زبانحال حضرت امام رضا(ع) . مرحوم حاج میرزا احمد بغدادچی (ذاکر تبریزی) . ای خدا جان اوستیم اوغلوم جوادی تئز یتور چون اونون دیداریدورقلبیم مرادی تئز یتور . . یوخ بو غربت ئولکه ده بیر محرم رازیم منیم جان ویرن وقته اولوب غربت ولایت مسکنیم خوش دلم ئلسم اولار خاک خراسان مدفنیم ئولمه میش اوغلوم تقی خاص عبادی تئز یتور . . بی سبب مامون هوای نفس و بد آئینیله قلبیمه اود ووردی یاندوردی بو زهر کینیله سن اؤزون دیوان ایله بو ظالم بی دینیله یا رب اوز پاداشینه بو بد نهادی تئز یتور . . قتلیمه ایستردی اقدام ایلسون تدبیریله ایلدی دعوت منی اؤز بزمینه تزویریله جبریله ائتدی منی مسموم یوخ تقصیریله اؤز جزای فعلینه اهل عنادی تیز یتور . . توکمرم بیجا سرشک دیدۀ خونباریمی بیر گلوب اوغلوم تقی گورسیدی حال زاریمی اوغلوما تفویض ائدردیم دلده کی اسراریمی گر چه یوخ گلماقینون چوخ امتدادی تئز یتور . . آخرعمریمده تاپدیم اوّل آمالیمی ایمدی تاپشورّام سنه یارب یتیم اطفالیمی پوزموش هجرانی باجیم معصومه نین احوالیمی باری اوغلوم ایتسون عزم بو بلادی تئز یتور . . گلسون اوغلوم غسل ویرسون دفن و کفن ایتسون منه احتیاجیم اولماسون بی رحم و ظالم دشمنه ظاهراً اظهار ظلم ایلور بو قاتلیم سنه باطناً عالم سن ، هئچ یوخ اعتقادی، تئز یتور . . آغلا #ذاکر حضرتِ شاه رضایه دوت عزا آغلاسون لایقدی درگاهینده هر شاه و گدا قسمت اولسون گئت اوخی قبرینده با شور و نوا ای خدا جان اوستیم اوغلوم جوادی تئز یتور . . . #سبک_زینبم_جان_اوستیم #سبک_یه_سوال_دارم #سبک_اذن_ویر_یارب_گله و .... . . #رضویه_شهادت #ای_خدا_جان_اوستیم_اوغلوم_جوادی_تئز_یتور #ذاکر_تبریزی #ترکی . @majmaozakerine

شهادت حضرت امام کاظم (ع) #گریز به عصر عاشورا . مجید قلعه بیگی ( #فقیر_خویی ) . دور بقیعدن محبس بغداده گل یافاطمه جان وئرور موسی بن جعفر داده گل یافاطمه . . . اون بیرایلدی خو تاپوبدی گوشهٔ زندانیله روز و شب راز و نیاز ایلیر،یانور هجرانیله غُل و زنجیریله مونسدور دل سوزانیله آغلوری احوالینه جنّ و ملک یافاطمه اون بیرایلدی ایستیری سیزدن کمک یافاطمه . . . یاره لر اعضای جسمینده سراسر قان وئرور حالینی بوینونداکی زنجیرلر اعلان وئرور جدّی ثارالله کیمی غربتده اوغلون جان وئرور لطف ایله گل، یوخدی زنجیرین آچان یافاطمه ال گوتورمور، صون نفسده باش ویران یافاطمه . . . بیرنفر یوخدی سوروشسون بو غریبین حالینی گورنجه ویردی فلک پوزدی گوزل اجلالینی گوزلری یولدا قالوب هجران پوزوب احوالینی نی کیمی ایلیر مصیبتدن نوا یافاطمه زادهٔ زهرا هارا زندان هارا یافاطمه . . . روز شب وِرد زبانی دیلده یاحیدرمدد فاطمه جانی سوروشمور حالینی هیچ بیراحد نه گناه اوسته اولوبدور بو آغا حبس ابد نارهجراندا یانور یکسر دیلی یافاطمه سسلوری هر فجر و مغرب یاعلی یافاطمه . . . دوغمیوب سِندبن شاهک تک دنی مام جهان چوخلی ایذا گوردی او خونخواریدن شاه جنان ایلورم سندن حیا یافاطمه قالسون نهان کینهٔ دیرینه سین ایتدی عیان یافاطمه قمچیلر آلتوندا وئردی جانه جان یافاطمه . . . شمریدنده سنگدلدور اول شرور روزگار هرگجه گوندوز ویراردی اوغلوی دیوانه وار قانیاش آغلاردی امامین حالینه خرد و کبار اولمادی گلسین بیری مظلوم امامین دادینه عصر عاشورا گینه دوشدی«فقیرین» یادینه . . . . اوندا کی قالموشدی عریان یرده صد پاره بدن نیزه و خنجر ویروردی جسم پاکه هر گلن سن نه حاله قالدون اوندا ای عزیز پنج تن زینبون چکدی او چولده یدّی قارداش داغینی اؤلدی او لحظه کَسنده ساربان بارماغینی . . . آه او ساعتدن او چولده شعله چکدی خیمه لر آشکار اولدی یکایک کینه ی دیرینه لر آتش اخیامیلن ادغام اولوبدی سینه لر گه ویروب اطفالی،گاهی خیمگاهی سویدولار گاه آت اویناتدولار گه تازیانه ویردولار . . . آغلادی اطفال شاهین حالینه بیگانه لر مست اولوب اما بو جور و ظلمیدن دیوانه لر بیر ب بیر خاکستر اولدی فاطمی کاشانه لر شرمیدن باتدی او آخشام گویلرون اولدوزلاری نصف شب قالموشدی آواره حسینون قیزلاری . . . #سبک_زینبم_جان_اوستیم (4 سبک سینه و زنجیر تک ضرب ) . . #کاظمیه_شهادت #دور_بقیعدن_محبس_بغداده_گل_یافاطمه #ترکی #ترکی #دور_بقیعدن_محبس_بغداده_گل_یافاطمه #زبدةالاشعار #سبک_زینبم_جان_اوستیم #فقیر_خویی #کاظمیه_شهادت #گریز @majmaozakerine