امام حسین (ع) سبک :ساقیا جرعه ای می به کام ما کن 🌸🌼🌸🌼🌸🌼🌸 عاشقان-عاشقان-گلدی ماه شعبان کوچه و برزنی ایلیون چراغان اولدی یر یوزونده به پا بزم عاشقانه فاطمه عزیزی حسین آچدی گوز جهانه گلدی مظهر عشق--که جانلار اونا قربان تربتی شفادی--آدی دردلره درمان (یازمیشام آدون پرچمه یا حسین حسین جان) (شیعه لر ایدور زمزمه یاحسین حسین جان) ((یاحسین یاحسین. یاحسین حسین جان فاطمه یوسفی نور کبریادی آدینا جان فدا شاه کربلادی جبرئیل اولوب دایه سی لای لاین چالاردی فاطمه اوپوب گل یوزون تلرین داراردی هی دیردی اوغلوم--منه روح و روانسان سویگلوم عزیزیم--نجه دوزلو بالامسان (یازمیشام آدون پرچمه یا حسین حسین جان) (شیعه لر ایدور زمزمه یاحسین حسین جان) گلمیوب عاشقان عالمه نظیری بی مثلدور حسینین گوزل وزیری مقدمی مبارک علمدار کربلانین اوپدی مرتضی قولارین غیرت وفانین خانه ولایت--اولوب شوریله احساس باخدی بیر حسینه--بیله شوقیله عباس عرض ایدوب سنه نوکرم یاحسین حسین جان تا وارم سنه یاورم یاحسین حسین جان ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

ولادت حضرت قمر بنی هاشم (ع)       🌹🌹🌹🌹🌹🌹🌹🌹 مژده        دور    اهل یقینه گوز     آچوب     ماه  مدینه حق وئروب بیر گوزل اوغلان حضرت      ام         البینینه ای یوزی مرآت خدا ، یا ابوفاضل معنی      آیات خدا ، یا ابوفاضل حضرت عباسیده گور جلولنوب  ذات خدا ، یا ابوفاضل عباس عباس ..‌‌.. صله   آل   یاسون  الینون اشجع      الناسون  الینون صف چکوب حور و  ملکلر اوپه        عباسون  الینون سرور و سالار  گلوب ، یا ابوفاضل زینب غمخوار گلوب ، یا ابوفاضل یوسفی گوزلردن آتون چونکی علمدار گلوب ، یا ابوفاضل عباس عباس.... اهل  عشقون  ایشدور  بذل بونلا تشریح اولونوب  فضل تا گوروب  گل  یوزون  حیدر آدینی     قویدی    ابوالفضل رقیه     دلداریدی بو  ، یا ابوفاضل حسینه سرداریدی بو ، یا ابوفاضل کرب و بلاده بولدولر حیدر   کراریدی    بو  ، یا ابوفاضل عباس عباس نوری چون نور جلیدور ابدی     هم     ازلیدور خَلقا و خُلقاً   ابوالفضل المثنای            علیدور گلدی    اولا   زِینِ علی ، یا ابوفاضل همدم       حسین علی ، یا ابوفاضل حق بونی  هر جهاتیدن خلق ائلیوب   عین علی ، یا ابوفاضل عباس عباس ... اوپر     حورا   قدمونون نه  دیوم  من  کرمونون هر زمان مشکله دوشم حاجت   آلام  علمونون وصفه   مگر  شاه گلر ، یا ابوفاضل یار      دل    آگاه گلر ،  یا ابوفاضل گونون دالیجا رسمیدور همیشه چون ماه گلر ، یا ابوفاضل عباس عباس... بئله احساس اولا بیلمز عطریلی یاس اولا بیلمز عالمی    گر دوتا سلمان گینه    عباس  اولا بیلمر جنگیده  طوفان ائلیر ، یا ابوفاضل گوزلری    حیران ائلیر ، یا ابوفاضل بیر دفعه گوز دولاندرا عالمی    سلمان  ائلیر ، یا ابوفاضل عباس عباس‌... وار بونون چوخلی کمالی آیا    بنذر       گل جمالی عالمی   روشن   ائدوبدی یوزده کی هاشیمی خالی گل   یوزون حورا  بینوب ، یا ابوفاضل اهل            تولا  بینوب ، یا ابوفاضل گرکدی هامی بینه چون بونی زهرا ،  بینوب ، یا ابوفاضل عباس عباس... ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

