حضرت صادق ایدوب ترک جهان یابن الحسن #صادقیه شهادت امام صادق علیه السلام . #سبک_زینبم_جان_اوستیم … 4 سبک  . حضرت صادق ایدوب ترک جهان یابن الحسن فاطمه گیمیش قرا ایلور فغان یابن الحسن . . دست ظلمیله خسوفه دو شموش اول بدر تمام رهبر شیرین سخن حیدر روش طاها مرام نوش ایدوب شهد شهادت حضرت صادق امام ایلیور معناده ناله آغلیور فخر الانام ناله ایلر غمدن اهل آسمان یابن الحسن . . ظلم منصور دنیدن ماه و اختر آغلاشور گلشن زهراده کی غنچیله گللر آغلاشور حضرت صادق غمینده آل حیدر آغلاشور اهل معنا سس چکور بو غمده یکسر آغلاشور اشک آلور گوزدن بو غمده قدسیان یابن الحسن . . صادق آل عبا اولموش جهان پیرایه سی فرق دنیایه دوشوب اول فخر عالم سایه سی علم مولامیزدی بو عالمده علمین پایه سی کنز علمین گوهر ارزنده سی سرمایه سی پیکر دانش تاپوب صادقله جان یابن الحسن . . دانش مولایه اهل عالم ایلر افتخار وارث علم نبی دور چون بو سرو سایه دار گور میوبدی مثلینی عالمده چشم روزگار شهریار ملک حقدی مذهبه بنیانگذار جسم قرآنه اولوب روح و روان یابن الحسن . . گور نجه قرآنیدن بو دهریده امداد ایدیب قید ظلم و جهلیدن بو عالمی آزاد ایدیب علم و دانش آختاران انسانلاری دلشاد ایدیب فرصت کوتهده دورت مین تربیت استاد ایدیب تک تکی اولموش بو گون فخر جهان یابن الحسن . . نور چشم مرتضی فرزند زهرای بتول عالم و آدم ایدور مولامیزین علمین قبول کوکب حقه سپهر حقیده اولماز افول آدلانوب شیخ الائمه بو گل باغ رسول مفخر دور زمان فخر جنان یابن الحسن . . دین و قرآن ملکینه مولادی عالمده امیر سینه سینده موج ایدیب علم خداوند قدیر باش اگیبدور علمینه بو دهریده خرد و کبیر علم و دانشده امام صادقه یوخدی نظیر باش اگر مولایه علم هر زمان یابن الحسن . . هر نقدر استادیلر ئوز علمینی تعلیم ایدر یا که دانشگاهیلر دانشلرون تنظیم ایدر جعفر صادق امامی شوقیله تفخیم ایدر حضرت صادق قباقینده گلوب تعظیم ایدر هر زمان علمی اولور علم جوان یابن الحسن . . 🌺🌺🍃🍃🌺🌺🌺🍃🍃

صادق آل عبا چون ایلیوب رحلت بوگون شهادت امام صادق (ع) . #سبک_زینبم_جان_اوستیم … 4 سبک  . حاج روح الله رمضانی . صادق آل عبا چون ایلیوب رحلت بوگون دوندروبدی عالمون قلبین قانا محنت بوگون غم یاغور گویدن یره آغلارام اول سروره . . نصف شب رازو نیاز ئوستیدی اول مظلوم امام قویمادیلار لااقل رازو نیاز اولسون تمام ائتمدی ابن ربیع بی کس امامه احترام باشه قویمادی عمامه باغلاسین حضرت بوگون . . چون اونا دستور وئردی بیر پلیدو بی حیا یعنی منصور جفا جو خصم ذات کبریا قویمادی حتی عمامه باشینه حضرت قویا ایلرم ابن ربیعه دمبدم لعنت بوگون . . قصر منصوره گجه یاری امام اولدی روان حضرتین احوالینه آغلوردی گویده قدسیان گوش جانه ایندیده گویدن گلور صوت فغان سنده وئر ای شیعه اشک ماتمه رخصت بوگون . . بو غم عظماده ای شیعه ملکلر آغلیور حضرت خیرالبشر یعنی پیمبر آغلیور عدنیده یاسه باتوب زهرای اطهر آغلیور حضرت زهرایه غم خانه اولوب جنت بوگون . . جنت اهلی ایلیولر بو عزاده زمزمه داشدا اولسا گر اورک تاب ایلیینمز بوغمه باغلیوبدی باشینه قاره عزالی فاطمه ایلسون بل سیندیران درده نجه طاقت بوگون . . ختم پیغمبر اولوب زارو پریشان عدنیده قلبینی تیر مصائب ایلیوب قان عدنیده اگنینه قاره گیوب ختم رسولان عدنیده صادقه یاس ساخلیوب پیغمبر رحمت بوگون 🌾🍀🌾🍀🌾🍀🌾🍀🌾🍀🌾🍀

