#صوایی_تا_نماشون_چش_دره_راه #دلگویه_دختر_شهید_مازنی #شهید_شهادت_دلگویه_مازنی 🇮🇷🌹🇮🇷🌹🇮🇷🌹🇮🇷🌹 صوایی تا نماشون چش دره راه برسه بابا جون آسمون ماه سفری هرکه داره چش براهه پر ازدلتنگی وتشویش و آهه تمام شهرو روستا بَیّه اعلام شهید بیاردنه از جبهه ی شام بِمونه مرد و زن دسّه به دسّه به استقبال مرد سینه خسّه ناگمون با تعجب برمه واری تِه عکسه بَدیمه تابوت سواری گمون نکردمه مه جان ته قروون ته باشی یکی ازهمین شهیدون خسّه تنِ بلاره مرد جنگی بابا کی بَدیّه به این قشنگی؟ مدافع حرم هسّی بابا جون همه جا محترم هسّی بابا جون اِساخوامبه تِره هادم نِواجش تره جان رقیه مره هارش اگه مه نازنین بابا ته هسّی مره پس چه بدی چش ره دوسّی؟ سِیو ریشِ حِنا چَنّه قِشنگه چیکار هاکنم این دل تِسّه تنگه لباس غرق در خون شهادت موارک بر ته سرباز ولایت قسم به سینه ی پُر آه زینب فدا بَیّه بابا در راه زینب«س» ته که بوردی سفر ناشتمه اوقات دِتِر وسّه چی بیاردی سوغات؟ شِه زِنّی سر تره دِمبه نواجش تا پاره بَوّه دلِ هر چه داعش تره تا بدیمه دل بَیّه پاره بابا ته خون آشی ریشِ بلاره بابا دونّی مه ور چی تازه بَیّه؟ غم خرابـه و داغ رقــیه من اینجه چون بِیمه شهیدکیجا همه مهربونی کردنه مِه جا اگرچه سخته ته مصیبت وداغ دیگه اینجه مره نزونه شلاق داغ جدایی مه دل ره بزو چنگ ته تابوت ره کسی نزوهه باسنگ مه وسّه اینجه دسّه گُل فراوون ولی اونجه رقیه جانِ دل خون نا که مه تن کهو بَیّه نـا بازو رقیه زیر شلاق دس و پا زو اگر چه بابا جون مه دل کبابه ولی اینجه کجه شام خرابه؟ مره که نزونه تن بَهیره تش مثل رقیه که نکردمه غش شهید اگه قراره سر نداره خدا هاکنه وه دتر نداره شب و روزبَیـّه مه کاربرمه زاری مره بکوشته ته چشم انتظاری اِسا که دِترِه شهید بهیمه پیش رقیه رو سفید بَهیمه بابا جون ای فداییِ ولایت گوارای ته شربت شهادت مه دل تنگه بابا ازاین جدایی بابا غصه نخر دارمی خدایی بابا دیگه کجه تره بَوینِم؟ کجه گلبوسه از ته دیم بچینم؟ ته که بُوردی مه همدم جان ماره اگر چه از غم ته بیـقراره بدور ازمن همیشه برمه کنّه ته غم وغصه ره شه سینه کنّه. ته که بوردی اَما دارمی ولی ره خدا حفظ هاکنه سید علی ره امام خامنه ای به این صمیمی بهیـّه مـرحم زخـم یتیمی بـابـاتر ازبـابـاهای نمونه خدا دونّه که چنّه مهربونه «مداحِ» وِر دعا هاکن باباجون شهید بَوّه مثل شما شهیدون. 🇮🇷🌹🇮🇷🌹🇮🇷🌹🇮🇷🌹 شعر:علی اکبراسفندیار«مداح»