خروج از مدینه زبانحال حضرت اباعبدالله الحسین (ع) مرحوم حاج قدرت اله نادری ای مدینه سیّد بطحانی تاپشوردوم سنه من خداحافظ، آنام زهرانی تاپشوردوم سنه ای پیمبر شهری جدّیم مصطفادن یادگار آیریلور سندن حسین ای سرزمین با وقار جان سنون جان مجتبانون قویما اولسون دلفکار سقط اولان محسن کیمی ریحانی تاپشوردوم سنه گورمیَن دنیا یوزون قربانی تاپشوردوم سنه وئرمدون سن یر منه سینمده کی داغلار قالور فاطمه املاکی سنده غصب اولان باغلار قالور بیر صغیره قیز بالام ناخوش گوزی آغلار قالور منکه تبعید اولموشام، صغرانی تاپشوردوم سنه اکبرون ایستکلوسی صغرانی تاپشوردوم سنه قوی هامی بیلسون حسین اولدی وطن آواره سی باغلانوبدور محمل اوسته اصغرون گهواره سی سندن آیریلمازدی لاکن یوخ حسینون چاره سی بوش قالان بو مسکن و مأوانی تاپشوردوم سنه من اُحُدده حمزه تک سلطانی تاپشوردوم سنه اون بیر ایل زحمت چکوبدور سنده جدّیم مصطفی ییرمی بش ایل حقّی غصب اولدی علیّ المرتضی قالدی بو توپراقدا زهریلن ئولن بیر مجتبی اوخلانان نعشی اولان شان شانی تاپشوردوم سنه جعفر طیّار عموم تک جانی تاپشوردوم سنه آیریلوق هنگامی گلدی اولموشام چوخ دلغمین بیر قیزیم صغرا قالور بیرده آنام امّ البنین چون امانتدور حسیندن ای وفالی سرزمین حسرتیلن زوجۀ مولانی تاپشوردوم سنه دودمان اُول شهِ مردانی تاپشوردوم سنه اوچدی بلبللر بو گلشندن خداحافظ وطن یوخدی چارم اینجیمه مندن خداحافظ وطن آیریلور جبراً حسین سندن خداحافظ وطن فاطمه بو درد بی درمانی تاپشوردوم سنه حشره تک بو گوزلری گریانی تاپشوردوم سنه وار یری یثرب دیه من ساخلارام بیماریوی سنده ساخلا اکبر و عباس تک سرداریوی آیری سالما سن ئوزوندن زنیب غمخواریوی منده سالم عترت اطهاری تاپشوردوم سنه مسلم و قاسم کیمی انسانی تاپشوردوم سنه وقتدور صغری دئسون دؤرانیدور گوز یاشیمون باغلی قالدی حشره تک گور دودمانی هاشمون جان سنون جان ای باب جان بو علی قارداشیمون من رقیه بلبل خوشخوانی تاپشوردوم سنه نازلو اصغر تک گوزی شهلانی تاپشوردوم سنه اولموشوق منله رقیّه اکبرون پروانه سی او وطن آواره سی من ئولکه مین بیگانه سی بیت الاحزاندور منیم کی ، شام اونون ویرانه سی امّ کلثومی آنام لیلانی تاپشوردوم سنه جان سنون جان زینب کبرانی تاپشوردوم سنه وار یری زهرا دئسون گئت نسگلون قربان بالا دربدر ائتدی وطندن گر سنی عدوان بالا گئت عراقه تا سنی شمر ایلسون مهمان بالا بجدلیله حرمله پیکانی تاپشوردوم سنه شمر الینده خنجر برّانی تاپشوردوم سنه «#نادری» یاز الغرض یولّاندی شاه بی دفاع سس گلوردی قبر پیغمبردن ائتسون استماع : «ای حسین ای نور عینیم گئت سن اوغلوم الوداع روح دینی قوّت ایمانی تاپشوردوم سنه آیه به آیه اوغول قرآنی تاپشوردوم سنه #سبک_زینبم_جان_اوستیم ... #خروج_مدینه #ای_مدینه_سید_بطحانی_تاپشوردوم_ ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

