بارالهی درگهونده بنده ی شرمنده یم #مناجات #علی_تیموری
.
علی تیموری اردبیلی
.
بارالهی درگهونده بنده ی شرمنده یم
عاصی یم غرق گناهم بیرسیه روبنده یم
.
گلمیشم درگاهووه قووما بودرگهدن منی
بی پناه وروسیاهم سسلرم دایم سنی
.
دوشموشم بو سجده گاه عشقه یارب وئرامان
عفو ائله چوخدور گناهیم ای خدای مهربان
.
دوزدی یارب خلقتونده بنده ی نالایقم
آدوون قربانی اوللّام ذوالکرامه عاشقم
.
بارالهی آندا وئرم من مه غفرانووه
لطف ائله بوماه رحمتده هامی مهمانووه
.
جزئی طاعاتی خدایا مندن ایله سن قبول
قویما اولسون بنده ی نالایقون زار وملول
.
سن باغیشلا شرمسارم دیده گریانم خدا
یوخ پناهیم بی پناهم سینه سوزانم خدا
.
حاجتیم واردی بوگلمکده ایا صاحب کرم
بیر ذلیلم یوخ پناهیم باخماسون بس نیلرم
.
بیلمیوب بندون حضورونده ائدوب جرم وخطا
عفوائدوبسن جرم وتقصیرین سن ای صاحب عطا
.
وار یری صبح ومسا گر سجده ی شکر ایلسم
خوش دوشر یارب مقدّس آدووی ذکر ایلسم
.
اولموشام فانی جهاندا لطفووه امیدوار
کسمه مندن لطفووی هرحالدا ای پروردگار
.
روز و شب مولادوتوبسان چوخ الیندن بندوون
آبروسین سن وئروبسن بنده ی شرمندوون
.
کچ گناهیمدن منیم تیموری یم بوشدورالیم
یاغفور و یاشکور و یاکریم و یارحیم
ای کریم اهل بیت مصطفی #حسنیه #علی_تیموری
مدح حضرت امام حسن مجتبی علیه السلام
.
تیموری اردبیلی
.
ای کریم اهل بیت مصطفی
وی وجود پاکی فخر مرتضی
.
ای عزیز حضرت خیرالنسا
منصب شایان سنه اولمومش عطا
.
مظهر صدق وصفا سن یاحسن
معدن مهر و وفا سن یاحسن
.
منبع جود و سخا سن یاحسن
باب امید و رجا سن یاحسن
.
لطف حقّ اولدی رسول اکرمه
ماه رحمتده گوز آچدون عالمه
.
قلب مولانی یقین شاد ایلدون
غصّه دن زهرانی آزاد ایلدون
.
آلدی زهرادن بابون قنداقوی
ایلدی حمد و ثنا خلّاقوی
.
حسنووه باخدی سنون زهرا آنون
بوسه ویردی آلنووا طاها بابون
.
اللری اوسته آلوب ائتدی دعا
جانب حقدن اودم گلدی ندا
.
یارسول الله پیامیم وار سنه
حضرت حقدن سلامیم وارسنه
.
ائتدی فرمایش خدای ذوالمنن
اوغلوون زیبا آدی اولسون حسن
.
تهنیت اولسون سیزه یامصطفی
عالمه سرور دی ابن مرتضی
.
ائتدی فرمایش رسول بی بدیل
لطف ائدوب مخلوقینه رب جلیل
.
وار یری درگاهینه شکر ایلیک
خلقت زیباسینه احسن دییک
.
قادر الله شاکرم دلدن سنه
هدیه وئردون تازه مولودی منه
.
حسنینه یوسف بونون حیران قالار
درس عشق والفتین بوندان آلار
.
جان وئررعیسی کیمین اهل دیله
لطف ائدر اوغلوم فقیر وسائله
.
سبط اکبر عالمه طوفان سالار
درس صبرین حضرت ایوب آلار
.
یارسول الله واریمدور بیرسوال
بس ندندور جعده سالدی قیل وقال
زهرکین وئردی او زیبا اوغلووا
دوتدی ماتم اهل معنا اوغلووا
.
محنتی قلب جهانی داغلادی
ماتمینده شیعه لر قان آغلادی
.
فاطمه جنتده اوغلوم وای دئدی
مریم و سارا اونا لایلای دئدی
.
گر چی پوزقوندی پوزولموش مرقدی
قبرینون اوستونده یوخدور گنبدی
.
عالمین بو سید سالاریدی
حضرت مهدی بونون زواریدی
.
خوشدی عشقیله دییک یامجتبی
روحووه روح جهان اولسون فدا
.
ای مقدّس بنده ی ربّ الرحیم
لطف ائله تیموری یه یابن الکریم