آغلیور پیغمبر خاتم بو گون مغموم اولوب شهادت حضرت امام جعفر صادق (علیه السلام) . #سبک_زینبم_جان_اوستیم … 4 سبک . مرحوم حاج حسین علیزادگان (شاکر تبریزی) . آغلیور پیغمبر خاتم بو گون مغموم اولوب صادق آل محمد ظلمیله مسموم اولوب . . آل سفیان ایلمیشدی دینه ظلم بیشمار ظاهرا آئینه اسلامی دوتموشدی غبار حضرت صادق ایدوبدور اول غباری برکنار بو مراحلده نه اندازه دئسن مهموم اولوب . . گه زمان نصف شب منصور احضار ایلدی ناروا تهمتلر اول بی شرم اظهار ایلدی ایلدی تهدید قتلیله چوخ آزار ایلدی نازنین قلبی همان ایذائیله مصدوم اولوب . . نچه ایل تبلیغ ایدوب چکدی بویوک زحمتلری تا منور قیلدی تدریسیله شرع انوری تا بو گون اقطاری تسخیر ایتدی رسم جعفری ایله که آئین پاکی عالمه معلوم اولوب . . شیعه تک قبر شریف مجتبی پوزقون دگل قبر پاک حضرت صادقده چون پژمرده گل منظری نسگیلّیدی پژمرده بار غمدی بل هم حیات و هم مماتینده ایله مظلوم اولوب . . وار یری اسلامیان بو قصّه دن قان آغلاسون نوحه ایتسون شیون و آهیله ماتم ساخلاسون پرچم غم نصب اولونسون باشه قاره باغلاسون چون بو گون اسلامی ترویج ایلین مسموم اولوب . .🌾🌾🌾🌾🌾🌾🌾🌾🌾🌾🌾

﷽ ای بقیع ای غملی قبرستان سلام اولسون سنه #بقیع_حضرتی_ناعمی ➖➖➖➖➖➖ ➖➖➖➖➖ بقیع . . *علیرضا حضرتی ( ناعمی )* . ای بقیع! ای غملی قبرستان سلام اولسون سنه ای جفادن جنّت ویران! سلام اولسون سنه . وار اوزاق یولدان سنه عرض سلامی شیعه‌نون تؤپراقوندا دفن اولوبدی دورد امامی شیعه‌نون محنتوندن قالمیوب صبر و دوامی شیعه‌نون سسلنور با دیدۀ گریان سلام اولسون سنه . ای بقیع! سن خاک غم‌سن، سن محن دریاسی‌سن بیت الأحزان‌سان، علی‌نون شاهد غوغاسی‌سن اهل عشقین کعبۀ آمالینون معناسی‌سن شیعه هر یئردن دئیر، هر آن سلام اولسون سنه . شیعه‌نی ویرانه اولماقون چتین درده سالوب طاقت و آرامینی آل سعود الدن آلوب دورد پؤزولموش قبر پرغم گون قباقینده قالوب ماسواللهی ائدوب نالان سلام اولسون سنه . ای‌بقیع! وار سنده دورد جور و جفانون خسته‌سی دورد پیمبر سئوگولی، دورد دلبر وارسته‌سی دورد امامین یوخ ولی بیر گنبد و گلدسته‌سی بو ملال و محنته قرب ... ➖➖➖➖➖➖ 👈 متن کامل در سایت ... https://zobdatolashaar.ir/?p=5305 . برچسبها: #ای_بقیع_ای_غملی_قبرستان_سلام_اولسون_سنه #بقیع #بقیع_حضرتی_ناعمی #ترکی #حضرتی_ناعمی #زبدةالاشعار #سبک_زینبم_جان_اوستیم