ورود کاروان به کربلا @naghmalar @naghmalar کانال نغمه‌ها و اشعار ترکی همراه با منبرآماده کانال ما را به دوستان خود معرفی کنید.

سلام بر حسین... @naghmalar @naghmalar کانال نغمه‌ها و اشعار ترکی همراه با منبرآماده کانال ما را به دوستان خود معرفی کنید.

#ویژه_استوری @naghmalar @naghmalar کانال نغمه‌ها و اشعار ترکی همراه با منبرآماده کانال ما را به دوستان خود معرفی کنید.

🖤عرض ارادت به امام حسین علیه السلام من حسینم کیم منیم حقیمده احسان ایلسه مطمئن اولسون اونون حقینده احسان ایلرم درد الیندن دوزدی ئوز قلبیم سئنیب آئینه تک دردمندیم دامنیمدن دوتسا درمان ایلرم من حسینم کیم منه گوز یاشی توکسه برملا روحینه وئرم صفا قلبینده قالماز ابتلا نامه ی اعمالینه نقش ایلرم مهر ولا مستقیم دعوت یازیب وئرم برات کربلا کربلایه گلسه ئوز سفره مده مهمان ایلرم من حسینم معنویت وئرمیشم اجلاسیمه عطر جنت حس ائدر عاشق گلنده یاسیمه قول ‌وئرم‌ بوسوزه ‌آند اولسون ‌اوز احساسیمه کیم سرین سو میل ائدنده آغلاسا عباسیمه   آب کوثر پایلانان ساعتده جبران ایلرم من حسینم   ایلدیم  دارالشفا   درگاهیمی دینه خاطر باده تاپشوردوم جلال و جاهیمی عهدوپیمان اوسته اودّوم هر یانیخلی آهیمی اصغریمدن اوزدوم اَل راضی ائدم آللاهیمی راضی اولسا  آللاهیم  شکر  فراوان  ایلرم کیم منه عرض ارادتده امیدین باغلاسا تشنه لب اطفالیمه فکر ایلسه دل داغلاسا معرفتلن ظهر عاشورامه  یانسا  آغلا سا طول عمرونده اوزی اوز احترامین ساخلاسا زندگیسینده نه مشکل اولسا آسان ایلرم من حسینم عهد یمه قویدوم وفا سرمایه سی کربلا صحراسینه سالدیم فتحنا سایه سی نهضتیمین قانیلن‌مستحکم اولدی پایه‌سی کوینگیمده اوز آنام یازمیشدی قرآن آیه‌سی اکبریم مین اولسادا قرآنه قربان ایلرم عالم امکان آرا سالدیم بلا هنگامه می قانلی افسر ایلیم پیغمبری عمامه می مقتلیمده دشمنیم غارت آپاردی جامه می نسل آینده مرور ائتسین وصیت نامه می هر  زمان هیهات من ذله عنوان ایلرم روز عاشوراده هر درد و ملالیم بیر یانا نهر علقمده اولان طوفانلی حالیم بیر یانا خیمده باشیز قالان اهل و عیالیم بیر یانا تله‌جن آغلار قاچان یورقون‌غزالیم‌بیر یانا ایندیده قبریمده اول احواله‌افغان ایلرم یوم عاشورا منه اولدی چتین بیر مسئله خیمه لرده سالدیلار  دامانیمی الدن اله باجی قارداشلیقدا هیهات عالمه زینب گله گورموشم بیر منظره زینب گلنده مقتله ایلسم تشریح اگر دنیانی گریان ایلرم اولماسیدی زینبیم کل قیامیم طردیدی عالم امکان هله  قانلی غبار و گردیدی تنگنای  ظلمیده  دشمنلریم  نامردیدی اهل بیتیم تک به تک باشدان ایاقه دردیدی اهل بیتیمدن دئسم عرشی نوا خوان ایلرم

