طفلان زینب(س) سیفی اردبیلی ای سرور و مولا حسین بند دل زهرا حسین اکبر ئولوب تک قالموسان جان یا حسین جان یا حسین ایثاره رخصت وئر منه اوغلانلاریم قربان سنه من زینبم غم خَسته سی پاک عشقوین دل بسته سی درده گتوردی قلبیمی مقتلده کی هَل مِن سسی یانسون گوروم دنیا بئله قویدی سنی تنها حسین عشقون ازل پیمان گونی پی ریزی قرآن گونی عهد ائتمیشم قربان وئرم جانانیمه قربان گونی طومار پیمانه ووروب زینب باجون امضا حسین سالما شرار غم دله ساقه سولا باخما بئله قارداشلارون قانه باتوب یالقوز دوشوبسن مشگله گتدیم ، باجون اوغلانلارون قیل عازم دعوا حسین عشقون سعادتدور منه هجرون مصیبتدور منه قربانلاری تئز سال یولا فرصت غنیمتدور منه قوی عشقیمه ایثاریمه احسن دئسون زهرا حسین پیمانیمون پابندیَم فرمانِ حقّه بندیَم فاخر اولوب ایثاریمه عفو ائت منی شرمندیَم قورتار خجالتدن منی ای نفسِ کَرَّمنا حسین سیارۀ بختیم باتوب دشمنلریم کامه چاتوب اوغلان نه لازمدور منه اکبر عبا ایچره یاتوب هاردا اولا مینلر اوغول بیر اکبر لیلا حسین دیدار یاره نائلم درمان عشقه مایلم قیترمه بو قربانلاری من درگهونده سائلم آل برگِ سبزِ زینبی فرض ائت گل حمرا حسین مشتاق محنت دور دلیم خمدور بلالردن بئلیم آز تحفه می چوخ فرض ائله شرمنده ام بوشدور الیم قیل ذره پرور لطفیوی بو زینبه اعطا حسین رحم ائت بو زار و مضطره سالما تَمَنّاسین یره چاتماز ایکی اوغلوم منیم بیر شیر خواره اصغره قربانیوه قربانلیقا لایق دیلر اما حسین حاصل شه کرب و بلا قربانلاری سالدی یولا گلدی ئولوم میدانینه بیر جوت کبوتر قول قولا قوشلار قاناتلاندی اوچا ائتدی دعا آقا حسین سرعتله سیر ائتدی زمان قوزاندی صوت الامان سولدوردی زینب گوللرین تیرِ جفای کوفیان ئولدوک دائی امداده گل صوتین ائدوب اصغا حسین آچدی حسین همّت پرین تیهولره اولدی قرین گتدی خیامه زینبون جاندان دوشن آهولرین یکسر حرملردن گوگه قالخوب صدای واحسین آل عبای خون جگر گیسو پریشان دیده تر خیمه سراده زینبه بو مطلبی وئردی خبر پرپر گتوردی گوللرین بی یاور و یارا حسین گلدی اوغوللارون آدی زینب ئوزین سندرمادی یالواردیلار چخ خیمه دن اصلا یریندن دورمادی گورسون دئدی قوی زینبی صبر و غمه دریا حسین من پیروم اوتادیمه زهرا کیمی استادیمه رهبر حضورینده چتین ایوای دیم اولادیمه مین وای اوغول دان خوشدی من بیر یول دئسم مولا حسین ـــــــــــــــــــ مرثیه و روضه برای این متن ، در متن بعدی از مرحوم انور اردبیلی

