقیوه نجه گئدوم انیس اولوم او بش قالان اطاقیوه دانش گوروم سوزون ندور او دوُرت یتیم اوشاقیوه دئمورسن هئچ نه حالدادور حسینون حالی فاطمه   گونوز چوخ آغلادی حسین گئجه دیل اولمادی دینه بنفشه مثلی بوینونی اوتوردی قوید چیگنینه دئدیم که هر گجون کیمی اوغول منه دانش گینه دانیشدیرانمادیم ولی او خوش مقالی فاطمه   سوزی خلاصه ایلیوم عم اوغلوون سنوب بِئلی بهار زندگانیمی  خزان ائدوب ستم یِئلی پوزولدی غملی صورته توکولدی زینبون تِئلی ئولونجه زلفی تک اولار اونون خیالی فاطمه  

آی‌عمری آز ، مَلالی‌چوخ باشی بَلالی فاطیمه‌ پیغمبرین خانم قیزی اورَک یارالی فاطیمه‌

#_روضه_حضرت_زهرا_س خزان ویروب چمنی باغبان باخِی آغلیر خدا بیلیر کفنین بندین نئجه باغلیر علی...کفن ائلیور زهرانی   اوچ مینجی بنده یتیشنده....چاغیردی..بالالارینی..بالالاروم گلون .گلون ننه یزی گورون...ننه یزدن آیرولون ایله کی امیرالمومنین آقااذن وئر دی اَوّلده گئتدیلر دولاندیلار امامین باشینا بابا...باشون ساق اولسون بابا... بابا..سنی ننمون جانی آغلاما بابا دئدی مولا دئمورم سینویزی داغلامیون بالاریم ننه یزئولوب حقیز وار اوجادان آغلیاز اما بیلوسیز مشکیلیمیز واااار اوجا دان آغلامیون بابا نیه؟؟؟ دئدی بالالاروم،،،مدینه اهلی اِشیدَرآغلاماقیزی...دورالار ننه یزون وصیتی یرده قالار...گرک گئجه زمانی دفن اولا اما آی زهرایه آغلیانلار.بیریاندا بالاجا اوشاقی دی لار...سن حساب ائله بالاجا اوشاقین گوزی برابرینده ننه نین جنازه سی قالا ائوین وسطینده بیر یاندان باخیلار ننه نین اُیورقون بدنینه جان زینب زینبین گوزی دوشیر زهرانین اُسینان قولونا اُیارالی سینه..سینه... ایستیور اوجادان آغلیا بیردن یادینا دوشدی باباسی دئیوب اوجادان آغلامیون بیلمیرم گوروب سیز یانه بیر دودمانیده ننه اولماسا اُائوین صفاسی اولماز آقا یابن الحسن،،،حل ائله ئورک نیسگیلینی قوی دئیوم دورت اوشاقین مُشکلینی آغلیاندا بالالار آغزینا قویدی الینی زینب الین قویوب آغزینا...دئدی جوان ئولن ننم لایلای لایلای ننه۲ جوان لیقی یالان ننه....حسن وحسینینه طوی دوتمیان ننه اوخشاما⏬⏬⏬ ای یوزی گولمین ننه    غم لباسین گین ننه...سینه ده کی یاراسینون قانی کسیلمین ننه سسلن دردیوه یا زهرا.....

زبان حال حضرت فاطمه زهرا (س) گل ای دلدار بلا کش عم اوغلی باشیم اوسته بیردم اگلش عم اوغلی گوزون یاشین توک ئورک سرین اولسون و الّا سؤنمز بو آتش عم اوغلی منیم تاجداریم خداحافظ کمکسیزنگاریم خداحافظ بو مدتده دؤزدی هر غمه زهرا آدون دائم ائتدی زمزمه زهرا قسم اولسون زینب و حسنینه وصالون وئرمز مین عالمه زهرا یتوب احتضاریم خداحافظ کمکسیزنگاریم خداحافظ خداحافظ ای غریب مدینه سنی تاپشوردوم خدای معینه حسینی قویما قوجاقیمه گلسون علیجان نیلوم یارالیدی سینه گئدوب اختیاریم خداحافظ کمکسیزنگاریم خداحافظ دئمم سیندی شهپریم سنه خاطر یانار بلبل اوتدا گلشنه خاطر ئوزوم وئردیم محسنی سنه قربان علی سنده صبر ائله منه خاطر شه بردباریم خداحافظ کمکسیز نگاریم خداحافظ   ‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌

(بسم رب الفاطمه) #نوحه_زمزمه_ترکی #فاطمیه🏴 #شهادت_حضرت_مادر🖤 #زبانحال_امیرالمومنین_علیه_السلام #سبک: آزاد ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ الهــی خـــزانه دؤنــؤبدی بهـــاریم نه تئز یارب اَلدن گِئدیر غمگساریم یارالی جوان ، یاس نیلوفریم وای جفانین اودوندا یانان کوثریم وای یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ گئدیر دیزلریم طاقتی یوخ توانیـم یوموب گؤزلرین خسته یار جوانیم چیخورجان ائدیر قلبیمی پاره زهرا گؤزوم هر دؤشنده او مـسماره زهرا یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ منیلن دانیــش یاس پهلـــو شکسته بو دنیادن اولدون جوانلیقدا خسته منیم لشــکریم یاوریم گؤزلرون آچ دعاده قالیــب اللــریم گؤزلرون آچ یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ حلال ائت منی سندن اولدوم خجالت منه خاطر اولدی سنه چوخ جسارت منه خاطر اُول صورتون اولدی نیلی مغیره سنه کوچه ده ووردی سیلی یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ سنـی حیـــدرین غربتـــی درده سالدی بو ساعت باشون اؤسته حیدر قوجالدی علی نی بو تئــزلیــکده ترک ائتمه زهرا منـی بوردا یالقــوز قویوب گئتمه زهرا یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ بو کاشانه نین یار و غمخواری سنسن سینیخ قلبیـمین ده پرستاری سنسن سنون نیسگیلون حیدری تئز قوجالدار اؤلؤنجه ســنه حیـدرون سینه داغلار یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ اویان گؤر نجه زینب آخشامنان اوخشور سنه کربلا ، کوفه و شـــامنان اوخشور مصیبـات اعظـــم یاغیــر گؤز یاشینان دِییر تشـــنه لب بی کفـــن قارداشینان حسین جان حسین جان حسین جان حسین جان(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۳/۸/۲۸