موسی عشق شکر ائیلرم عنایت ائدیب دور خدا منه بو قدری لطف و نعمتی ائیلوب عطا منه راز و نیازه گوشه زندانی خوشلارام بو تنگ یئردی مشعر و سعی و صفا منه جام بلایه مشتریم عشق یاریله خوشدور رضای یاریله هر بیر بلا منه موسی مثالی من دیله ارنی گتورمرم تا طور عشقیدن یئتیشه امر لا منه هر لحظه ده عیان دی منه جلوه نگار انوار لطفی دائم اولور رهنما منه من سرّ حقم اهل جهانین امامی ام ائیلیور هر آن زمین و زمان اقتدا منه ذکر و دعائیله هله محبسده دلخوشام شکر ائیلرم نقدری یئته ابتلا منه آزاده یم ستمگره هرگز باش اگمرم دشمن نقدری ائیلوری ائتسین جفا منه بش گون ریاست عشقینه غافل دی حق دن هارون گورور بو قدری جفانی روا منه حق دن نقدری گلسه بلا شکوه ائتمرم صبرم ائیلرم خدا وئره اجر و جزا منه جان وئرماقا بو حالدا قوری یئرده طالبم تسلیم حقم هر نه اولا اقتضا منه جان اوسته یم بالالاریمی آختاریر گوزوم یوخدور بو یئرده همدم و بیر آشنا منه ایکاش نعشیمی وئره لر قیزلاریم گوره معصومم اوخشیوب دییه بیر وای بابا منه زهرین شراری سینمی ده داغلاسا خوشام آخر ائدر بو آتش سوزان دوا منه مدهوشی روزگار اگر سالسا مشکله یوخدور غمی اورکدن ائده ر التجا منه التماس دعا #هوشمند #مدهوش ✅ کانال مداح اهلبیت کربلایی روح الله بزرگی 👇👇 https://eitaa.com/rohollahbozorgi64

امشب دلم چو ابر بهاری مکدر است آتش گرفته دل زغم و دیده ام تر است بی اختیار حس غریبی گرفته ام طبعم خموش و دفتر دل غرق آذر است امشب دعا به بال اجابت نشسته است وقت عروج موسی آل پیمبر است در عرش و فرش شور و نوا می شود بپا شام عزای حضرت موسی ابن جعفر ع است مولای خانه از حرمش مانده بی خبر چشم پرآب عترت او خیره بر در است دیگر بگوش صوت عبادت نمی رسد از کنج معبدی که پر از نور داور است زانوی غم گرفته ملائک ملول و زار بی صور در زمین و زمان حشر دیگر است زندان اگر چه پرنم و تاریک و کوچک است با عرش حق به قدر وجلالت برابر است یا فاطمه به گوشه زندان بیا ببین یک دسته گل زباغ تو با ظلم پرپر است در حال احتضار ترا میکند صدا چشم انتظار و طالب دیدار مادر است از نار غم خلیل دلت می شود رها مشتاق جام کوثر و دیدار حیدر است از لطف آستان تو مدهوش گشته ام این چند بیت از کرمت زیب دفتر است #هوشمند ✅ کانال مداح اهلبیت کربلایی روح الله بزرگی 👇👇 https://eitaa.com/rohollahbozorgi64