حالات حضرت رقیّه (س) (سبک : خداحافظ ای آنام باجی..) رقیّه وم    گلمیشم    بابا    شام    شومیده     جانه گیجه    گونوز    بو    خرابه ده   آغلارام    یانا  یانه باخ      بو      دیده      گریانه گوز    یاشیم    دونوب   قانه دوشنده    قارداشلاریم   یادا   حالیمی   دولاندیرّام دوزنمَرم  هجره  صبریمون کاسه سین جالاندیرّام سیزیلدارام     نی  مثالی   من   کائناتی    یاندیرّام یانار     ملال      و    فغانیمه      آشنا    و      بیگانه باخ      بو      دیده      گریانه گوز    یاشیم    دونوب   قانه گوزل بابام ، مهربان بابام ،دوتموسان سراغ مندن ائویم  محقّردی  بوش  اَلیم  چوخ  خجالتم  سندن دعا   ایله   بو  گیجه  منیم   تئز  چیخا  جانیم  تندن فزوندی  دردیم ، گلن   دگل  هئچ  بیریسی  درمانه باخ      بو      دیده      گریانه گوز    یاشیم    دونوب   قانه شهِ  جهان جان جان جان  حقّه جان وئرن سلطان غریب  نوازلیق  ایدوب  بابا اولموسان  منه  مهمان نه   یاخشیدور  منده  جانیمی  ایلیم    سنه   قربان ائدرله     قربانی   رسمیدور    زیر    پای   سلطانی باخ      بو      دیده      گریانه گوز    یاشیم    دونوب   قانه او گون کی  دوشدی  بلالره  بو  باشیم  بابام  جانی آخور  یوزه   دائماً  منیم   گوز  یاشیم   بابام   جانی عموم  سالور  یادینه  نه ده   قارداشیم  بابام جانی فلک   منیم   اشک   چشمیمی   دوندروبدی   عمانه باخ      بو      دیده      گریانه گوز    یاشیم    دونوب   قانه رقیّون  یوخدی   دای   بابا    زنده     قالماقا    میلی ویروب منه یولدا  شمر  دون گاهی قمچی گه سیلی اوزونده گور   ایلیوب   نئجه   سیلی صورتیم   نیلی سیزیلتیما    شامیلر  کیمی   جانه     گلدی    ویرانه باخ      بو      دیده      گریانه گوز    یاشیم    دونوب   قانه نسیم اَسَر  گون باتان چاقی اوندان عطروزی آللام یوخوم دوشر  اوندا باشیمه یاده من سیزی ساللام خرابه شاهدی چوخ گیجه صبحه جک اویاق قاللام ترّحم  ایله   آپار   منی  ، صون   قویاق  بو  هجرانه باخ      بو      دیده      گریانه گوز    یاشیم    دونوب   قانه فراغته   اَل   تاپام    فلک   ویرمدی   امان   غمدن شیرین    یوخی   گورمرم    بابا    دهم    محرّمدن یانار  بیزه ذات حق  اوزی راضی اولسون عمه مدن شرار    شمعه    یانار     نئجه     عاشقانه     پروانه باخ      بو      دیده      گریانه گوز    یاشیم    دونوب   قانه گوره  واردی  دردی هر قیزون  ایلر عمه جان  چاره وئرر   مکرّر    غذاسینی   گونده     بعضی   قیزلاره عزا     دوتار  گه   سنه   گهی  تشنه  لب   علمداره دییر     خدا     لعنتون     گله      خاندان     سفیانه باخ      بو      دیده      گریانه گوز    یاشیم    دونوب   قانه یاتوبدی  قلبینده   نسکلی عمه مون   بابا  لای لای گهی دییر   ظلمیلن  ئولن   تشنه لب حسینیم  وای ربابی گورسه دییر  گهی لایلای اصغریم  لای لای یانار     یانار    نفرین   ایلیر    حرمله ایله     پیکانه باخ      بو      دیده      گریانه گوز    یاشیم    دونوب   قانه ساتاشدی    لیلایه   تا   گوزی  آغلیار   دییر    اکبر گهی  قوشار   سس  سریئیه  قاسم  جوان  سسلر دییر   فلک   یاخشی   ایلدون   زینبی   قرا    معجر یانام    گرک  تا    نفس  واریم   منده   نار  سوزانه باخ      بو      دیده      گریانه گوز    یاشیم    دونوب   قانه گلنده  شامه  یادوندا   وار چولده  بیر گیجه  قالدیم تاپاندا    زجر   لئین   منی   ناله    گوگلره   سالدیم قاچانمدیم تئز سلام ایدوب قمچی  مزدیمه  آلدیم آجیغلانوب   یولداشی  دیدی  رحم  ایله  بو  جیرانه باخ      بو      دیده      گریانه گوز    یاشیم    دونوب   قانه ** حاج ناصح اردبیلی

