‍ #مه_جان_بابا_و_مه_درد_دواو... #در_فراق_پدر_دلگویه_مازنی 🏴😭🏴😭🏴😭🏴😭 مـه جـان بـابـاو مـه درد دواو من ته فدابَهووم آسمون ماهو خِنِه ی صفاهو من ته قبر کنار زار بزنم و زار بَهیمه گـرفـتار آمـه دلِ قــرار من ته فدابهووم بی ته چتی دهووم غمه کِره بهووم مه یاددرنشونه ته اون دَسِ پینه مهـربـونِ بـابـا تــه بـلا مـه سیـنه دل توسه تنگو تره دمه ونگو تـه خِـنه بَهـییه زیـرخاک وسنگو من ته فدابهووم بی ته چتی دهووم غمه کِره بهووم 🏴😭🏴😭🏴😭🏴😭 شعر:علی اکبراسفندیار«مداح»

#در_فراق_پدر_دلگویه_مازنی #سبک_شیر_علی_مردون ته غم بَزو مره داغ کجه بَیرم تِه سراغ چهل روزه از داغ ته بَیمه گرفتار چهل روزه تِه قاب عکسِ زَمّه دیوار درد جدایی دردِ بی درمونه مگه تِه خاطرات اَمه یاد شونه ازاین به بعد بدون تِه چتی بَمونّم؟ چتی تِه قبر سرمن فاتحه بخونّم؟ اَمان ای دل وای اَمان ای دل وای اَمان ای دل وای اَمان ای دل وای اَمه خِنه ی صفا بابا جونِ با وفا اَمون از درد بی پدری ویتیمی کجه بوردی مه جان بابای صمیمی چَنّه چِش داشتمه ته راه نمویی روز بَیّه شو دَر بمو ماه نمویی مِره بکوشته بابا جون چشم انتظاری ته که بوردی مه قسمت بَیّه بیقراری اَمان ای دل وای اَمان ای دل وای اَمان ای دل وای اَمان ای دل وای کجه بوردی باباجون بابا جون مهربون من بَهـیمه گرفتار درد بی درمـون ازدرد دوری ته مه چِش وارسّه خون الهی من تـه مهربـونیِ دور الهی من تِه خِش زبونیِ دور الهی من ته مهرو ته وفای قروون الهی من تِه اون همه صفای قروون اَمان ای دل وای اَمان ای دل وای اَمان ای دل وای اَمان ای دل وای شعر:علی اکبراسفندیار«مداح» اجرای سبک:علی اکبراسفندیار