#امام_رضا #دهه_کرامت نیمه شبها تا سحر ذکر رضا باید گرفت اینچنین حاجات خود را از خدا باید گرفت در جوار مرقدش هرگز به کم قـانع مشو چونکه از مشهـد بـرات کربلا باید گرفت دست خالی آمدم امشب به درگاه شما هرچه میخواهد دل از راه دعا باید گرفت چشم در راه دعای خیرتان هستم، فقط یک ضمـانت از تو در روز جزا باید گرفت می شود امشب دل من عازم باب الجواد اجر و مزد نوکری را پس کجا باید گرفت؟ در شب میلادتان دل غرق رحمت میشود تکه نانی امشب از دست شما باید گرفت محسن زعفرانیه

•نازم آن ماهی که.... #مدح ویژهٔ دهۀ کرامت و ولادت حضرت امام رضا علیه اجرا نازم آن ماهی كه وصفش را پيمبر می كُند پرتو حسنش دو عالم را منوّر می كُند زادهْ موسي كه موسی نبي در محضرش درس جود و بخشش و ايثار از بَر می كند صبحدم هر روز از بهر سلام و كسب فيض سجده بر خاك درش خورشيد خاور می كند زائرانش را بشارت باد از الطاف حق طوفِ قبرش كار صدها حجّ اكبر می كند #شاعر:حسين فولادي #اَللّهُمَّ_عَجِّل_لِوَلیِّکَ_الفَرَج #میلاد_امام_رضا_علیه_السلام #کربلایی_مهدی_رسولی

#مدح_میلاد_امام_رضا_ع شاه شاهاندی رضا عالمه سلطاندی رضا جان جاناندی رضا حجت سبحاندی رضا فاطمه دلبریدی شیعه نون رهبریدی 🌷🌷🌷 هشتمین حجت برحق خدای ازلی ضامن اهل ولادی گل گلزار علی نام زیباسی علی جمله گوزللر گوزلی جلوۀ حسنیده چون ماه درخشاندی رضا فاطمه دلبریدی شیعه نون رهبریدی 🌷🌷🌷 نیر برج وفا چشمه رأفتدی رضا منبع رحمت و دریای عطوفتدی رضا قلبی آئینه انوار صداقتدی رضا یم مواج کرم بخششو احساندی رضا فاطمه دلبریدی شیعه نون رهبریدی 🌷🌷🌷 طلعت ماهی نجه دهری چراغان ایلیوب فکرو اندیشه سینه عالمی حیران ایلیوب خاک ایرانی گلیب ملک سلیمان ایلیوب معرفت اهلینه چون جسمیده کی جاندی رضا فاطمه دلبریدی شیعه نون رهبریدی 🌷🌷🌷 شاعر✍حسن پورصادق. https://eitaa.com/mohabban

شیعه نین هرمشگلین ******* شیعه نین هرمشکلین آسان ائدرموسی الرضا دردمندین دردینه درمان ائدرموسی الرضا هئچ کیمه یوخ احتیاجیم سرپناهیم وارمنیم چون گدای اهل بیتم عزّوجاهیم‌وارمنیم ضامن آهوکیمی عزتلی شاهیم وارمنیم ایسته سه ئوزسائلین سلطان ائدرموسی الرضا خوش سیزون احوالوزه ای زائران ارض طوس سسلیون اولسون ائوین آبادیاشمس الشموس آستان اقدسیده اولساهرکیم خاکبوس خوان لطفینده اونی مهمان ائدرموسی الرضا عرشیدن والادی ایوان طلاسی مشهدین مین گلستانه دگروالله صفاسی مشهدین واردی جنتدن گوزل صحن وسراسی مشهدین هریئره قویساقدم رضوان ائدرموسی الرضا یاریمون عشق عالمینده اولموشام دیوانه سی وه!