شام غریبان امام حسین (ع) – تنور خولی عيال خولي گوز آچدي گوره نه غوغادي باخوب نه گوردي كه مطبخده حشر بر پادي تنوريدن گورجك نوريدي تلالو ايدور ديدي خدا بو حقيقتدي يا كه رويادي بو خولينون ايويدور بوردا وا حسين سسي وار بو محترم كيشي لر كيمدي نه قضايادي نه سسدي بو كه ديولر دورون گلور طاها داليجا نوحيدي ادم مسيح و موسادي شعيب و خضر و سليماندي يونس داوود خليل و يوشع و شمعون ذبيح و يحيادي هاموسي قاره گيوب باش آچوقدي سينه زنان تنوري دور ليوبلر عجب تماشادي نه گوردوم اوندا بلند اولدي طرقوا صوتي تمام ايدون ديديلر موقع تسلي دي چيخون قباقنا ايندي اوغول آناسي گلور حسين عزاسيدي بو سر پرستي زهرادي گلوب اوتوردي تنوره اوزاتدي بير اليني اشاره اهلينه بو سوز گوزل بير ايمادي ديوله بير قولي قاخموردي ظلم ثانيدن بير اللي گوتدي او باشي اوجالدي فريادي ديدي حسين گوزون آچ كام آلوم نگاهوندان خبر ويروم سنه اوز قانلي قتلگاهوندان او چولده من واريديم چشم خونفشان واريدي غريبه منظره لر واضح و عيان واريدي يانان چادردا نماز اوسته زينبي گوردوم نه ديزده طاقتي نه قلبيده توان واريدي سرير نازيده صبح ايلين بالالاريوا گیجه نه بستر راحت نه خانمان واريدي گوزوم فراتده دوشدي آخوردي اوز باشينا شريعه ده نه موكل نه پاسبان واريدي ديديم گيدوم گينه گودال قتلگاهه طرف اگر چه اوردادا مين محنت گران واريدي كسوك بوغازيوي اوپدوم اوجادان آغلاماديم كمينده چون الي خنجرده ساربان واريدي غريبه شام غريبان غريبه مجلسيدي ديمه نه بير باش آچان نه بير آغليان واريدي من اوخشاما ديمديم چونكه سينون اوستونده بير اوچ ياشيندا گوزي ياشلي نوحه خوان واريدي آيون ايشقي دوشنده رقيوين يوزونه گوزومدن اولدي روان قلبيده نه قان واريدي بيله خيال ايليديم ثاني كربلايه گلوب يوزونده من كيمي چون سيلي دن نشان واريدي کسیلسون اللری شمرون ، ایوی خراب اولسون گوروم که من کیمی قلبی یانوب کباب اولسون * مرحوم حاج رحیم منزوی اردبیلی

دیر راهب @matnenohe سربه سر باشدان گوتورموش انبیا عمامه سین تک به تک تنن چخاردوبلار مصرت جامه سین حضرت خاتم ائدور اجرا عزا برنامه سین جعبنون آغزون آچوبدورسسلنور جان جان حسین دینیمین قربانیسن جدین سنه قربان حسین قیلدی معراج انبیا نازل اولوبدوربانوان قاره چادر شبلری باشلاردا عفتدن نشان دور ائدوب صندوقی  اولدی هربیری بیر نوحه خوان مریمو سارا وحوا آسیه ایوای دیور قانلی باشه گوزتیکوب زهرا بالام لای لای دیور بیری دییر لبلریوه چشمه زمزم قربان بیری دییر قاش گوزوه غم زده مریم قربان بیری دییر قانه باتان باشیوه عالم قربان (اما دییر گوردوم بیر خانم عورت یانا یانا دییر) حسین:اویارالی سینوه سینه زهراقربان ویردولار سینه خانملارناله وداد ایئدیلر اوپدولر قانلی باشی بیربیرمرامه یتدیلر دیریدن گوزیاشلاری گوزده کناره گیتدیلر رعشه دوتدی سسلنوبدور راهب پاکیزه خو من ایاقم ای خدا یاعالم رویادی بو حال وحشتلن یاخنلاشدی حسینون باشینه ایلدی دقت اوباشین کول دوتان گوز قاشینه پرتو سیماسینه هم حنجر خونپاشینه قانه باتمیش خطینه لعل لب خونبارینه سجده گاهینن سمایه قوزانان انوارینه سالدی بیر سینیه زرینه اول سبز حریر وسط سینیه قویدی اوباشی راهب پیر توکدی بیرظرف بلورینده سوا مشک وعطیر توکدی آهسته سو قانین یودی زلفون دارادی کولری ردایلدی گوردی دوداقلار یارادی عرض ائدیب ویرم قسم درک ایتدیگیم آیتلره دیریده باشین آچان نورانی شخصیتلره بیربه بیر قانلی دوداقینن اوپن عورتلره کیمسن آی باش بوقدر موی کنانین وار سنون عالم معناده چوخلی نوحه خوانون وار سنون @matnenohe ☑️کانال متن نوحه 👆👆👆👆 👇👇👇