خروج از مدینه ولید ائیله دی چون بیعت حکمینی علنی امام اولدی مصمّم که ترک ائده وطنی اولوبدی قافله آماده شهریدن گئتسین گلیب بقیعه آنا قبریینی وداع ائتسین اورکده گلدی غم و درد و محنتی جوشه آلیب دی جان کیمی گیزلین مزاری آغوشه دونوب قانا اورگی غم و درد و ابتلاسيندان سوز آچدی باشدا کی اندوه و ماجراسیندن سلام اولا سنه ای خلقته بهانه آنا سلام اولا سنه ای قبری بی نشانه آنا سلام اولا سنه ای خوش گونه قالان حسرت سلام ای غم و اندوهی جاودانه آنا سلام اولا سنه ای تئز دویان حیاتیندن سلام اولا سنه ای دردی بیکرانه انا گوزوم سرشکه دولور بو مزاره باخدوقجا دوشور خیالیمه دفن اولماقین شبانه انا نه لر آز عمریده چکدی باشین مصیبت دن نه ظلم لر ائله دی امت زمانه آنا دوشور خیالیمه بیر بیر منیم گئچن گونلر اورک ده آتش حسرت چکیر زبانه آنا مزارین اوستونه گلدیم اورک سوزون دانیشام اورک الولانیری گلمیشم فغانه آنا نه وقته جک بو مزارین مگر نهان قالاجاق نئجه دوزوم بو غم و درد جانستانه آنا حسینین آیریلیری بو مدینه دن جبرا وصاله یاره اولوب بو سفر بهانه آنا یازیب قضا قلمی نینوا چولون آدیما مسافرم گئدورم وعدگاه جانه آنا بو یولدا باجیلاریم دا منیله یولداش دیر قوناق گئدیر حرمیم شام و کوفیانه آنا هوای وصلیده باش فیکرین آتمیشام باشدان گرک حسین باتا حق یولوندا قانه آنا یزید حاکم اولوب فسق و جور اولوب علنی دوزنمرم داخی بو محنت گرانه آنا تلاش ائدیر کی منی بیعته ائده مجبور و یا کی اولدوره ظلمیله محرمانه آنا گوزتلیور یولومی کربلا کرگ دی گئدم قطا قوشي گئدیري قالدي آشيانه آنا باشیمدا گئتسه اگر حقی ائیلرم اعلان خوشام يارالي باشيم چيخسا آسمانه آنا هوی وصلیده عشاقه باش نه لازم دور خوشام نقدری بلا گلسه جسم و جانه آنا بنای ظلمی گرک قانیله ییخام یئره من بو یولدا راضییم هر رنج و امتحانه انا حسینوین بیلیسن یوخ هراسی اولماقدان گرک پیام سعادت وئرم جهانه آنا بو یول که من گیدورم آخری شهادت دیر یاخینیلاشیب یئتیشم عهد باستانه آنا گرک بو قان توکوله دین حق رواج تاپا و گرنه قالمياجاق حقيدن نشانه آنا اودور مدينه ني ترك ائیلیرم گئجه وقتی مناي عشقه طرف اولموشام روانه آنا عروج عشقیده یئتمیش ایکی پریم واردی کفاف ائدر آپارا اوج کهکشانه انا آغريدي بو سفريم قيل دعا حسينوي سن دوتا منيم اليمي بيله پشتوانه آنا نولور آنا ساغ اولییدون سنین الینله باشم بویانمامیش قانا بیئرده اولییدی شانه آنا گرک دی تکیه ائدم نیزیه گئدم شامه باشیم دا اولسا جداده داشا نشانه آنا ديار كرب و بلاده صفالي گوللر آچار نیازی واردی گولون باغ و باغبانه انا شريك محنت اولوب دي منه باجيم زينب كي وار لياقتي هر باغ و گلستانه آنا بقیعده قالما گیلان سنده کربلا چولونه گلوب او دشتیده باخ شیون وفغانه آنا دورای مدینه غریبی آنا خداحافظ سفر زمانیدی ای با وفا خداحافظ داخی بو قبر شریفین منه نصیب اولماز منه وطن اولاجاق کربلا خداحافظ قراریمز یازیلیب ظهر روز عاشورا گوزتلیرم سنی یوم بلا خداحافظ نولار الین دوتاسان باشیم اوسته قرآن تک حسینوی ائده سن بیر دعا خداحافظ تنور خولیه گلسن ایاقیوی اوپرم باشیمدا چوخد ی منیم ابتلا خداحافظ بو آخرین سفریمدور مدینه دن گئدورم گوزتلییر منی قانلی منا خداحافظ همیشه وار آنایا احتیاجی اولادین حسینوی دور اوزون سال یولا خداحافظ ضریحسیز حرمین ائیلیور منی مدهوش جهاندا یوخد بیله شور و صفا خداحافظ #هوشمند #مدهوش #خروج از مدینه ✅ کانال مداح اهلبیت کربلایی روح الله بزرگی 👇👇 https://eitaa.com/rohollahbozorgi64

