ابن ملجم ایلدی ظلمنده طغیان یاعلى 🌾▪️✨🌾▪️✨🌾▪️✨ 🌾▪️🌾#ضربت خوردن حضرت امیر علیه السلام گریز به شهادت حضرت علی اکبر علیه السلام #مرحوم شعاع تبریزی . ابن ملجم ایلدی ظلمنده طغیان یاعلى اولدی ظلموندن خراب ارکان ایمان یاعلی . . صبح وقتنده مرادی اول خبیث نابکار قورخمیوب اللهیدن اؤز ظلمون ایتدی آشکار سجده دن باش قوزیاندا اول ولیّ کردگار اندیروب شمشیر زهر آلود برّان یاعلی . . بؤلدی بو ضربت على المرتضی عمّامه سین ایلدی تنظیم او ظالم کربلا برنامه سین سالدى افلاکه بو ظلمی وا علیّا ناله سن قدسیان اولدی بو غمده زار و گریان یاعلی . . سجده گهده اولدی منشق رأس پاکون جوریله سالدى جبریل عالمه شیون دل رنجوریله سسلنوب قتل العلیّ المرتضى مین شوریله بو صدا پخش اولدی ایتدی خلقی حیران یاعلی . . مسجده یوز قویدی اوُل دم آل هاشم یکسره انقلاب اولدی دیار کوفه دگدی بیر بیره اگلشوب اوغلون حسن اوُل دم برابرده یره باشوی آلدی دیز اوسته ذکر گویان یاعلی . . نازنین جسمون او یرده بیر گلیمه قویدولار دودمان رحمته بیر باش روانه اولدولار دوروی عبّاس وعون وفضل جعفر آلدیلار بیر طرفدنده حسینون دیده گریان یاعلی . . یادیمه دوشدی بو یرده یاعلی، اکبر غمی کربلاده خیمه گهده باشلاناندا ماتمی نالیه گتدی حسینون ناله سی بو عالمی اوندا که گوردی علینی قانه غلطان یاعلی . . #گریز #اکبریه_شهادت . داد او ساعتدن گوروب جسم علی اکبری پاره پاره دوغرانوب توپراقلار اوسته پیکری دوشدی طاقتدن دیزی اشگیله دولدی گوزلری خانۀ صبری حسینون اولدی ویران یاعلی . . یاعلی گوردی او یورقون یاره لی عطشان بالا سورتوری شبه پیمبر گل یوزون توپراقلارا میل ایدور اول نازنین گاهی صاقا گاهی صولا لخته لخته دولدوروبدور گوزلرین قان یاعلی . . بولمورم نه حاله قالدی نور عین مصطفا سینیه باسدی اوغول باشین شه گلگون قبا شه یوزون قویدی او قانلو عارضه ایتدی نوا وجه وجه الله او لوب قانیله الوان یاعلی

فایض اولدی فیض شهادته میر مومنان مرتضی علی 🍂🥀▪️🍃🍂🥀▪️🍃 #شهادت حضرت امیر علیه السلام #گریز #اکبریه_شهادت . 🔰#سبک_ساخلا_ناقه_می … . #مرحوم احمد پورعطا(خادم تبریزی) . فایض اولدی فیض شهادته میر مومنان مرتضی علی یخدی بیر یارا شیر داوری دوشدی نطقدن برملا علی . . اولدی بیر یارا ایله کارگر مظهرالعجایب دورانمادی کل مومنین قالدی بی پدر مظهرالعجایب دورانمادی گتدیلر گلیم ایچره محتضر مظهرالعجایب دورانمادی باشدا یاره سی یتدی قاشینه اختیار ایدوبدور بقا علی . . داد او ساعتیندن او سرورین گلدی باخدی نعمان یاراسینه آلدی دوره سین ایستینلری چوخ باخوردی گریان یاراسینه گوردی زهر کین ایلیوب اثر قالدی دلده حیران یاراسینه عرض ایدوب اگر وار وصیتون ساخلاما نهان قیل ادا علی . . زینبیله کلثوم ایشیتدیلر بیرده یوخ دواسی او یاره نون ناامید اولوب آل بوتراب باشلانوب نواسی او یاره نون یا علی هامی آغلیانلارون من اوزوم فداسی او یاره نون ایستورم اجازه رجوع ایدم باشدا یازدوقوم فرده یا علی . . بیر یارا ایلن سن دورانمادون قالمادی وجودونده اختیار بس نجه دورییدی جوان بالون کربلاده ای معدن وقار دوغراموشدی شام اهلی اکبرون قالماموشدی قلبینده اختیار بند بنددن آیریلوب تمام گل خزان اولوب گوئیا علی‌ . . بسکه یاره لر اولدی کارگر مظهر پیمبر دورانمادی عضو عضودن اولدی سر بسر مظهر پیمبر دورانمادی گتدولر عبا ایچره محتضر مظهر پیمبر دورانمادی گورمدی آناسین دوباره دن یولدا جان ویروب مه لقا علی . . خیمه گاهه سس دوشدی شاه دین اوغلونون گتوردی جنازه سین قتلگاهدن شاه مشرقین اوغلونون گتوردی جنازه سین چوخ تعجبم ئولمدی حسین اوغلونون گتوردی جنازه سین مشگل امردور ساق قالا آتا جان ویره ایله با وفا علی . . خیمه ده قیامت قیام ایدوب بولدولر او تازه جوان گلور عمّه سی سراسیمه باشدا ال وای اوغول دیور مو کنان گلور بیر آناسی لیلا گلنموری نعشی اوسته زلفون یولان گلور غش ایدوب دوشوب خیمه گاهده سس ویروردی نی تک نوا علی . . باغبان اولوب هاله ویردولار اوخشیوب هره بیر زبانیلن داده گل دییوبلر آتا علی گور اوزون علینی بو حالیلن اکبرین اولوب نعشی گلستان خیمه لر دولوب وا اخائیلن (خادمون )گوزی سنده دور تاپا مشگلی الونله دوا علی