@matnenohe ☑️کانال متن نوحه👆👆👆👆

‍ احوالات مجلس بن زیاد گریز به مجلس یزید علیه لعنه @@matnenohe نطق زینب تنگه سالدی کوفه نین خفاشینی قانه دوندردی او ظالم زینبین گوز یاشینی (دیدی العان سنون اورگیوی یاندرام ) طشتیدن گوتدی یره آتدی حسینین باشینی (گوتوردی یارالی باشی طشتین ایچینن آتدی یره) بولمورم قول باغلی قیزلار دوشدی آیا نه حالا بیر قره معجر خانم سسلندی بیردن جان بالا (آی دیملی دردی اولانلار ، آی امیدیلن گلنلر، آی مریضی اولانلار هامیزدان التماس دعا واریم ، الیکی یارالی باشی آتدی یره ) اولدی محشر بزمیده قوزاندی واویلا سسی بر ملا اولدی دوباره ظهر عاشورا سسی اهل بزمین قلبینی یاندردی یازهرا سسی (الیکی یارالی باشی آتدلار یره مجلس بن زیادا) بولمورم باغلی قولون آیا نجه آشدی رباب یارلی باشه طرف ایوای دیوب قاشدی رباب (یارالی باشی آلدی قوجاقینه قویدی یانان اوگینین باشینا گوردی اله آقانین یوزی گوزی کوله بلنیب خانم رباب دیدی آقا) وای منه اوخشور دوداقین داش توخانمش کوزیه بولمورم دشمن بو حاله باشینی سالمش نیه؟ کاش بو قانلی لبلری خردا اوشاقلار گورمویه (بئله قویدی اورگینین باشنا یارالی باشی خانم رباب ) باغرینا باسدی دیدی قوی لبلرین غم گورمه سین قوی سنان دندانیوی اولاد خاتم گورمه سین گورسه ده هرکیم اقلا قوی رقیم گورمه سین نیمه جان آهوی عشقین غم باشیندا سان ویرر پارچالانمش لبلری گورسه رقیم جان ویرر (رباب یارالی باشی آلوب قوجاقینه مجلس بن زیادا ) حیف اولا جان رشته سین اهل عداوت قیردیلار یاره یارین باشی اوسته تازیانه وردولار (ربابی تازیانه قمچینن وروردولار) عشقیلی پروانه نین بال و پرین سندردلار گتدی محلک ضربه لر زهرا عروسین شیونه قمچی دیدیخجا باشنان سسلدی یاندیم ننه خسته حنجردن اوجالدی آسمانه الامان یادینه دوشدی اونون غیرتلی قینی ناگهان سسلدی آغلار گوزیله آی ابوالفضل هارداسان فرقی یوخ منده سنه زینب کیمی بیر باجیام هارداسان قارداش اوزون قولارون محتاجیام (او مجلس بن زیادیدی مجلس یزیده ده بولارا چوخ دیل یاراسی وردولار خانم زینب وقاریلن دایانب دیدی یزید) الیوی سال یانوا صحبتینده با ادب اول مقابیلینده دوران شاه لافتی قیزیدی بوقدر دل یاراسی ورما قارداشی ئولنه نجف یاخندادی ظالم الین اوزاتما منه (اله وقاریلن خانم دانشیر یزید ملعون دستور ویردی جلاد گله مجلسه جلاد آدی گلنده تمام بالالار قورخودان دوردی ایاقا زینب دییر گوردوم بیر نفر یاپشیب اتگیمنن یانایانا دیور عمه گوردی رقیه یاپشب زینبین اتگینن ) دیدی عمه بولار کی بولمدی بیزلرده عزت و فضلی قولون کی باغلدی عمه چاغور ابوالفضلی (یوزون دولاندردی کربلا سمتینه عمو) قسم اکبر جاننا ایستمروخ سنن سو ئولدورولر بیزی الردن آلان یوخدی عمو (یزیدین مجلسینده اسرا هامسی قولاری باغلی بیر نفر بنام شامی آدندا وارد اولدی مجلسه دیدی یزید نچه ائلدی سنون سفرون ریزه خواریم منه نچه کنیز وریبسن عیالیمین اخلاقینن اخلاقی جور گلمیر باخیرام گورورم بو اسرا نجیب خانواده دندی یزید بولارین بیرین ویر آپاریم عیالیمه کنیز الییم گوردولر او ملعون علی اکبرین گلین باجسین نشان ویریر اودا گلدی سخلدی عمه سی زینبین قولتوقونا دیدی عمه) گچدی عزیز گونوم بی بی من دیمیرم عزیز اولوم آخی گورمه میشم کنیزلیقی ایندی نجه کنیز اولوم دیدی زینب او پریشان قیزا صبر ایله بالا هیچ کیمین جراتی یوخدی سنی منن آیرا هامیدان چوخدی غمون واردی قولاقینده یارا سینه می نار غمونله بولوسن داغلامشام گوشوارن آلیناندا سنه چوخ آغلامشام @matnenohe متن نوحه باسبک👆👆👆👆 سبک بانوای حاج نادر جوادی اردبیلی 👇👇👇