عجب لذّتلی دی صهبای سقاخانه سی چیخمیوب چیخمازئورکدن نشئه ی پیمانه سی عاشقین مست می ایمان ائدرموسی الرضا شعرینون بوبندینه عشق ایلیوب شاعراوزی ماه کنعانین دئیوللریوخ گوزلیقده سوزی شاه ایرانین ولی اوندانداشهلادورگوزی بیرباخیشلایوسفی حیران ائدرموسی الرضا جشن میلاده گلنلرباب حاجاتی چالون ایلیون همت ائله دامان مولانی سالون ای حسین عاشقلری فرصتدی بایراملیق آلون چون برات کربلااحسان ائدرموسی الرضا خوشلویاللار«صادقا»عشق اهلی عاشق شاعری اهل بیتین سعی ائله اول سنده لایق شاعری صدقیلن یازبیل ایکی دنیاده«صادق»شاعری صاحب شخصیت شایان ائدرموسی الرضا شاعر صادقی مراغه

میلاد با سعادت امام رعوف علی بن موسی الرضا ع #شاعر:بهمن جعفری زینجناب به سبک :لافتی الا علی لاسیف الا ذوافقار 👇👇👇👇👇 مژده مژده مژده گلدی شاه اقلیمِ وفا قویدی دنیایه قدومون آقامیز موسی الرضا یا علی موسی الرضا موسی الرضا موسی الرضا ۲ بار ☘☘🌹☘☘ مژده جنَّتدن مشامه تازه عطر و بو گلوب چوخ رعوف و مهربان بیر ضامن آهو گلوب یاعلی موسی الرضا موسی الرضا موسی الرضا ۲ بار ☘☘🌹☘☘ گولستانِ کاظمی ده نغمه اوخور بولبولی گور نجه اولدی شکوفا باب الحوائج گولی یاعلی موسی الرضا موسی الرضا موسی الرضا ۲ بار ☘☘🌹☘☘ جان جانان جان عالم وئردی زینت عالمه نجمه خاتون سویگولیدور ، دلربایِ فاطمه یاعلی موسی الرضا موسی الرضا موسی الرضا ۲ بار ☘☘🌹☘☘ جشن اعظم توتدولار موسی الرضا میلادینی چوخ مُزیَّن اِیلیوبلَر پَنجَرَه فولادینی یاعلی موسی الرضا موسی الرضا موسی الرضا ۲ بار ☘☘🌹☘☘ چَکدی نقاش ازل روی جمالین بی مَثَل هر گورن سویلَردی مولادی گوزللردن گوزل یاعلی موسی الرضا موسی الرضا موسی الرضا ۲ بار ☘☘🌹☘☘ مه و مهتابیم رضادور ، دُرِّ نایابیم رضا بولسون عالملر منیمدور گوزل اربابیم رضا یاعلی موسی الرضا موسی الرضا موسی الرضا ۲ بار ☘☘🌹☘☘ گوهر گنج حقیقت ، دُرّ دُرج سرمدی اغنیالر افتخاری نجل پاک احمدی یاعلی موسی الرضا موسی الرضا موسی الرضا ۲ بار ☘☘🌹☘☘ بارگاهیندن طلعلع ایلییر نور شعف خاک ایران تاپدی آیری عزت و شان و شرف یاعلی موسی الرضا موسی الرضا موسی الرضا ۲ بار ☘☘🌹☘☘ ✍شعر از :#بهمن_جعفریِ_زینجناب

عرض ادب خدمت حضرت امام رضا علیه السلام با آهنگی حماسی و دلنشین به نام و یاد کِردگارِ سُبحان گینه ملائک اولدولار غزل خوان خیاله دوشدی بیر صفالی مَرقَد گویول قوشی پر، ووردی تا خراسان (سنه فدای ای پورِ مرتضا آدون فداسی، اَیُهاَالرضا) 2 شفیع محشر/ عزیز حیدر / بَتوله بَنذَر/یا مولا مولا یا اباالحسن غلام کوی آل حیدرم من حدیث عشقی دیلده اَزبَرم من نه دردیم اولسا، عشقیله اورکدن غریبِ طوسی داده سسلرم من (آدین یازیلدی دیلده رَج به رَج دَخیلیوَم یا، ثامن الحُجَج) 2 شَهِ دو عالم / دَوای دردَم / سنه غلامم/یامولا مولا یا