🏴ورود به کربلا🏴 امام_حسین_شاخسی_خیابانی ✍مرحوم حاج رضا صراف تبریزی هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما #امام_حسین_علیه_السلام #محرم_۱۴۰۳ #شب_دوم_محرم

سروریم تاج سریم عز و فریم شانلی نگاریم #حسینیه_شبخیز مدح و مناجات با حضرت اباعبدالله الحسین علیه السلام #دکلمه . . . مرحوم #شبخیز . . سروریم ، تاج سریم ، عز و فریم ، شانلی نگاریم شرفیم شان و وقاریم . دوغری عاشق لره دنیاده گوزل سئوگلی سن سن آرزولار باخچاسینون آللی ، چیچکلی گلی سن سن سوسنی ، سنبلی سن سن . حشره تک باده ی عشقیندن ایچن کیمسه آییلماز اولماسا مست قلندر آدی دنیایه یاییلماز صف عشاقده عاشق لر آرا زبده ساییلماز دئمیرم عاشق اولانماز عاشق صادق اولانماز . ساغر عشقه اوزالدان اَلینی دنیادا چوخدی اما بیر کیمسه اورکدن ایچه بو باده نی یوخدی بو مِیین ساغری اوخدی هامی بو می دن ایچنمز . بو او می دور کی بونا عشقیدی ساقی بو او می دور کی دئیلر آدینا باده باقی . کیمدی می ایچمه ده سن تک یارادا تازه سیاقی کیمدی سن تک چکه باشه بئله بیر جام وثاقی ایچه بو اودلی چناقی ایچه بو اودلی چناقی . ای حسین ای ایکی دنیاده بوتون ائل لره سرور هامی عاشق لره رهبر بزم عشق ایچره سنون تک هانی بیر مست قلندر باشا چکسون دولی ساغر نه بیلیم باده احمر .