‍ ‍ ‍ امان از دل زینب @matnenohe ‍ قافله سالارِ من؛ کجایی ای دوای دردم؟ ●♪♫ پی تو هر کجا میگردم؛ تورو تو قتلگاه گم کردم… ●♪♫ ای بدن صد پاره؛ رو خاکِ داغِ این صحرایی… ●♪♫ چرا مقطع الاعضایی؟ ●♪♫ بگو کجا برم، تنهایی؟ ●♪♫ امان از دل زینب… امان از دل زینب… ●♪♫ چشت روشن! بزم حرامم بردن… ●♪♫ چشت روشن؛ تو ازدحامم بردن ●♪♫ وای من از عاشورا… زمین و آسمون غمگینه ●♪♫ یه خواهری داره می بینه؛ یکی میشینه روی سینه ●♪♫ وای من از عاشورا! باید بمیره از غم، دنیا ●♪♫ تو قتلگاه به پیشِ زهرا؛ دوازده ضربه میزد اعداء ●♪♫ امان از دل زینب… امان از دل زینب… ●♪♫ چشت روشن؛ روسریمو دزدیدن ●♪♫ چشت روشن، به گریه هام خندیدن ●♪♫ داغِ تو روی سینم؛ که قلب مضطرم میسوزه ●♪♫ پاشو ببین حرم میسوزه؛ ببین که معجرم میسوزه ●♪♫ رفتی و دور از چشمت، به خیمه ها هجوم آوردن ●♪♫ همه چیو غنیمت بردن؛ رقیه ی تورو آزردن ●♪♫ امان از دل زینب… امان از دل زینب… ●♪♫ چشت روشن؛ ما رو اسیری بردن ●♪♫ چشت روشن؛ ما رو خرابه بردن ●♪♫ لشگر دشمن ای وای… به روی پیکرت میتازه ●♪♫ میان همه با نعلِ تازه؛ دیگه روشون به رومون بازه! ●♪♫ رفتی و موندم تنها؛ بگو چی کار کنم با این درد؟ ●♪♫ به حرمله می گفتم برگرد؛ نزن تو گوش من ای نامرد ●♪♫ امان از دل زینب… امان از دل زینب… ●♪♫ @matnenohe                  متن نوحه 👆👆👆 👇👇

امان از دل زینب @matnenohe

اوخشاما زبانحال حضرت رقیه ص @okhshama

‍ سینه زنی وفات حضرت رقیه (س) @matnenohe هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان گوزدن اشک هجران الور بالام دلده خوش نوا یر فراقی وار نور عین آل پیمبرین سقفیسیز محقر اتاقی وار میزبان ایدور ئوز قوناقینه جان نثار مقدم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان یوخدی قبر کن نیلیوم گرک قبرینی بالامون ئوزوم قازیم خاطرات هجرانی اشکیله سنگ قبرینه موبه مو یازیم ال ایاق چالور جانیمی آلور مندن آیرلور خردا سربازیم یولداشیم ئولور گوز یاشیم آخور باشیمه یاغور غم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان قول قانادی باغلی هزاره تک بحر ابتلایه بالام جومور درد آشور داشور جان گیدور گلور گه گوزون آچور گه گوزون یومور آی کیمی جمالی ایشقلانور آننون ترین هر گورن سیلور آز قالور سولا سینمون گلی وار گل اوسته شبنم خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان وار یری بو غمده قرا گیوب ختمه خاتم النبیا گله مرتضی نجفدن بقیعیدن ال اورکده خیر النسا گله بو باشی نگهبان آپارمامیش قارداشیم حسن مجتبی گله عابدین دورا خیر مقدمه پنج تن اولا جمع خرابه ده هارداسوز گلون ای کمکلریم وار بیر اوزگه عالم خرابه ده حسرتیله اکبر دیه دیه جان ویرور رقیم خرابه ده جان رقیه جان ،جان رقیه جان @matnenohe ☑️کانال متن نوحه باسبک👆👆👆👆 👇👇👇

