ای اولان محراب ایچینده قانینه غلتان علی جان 🍁🍁🍁🍁🍁🍁 #🍃شهادت حضرت علی علیه السلام #حضرتی (ناعمی) . . ای اولان محراب ایچینده قانینه غلطان علی جان آیت عشقه باشوندا شیعه لر قربان علی جان ای شه مردان علی جان جان سنه قربان علی جان . . ای گؤزل آدین ملکلر ایلین ازبر سماده ذکر ائدن زهرا گول آدین هر قنوت و هر دعاده ایلین دنیانی حیران، محو اولان ذات خداده ماتمونده شیعیانون قلبی اولدى قان على جان . . آتمیش اوچ ایل حق یولوندا هر غم و هر درده دوزدون فتنۀ اشراره دوزدون، طعنۀ نامرده دؤزدون مهربان دلدارون ئولدی ظلمیلن اللرده دوزدون داغ زهرادن دمادم ایلدون افغان على جان . . سن مگر حیدر دگولدون؟ حجت داور دگولدون؟ عَمر کُش، مرحب ییخان یَل، فاتح خیبر دگولدون؟ خادم اسلام و قرآن، یار پیغمبر دگولدون؟ بیلمدی قدر و مقامون فرقۀ دونان على جان . . شیعه لر اولسون فدا اول قان اولان قلب رئوفه مین بهار اولسا بیرینده، سنسیز آچماز بیر شکوفه یاتما سن سیز غم ائوینده آج یاتار ایتام کوفه کیمدی سن سیز دردمندین دردینه درمان علی جان . . یاندیرار قلب جهانی آتشین دردون على جان غصه دن سیل سرشکی قانه دوندردون على جان چاه شاهد دور نقدری ناله ایلردون على جان بیلمدی هئچ کیمسه دردون ای مه تابان علی جان . . هارداسان ای مرتضانون دادخواهی؟ گل هرایه مرتضانون شیعیانی غرق اولوب درد و بلایه ابن ملجملر توکوللر خون مظلومی آرایه شیعه لر هر یئرده سسلر غصه دن هر آن على جان