◾️🎤وفات حضرت خدیجه(س) ◾️◾️◾️◾️◾️◾️◾️◾️◾️ فاطمه جان مِ پلی هنیش که من رفتنیمه تره خوار خوار بَوِینِم دومِّه که دیگر دنیمه مِ دتر م چشه سو جان تو جان ت بابا باباره تنها نِیِلِّی الهی من ت فدا دارمبه شومبه ولی ت وسّه دلواپسمه وینِّی هیچکی ره ندارمبه چتی بی کسمه هیچ کسی م دورِ وَر دنیه ب غیر خدا خله هم شرمندومه فاطمه ت بابای جا شِ تمومِ هسّو نیسّه دینِ وسه هدامه ولی هم شرمنده پیغمبر وهم خدامه هدامه که دین پیغمبر بواشه پایدار هدامه تا راضی بواشه م جا پروردگار نگرون نیمه که دارمه شومه ندارمه کفن اتا کفنم نمونسّه که دپوشن م تن فاطمه مره خجالت انه پیغمبرجا خوامبه تو عوض من نواهش هکنی ونه جا بَووِی که ش دوش عباره وِ بجای کفن من ک بمِردِمه ش دسِّ جا دپوشه م تن اتا نگرونی هم دره م دل فاطمه جان وینی ک اجل بیمو مره ندنه امان ت وسِّه دلشوره دارمه نگرونمه دتر ویمّه که مدینه چ بلائی ایارنه ت سر تره ویمّه اتا روزمدینه بی پناه بونی روبرو با مردِم کافر وروسیاه بونی دنیمه فاطمه جان تا تره یاری هکنم ت پرستار بواشم ت غمگسار هکنم محسنی وسه ک پیغمبر دل بیه کباب ونه وسه داغ خدیجوئه داغ بی حساب ◾️◾️◾️◾️◾️◾️◾️◾️◾️ *آثار مداحی کربلایی میلادباباجانپور #مازنی @roze_daftari