حضرت اباعبدالله الحسین علیه السلام اهل عشقین سویملی جانانی سنسن یا حسین عالمینین سرور و سلطانی سنسن یا حسین کوی عشقین تشنه لب قربانی سن سن یا حسین عدل و جودین چشمه جوشانی سن سن یا حسین بی ریا عاشقلرین رضوانی سن سن یا حسین گلشن پیغمبرین ریحانی سن سن یا حسین سن پیمبرزاده سن مُهر نبوت سنده دی رهنمای عشق سن نور ولایت سنده دی حضرت زهرا کیمی شوق عبادت سنده دی حیدرکرار تک عفو و شجاعت سنده دی مجتبی تک سائیله لطف و کرامت سنده دی عزتی حیران ائدن دونیانی سنسن یا حسین سن اورکلر شاهی سان، مهر و محبت سنده دی هر کیم آختارسا اگر شان و شرافت سنده دی هر ایکی دنیا بوتون خیر و سعادت سنده دی لطف حقدن نسل اطهار امامت سنده دی روح و جان و هیکلِ حقّ و حقیقت سنده دی کفر و ایمانین بیزه میزانی سنسن یا حسین سن شهید راه حق اولدون عدالت سنده دی مکتب ایثار و فرهنگِ شهادت سنده دی نیزه ده قانلی دوداقیله تلاوت سنده دی هم طریقت هم شریعت هم هدایت سنده دی درگهین دارالشفادی قانلی تربت سنده دی اهل دردین دردی هم درمانی سنسن یا حسین سن حبیب لم یزل سن خامس آلعبا شانیوه نازل اولوب ای شاه عالم هل اتی مسکنین کرب وبلادور رتبه ده عرش خدا کشتی امیدسن طوفاندا، مصباح الهدا بو مقدس نهضته انسانلار ائیلر اقتدا دهریده آزاده لیق عنوانی سنسن یا حسین جان فدا اولسون سنون افکاریوه معیاریوه عالمی حیران قویان پیکاریوه ایثاریوه کوی حقده باش و جانیدن دن گئچن انصاریوه کربلاده عرشه بنذر قبریوه زواریوه تشنه لب نهر اوسته شرمنده یاتان سرداریوه ساخلیان دونیا بویی قرانی سنسن یا حسین ظهر عاشورا اورک قانیندن آلدین دستماز سجده شکر ائتماقا معبوده آچدین جانماز باش یارا پیکر یارا گودالیده قیلدون نماز سوز عشقین سالدی قلب عالمه سوز و گداز درک ائدنمز عشقوی، اهل ریا ، اهل مجاز قانیله امضا ائدن پیمانی سنسن یا حسین #هوشمند به جمع ما بپیوندید 👇👇 https://eitaa.com/rohollahbozorgi64

