#برار_نازنین_خواخر_ته_قرون #اربعین_دلگویه_مازنی 🏴🌹🏴🌹🏴🌹🏴🌹 برارِ نازنین خواخر تِه قِروون ته قبرهَسّه کِمین خواخرته قروون کمین قبر ره وِنِه کَشه بَهیرم اَنـه نـاله بَـزنم تـا بَـمیرم خبر دارنی مه دل تِسّه کبابه؟ برارجان مه سلام چه بی جوابه مه یاد دَربُورده که ته سرندارنی بِـرار جان تِه سر وحنجر ندارنی برارجان مره این چه سرگذشته هرچی که غم دره مه سینه مَشتِه برارجان کاش که من نَهیبوم عَمّه چتی شـه دل دَکِــنم اَنِّــه غَـــمّه؟ تِه که بُوردی خواخر آواره بَیّـه بِــرار تِـوِسّه مِـه دل پــاره بَیّـه غــریب کــربـلا وطـن نِـداشتی خواخِـر بَمیره که کفن نداشتی چهل روز آزگار خواخرته قروون ته سرنیزه سوارخواخرته قروون اَمان ازشام اَمان ازشام بازار اَمــان از مــردمان مــردم آزار بــلا پشـت بــلا بَــدیمه بــرار بــدتـر از کــربلا بَــدیمه بـرار چی بَهووم ته دل شه پُرِ درده اَمه جاهرچی شام خواسه هاکرده مه دِل دُونّی کِجه بَهییه کباب؟ بَــوردنـه مِــره مجلــس شــراب هرچی خواسِّنه مره داغ بزونه شه تَشِ کینه ره مه باغ بزونه دیگه قفل دِهُونّه وا هاکنه یزیده همونجه رِسوا هاکنه از داغ تـه اگـرچـه زار بــزومـه ته مظلومی ره برار جاربزومه خِـطابه بَخونِّسـمه علـی وار بِنـالسّنه مــردم تِسّـه زار زار چی بَهووم تِـره از مــردم شــام مِـه عُمر اونجه برار بَهییه تمام تِــه تِکّـه خِیـزَرون رُوشـتِه بمـیرم تِه دَندون اِمو خون روشته بمیرم ته بِشکسّه سرره چو زو مِه پَلی یــزیـد نــانجیـب لُــو زو مِــه پَلـی ته رِز رِزه وَچُــونّه لَــت کَشـینه یتیـمون خَلـه خجـالت کَشـینه یــزیـد دَیّـه مـِه داغّه تـازه کرده ربـــابِ بِــــرمـه مِــه دِلّــه بـــَورده مِه سرگذشت بَهییه بسکه جانکاه مِـــه دلِ دَرده بنـــالِسّــه «مــداح» 🏴🥀🏴🥀🏴🥀🏴🥀