اباالحسن ٣ گوزوم اَلونده ای شَهِ ولایت گدایه سلطان، ایلییَر عنایت گوزل مزارون گویلومه دوشوبدی باشیمدا واردی حَسرَتِ زیارت (من عاشقانه سَسلَرَم سنی چاغیر دوباره قبریوه منی) 2 عزیزِ دوران / گَل اِیله مهمان/ او قبره قربان/ یا مولا مولا یا اباالحسن ٣ حَرَمده زائر باشلاسا نوایه سینیق دیلیله اَل آچار دعایه اَلی اورکده عرض ایدر رضاجان بو(بیکَسی) سن یوللا کربلایه (خیاله دوشدی ساقی حَرَم او خیردا قبری منده ایستَرَم) 2 به یادِ عبّاس / خدای اِحساس/او اَشجَعِ ناس / یا مولا مولا یا اباالحسن ٣ #امام_رضا_علیه_السلام #ثامن_الحجج https://eitaa.com/mohabban التماس دعای فرج الاحقر مهدی عبادی 💐💐💐

قربان اولوم جلالتیوه یا ابا الحسن چوخ شائقم زیارتیوه یا ابا الحسن . مین بیر آدیله آدلانوب الله لایَنام اسم رضادی مظهری بو آدلاری تمام ای اسمی اسم اعظم حق، ای شه اَنام عاجزدی عقل مدحتیوه یا ابا الحسن . دنیانین اهلی رسمیدی یوخ شبهه و مقال شیرین آدی گَلنده عسلدن وورار مثال شیرین دور اهل عشقه عَسَلدن ولی وصال قربان اولوم حضرتیوه یا ابا الحسن . تلخین مثالینی عُقلا زهریدن وورار عُشّاق ایچینده عکسینه امّا عقیده وار مین دفعه زهریدن آجیراقدور فراق یار یوخ منده تاب فرقتیوه یا ابا الحسن . آگاهیسن اوزون سن اَیا شاهِ ذوالکرم من عاشقم سنه، دیمه مدّاح و نوکرم بیر آستانون اوپماقی مین خُلده ویرمرم آند اولسون اوز امامتیوه یا ابا الحسن . بیگانه بُلمز عشق غمین، آشنا بُلر گیزلین رموزی عالم جهر و خفا بُلر قلبیم نجه یانور بیر اوزون بیر خدا بُلر دل تشنه دور سقایتیوه یا ابا الحسن . سن مظهر جمال خدای عطوف سن کَشّافِ هَمّ و غمّ و کُروب و لهوف سن معروف سن بو اسمه امام رئوف سن جانلار فدا عطوفتیوه یا ابا الحسن . چوخدان دوشوبدی خسته گوگل اشتیاقیوه یاندورما بیر بیله منی نارِ فراقیوه ایسته گَلوم بهشتیدن اعلی رواقیوه ویرّم قسم رضایتیوه یا ابا الحسن . ای شاه مُلکِ سِلم و رِضا، اَیُّهَا الرِّضا نومید اولا گدای درون اولماسان رضا باخ گور روادی ای شه اقلیمِ اِرتِضی من گَلمیوم زیارتیوه یا ابا الحسن؟ . سن شاه ماسِوا، سنه من کمترین گدا شاهه گدانی بوش یولا سالماق دگُل روا بیر باخماقون ایدر ایکی دنیامه اکتفا اولّام رَهین منّتیوه یا ابا الحسن . قبروندن اوتری گوگلوم اَسور مثل برگ بید بیر سائلم قاپوندا سیه روی و مو سفید ویرّم قسم جوان بالاوا ایتمه ناامید قیل مفتخر عنایتیوه یا ابا الحسن . هجرونده گوز یاشیم قاریشوب قلب قانینه رحم ایله بو بلا کشین آه و فغانینه ویرّم قسم شَها سنی معصومه جانینه ایسته گَلوم زیارتیوه یا ابا الحسن . ای جود و بخشش و کرم و فضل معدنی اوغلون جواد جانینه