قوتاردي كوفه غمي آیری غم یازیب خامه چكوبدی قافله عشقی ساربان شامه یوخيدي اذن بيري ائيله سین نوا يولدا يانان ياناردي غم و درده بيصدا يولدا كيمن صداسي اوجالسيدي ني كيمي بير آن ووراردی باشینه قمچیله اشقیا یولدا گیدیردی شامه طرف قافله پریشان حال يوخيدي قافیلیه بير غم آشنا يولدا نئجه چتیندی سفر، اولسا ساربان قاتل مگر اولاردی اورک غصه دن رها یولدا گئدیردیلر يولي گوزیاشلی ديل لري داغلي شهيد اولانلارا دوتموشدولار عزا يولدا یارالی باشلاریلا همدمیدی اهل حرم گئدوردی شامه طرف خویش و اقربا یولدا باخاندا حسرتیله نیزده اوغول باشینا ائدردی درد دل آهسته هر آنا یولدا باخیردی اهل حرم دمبدم حسین باشینا او باش ائدوردی اورک دردینه دوا یولدا اوشاق بیوک هامی مشتاقیدی تلاوتینه وئره اورکلره بیر رونق و صفا یولدا گئدوردی سرعتیله شامه عشق قافله سی واریدی جلوه آیات کبریا یولدا مسیریده دایانیب قافله یول اوستونده هامي تعجب ائدوب وار نه ماجرا يولدا تکان یئمیر داخی سر نیزه ده کسیک باشلار نقدر زور وئریر حامل جدا یولدا نه وار مگر حرکتدن دوشوب زمین زمان ائدیب حسین باشینا عالم اقتدا یولدا قویوبدی اهل جفانی بو امر حیرتده گزردی چاره بو اعجازه برملا یولدا خلاصه بیلمدی بیر کس بو سرّ عظمانی اولوب دی حضرت سجاد رهنما یولدا بویوردی قافله دن آیریلیب قالان واردی بابام نظاره ائدیر خردا قیزلارا یولدا چاغیردی بیر بیر آدیلا حرملری زینب گوروبدی وئرمدی سس نازلی بیر بالا یولدا یانیب یانان اورگی نی کیمی فغانه گلیب اولوب دوباره غم و درده مبتلا یولدا یانا یانا دیدی الله بالام هایاندا قالیب آدامسیزام نه ائدیم من گئدیم هارا یولدا بالام تاپولماسا دنیانی یاندریب یاخارام اولونجه ائیلییرم شیون و نوا یولدا گوروبله قافله لنگ اولدی قالدیلار ناچار مصمم اولدولا مشکل اولا روا یولدا ائدیبئله تاپماقا زجر ستمگری مامور گلن مسیری قیتدی او بی حیا یولدا تاپيب گتیردی نه حالدا او نازنین بالانی گلیب پیاده، ایاقلار اولوب یارا یولدا یئتیشدی قافلیه نیزیه طرف قاچدی يا نا يانا ديدي قالمیشدیم آی بابا يولدا یورولموشام منی لطفیله بیر دانیشدیر سن دئیوم گلیب باشیما هر نه ابتلا یولدا بابا گوزوندن ایراق گلمیشم پیاده یولی گتیردیلر منی قمچی ورا ورا يولدا بي بي مه بيرده سفارش ائله بو خونجگري کی سالماسین بئله گوزدن او با وفا يولدا اگر چی زحمتیمی چوخ چکیب خانیم عمه م محبتلیه ائدیب گوگلومی رضا یولدا یئتیرسه شامه منی زحمتیم تمام اولاجاق گر اولماسا گل عمریم بئله فنا یولدا یزیدی خوار ائله سم آرزومه من چاتارام همیشه لیک یومارام گوز خرابه ده یاتارام زمانه گر چه منی ائتدی درد و محنته توش خرابه شامیده دنیانی ائیلرم  #مدهوش #مدهوش #هوشمند ✳️ 🌿✳️🌿✳️🌿 ✳️ اللهم عجل لولیک الفرج🤲🤲 ✳️مقدمتان رابه این کانال پرمحتوا ✳️اشعار و مدیحه سرایی ✳️ علمی و فرهنگی ✳️بیان احادیث و احکام ✳️آیات وروایات ✳️ ومطالب ارزشمند دیگر گرامی می داریم 🌈💎💫 🙏🙏درنشرخوبی ها سهیم باشید و به دیگران هم ارسال کنید ✅✅#کانال مداح اهلبیت #کربلایی روح الله بزرگی 👇👇 https://eitaa.com/rohollahbozorgi64 کپی فقط باذکر منبع جایز میباشد👆