#امام_کاظم_دلگویه_مازنی ‍ 🏴😭🏴😭🏴😭🏴😭🏴 مسلمانـون شمـا ره بـونه بـاور من هَسّمه امام موسی بن جعفر من اگر چه که پوسّ و هِسکامه بـه خـدا امـام صـادق ریکامه چهارده سالی که بَهیمه اسیر مـره بـا نـاسزا هـاکـردنه پیـر مه جا سِندی خَله بد تا هاکرده خَله اهانت به زهرا هاکرده به جای خِرد و خِراک بد گِتنه مه دل گوشه ره هر روز وِتنه این درده وِنه کِنِسّه بهووتن سیو چال دِله زنجیر مه گِردن مه تن از غل و زنجیر بَیّه کهو نَدونِسّمه که روز بُونه که شو چهارده سال اسیری خَله سخته اسیری فصل پیری خله سخته چهارده سال هی آه بَکِشیین چهارده سال شِه وَچونه نَدیین تا از دلتنگی بِیمه بِـرمه گَلی مِـره نـا سـزا گِتنه مـه پَلـی اگه مه غصه مَشت عالمینه مـه نـاله از غـریبیِ حسینه مـره هاکردنه تشییع جنازه حسین تن پاره از نعل تازه من که مثل حسین بلا نَدیمه شه سر ره نیزه ی بالا ندیمه مه جان خواخر ره که وقت پیری نَـوِردنه کـوفه و شـام اسیـری مه وَچون اگـرم آه بَکشینه وِشون خـار مُغیلان ره نَدینه اگـر چه گـل شادی ره نچینه دردِ رقیـه جـانّه نَکشینه مه سینه«مداح» ازغم مفتلاعه مه غم و غصه از کرب وبلاعه 🏴😭🏴😭🏴😭🏴😭🏴 @nooheemajmaozakerin