ویرّم قسم سنی بیرده قوناق چاقور او گوزل قبریوه منی مشمول قیل کرامتیوه یا ابا الحسن . دلدن آلوبدی طاقتیمی درد فرقتون نیلوم نصیب اولموری فیض زیارتون هر صبح و شام یاد ایدرم حال غربتون یانّام ملال غربتیوه یا ابا الحسن . فریاد و داد او وقتیدن ای خسرو حجاز مسموم ایلدی سنی مامون حیله ساز بو فکریله که ایلیه بیر نوع سِترِ راز گَلدی سنون عیادتیوه یا ابا الحسن . گوز یاشلی عرض ایدردی که ای شاه محتشم بو بَس دگُل فراقون اولور مایه ی اَلَم طوس اهلی ایلوری منی بو امره متّهم من عاملم شهادتیوه یا ابا الحسن . مامون اگرچه قاتلیدی ای شه کِبار امّا حیالیدور گنه اول شوم کین شعار اوز ایتدیقی خطاسینه ایلردی اعتذار آغلاردی حال رحلتیوه یا ابا الحسن . امّا نه بی مروّتیمیش شمر بیحیا جدّون حسینین ایتدی بدندن باشین جدا ووردی باشین جدایه همان غملی ماجرا اولدی سبب مصیبتیوه یا ابا الحسن . من نوکرم قاپوزدا، « حسینی» دی شهرتیم لایق دگُل اگرچه بو درباره خدمتیم امّا بو بوش اَلیله گنه یوخدی وحشتیم گوز تیکمیشم شفاعتیوه یا ابا الحسن . جدّون اوزی بیله بویوروبدی مفضّله قرآندی اصل مدرکی، روشندی مسئله واللهی قبریدن دوراجاقدی گُله گُله قائل اولان ولایتیوه یا ابا الحسن مرحوم استاد حاج سید رضا حسینی سعدي زمان تبریزی ره

نوحه قتلگاه شهادت امام حسین (ع) شهادت_امام_حسین_سینه_زنی_ترکی الله الله کربلایه قان یاغور بیر غریبین اوستونه پیکان یا غور یا حسین * یاحسین * یا حسین قان توکن لشگر مجاز او ستونده دی اهل کوفه امتیاز اوستونده دی فاطمه اوغلی نماز اوستونده دی جسمینه اوخ نیزه هریاندان یاغور یا حسین * یاحسین * یا حسین رحم یوخ اعدای کفر اوازه دن اوخ وران گئتمور ورور داش تازه دن پیکر قران چخوب شیرازه دن صفحه صفحه مقتله قران یاغور یا حسین * یاحسین * یا حسین زاده ی پیغمبر ایستور جان وئره عالم معنا دگوبدور بیر بیره هی ملکدور کی انور گویدن یره تپراقا هر لحظه مین بحران یاغور یا حسین * یاحسین * یا حسین بیر قوجا سید انا العطشان دیور قان ایچینده ذکر ارحمان دیور گویده اوخلار سس چکور قان قان دیور اوخ دئمه گویدن یره باران یاغور یا حسین * یاحسین * یا حسین صحنیه حیران باخور اهل سما گوزلریندن هی اخور اشگ عزا ایسلانوب دامان سرخ کربلا نینوایه گوئیا نیسان یاغور یا حسین * یاحسین * یا حسین خیمه لرده ناگران دللر اسور قتلگاه اوسته قرا یللر اسور قاتل ایستور باش کسه اللر اسور شمر الیندن فتنه و عصیان یاغور یا حسین * یاحسین * یا حسین یوز دوتوب زینب سوسوز قارداشینه دور حسین باخ با جیوین گوز یاشینه گور نلر گلدی حرملر باشینه باشیمه خاکستر هجران یاغور یا حسین * یاحسین * یا حسین۰۰۰۰۰https://eitaa.com/mohabban

