بالام لای لای، علی لای لای، منه همناله لای لای گولوم لای لای، سارالان لاله لای لای آی منیم نازلی بالام گوزلری اعجازلی بالام دیمدون دردیوی هئچ، آی سینه سی رازلی بالام لبلری دوزلی بالام سوزلی بالام سازلی بالام او اوچ پر اوخ نیه سالدی سنی بو حاله لای لای اوچ گئجه اولمادی سو، قونداقین آچدیم بلدیم مشک سقایه باخیب سن ملدین، من ملدیم هی یوزه گوز یاشینی، سن الدین، من الدیم رباب آغلار دیر آهی یاتان اقباله لای لای نه گولوب آغلامیسان، چاره یولون باغلامیسان الین آچدیم نیه بس سینه می دیرناخلامیسان؟ با ادب سن، دئمرم حرمتیمی ساخلامیسان بیر آز آغلا یغیم اشکین قره دستماله لای لای آلتی آی بیر طرفه، سون نفسون بیر طرفه گولماقون بیر طرفه، ناله سسون بیر طرفه سوت غمون بیر طرفه، اوخ هوسون بیر طرفه بو قاندور یا گولون اوسته دوزولوب ژاله لای لای #نوحه_ترکی #حاج_محمدباقر_منصوری #محرم @nohematn

عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیر محفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله ندیم عم اوغلی یورولموشام چوخ یوروب منی دوران اگر من ئولسم عذاریوه سیل اشکیوی آچما فراقیمه صبرایله علی قلبه تیرغم ساشما حسن یانندا عم اوغلی چوخ کوچه صحبتین آچما چیخا علی بلکه کوچه نین درد و محنتی یاددان بجادی نار فراقیمه سینه یاندیرا زینب ئورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تئزدی غصه دن نی کیمی ایده افغان او بلبلم کام آلانمادیم بیر دویونجا گلشندن همیشه غم غصه عمروده همره اولوب مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور، سوگرک ایچه قربان #حضرت_زهرا #نوحه_ترکی #حاج_مهدی_رسولی @nohematn