باسلام شعر جدید سرود ولادت حضرت امام حسین علیه السلام باآهنگ ای حرمینه ناز ایدن تربت قانلی کربلا گول چیچک آچدی گلشن باغ علی و فاطمه شهر مدینه ده حسین قویدی قدم بو عالمه مژده ویروبدی پیک حق ختم رسالته بوگون شیعه لر اولدی شادمان چاتیلا عزته بوگون امت مصطفی چاتوب عزت و شوکته بوگون شهر مدینه ده حسین قویدی قدم بو عالمه محرم راز مجتبی قویدی قدم بو عالمه گویده ملک لر آدینی عشقیله ایتدی زمزمه عرض ارادت ایلیون سیزده بو سبط خاتمه شهر مدینه ده حسین قویدی قدم بو عالمه شهری چراغان ایلیون فاطمه دلبری گلوب عالمه اعلان ایلیون فاطمه دلبری گلوب گللری افشان ایلیون فاطمه دلبری گلوب شهر مدینه ده حسین قویدی قدم بو عالمه بو بالانین دوداقینی اوپدی رسول کردکار نازنی چکدی مرتضا عشقینی ایتدی آشکار گور نه گوزلدی بو بالا شیعه لر ایلور افتخار شهر مدینه ده حسین قویدی قدم بو عالمه قویدی قدم بو عالمه شاه ‌شهید کربلا سبط نبی بوگون گلوب ویردی بو عالمه صفا میوه ی باغ مرتضی پاک آدی دردلره دوا شهر مدینه ده حسین قویدی قدم بو عالمه جبرئیل آچدی شهپرین عرش خداده سسلنوب بلبل اولوبدی نغمه خوان گولر آچوب چیچکلنوب دیدینه گلدی قدسیان بو بالانون هوسلنوب شهر مدینه ده حسین قویدی قدم بو عالمه نازل اولوبدی جبرئیل احمده عرض ایدوب سلام امر حقیله گلمیشم ویردی خدا سنه پیام عر‌شیده میهمان اولا تاپدی حسین بیله مقام شهر مدینه ده حسین قویدی قدم بو عالمه ایتدی اراده ذات حق عرشه قدم قویا حسین جبرئیل اولدی دایه سی اولدی سماده شورو شین زینت عرش و فرش اولوب دخت رسوله نورعین شهر مدینه ده حسین قویدی قدم بو عالمه گل چیچک آچدی گلشن باغ علی و فاطمه ✍حاج مهدی ملکی زنجانی التماس دعا.┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

*انتظار فرج* ای خدا آیریلیق درده سالدی ، یوسف فاطمه هاردا قالدی هر مسافر گئدیب گلدی آخر ، یوسف فاطمه هاردا قالدی شأنیده رتبه ده بی بدل سن ، هر گوزلدن آقا سن گوزل سن کاش سنون گلماقون من بولیدیم ، یوللارا سو سپیدیم سیلیدیم بیر دویونجا گوریدیم جمالون ، اللروندن ئوپیدیم ئولیدیم شأنیده رتبه ده بی بدل سن ، هر گوزلدن آقا سن گوزل سن تنگه گلدوخ آقا بسدی هجران ، کعبه دن گلماقون ایله اعلان ظاهر اُول بیر گوزل پرچمیله ، شیعه نی قویما چوخ دیده گریان شأنیده رتبه ده بی بدل سن ، هر گوزلدن آقا سن گوزل سن عالمین ای ایشیقلی چراغی ، شیعه نون یاور و دال دایاغی قُوی قَدم رنجه لطف ایله مولا ، بیر گجه بیزلرین اُول قوناغی شأنیده رتبه ده بی بدل سن ، هر گوزلدن آقا سن گوزل سن آغلاماقدان گوزوم دوندی ابره ، طاقتیم سیّدی یوخدی صبره عمر گئچدی قوجالدوم اماندی ، گورمه میش گئدمییم بلکه قبره شأنیده رتبه ده بی بدل سن ، هر گوزلدن آقا سن گوزل سن سن ولی خدای ازل سن ، یوخدی همتا سنه بی بدل سن یر یوزونده گوزل چوخدی امّا ، چوخ گوزل دن آقا سن گوزل سن شأنیده رتبه ده بی بدل سن ، هر گوزلدن آقا سن گوزل سن منتظر عمروموز اولسا قاللوخ ، چوللری سننن اوتری دولاننوخ چونکی وار سنده زهرانون عطری فاطمه عطرینی سنن آللوخ شأنیده رتبه ده بی بدل سن ، هر گوزلدن آقا سن گوزل سن ای علی نون گوزل یادگاری ، صاحب لایق ذوالفقاری گَل تمام ایله زهرایه خاطر ، عالمی یاندوران انتظاری شأنیده رتبه ده بی بدل سن ، هر گوزلدن آقا سن گوزل سن سن عزیز حق ذوالمنن سن ، بارگاهی اولان کوی ایمن هر سفر ایلین تز قییددی ، چوخ یوباندون ولی گلمدون سن شأنیده رتبه ده بی بدل سن ، هر گوزلدن آقا سن گوزل سن ای قلم سوزلرینده اثر یوخ ، آشنادن منه بیر خبر یوخ گلدی بو جمعه ده گئچدی الله ، فاطمه یوسفینن خبر یوخ شأنیده رتبه ده بی بدل سن ، هر گوزلدن آقا سن گوزل سن ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