▪️نوحه اول محرم وگریز به قتلگاه 🎼سبک ای شمع حرمخانه زینب گلوب افغانه باشلاندی مه ماتم باشلاندی مه ماتم آغلور نه غریبانه باشلاندی مه ماتم باشلاندی مه ماتم قلبیلر غصه دن قان اولدی زهرا حسینه جنتده آغلادی طاها 2بار بو آیدا قرا یللر اسدی سارالوب گللر اسدی سارالوب گللر جان ویردیله مردانه یتمیش ایکی نام آور یتمیش ایکی نام آور شهزاده علی اکبر عباس هنرپرور عباس هنرپرور اوچ شعبه لی پیکانلان اوخلاندی علی اصغر اوخلاندی علی اصغر قلبیلر غصه دن قان اولدی زهرا حسینه جنتده آغلادی طاها 2بار آی باتدی چخوبدی گون عرشه چکلوب قاره عرشه چکلوب قاره آماده ی جنگ اولدی اکبر کیمی مه پاره اکبر کیمی مه پاره احيا ائده تا دینی عزم ایلدی پیکاره عزم ایلدی پیکاره زنده قالا تا قرآن قربان کسیله یاره قربان کسیله یاره قلبیلر غصه دن قان اولدی زهرا حسینه جنتده آغلادی طاها 2بار بو آیدا دوشوب طوفان صحرای غم افزاده صحرای غم افزاده انصاری شه دینین یکسر گلوب امداده یکسر گلوب امداده لب تشنه شهید اولدی یاران لب دریاده یاران لب دریاده باشسیز یارالی پیکر پخش اولدی او صحراده پخش اولدی او صحراده قلبیلر غصه دن قان اولدی زهرا حسینه جنتده آغلادی طاها 2بار قاسم کیمی دلدارین دین اوسته چخوب جانی دین اوسته چخوب جانی قانیله اولوب الوان ترک ائتمدی میدانی ترک ائتمدی میدانی اوخلار ائلیوب شان شان میداندا او اعضانی میداندا او اعضانی شه آلدی قوجاقینه اول پیکر شان شانی اول پیکر شان شانی قلبیلر غصه دن قان اولدی زهرا حسینه جنتده آغلادی طاها 2بار شمع شهدا عباس اول معرفتین کانی اول معرفتین کانی بیر حمله ده قورخوتدی دورت مین نفر اعدانی دورت مین نفر اعدانی پوزدی قوشونون نظمین شاد ایلدی طفلانی شاد ایلدی طفلانی آرام دل حیدر فتح ایلدی دریانی فتح ایلدی دریانی قلبیلر غصه دن قان اولدی زهرا حسینه جنتده آغلادی طاها 2بار سو ایچمدی دریادن لب تشنه چخوب سقا لب تشنه چخوب سقا نیزاره یولون سالدی رزمنده ی بی همتا رزمنده ی بی همتا بیر مشک سوا خاطر سالدی قولونی اعدا سالدی قولونی اعدا قان آغلادی سقانین احوالینه اول دریا احوالینه اول دریا قلبیلر غصه دن قان اولدی زهرا حسینه جنتده آغلادی طاها 2بار نهر اوسته شهید اولدی سر لشگری مولانین سر لشگری مولانین قان گوزلرینه دولدی سقای لب عطشانین سقای لب عطشانین گلدی باشینین اوسته فرماندهی سقانین فرماندهی سقانین آلدی دیزینین اوسته سیلدی گوزونون قانین سیلدی گوزونون قانین قلبیلر غصه دن قان اولدی زهرا حسینه جنتده آغلادی طاها 2بار گول مثلی علی اصغر بو آیدا اولوب پرپر بو آیدا اولوب پرپر اوچ شعبه لی پیکانلان قانه بویانوب اصغر قانه