توفیق عبادت ✍ نیسکیلی نوحه لر ✍ 🆔: @niskilinohelar علی شهودی بار الهی لطف قیل توفیق طاعت وئرمنه سایه ی لطفوندا تشریف اقامت وئر منه نفس سرکش ایستییرایتسین منی یارب هلاک نفسی مغلوب ائتمگه بیرقوت و قوت وئر منه قیل ترحم اولماییم رحمت آییندان بی نصیب بو صفالی آیدا توفیق عبادت وئر منه چشمه سار معرفتده ن قلبیمی سرشار قیل معصیت لرده ن بری ائت صدق نیت وئرمنه کعبه کوینده یارب ائت منی ثابت قدم وادی سلم و رضا ده استقامت وئر منه زهر قیل کامیمدا آلسام غیر الینده ن شهد ناب اوز زلال رحمتونده ن بیرحلاوت وئر منه باش اگم قیلما روا اغیاره بیردم دهرده طبعیمی سرشار قیل یارب مناعت وئر منه سرد قیل نفسین اودون ای ناری گلزار ایلیین گرم قیل عشق آتشین شور حرارت وئر منه گلدی یارب خسته جانیم تنگه قیل و قالده ن بو هیاهوده ن اوزاق کنج فراغت وئر منه ای سلیمانلار قاپوندا ایلیین اظهارعجز بینوایم بی پناهم گنج دولت وئر منه تا نصیب اولسون بو عاصی روحه حسن عاقبت آل بو برگ موتیمی قبض شهادت وئر منه چولقاییبدیردورت جهتده ن خوی حیوانی منی آل بو خوی پستی خوی آدمیت وئر منه بو غبار آلوده گون لرده ن منی ایله خلاص تا تاپام یول وادی حقه بصیرت وئر منه تخت استغناده قوی تاج کرامت باشیما کنج ملک فقرده گنج قناعت وئر منه #مناجات #علی_شهودی #بار_الهی_لطف_قیل_توفیق_طاعت_وئر_منه #ترکی ✍ نیسکیلی نوحه لر ✍ 🆔: @niskilinohelar