@matnenohe ☑️کانال متن نوحه باسبک👆👆👆

گوزل اوخشاما @okhshama

‍ ‍ ‍ #روضه زبانحال حضرت زینب در شهادت حضرت رقیه علیهما السلام @matnenohe حاج اضعر خسروشاهی : ای بادصبا کرب وبلایه گذر ایله اوردایارالی‌ تشنه حسینه خبرایله حسین ای شهه خوبان رقیون سنه قربان (تکرار هر بند )(۲) عرض‌ایله اولوب‌زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل‌صورتی‌غمدن‌ساری‌گل‌تک‌سارالوبدی رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشه ی ویراده سنسیز سن تک قوری یرده ئولوری غسل وکفن سیز قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه‌ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من عرض ایلدی بیر نسگله یانام بودی مطلب بوشیونه باعثدی رقیه‌م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من بونسگللی دوشدی یادیماناله‌م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن @matnenohe متن نوحه 👆👆👆👆

‍ روضه حضرت رقیه سلام الله علیها @matnenohe سلام اولا یوزونه گوز یاشی آخان بالیا دگنده سیلی دونوب علقمه باخان بالیا سلام اولا هامونون مشگلون آچان بالیا ایاق یالین باش آچوخ چکللره قاچان بالیا سلام اولا او قیزا خیمه لر یانان ساعت اولوبدو اکبر آلان گوشواره سی غارت سلام اولا یوزونه گوزیاشی آخان بالیا دگنده سیلی دونوب علقمه باخان بالیا سلام اولا هامونون مشکلون آچان بالیا ایاق یالن باش آچوخ چوللره قاچان بالیا سلام اولا او قیزا قلبین إتیلر یاره گجاودن یخیلیب چولده قالدی آواره سلام اولا اوقیزا یوللار اوسته آغلاردی ایاقلارین یاره سین معجرینن باغلاردی سلام اولا اوقیزا دوندو گوزلری ابره خرابه یئرده ئولوب عمه سی قویدی قبره غارت اولدی صبر اویم غارتده هاردیدون بابا خیملر تاراج اولان حالتده هاردیدون بابا ناقدن شامین یولوندا ساربان یخدی منی قالدیم او صحرایه پرو وحشته هاردیدون بابا آغلیاندا من سنه دشمن بابا گولدی منه یاندی قلبیم آتش محنده هاردیدون بابا کاش اولیدوک گورمیدوخ هیچ بیز یزیدمجلسین قالمادی طاقت دل عترده هاردیدون بابا @matnenohe متن نوحه باسبک👆👆👆👆 🎤بانوای مرحوم حاج محمدباقرمنصوری اردبیلی 👇👇👇👇