بویانوب اصغر قول باقلی شهید اولدی میداندا گل احمر میداندا گل احمر یاندیردی حسین قلبین گوردی داغیلوب حنجر گوردی داغیلوب حنجر قلبیلر غصه دن قان اولدی زهرا حسینه جنتده آغلادی طاها 2بار میداندا قالوب یالقوز شاهنشه دو عالم شاهنشه دو عالم سرداری دوشوب آتدان قانه بویانوب پرچم قانه بویانوب پرچم بیر حمله ده اعدانین ائتدی صفینی برهم ائتدی صفینی برهم باشدی یارالی پیکر تپراقه دوشور هر دم تپراقه دوشور هر دم قلبیلر غصه دن قان اولدی زهرا حسینه جنتده آغلادی طاها 2بار جان دین و نماز اوسته ویردی او گل زهرا ویردی او گل زهرا بیر سید مظلومی ظلمیله ورور اعدا ظلمیله ورور اعدا جسمی یارالی یورقون گوداله دوشوب مولا گوداله دوشوب مولا ئوز قانینه غلطاندی میداندا قالوب تنها میداندا قالوب تنها قلبیلر غصه دن قان اولدی زهرا حسینه جنتده آغلادی طاها 2بار اول لشگر بی دینین گویا اورگی داشدی گویا اورگی داشدی تا حرمله ی معلون شه قلبینه اوخ ساشدی شه قلبینه اوخ ساشدی ال باشدا خانم زینب گوداله طرف قاشدی گوداله طرف قاشدی قارداش باجی سین گوردی قانلی گوزونی آچدی قانلی گوزونی آچدی قلبیلر غصه دن قان اولدی زهرا حسینه جنتده آغلادی طاها 2بار جان ویردی غریبانه عالملری یاندیردی عالملری یاندیردی اول امت نادانی طاهادن اوتاندیردی طاهادن اوتاندیردی ناحقلری سیندیردی حقی اوجالاندیردی حقی اوجالاندیردی آزاد یاشاسین شیعه ظالملره آندیردی ظالملره آندیردی قلبیلر غصه دن قان اولدی زهرا حسینه جنتده آغلادی طاها 2بار ✍بقلم حاج مهدی ملکی زنجانیhttps://eitaa.com/mohabban

نوحه ورود به کربلا ✍ منزوی بو بلا چولی حسینه ابدی وطندی زینب آغاران ساچین بو چولده، منیچون کفندی زینب منیچون خبر وئریبدیر بو یِری بابام پیمبر دئییب آدلارین باشیمدا اولاجاق نئچه دلاور آنادان اولان گونومده منه آغلاییب او سرور بویوروب هایاندی قبریم، کفنیم ند‌ندی زینب بو چوله بابام علی‌نین او زمان دوشوب گُذاری گوتوروبدی توپراقیندان، ائدیب اشکِ چشمی جاری بویوروب حسین قانیلا، اولو بو یِر آبیاری اودی مو به مو قضیّه، منیچون عَیاَندی زینب ائله کی سو واردی قانیم اُولی کیمیا بو تُربت کَفنینده کیم گتیرسه، اونو قبره وقتِ رحلت مَلَکِ عذاب گورسه، قِییدیب گئد‌ر خجالت یوزی آغدی کیم بو عشقین، اولا پایبندی زینب چاغیراندا اکبریملَن منی بو منای اعظم باخیب آغلادی دالیمجا، باجی چشمِ آبِ زمزم دئدی گِتمه بی وفادن یوزی قاره نهرِ علقم ولی نیلییم بو امرِ حقِ ذوالمنندی زینب بورا کعبۀ ولادیر، واریدیر گوزل رَویه نه نمازِ دست بسته، نه دعای با تقیه بو چوخور یِره نظرگاه، اُولی تلِّ زینبیه باخان عرض ائد‌ر خدایا، نِجه شیرزن دی زینب کیمه قبرون اولسا گیزلین، ائد‌جک یقین سراغین سنی آختاران گر‌کدیر، ئوپه کربلا رواقین آلاجاق گولون اوز عطرین، اگر اییلَسه بوداغین بیلَجک سنینده روحون منه هموطن ‌دی زینب منی کیم زیارت اِئتسه، تاپاجاق رهِ اصولی ائله بیل ائدیب زیارت نِچه یول بابام رسولی وئره کیم قسم سنینده آدیوا آنام بتولی تاپاجاق شفا آدونلا، دلِ دردمندی زینب