🏴#۲۸_رجب 🏴#خروج_کاروان_از_مدینه 🏴#سبک_زمینه 🎤مداح :حاج مهدی رسولی ✍شاعر:حجت الاسلام محمدرضا رضایی ▪️▪️▪️▪️▪️▪️▪️▪️▪️ قافله از راه میرسه از دل صحرا میرسه پای عقیله از رکاب به پای سقا میرسه علم میکوبه ساقی میگه الله اکبر میگرده دور محمل به دلگرمی خواهر اباالفضل_ماه راه حرم اباالفضل_تکیه گاه حرم اباالفضل_ای پناه حرم ▪️▪️▪️▪️▪️▪️▪️▪️▪️ میزنه موج آب فرات لالایی میخونه رباب: گلم تا بیداره عمو آروم تو گهواره بخواب تا وقتی هست علمدار دیگه غصه نداریم تو خیمه چشمامونو راحت رو هم میذاریم اباالفضل آروم خیمه ها اباالفضل ساقی با وفا اباالفضل حیدر کربلا ▪️▪️▪️▪️▪️▪️▪️▪️▪️▪️ آدی اوجالدی کربلا اولدی حسینون محرمی اولسا علم عباسیده یاتماز حسینون پرچمی وِرَر عالمده حرمت بورا حرمتلی قانلار بو قانلار عرش حقه، بو تپراقی اوجالدار ابالفضل کربلا عزتی اباالفضل شیعه حیثیتی اباالفضل حیدرین غیرتی ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝

شعر جدید توسل به حضرت ولیعصر علیه السلام با آهنگ شبانگاهان ابا صالح گل سنه قربان هاردا قالدین آقا غملی بحراندی آشوب داشدی ایندی درد بلا چیخدی عرشه نوا عالم حیراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار یتش داده فاطمه بالاسی شیعه لر آقاسی گل گل طاها چیخوب عرشه ظلم جور و جفا دهریده قالدی شیعه لر تنها ائدور ظالم ظلمیده طغیان ای مه تابان تئز گل ای مولا ظهور ایله اذن حقیله ای مه انور شیعه گریاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آقاجان گل الده قانلی علم قوی گوز اوسته قدم یا ابا صالح قالوب شیعه گوزلری یولدا ایله لطف کرم یا ابا صالح خانم زهرا قبرینین اوسته وور بقیعده علم یا ابا صالح نشان ویر سن قبر زهرانی تنگه گلدی ئورک سینه سوزاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گلوب داده شیعه نی شاد ایت هستی عالم سنسن ای مولا گلوب دولدور عدل دادیله عالمی یکسر ای شه والا عدالت قوی بر قرار اولسون شاه عالمیان ای گل زهرا یانان ایندی ظلم ظالمده ای مه تابان اهل ایماندی گل زهرا گل سنه قربان اولوب مولا سینه لر سوزان یا ابا صالح یا ابا صالح. 2بار سنی ویرم مصطفایه قسم قالما غیبتده شیعه گریاندی بو عالمده شیعه نین یکسر قلبی قان اولدی سینه سوزاندی نظر سال سن حال زاره آقا ایله نورین عیان غملی بحراندی یوران چوخ بو دار دنیاده امتی مولا درد هجراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آشوب داشدی ایندی جورو ستم ظالمان زمان ظلم ائدور تئز گل چیخوب یاددان عالمی یارادان قوم شمر و سنان ظلم ائدور تئز گل اولوب شیعه دهریده نگران حاکمان جهان ظلم ائدور تئز گل عیان ایله شمع رخسارین حسنوه یکسر عالم حیراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گل زهرا جان طاها گل ایله لطف کرم حال بو زاره دخیل اولدوم درگهینده سنون روسیاهم من درده قیل چاره سنون عشقونده یانا یانه گلمیشم ایندی من بو درباره یازار «مهدی» شأنیوه نوحه خوان احسانه ایندی مهماندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار ملتمس دعا مهدی ملکی ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