سن او سرمست بلا سن سنه یوخ دهرده تالی عشق میخانه سی عالمده اولوب سنله صفالی ای سالان غلغله عالم لره مستانه خصالی بیر ایچیمده ائله دون ساغری خالی . ای قویان واله و حیران هامی دنیانی کمالی عشقیوین یوخدی زوالی عشقیوین یوخدی زوالی . مرد مردانه جانیندان هوس وصلیله گئچدون خیل عشاق آرا یئتمیش ایکی فرزانه نی سئچدون اودلی پیمانه نی ایچدون هامی میخانه نی ایچدون . عالم عشقیده مستانه ظفر مارشینی چالدین هامی عالم لره حرّیتین آوازینی سالدین خاکسار اولدون اوجالدین عهدیوین قیدینه قالدین . جانی جانانه وئررکن ایکی دنیانی سن آلدین بزم سودایه گئدوبسن نه گوزل آل ، وئر ائدوبسن هانسی جاندان گئچن آخیر بو جهاندا سنه بنزر هانسی بیر گلدی کی تک جانیله بیر گلشنه بنزر پیکرینده یارالار سوسنه بنزر هانسی گلشن سنه بنزر . اگمدون ظالمه باش دوزدی باشون نیزیه گئچدی اوخ ، قلیج پیکریوی دوغرادی بیچدی سولی او خلار سو کیمی قانیوی ایچدی . سو کناریندا سوسوز قتله یتیشدون ( فرع) دن ( اصله) یتیشدون عاقبت وصله یتیشدون . جانیوین قیدین آتار کن سوسوز آلقانیوه باتدون باشیوی عرشه اوجاتدون کعبه ی عشقیوه چاتدون عشقی دنیاده یاراتدون خلقی غفلت یوخوسندان چکوبن نعره اویاتدون ساحلین فکرینی آتدون عشق دریاسنا باتدون . نوح سن عالمه ناجی بشریت گمی سینده خضرسن ائل لره هادی مدنیت زمی سینده . او زماندان کی سنون عشقیوی درک ایلدیم، آندیم عشق معناسینی قاندیم ده لی پروانه کیمی عشق و وفا شمعینه یاندیم اوزیمه وجهه قازاندیم اوزیمه وجهه قازاندیم . سن او مقتول وفاسن کی سنه عشقیدی قاتل یوخسا، غالب او لا بیلمز حقه بو بللیدی باطل هانی ، افسانه دی باطل اولا حقیله مقابل بو نی درک ایلسه عاقل . عشق معناسینی عالمده مسلم آناجاقدور جهلی باشدان آتاجاقدور عشق اودوندا یاناجاقدور دوشونر کن قاناجاقدور . کی گونش جلوه سینه شب پره لر خیره اولانماز کور قرانلیق ،‌دوری آیدین سحره چیره اولانماز . بو شهادت گویونه نورلی گونش دی جام رخسارینه مین شانلی گونش گویده عطش دی . جلوه سین بوندان آلوب گون ساچیب آفاقه ضیاسین ینی دنیایه گلن لر بیله جاق قدر و بهاسین بودی آزاده او انسان کی قویوب عالمی حیران . دئیجاقلار، یوراجاقلار، گزیشیب آختاراجاقلار آختارار کن قاناجاقلار ینی دنیایه گلن لر سر عرفانی بیلن لر . کی بو سر خیل هامی اهل وفادی شمع جمع عرفادی شرف آل عبادی شهدا هر بیری اولدوزدی بو شمس شهدادی . بو دی مقتول عدالت بودی اسرار شهادت بودی معنای سعادت . بو او سلطان دی قلج لار یاراسی تاجی اولوبدور مدنیت ، بشریت هامی محتاجی اولوبدور عالمه ناجی اولوبدور رفرف شوقیله عرش حقه معراجی اولوبدور . یوم عاشور بلادور بو شهه لیله اسرا کربلا ،مسجد الاقصی قتلگه ، عرش معلی . کیمدی بو کیمدی کی آفاقه سالیب عشق نواسین یاییبآزادلیقین افلاکه صلاسین . بو جلال و بو شرفده بشر اولماز بئله صاحب نظر اولماز . کیمدی بو کیمدی کی عالم لری عشقینده ائدوب مات محو اولوب اهل سماوات چاتا بیر کیمسه بونون عشقینه هیهات بو او عاشق دی کی اوز عشقین ائدوب عالمه اثبات کیمدی بو پیر خرابات کی اولوب ، درگه حاجات . کیمدی اجلالینه تعظیم ائلیری گویده ملک لر کیمدی اخلاصینه تکریم ائدوری شانلی فلک لر بیلون ائل لر بیلون ائل لر . بو اوسلطان معظم دی کی شاهلاردی، غلامی عرش اعلادی مقامی ماسوالله ین امامی . بو حسین بن علی دور شرف کون و مکاندی علت خلقت افلاکیدی سلطان جهاندی فاطمه اوغلی دی پیغمبره بو روح رواندی بو جهان فر ض اولا پیکر بو همان پیکره جاندی بو همان جان جهاندی حکمی دنیایه رواندی . ابدی دور ، ازلی دور خلقه دنیاده ولی دور . او سراج ابدیت دی کی انوار رخوندان عالم عشق جلی دور بو حسین ابن علی دور بو حسین ابن علی دور . صدقیله یوز قویا کیم درگهینه فیض ولادن نا امید ائتمیوب ائتمز کرم و لطف و عطادن صله دن ، جود و سخادن سنده «شب خیز» اتگیندن الیوی چکمه صفادن . کی بو سلطان کرم دی لطفی دنیاده علم دی . کسمیوب کسمز اوز الطافینی ارباب وفادن خاصه مسکین و گدادن فقرادن ، ضعفادن ایسته هر حاجتین اولسا بو شه کرب و بلادن بو امیر شهدادن شرف اهل و لادن شرف اهل ولادن .