رمضانیه ✍️ نیسکیلی نوحه لر ✍️ 🆔: @niskilinohelar اکبر پور آقا گلموشم من قاپووا عفووه مهمان ایده سن فیض عامونده منه رحمت شایان ایده سن مستحق عبدووه یارب گنه احسان ایده سن بیر طبیبانه باخیب دردیمه درمان ایده سن بویوروبسان در رحمت قاپوسین باز ایدرم گلسه گر عبد خطاکار اونی پیشواز ایدرم مرحمت ایلدون آلله منه، عصیان ایلدیم چوخ کرامت ایلدون من سنه طغیان ایلدیم نعمت ارزان ایلدون من اونی کفران ایلدیم نعمت افزون ایلدون کفر دو چندان ایلدیم گل منی شامل عفو ایله خدایا بو گجه عبدووه نازل ایله رزق و عطایا بو گجه بار عامونده منی فیضووه دعوت ایلدون نائل مرحمت و فیض ضیافت ایلدون بو خطاکاریله سن یاخچی رفاقت ایلدون بی لیاقت کسی دارای لیاقت ایلدون هر سحر جلوه لنور شور ضیافت باشیما کربلا یادی سالور شور زیارت باشیما کربلاده دولانان گونلر عجب گونلریدی نوح سنّیندن اونون بیر نفسی برتریدی میزبان حرم و خانه علی اکبریدی سینه ی شاهیده مظلوم یاتان اصغریدی آلتی گوشه حرمی مسکن و سامانیمدی آقامون پاک آدی جانانیله ایمانیمدی #مناجات #رمضانیه #گلموشم_من_قاپووا_عفووه_مهمان_ایده_سن #اکبر_پورآقا #ترکی ✍️ نیسکیلی نوحه لر ✍️ 🆔: @niskilinohelar