‍ #میون_حجره_جان_دمه_چنه... #امام_رضا_شهادت_دلگویه_مازنی 🏴🌾🏴🌾🏴🌾🏴🌾 میون حجره جان دمه،چنه غم دره مه سینه اِسادیگه مه پیغومه،خدا کی وَرنه مدینه غریبی درمه جان دِمه،کی رَسنه بداد من مه چش توسه راه دره کجه دری جواد من خواسمه که مه سرته زِنّی سربوره پسرپسر بَوّم تا مه جان در بوره رضاجانم رضا«4» بابا ته غم بمیرم من،چه اَنّه دس و پا زَنّی مگه چی بموعه ته سر،جان مار ره صدازنی چنه سخته تحمل هاکنم درد یتیمی ره نفس نفس بَزوعنِ شه بابای صمیمی ره ته آخرین ناله ازکربلا بیه دم آخر حسینِ سر جدابیه رضاجانم رضا«4» 🏴🌾🏴🌾🏴🌾🏴🌾 شعر:علی اکبراسفندیار«مداح» @navaye_asheghaan

#خدا_حافظ_اباصلت_و_فادار #امام_رضا_شهادت_دلگویه_مازنی 🏴🌾🏴🌾🏴🌾🏴🌾 خدا حافظ اباصلت وفادار مره زهر هدانه خدانگهدار خدا یار غریبونه ابا صلت پناه بی پناهونه اباصلت چه سخته جان هداعن در غریبی خـدا قسمت نکـنه بی نصیبی اگر چه مه دلِ غصه زیاده مـه آرزو بَـدیّنِ جــواده مه چش را دره از راه مدینه برسه مه پسر مَرهَم سینه خدایا که بونه جواد برسه مه جان که درشونه مه داد برسه الهی که شه حاجت ره بَهیرم شه جوادجانِ زِنّـی سـر بَمیرم دعـا هاکـرده «مداح» یـا الهی اَتـا روز بَمیریم امـام رضـایی. 🏴🌾🏴🌾🏴🌾🏴🌾 شعر:علی اکبراسفندیار«مداح» @navaye_asheghaan

‍ #خدا_چشم_انتظاری_چنه_سخته #امام_رضا_شهادت_دلگویه_مازنی 🏴🌾🏴🌾🏴🌾🏴🌾 خدا چشم انتظاری چنّه سخته عزیزی درسفرداری چه سخته مه چش راه دره از شهر مدینه مه جواد بَرسه مرحم سینه غریبی جان هداعن خَله درده مه دل هوای مدینه هاکرده غریبی جان هداعن ناگواره جان خواخر وطن چشم انتظاره غریبی جان دمه دور از مدینه خدا دونّـه دیگه تنگ هایته سینه خدا دونّه که جواد مه امیده که بونه برسه مه نور دیده؟ الهی که شه حاجت ره بَهیرم شه جواد جانِ زَنّـی سر بَمیرم 🏴🌾🏴🌾🏴🌾🏴🌾 شهراز:علی اکبراسفندیار«مداح» @navaye_asheghaan