مدح حضرت امام زمان عَجّلََ اللهُ تعالی فَرَجَهُ الشَّریف یر قدمیندن اوپر... حاج علی زلفی تبریزی لنگر زمین و زمان آقا جان زیبا گل باغ جنان آقا جان ای گوزل آدی دل و جانه صفا گوزل آدی جان جهان آقا جان یر قدمیندن اوپر گوی علمیندن اوپر سنه من قربان آقاجان آقا جان (۲) دامان وصلون آقا بوشلامارام سن اولماسان عالمی خوشلامارام سنله تاپار زیب و صفا اورگیم غیر درگاهون شها واردی هارام یر قدمیندن اوپر گوی علمیندن اوپر سنه من قربان آقاجان آقا جان (۲) عاشقلرون دیلده آدون دولانار چوللری گزر غم هجره یانار ندای یا مهدی اهل ولا بزم وفاده سنیله اوجالار یر قدمیندن اوپر گوی علمیندن اوپر سنه من قربان آقاجان آقا جان (۲) حسن جمالی اولان حسن ازل زیبا آدی زینت شعر و غزل ماه عرب و عجمین قمری حسنی گوزل جلوه ماهی گوزل یر قدمیندن اوپر گوی علمیندن اوپر سنه من قربان آقاجان آقا جان (۲) عالم گوز تیکوب گله دولت عشق دنیا باشینا سالا جلوت عشق ال آتا هامی آقا دامنیوه سنله جلوه گر اولا وحدت عشق یر قدمیندن اوپر گوی علمیندن اوپر سنه من قربان آقاجان آقا جان (۲) امید عالم گل جنت جان مهدی زهرا یا امام زمان بیرقوی کعبه ده آل الیوه لحن حجازیله شها ویر اذان یر قدمیندن اوپر گوی علمیندن اوپر سنه من قربان آقاجان آقا جان (۲) صوت حجازونده وار آیری صفا اهل دیله دلبر ماه لقا گل قانه دونوب آقا گوزیاشیمیز ای منتقم شاه کربوبلا یر قدمیندن اوپر گوی علمیندن اوپر سنه من قربان آقاجان آقا جان (۲) خالقون عالمده زیبا گولی سن دلرباسن عالمه سویگولی سن شوریله ( زلفی ) سنه شعر یازار دیلده مرامین آقاجان بولوسن یر قدمیندن اوپر گوی علمیندن اوپر سنه من قربان آقاجان آقا جان (۲) #سبک_یر_قدمیندن_اؤپر #مهدیه #میلادیه_مهدیه #زلفی_تبریزی #لنگر_زمین_و_زمان_آقا_جان