👆👆 زنده یاد حاج محمدباقرمنصوری اردبیلی @matnenohe متن نوحه باسبک👆👆👆

مراسم عجیب تعزیه روز عاشورا در کربلای معلا @matnenohe کانال متن نوحه باسبک👆👆👆👆👆

اوخشاما کانالی در تلگرام 👇👇👇👇 https://t.me/aglashma

#روضه_حضرت_رقیه @matnenohe خانم زینب باخردی دییر گوردم بیر بالا ایچین چالور باش دوشدی بیرطرفه بوبالا دوشدی بیر طرفه دییلر اوچ کلمه دانشب باباسیلان بابا ده گوروم منی کیم یتیم اله دی بابا ده گوروم کیم بوینوون دامارلارین قیردی گوزیاشیلان مهدی قاپسنا گده جایوخ بالا دوشدی بیر طرفه اوباشدا دوشدی بیرطرفه ایندی ئوزون تجسم اله بعضی سی دیدی یورولدی بالا یاتدی بعضی سی دیدی غصه سینن آغلوربالا دوشدی یوزی اوسته اما زینب بولوردی گوردولر ال اله دی باشنا آرام آرام اوشاقی چوورنده نجور اولار رقیه نین زلفلری داغلدی خرابیه گوردولر بالانین گوزلری آخوب اله یریدی زینب ال اله دی باشنا گلون گلون بالام ئولدی دوتون عزا بالاما عزاسی خوار اولا سیز گورمیون روا بالاما آی شامین اهلی ورا ورا بالامی ساربانلار ئولدوردی نه بیر طبیب تاپلدی نه بیر دوا بالاما آقا امام سجاد بیوردی غسالیه خبر اله ویردیلر خبر غسالیه گلدی بالانین کنارینه غساله یتیشدی یواش یواش ال اله دی لباسلری خارج الیه چکیلدی دال دالی خانما یالواردلار به نیه غسل ویرمیرسن نیه لباسلارین چخادمیرسان دیدی دیین منه گوروم نیه بونون بدنی یول یول اولوب خانما نجور غسل ویریبلر قالسون علی ده دییردی اسماء سویی یاواش توک زینب دیدی یاواش یوون بدنی بوبدنه یواش حرکت ویر غسل ویره ویره زینبین گوزی دوشدی او گورن یوزه نجور غسل ویردیلر ایشیم یوخ نجور اوبالیا ویرانه ده قبر قازدی ایشیم یوخ زینب اوتدی یره بیر کیمسه اولمادی بالامین قبرینی قازا قازدیم ئوزوم خانم الریلن قازیر قبری الر یارالیدی یواش یواش اوقبری قازدی خانم ایستدی اوبالانی قویا قبره خانمین اورگینن گلمدی بیرآز اوتدی آغلادی امام بیوردی عمه دفن اله بالانی گرک بالا دفن اولا چکیلدی کناره بولمورم بالانی نجور قویدولار قبره قبره قویانا غسل ویره نن صورا یوزونی اوپلر زینب ولی آنن اوپوب بالانین سوال اله دیلر خانمنان مدینه ده نیه بالانین آننی اوپدون دیدی او یوز یارالیدی ایستمه دیم بالا دیسگینه @matnenohe ☑️کانال متن نوحه باسبک☝️☝️☝️ بانوای گرم حاج ابراهیم رهبر 👇👇👇👇

@matnenohe متن نوحه باسبک👆👆👆👆

زبانحال حضرت زینب سلام الله علیها در گوچ از کربلا @matnenohe کاروان گئتمه دایان قافله سالاریم ئولوب من نئجه شامه گیدیم قولسوز علمداریم ئولوب 🏴🏴🏴🏴🏴 ورمیسوز قلبیمه بیر یاره کی یوخ درمانی نه سببدن بئله انکار ائلدور قرآنی دیده خونبارو پریشان ائلدوز زهرانی گوزیمون نوری حسین سرور و سالاریم ئولوب 🏴🏴🏴🏴🏴 عترت آل عبایه سو یولون باغلامسوز قلب لیلایه جوان داغی وروب داغلامسوز چون ابالفضلیم ئولوب قولاریمی باغلامسوز سرو قامتلی اوزون قولی علمداریم ئولوب 🏴🏴🏴🏴🏴 دئمورم جاه و جلالیم داغلوب غارت اولوب دئمورم گلشنیمون گوللری بیر گونده سولوب اوخ دیوب اصغریمون قنداقی قانیله دولوب شه قوجاقینده منیم خرداجا سربازیم ئولوب 🏴🏴🏴🏴🏴 علی اصغر آناسی آهو مثالی ملیور قانلی قنداقی آلور سینه سی اوسته بلیور غملی رخسارینه گوز یاشینی دائم الیور شه قوجاقینده منیم خرداجا سربازیم ئولوب 🏴🏴🏴🏴🏴 باغلادوز آب فراتی شه دین لشگر ینه حتی رحم ایلمدوز سیز صوددامر اصغر ینه نچه مین یاره دگوب حجت حق پیکر ینه یاندی باغریم گول اولوب مونس وغمغواریم ئولوب 🏴🏴🏴🏴🏴 فاطمه حشره کیمی جاری ائدر گوز یاشینی مشکی قانیله دولان قولسوز علمداریم ئولوب @matnenohe متن نوحه باسبک👆👆👆👆👆