دربی وفایی دنیا....گریزبه حضرت اباالفضل.ع... چاره سیز دَردیم دَواسیز قالدی دَرمان اولمادی. غُصّه چَکدیم لبلریم دنیاده خندان اولمادی. گوز آچاندان فانی دنیایه؛ یوروب غَملرمنی. منزل  بختیم  اَزَل گوندن  چراغان اولمادی. مَحرمِ اَسراریم اولدی صبحه تَک دان اولدوزی. گویده اولدوزلار بیلوب؛ اَغیاره عنوان اولمادی. کِچدی عمرومده اورکدن شاد اولوب بیرگولمدیم. روحیمه دنیا قفس اولدی؛ خوش اَلحان اولمادی. گوزآچان گوندن یازیلمیش دَرد وغم اِقبالیمه. لذّتِ  دنیا  منِ  نالانه  اِحسان اولمادی. چرخی سینسین بوفَلک تَنگ ائتدی دنیانی منه. روزگاریم تار اولوب گون تَک دِرخشان اولمادی. مونسیم گوزیاشی اولدی شَهدِ شادی دادمادیم. دور ایدوب غم لَشگری؛مندن گُریزان اولمادی. چوخ  بَلا چکدی باشیم بو فِتنه لی اَیّامیدن. بیر کَسین من تَک بِله حالی پَریشان اولمادی. پوزماق اولماز سَرنوشتین خَطینی پیشانیدن. هئچ کیمون عمرونده من تک قلبی سوزان اولمادی. """"""""""""""""""""""""""""""""""""" مشکله دوشدوم هاچان دوتدوم اباالفضل دامنین. آشنالر حالیمه  بیر لحظه گریان ا‌ولمادی. ای علینون با وِقار وجان فشان اوغلی آقا. وِی خانم ام البنینون قهرمان اوغلی  آقا. لطفیله ائتدون نظر دل یاره سی درمان اولوب. کیم چاغوردی آدووی هرمشکلی آسان اولوب. آدووین قربانی عباس ای شهامت مظهری. هاردا آدون گلسه اُول یئر روضه رضوان اولوب. روز عاشور بلاده وِئردون عالی  امتحان. ایتدیگون ایثارووه راضی حقِ سبحان اولوب. آلدی اطرافین اوسردار؛ دلیرین شامیان. یاره لنمیش پیکری ئوز روحینه زندان اولوب. دوشدی که قولار بدندن ساغ گوزه اوخ سانجیلوب. مَرکَب اوستونده گیدوب قان؛جسمی نامیزان اولوب. لَنگره دوشدی بَدَن میل ائتدی گه صاق وصولا. جسمی میزاندان چیخوبدور.دیزلری لرزان اولوب. گوزباخوردی تلّه چون؛دوشدی یوزی اوسته یِره. وئرمَدی لَشگر اَمان میداندا بیر طوفان اولوب. دل گلَرگلمز دیدی گَل یاحسین جان اوستیم. ای طبیبیم قارداشون شرمنده ی طفلان اولوب. فرصتیم آزدوراَخاگَل باشیم اوسته صُون نفس. قوی دِئسونلر نوکره سلطانیدن احسان اولوب. تَلّین اوستن قارداشین آلدی سَسین یالقوز امام. قفلَتا" رنگی سارالدی گوزلری گریان اولوب.   