‍ ‍ ‍ راه شام @matnenohe ساخلا ناقه‌می کاروانیدن واردی بیر قالان گیتمه ساربان گرتاپولماسا سویگلی بالام  گیتمرم دایان گیتمه ساربان آخر وداعنده قارداشیم تاپشوروب منه بیربیر عترتین ایتمرم فراموش اؤلونجه من قارداشیم حسینون وصیّتین شه اوزی بولوردی یقین همین شاهزاده‌نین بیله ساعتین ناقه‌دن ییخار ساربان قالور   چولده باغْریقان گیتمه ساربان چُوخدی گرچه اوز اهل‌بیتنه اُول شه رَؤفون محبّتی وارخصوص بو نازنینله  شاه بی‌کسون اوزگه اُلفتی نیزه‌ده یارالی باشی دوروب گیتموری او اُلفتدی علّتی گیتمز اوز بالاسی تاپولماسا   حَشره‌دین اینان گیتمه ساربان گورموسن نجه سوز آهله  کلِّ عالمی یاندیرور یاخور نیزه‌ده آچورقان دولان گوزون متّصل گَلن یولّارا باخور توز کُوله بَلَشمیش جمالینه  اشگ دیده‌سی دمبدم آخور من دؤزنمرم ایتسه قارداشیم گوز یاشین روان گیتمه ساربان نیزه اوسته حسرتله صاق صولا  قانلو گوزلرین هی دولاندیرور اوز بالاسینون چولده قالماقین  سیزه‌لره او رَمزیله آندیرور گر دایانماساز سیز اوباش دورار   اهل کاروانی دایاندیرور سانما بیر کسیک باشدی نیزه‌ده بولمه ناتوان گیتمه ساربان کیم بولور اونون اقتدارینی هر باخان گورور بیر یارالی باش چوخ چالیشمیون بیجهت قویون  من ایدیم سیزه ماجرانی فاش ویرمیون عَبث نیزیه تکان  ایتمیون عبث کوشش و تلاش نه گیدر او باش نه قویار اولا  کاروان روان گیتمه ساربان بولمورم ییخوب ایمدی ساربان  یا یئره دوشوب ناقه‌دن گیجه   گرگیجه دوشوب بوگیچن گیجه   صبحه‌دین بالام صبح ایدوب نجه تیز گیدون اونی آختارون تاپون  سرعت ایلیون قویمیون گیجه چوخ یوبانسا قورخوم بودور ویره  چوللّر ایچره جان گیتمه ساربان گر آلام اَله قانلو زلفومی کلّ عالمی زایل ایلرم اشگیله بو صحرانی ایسلادوب کاروانی پا بَر گِل ایلرم کاروانی لنگ ایلیوب سیزه  گیتماق امرینی مشکل ایلرم بیر قدم قدمدن گوتورمسون ناقه ساربان گیتمه ساربان گرچه بو بالا قید عشقله تار زلف اکبرده بسته‌دور لیک قالمیوب مَشیَه طاقتی  یول گلوبدی یورقوندی خسته‌دور ناله‌سی گلور هی قولاقیمه  صبریمی آلور دلشکسته‌‌دور گه بابا بابا سسلنور گهی عمّه عمّه جان گیتمه ساربان بو یتیمه قیزلار آرا بونون  ناله‌سینده وار اوزگه اختصاص نالیه گلنده سبب اودور   حالینه یانار جمله عام و خاصّ رنج و زحمت تازیانه‌دن  ایستیوب اونی ایلسون خلاص ناقه‌دن ییخوب ساربان یئره  وار بیله گمان گیتمه ساربان داغلانوب دل داغداریمیز اودلانان زمان خیمگاهیمیز یوخدی گیتماقا اختیاریمز  گیتمسه اگر شاهِ راهمیز قالمیوب داخی غمگسارمیز نیزه‌ده او باشدور پناهیمیز تا دوروب او باش بیزده‌ بوچولی  ایلروخ مکان گیتمه ساربان من فدا او باشون وفاسینه  گور وفا یولون گوزلر آشکار بیر سپاهی لنگ ایلیوب دوروب  اؤز بالاسینی گوزلر آشکار بنزمور عبث نوک نیزه‌ده  منتظر گوزه گوزلر آشکار گورمیوب بیله مهربان آتا  دیدۀ جهان گیتمه ساربان ✍مرحوم حسین شانی @matnenohe                          متن نوحه👆👆👆👆 زنده یاد مرحوم استاد حاج سلیم موذن زاده اردبیلی 👇👇