تاپشوروب تززینبه  قیزلاری آرام ائله سین. زولجناح اوسته مینوبدور عازم میدان اولوب. یول بوئی سویلَردی وای قیزلاریمه وای زینبه. تا گلینجک مَقتلِ عباسه نیمه جان اولوب. آختاروب تاپدی اباالفضلین داغیلمیش پیکرین. آلدی باشین دیزلری اوسته اورک شان شان اولوب. گورنه حاله باشووی سالمیش عَمودین ضربه سی. اوخ دگوبدور صاق گوزوندن کاسه سی ویران اولوب. اولساگر امکانی آچ بوصول گوزیلن باخ منه. اوت دوتوبدور بندبندیم قلب ائوی سوزان اولوب. آز چالیخلا جسمیده سالم یئرون یوخدوراَخا. پیکرون تَرپَشدوقیجه قانیله الوان  اولوب. هِی آچوب تِزتِز  اَیاقلارون  بِله جمع ایلمه. جان وِئرن سَنسَن اباالفضل بوحسین بی جان اولوب. صَف چکوب سوجامی اَلده قیزلاریم یولاروه. بیلمیوللر قارداشیم ئوز قانینه غلطان اولودب. (یاسرم) ای مرتضانون  قهرمان اوغلی آقا. هرزمان آدون چاغیردیم مشکلوم آسان اولوب...

ورود به کربلا سینه زنی ورود کاروان امام حسین به کربلا باجی حاضر اول بلایه بورا کربلادی زینب سیزه چوخ غریبدی اما منه آشنادی زینب یتوروبدی کاروانیم بو زمین پر بلایه گورورم بو نینوانی اورگیم گلور نوایه منی گور حبیب وعشقیم گتوروب عجب منایه بو قوری یر ایستی صحرا بیزه پر بلادی زینب بو چولون غم وبلاسون بویوروب رسول خاتم بولورم نولار بو چولده بیزه بو ده محرم نجه کی بو کاروانه یاغاجاخ بلا دمادم نه واریم رضای حقه بولورم فدادی زینب بو بلالی کربلانی تانورام وجبله گویا بودی خیمه لر مکانی اولا جاخدی بوردا احیا بورا رزمگاه لشکر قانیلان اولار محنا بو چوخور یره نظر قیل منه بیر منادی زینب بو منای کربلایه باجی چوخ فدا گتیردیم نه فدا که یوخ مثالی بورا کیمیا گتیردیم بو فدالری لب عطشان باتیرام قانا گتیردیم سنه سویلورم فیکیر قیل بورا گور هارادی زینب بو بلالی چولده قانلار سو کیمی اولار روانه باجی لشکریم بو چولده باتاجاخدی تشنه قانه نجه گلستان هاشم دونجاخ باجی خزانه بو چولون تمام ارضی منه غم فزادی زینب بو آخان فراته بیر باخ بیزه ایلیور اشاره گل آپار دیور سو بلکه ایچه طفل شیر خواره سورا باغلاناندا یوللار بورا ایلمه نظاره که داخی سو اوندا قهرا بیزه ناروادی زینب اوجادور سسون دیور کی سورا ایلمه شکایت دمه تشنه قانه باتدی نیه پس شه ولایت سو آپار خیامه سقا داخی چکمسون خجالت قولاغ آس باجیم بو صحرا بیزه پر صدادی زینب ابدی مکاندی بو چول منه بانوی کرامه بورا سن ولی قوناقسان سفرین تاپار ادامه سنی چوخ ستمله دشمن چکجاخدی کوفه شامه سنه یوللار اوسته هردم قورولان عزادی زینب,, بو چوله قانیم توکولسه ورجاخ بو خاکه حرمت که یقیندی هر مریضه اولاجاخ شفا بو تربت قورولار ضریح ومرقد ایده شیعه لر زیارت دوشه درده شیعه تربت آپارا دوادی زینب ✍منکلام:کربلایی ابراهیم خوش نواز مرندی ‍‍